Sofoníi 2:5 - MAWUXÓWÉMA

⁵ Heelú mi mɛ e gosín Kafutɔ́ɔ bó wá cí xutó lɛ́ɛ. Mawu Mavɔmavɔ ɖó hwɛ nú mi bo ɖɔ: “Kanáa, to Filisitɛ́ɛn lɛ́ɛ tɔn, un ná vívá kún nú we; a sɔ́ ná ɖó toví ɖěbǔ ǎ.

Sofoníi 2:5 Iomraidhean Croise

Ezayíi 14:29

Filisitɛ́ɛn lɛ́ɛ e mi, è wɛ̌n kpo e è nɔ dó xo mi ná lɛ́ɛ é có, xomɛ ní má hun mi ɖó mɔ̌ wú ó, ɖó dan ɖěvo ná tɔ́n sín dan kúkú ɔ́ sín xomɛ, bó ná lɛ́ ɖó aɖǐvɛ́ hú ɖě ɔ́, bɔ dan ɖaxó e nɔ zɔn é ná tɔ́n sín azin e é ɖó ɔ́ mɛ.

Ezayíi 14:30

Énɛ́ ɔ́, mɛ e nyí wamamɔnɔ gǔdo tɔn ɔ́ ná mɔ nǔ ɖu kanlin e ɖo amagbo mɛ é ɖɔhun. Mɛ e ma ɖó mɛɖé ǎ lɛ́ɛ sín ayi ná jɛ ayǐ bɔ yě ná vo. Amɔ̌, mi Filisitɛ́ɛn lɛ́ɛ ɔ́, un ná sɔ́ adɔ dó vɔ donu mitɔn bǐ, mɛ mitɔn e ná kpo ɖo gbɛ lɛ́ɛ ɔ́, un ná hu yě bǐ.

Jelemíi 47:7

Nɛ̌ é ná gbɔjɛ́ gbɔn? Mawu Mavɔmavɔ wɛ ɖɔ nǔ e é ná wa lɛ́ɛ n'i, bó sɛ́ ɛ dó xutó, bó sɛ́ ɛ dó Acikelɔ́ni. Mawu wɛ sɛ́ ɛ dó.”

Ezekiyɛ́li 25:16

Énɛ́ wú ɔ́, xó e nyɛ Aklúnɔ Mavɔmavɔ ɖɔ ɔ́ ɖíe: Un ná ɖe hlɔ̌nhlɔ́n ce xlɛ́; un ná hu Keletyɛn e wá ɖo xutó lɛ́ɛ, un ná zɔ́n bɔ è nǎ hu mɛ e kpo bó cí xutó lɛ́ɛ bǐ.

Amɔ́si 3:1

Izlayɛ́li ví lɛ́ɛ mi, mi mɛ e nyí hɛ̌nnu e Mawu Mavɔmavɔ ɖe tɔ́n sín Ejípu lɛ́ɛ bǐ, mi ɖótó xó élɔ́ e Mawu Mavɔmavɔ ɖɔ dó mi wú é!

Amɔ́si 5:1

Izlayɛ́linu lɛ́ɛ mi, mi ɖótó xó e ɖɔ gbé un ja é: gbɛvíhan ɖé wɛ un dó ɖó ta mitɔn mɛ.

Sofoníi 1:11

Mi mɛ e ɖo Makitɛ́ci slǎ mɛ, ɖo Jeluzalɛ́mu lɛ́ɛ e mi, mi bǐ ní wɛn azɔn, ɖó ajɔ̌tɔ́ lɛ́ɛ bǐ ná kú; è nǎ vívá akwɛ́ɖyɔ́tɔ́ lɛ́ɛ bǐ sín kún.

