Sofoníi 2:3 - MAWUXÓWÉMA

³ Mi lɛ́ kɔ wá Mawu Mavɔmavɔ gɔ́n, mi mɛ e zé miɖée hwe ɖo to ɔ́ mɛ lɛ́ɛ; mi mɛ e nɔ se tónú nú sɛ́n tɔn lɛ́ɛ mi, mi ba Mawu Mavɔmavɔ mɔ. Mi wa nǔ jlɔ́jlɔ́, mi zé miɖée hwe ɖo Mawu nukɔn. Afɔ nyɔ́ ɔ́, mi sixú gán gbe e gbe xomɛsin Mawu Mavɔmavɔ tɔn ná wá é.

Sofoníi 2:3 Iomraidhean Croise

2 Samuwɛ́li 12:22

Bɔ é yí gbe nú yě ɖɔ: “Hwenu e vǐ ɔ́ kpo ɖo gbɛ ɔ́, un nɔ ɖo nu blá wɛ, bó nɔ ɖo avǐ ya wɛ, ɖó un nɔ ɖɔ: ‘Nǔ ce to ná blá wǔ nú Mawu Mavɔmavɔ bɔ é na jó vǐ ɔ́ dó nyi gbɛ hǔn mɛ̌ ká tunwun.’

Ɖɛhan 105:4

Mi hɔn yi su Mawu Mavɔmavɔ; Mawu Mavɔmavɔ ɖó hlɔ̌nhlɔ́n. Mi nɔ ba ná nɔ kpɔ́ xá ɛ hwebǐnu.

Ɖɛhan 149:4

Đó nǔ nɔ́ víví nú Mawu Mavɔmavɔ ɖo togun tɔn mɛ. É nɔ́ ná ɖuɖéjí mɛ e è sɔ́ xo kɔ́ lɛ́ɛ bó nɔ́ dó sɔ́ yě su.

Ɖɛhan 22:26

Mawu, togun towe kplé ɔ́, hwi wɛ un ná nɔ́ kpa susu ná. Un ná ɖe akpá e un dó nú we lɛ́ɛ, ɖo mɛ e nɔ sí we lɛ́ɛ nukɔn.

Ɖɛhan 31:20

Mawu Mavɔmavɔ, mɛ e ɖo gbejí nú we lɛ́ɛ ɔ́, xomɛ e a nɔ nyɔ́ dó yě wú é d'agba mɛ nya! Mɛ e nɔ hɔn wá su we lɛ́ɛ ɔ́, xomɛnyínyɔ́ e a nɔ ɖe xlɛ́ yě ɖo gbɛtɔ́ lɛ́ɛ bǐ nukɔn ɔ́ d'agba lóóo!

Ɖɛhan 45:4

Ahwanfuntɔ́ akowunká, sɔ́ hwǐ towe blá, hwǐ towe wɛ nɔ́ ɖe susu towe xlɛ́, é wɛ nɔ́ ɖe lě e a nyɔ̌ kpɔ́n gbɔn é xlɛ́.

Ɖɛhan 57:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. È sɔ́ xó lómílómí dó han mɛ. Davídi sín han wɛ. È nɔ ji dó han e è nɔ ylɔ́ ɖɔ “Ma hɛn nǔ gblé ó” é sín hangbe mɛ. Hwenu e Sawúlu ɖo Davídi nya wɛ, bɔ é yi hɔn hwlá cí sónu mɛ ɔ́ wɛ é ji.

Ɖɛhan 76:9

A nɔ jǐxwé dɔ̌n bó gbo hwɛ sɛ́ dó, a gbo hwɛ bɔ mɛɖé sɔ́ sixú dó fɛn kpá ǎ, ɖó ayǐkúngban ɔ́ bǐ wɛ ɖo xɛsi jí

Ɖɛhan 91:1

Mɛ e hɔn yi su Mawu Ajalɔ̌nlɔn ɔ́ nɔ́ mɔ fí ɖagbe bó nɔ́ gbɔjɛ́ ɖe; é nɔ́ gbɔjɛ́ ɖo Mawu Nǔbǐwúkpétɔ́ ɔ́ sín yɛtɛn.

