Sofoníi 2:6 - MAWUXÓWÉMA

⁶ Ayǐkúngban towe e ɖo xutó lɛ́ɛ ná húzú amagbo nú kanlin lɛ́ɛ. Fínɛ́ wɛ lɛ̌ngbɔ́nyitɔ́ lɛ́ɛ ná nɔ́ kplá kanlin yětɔn lɛ́ɛ yi amagbo mɛ ɖe, bó ná bló kpó nú kanlin yětɔn lɛ́ɛ ɖó fínɛ́.”

Sofoníi 2:6 Iomraidhean Croise

Ezayíi 17:2

Toxo Alowɛ́ɛ tɔn lɛ́ɛ ɔ́, è nǎ ɖe alɔ sín yě wǔ káká sɔ́yi. Toxo énɛ́ lɛ́ɛ ná húzú kanlin lɛ́ɛ tɔn; kanlin lɛ́ɛ ná nɔ́ wá dɔ́ toxo énɛ́ lɛ́ɛ mɛ, bɔ mɛ ɖěbǔ ná dó tagba nú yě ǎ.

Ezayíi 5:17

Gbɔ̌ lɛ́ɛ ná wá ɖu ama ɖo nǔ e gúdú ɖo toxo ɔ́ mɛ lɛ́ɛ mɛ, amagbo mɛ wɛ yě ɖe ɖɔhun, gbɔ̌ví e è ɖo nǔɖuɖu ná wɛ ganjí lɛ́ɛ lɔ ná wá ba nǔɖuɖu yětɔn ɖo fínɛ́.

Ezayíi 7:25

Mɛ ɖěbǔ ná glá yi só kpɛví kpɛví e è nɔ zé alǐn dó lɛ ná é ta ǎ, ɖó è nǎ ɖo wun kpó kpɔvɛwun kpó hɔn ná wɛ; è nǎ jó fí énɛ́ lɛ́ɛ dó nú nyibú lɛ́ɛ kpó gbɔ̌ lɛ́ɛ kpó.

Jelemíi 33:12

Xó e Mawu Mavɔmavɔ Nǔbǐwúkpétɔ́ ɖɔ é ɖíe: “To élɔ́ e jɛ vɔ̌, bɔ è ma sɔ́ nɔ́ mɔ gbɛtɔ́ kpó kanlin kpó ɖěbǔ ɖe ǎ é mɛ jɛ́n è nǎ lɛ́ mɔ kanlinnyitɔ́ lɛ́ɛ ɖe, bɔ yě ná nɔ́ kpé nukún dó lɛ̌ngbɔ́ yětɔn lɛ́ɛ kpó gbɔ̌ yětɔn lɛ́ɛ kpó wú zǎn mɛ.

Ezekiyɛ́li 25:5

Un ná sɔ́ Hlaba, tota ɔ́ dó húzú amaɖutɛn nú lǎkúnmí lɛ́ɛ; Amumɔ́ɔ ví lɛ́ɛ sín to ɔ́ bǐ ná húzú gbɔ̌ kpó. Énɛ́ ɔ́, mi ná tunwun ɖɔ nyi wɛ nyí Mawu Mavɔmavɔ.