Sofoníi 3:6

Mawu Mavɔmavɔ ɖɔ: “Un sú akɔta gěgé sín kún, un gba mɛcɔ́tɔ́xɔ lɛ́ɛ. Ali e gbɔn toxo yětɔn lɛ́ɛ mɛ lɛ́ɛ bǐ jɛ vɔ̌. Un gba toxo yětɔn lɛ́ɛ bǐ; gbɛtɔ́ ɖěbǔ sɔ́ nɔ gbɔn toxo lɛ́ɛ mɛ dín ǎ; mɛ ɖěbǔ sɔ́ ɖo toxo lɛ́ɛ mɛ ǎ.

Zakalíi 1:6

É ká ɖo mɔ̌ có xó ɖěɖě un ɖɔ gbɔn mɛsɛntɔ́ ce gbeyíɖɔ lɛ́ɛ jí é, kpódó nǔ e un zɔ́n yě lɛ́ɛ kpó ɔ́, tɔ́gbó mitɔn lɛ́ɛ wá mɔ nǔ jɛ mɛ, bó húzú ninɔmɛ. Yě wá tunwun ɖɔ lě e un ɖɔ gbɔn ɔ́ wɛ nyi wa nǔ xá émí gbɔn; lě e gbɛ e zán wɛ émí ɖe ɔ́ kpódó nǔ e émí wa lɛ́ɛ kpó byɔ́ gbɔn ɔ́ wɛ nyɛ Mawu Mavɔmavɔ ɔ́ wa nǔ xá émí gbɔn.’ ” Mawu Mavɔmavɔ wɛ ɖɔ mɔ̌.

Maki 12:12

Jwifu lɛ́ɛ sín gǎn lɛ́ɛ ka ɖo biba ná wlí Jezu wɛ; ɖó yě mɔ gannaganna ɖɔ émí nyi mǎ wɛ é ɖe gbɔn lǒ e é dó ɔ́ mɛ; lo ɔ́, yě ɖo xɛsi ɖi nú togun ɔ́ wɛ bó gbɔ bó jó e dó bó yi.

Jozuwée 13:2

Fí e kpo bɔ a nǎ yí lɛ́ɛ ɖíe: a nǎ yǐ Filisitɛ́ɛn lɛ́ɛ kpó Gɛcúunu lɛ́ɛ kpó sín to.

Jozuwée 13:3

To énɛ́ ɔ́ bɛ́ sín Cixɔ́ɔ tɔ ɔ́ kɔn ɖo Ejípu dogbó ɔ́ kɔn ɖo afɔligbé, káká yi Eklɔ́ni dogbó ɔ́ kɔn ɖo taligbé. Ayǐkúngban énɛ́ ɔ́, Kanáanu lɛ́ɛ tɔn wɛ, bɔ gǎn Filisitɛ́ɛn lɛ́ɛ tɔn atɔ́ɔ́n kpó Awanu lɛ́ɛ kpó ka klá jɛ nu. Gǎn énɛ́ lɛ́ɛ nɔ́ nɔ Gaza, Acidɔ́di, Acikelɔ́ni, Gati kpó Eklɔ́ni kpó,

Hwɛɖɔtɔ́ 3:3

Yě mɛ e é jó dó nyi to ɔ́ mɛ lɛ́ɛ wɛ nyí mɛ e ɖo Filisitɛ́ɛn lɛ́ɛ sín axɔ́súɖuto atɔ́ɔ́n lɛ́ɛ mɛ lɛ́ɛ, Kanáanu lɛ́ɛ bǐ, Sidɔ́ɔnnu lɛ́ɛ kpódó Hivíti e nɔ́ nɔ Libáan sókan mɛ lɛ́ɛ kpó, sín Baalu-Ɛmɔ́ni só ɔ́ kɔn káká yi Lɛbo-Hamáti lɛ́ɛ.

1 Samuwɛ́li 30:14

Mǐ wɛ yi fun ahwan ɖo Keleti lɛ́ɛ sín tofɔligbé, bó fun ɖo Judáa ví lɛ́ɛ sín tofɔligbé, bó fun ɖo Kalɛ́bunu lɛ́ɛ sín tofɔligbé lobo dó Siklági toxo ɔ́ zo.”