Tíntɔ́n 12:27

mi ná yí gbe nú yě ɖɔ: ‘Vɔ̌ e mǐ nɔ sá nú Mawu Mavɔmavɔ ɖo Dǐndínwáyixwe ɔ́ hwenu ɔ́ wɛ. Hwenu e mǐ mɛ Izlayɛ́li ví lɛ́ɛ ɖo Ejípu ɔ́, Mawu Mavɔmavɔ dɔn tó nú Ejípu to ɔ́; lo ɔ́, é gbɔn xwé mǐtɔn lɛ́ɛ nukɔn dín bó hwlɛ́n xwédo mǐtɔn lɛ́ɛ gán.’ ” Ée Mɔyízi ɖɔ xó fó ɔ́, Izlayɛ́li ví lɛ́ɛ jɛ kpo bó ɖe kɔ́.

Nǔnywɛ́xó 18:10

Mawu Mavɔmavɔ ɔ́, ahohó wɛ é nyí; hwɛjijɔnɔ nɔ bɛ ta ɖo glɔ̌ tɔn bó nɔ́ gló nǔ.

Ezayíi 1:17

Mi kplɔ́n nǔ ɖagbe wiwa, mi nɔ xwedó hwɛjijɔ; mi gbɛ́ nǔ nú mɛ e ɖo mɛ táfú wɛ ɔ́, mi wa nǔ ɖó sɛ́nxwi jí xá tɔ́cyɔvǐ, mi jɛ ahwan asúkúsi jí.”

Ezayíi 11:4

É nɔ́ dó hwɛjijɔ nú wamamɔnɔ; hwɛjijɔ wɛ é nɔ́ xwedó dó ɖɔ hwɛ xá mɛ e ma ɖó mɛɖé ǎ é; xó tɔn cí kpo ɖɔhun, bɔ é ná dó xo to ɔ́, xó e ná tɔ́n sín nu tɔn mɛ ɔ́ wɛ ná hu mɛdídá.

Ezayíi 61:1

Yɛ Aklúnɔ Mavɔmavɔ tɔn ɖo jǐ ce, ɖó Mawu Mavɔmavɔ wɛ sɔ́ mì ɖó vo; é sɛ́ mì dó ɖɔ má yi dó wɛn ɖagbe ɖé wamamɔnɔ lɛ́ɛ, má yi hɛn sɔ mɛ e ɖo wǔvɛ́ mɔ wɛ ɖo ayi mɛ lɛ́ɛ, má yi ɖɔ nú kannumɔ lɛ́ɛ ɖɔ yě jɛ yěɖée sí, má yi ɖɔ nú gantɔ́ lɛ́ɛ ɖɔ è jó yě.

Jelemíi 39:18

Nǔgbó wɛ, un ná hwlɛ́n we ɖo kú sí, bɔ a nǎ gán bó ná nɔ gbɛ, ɖó a ɖeji dó wǔ ce. Xó e nyɛ Mawu Mavɔmavɔ ɖɔ ɔ́ nɛ́.’ ”

Jelemíi 45:5

bɔ hwɛ ɔ́, a ka ɖo nukúnkɛn dó wɛ. Ma blɛ́ hwi ɖé e ó, ɖó awě e ná sɛ́ dó wɛ un ɖe ɔ́ ná xásá nǔ e ɖo gbɛ ɔ́ ɖěbǔ ɖó ǎ. Amɔ̌, un ná hwlɛ́n gbɛ towe gán ɖo awě énɛ́ lɛ́ɛ bǐ mɛ, ɖo fí e a nǎ gbɔn lɛ́ɛ bǐ. Xó e nyɛ Mawu Mavɔmavɔ ɖɔ ɔ́ nɛ́.’ ”

Ezekiyɛ́li 13:5

Yě yi bló fí e ahohó ɔ́ mu ɖe lɛ́ɛ ɖó ǎ; yě mɛ dǒ lɛ́ lɛ̌ dó mi, bónú mi ná gló ahwan azǎn e gbe Mawu Mavɔmavɔ ná dɔn tó nú mi é ǎ.

Ozée 10:12

Mi dó wǎn yíyí ɔ́, mi ná ya gbejíninɔ. Mi xo gle yɔ̌yɔ́ ɖé nú miɖée: hwenu su bɔ mi ná ba nyɛ Mawu Mavɔmavɔ ɔ́ káká jɛ hwenu e un ná wá kɔn hwlɛngán ɔ́ nyi mi jí dó é.

Ozée 7:10

Go e yí wɛ togun Izlayɛ́li tɔn ɔ́ ɖe ɔ́ kó ɖe nǔ e é nyí ɔ́ xlɛ́. Yě lɛ́ kɔ wá Mawu Mavɔmavɔ, Mawu yětɔn ɔ́ gɔ́n ǎ. Nǔ énɛ́ lɛ́ɛ bǐ jɛ có, yě ɖo biba ɛ wɛ ǎ.

Jonási 3:9

Afɔ nyɔ́ ɔ́, Mawu ná húzú gbe, bó ná jó xomɛsin dó bɔ mǐ sɔ́ ná dɔn ǎ.”

Zakalíi 8:19

“Un ɖo ɖiɖɔ nú mi wɛ ɖɔ nu e mi nɔ blá ɖo sun ɛnɛgɔ́ ɔ́, sun atɔ́ɔ́ngɔ́ ɔ́, sun tɛ́nwegɔ́ ɔ́ kpódó wǒgɔ́ ɔ́ kpó mɛ xwewú xwewú ɔ́, bɛ́ sín din ɔ́, yě ná húzú xwe ɖaxó ɖaxó nú Judáa togun ɔ́, bɔ yě ná nɔ́ hun xomɛ, bó ná nɔ j'awǎ tawun. “Amɔ̌, mi ní nɔ́ ba nǔgbó ɖiɖɔ kpódó fífá kpó.”

Matíe 5:5

Nǔ nyɔ́ nú mɛfífá lɛ́ɛ, ɖó ayǐkúngban ɔ́ na nyí yětɔn!

1 Tɛsalonikinu 4:1

Bó ná dó fó ɔ́, nɔví lɛ́ɛ mi, mǐ kó kplɔ́n lě e mi ná zán gbɛ mitɔn gbɔn, bɔ é ná nyɔ́ Mawu nukún mɛ ɔ́ mi, bɔ mi ka ko ɖo blǒbló gbɔn jí wɛ. Nǔ e kpo bɔ mǐ ná ɖɔ nú mi din ɔ́ ɖíe: mǐ ɖo byɔ̌byɔ́ mi wɛ, bó ɖo vo sa nú mi wɛ ɖo Aklúnɔ Jezu nyǐkɔ mɛ ɖɔ mi ní nɔ zán gbɛ mitɔn, bónú é ní lɛ́ nyɔ́ d'é jí hú mɔ̌.

1 Tɛsalonikinu 4:10

Wǎn yíyí énɛ́ wɛ mi ɖó nú nɔví lɛ́ɛ gbɔn Masedwani to ɔ́ bǐ mɛ. Amɔ̌, nɔví lɛ́ɛ mi, mǐ lɛ́ ɖo byɔ̌byɔ́ mi wɛ ɖɔ wǎn yíyí énɛ́ ní nɔ lɛ́ jɛjí ayǐhɔ́ngbe ayǐhɔ́ngbe.

1 Piyɛ́ɛ 1:22

Mi se tónú nú nǔgbó ɔ́, bó dó slá wǔ nú miɖée, bó ná dó yí wǎn titewungbe nú nɔví mitɔn ɖo nǔɖiɖi mɛ lɛ́ɛ. Hǔn, mi bo yí wǎn ɖaxó nú miɖée kpó ayixa mitɔn bǐ kpó.

1 Piyɛ́ɛ 3:4

Lo ɔ́, acɔ́ xomɛ tɔn wɛ mi ná nɔ́ ba; acɔ́ énɛ́ nɔ cá ǎ; é wɛ nyí fífá kpó vivo ɖo ayi mɛ kpó; acɔ́ énɛ́ wɛ xɔ akwɛ́ ɖaxó ɖo Mawu gɔ̌n.

2 Piyɛ́ɛ 3:18

Lo ɔ́, mi ní ɖo Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn ɔ́ tunwun d'é jí wɛ, bó ɖo fɛ́nú tɔn tunwun d'é jí wɛ. Susu n'i sín din káká sɔ́yi mavɔ mavɔ. Amǐ.