Sofoníi 2:2 - MAWUXÓWÉMA

² É má nyí mɔ̌ ǎ ɔ́, xomɛsin ɖaxó Mawu Mavɔmavɔ tɔn sín azǎn ɔ́ ná wá su mi dó. Mi byɔ́ miɖée mɛ, é má nyí mɔ̌ ǎ ɔ́, mi ná wá cí nǔywɛ́ ɖɔhun, bɔ jɔhɔn ná fúnfún kpé gbe énɛ́ gbe. Mi yá wǔ, é má nyí mɔ̌ ǎ ɔ́, xomɛsin Mawu Mavɔmavɔ tɔn ná jɛ te.

Sofoníi 2:2 Iomraidhean Croise

Jɔ̌bu 21:18

Jɔhɔn zé yě nǔywɛ́ ɖɔhun, bɔ mǐ mɔ kpɔ́n a? Axásáxásá jɔhɔn dó alɔ yě mɛ, afúntúntún ɖɔhun bɔ mǐ mɔ kpɔ́n a?

Ɖɛhan 1:4

Amɔ̌, mɛdídá lɛ́ɛ ɔ́, yě tɔn ka nɔ́ nyí gbɔn mɔ̌ ǎ. Yědɛɛ lɛ́ɛ cí wɔn e mɛ jɔhɔn dó alɔ, bó ɖo fúnfún fúnfún kpé wɛ ɔ́ ɖɔhun.

Ɖɛhan 2:12

Mi sɔ́ vǐ ɔ́ su, é má nyí mɔ̌ ǎ ɔ́, Mawu Mavɔmavɔ ná sin xomɛ. Mi sɔ́ ɛ su, é má nyí mɔ̌ ǎ ɔ́, mi táá kú vawun. Đó é nɔ́ lín sin xomɛ ǎ. Nǔ nyɔ́ nú mɛ e nɔ bɛ ta ɖo glɔ̌ tɔn lɛ́ɛ bǐ.

Ɖɛhan 50:22

Mi mɛ e nɔ wɔn nyɛ Mawu lɛ́ɛ ɔ́, nǔ e mi ná tunwun é nɛ́, é má nyí mɔ̌ ǎ ɔ́, un ná vúnvún mi, mɛ e ná yí mi sín así ce ɔ́ ná ɖe ǎ.

Ezayíi 17:13

Yě ɖo zǐngídi jí bɔ a nǎ ɖɔ tɔsisa ɖaxó ɖaxó lɛ́ɛ wɛ ɖo adǎn jí. Lo ɔ́, hwenu e Mawu ná sí te dó yě jí ɔ́, yě ná hɔn yi zɔ nǔywɛ́ e mɛ jɔhɔn d'alɔ sín só jí bó sɔ́yi é ɖɔhun, yě ná yi zɔ afúntúntún e mɛ axásáxásá jɔhɔn d'alɔ é ɖɔhun.

Jelemíi 23:20

Xomɛ e sin Mawu Mavɔmavɔ ɔ́ ɖo na fá wɛ ǎ. É ná fá káká cóbónú é ná wa nǔ e lɛ́n wɛ é ɖe é ǎ. Mi ná mɔ nǔ jɛ nǔ énɛ́ lɛ́ɛ bǐ mɛ gbe ɖokpó.”

Jelemíi 4:4

Judáanu e mi! Jeluzalɛ́munu e mi! Mi ko gbo ada, amɔ̌, ada e mi gbo ɔ́ ní wa azɔ̌ ɖo ayi mitɔn lɔ wú, bónú mi jó gbɛ mitɔn bǐ dó nú mì. É má nyi mɔ̌ ǎ ɔ́, xomɛsin ce táá wá xɔ myɔ ɖɔhun. É ná xɔ myɔ ɖɔhun bɔ cící ná gló, ɖó lě e dǎka e mi xo lɛ́ɛ syɛ́n sɔ é wú.”

Gbɛvíhan 4:11

Xomɛsin e jí Mawu Mavɔmavɔ ɖe ɔ́, é zé dó wa nǔ xá togun ɔ́ bɔ é jɛ mɛ n'i; é flɔ́ myɔ ɖaxó ɖokpó ɖó Sinyɔ́ɔ, bɔ toxo ɔ́ ji zo káká bɔ dodó tɔn lɛ́ɛ fyɔ́.

Ezekiyɛ́li 12:25

Ɖó nyɛ Mawu Mavɔmavɔ ɔ́, un ná ɖɔ xó, bɔ nǔ e un ná ɖɔ ɔ́ ná jɛ; é ná gblá ǎ. Nǔgbó wɛ, mi mɛ tónúmasetɔ́ élɔ́ lɛ́ɛ ɔ́, gbɛ hwenu mitɔn wɛ nǔ e un ɖɔ dó mi wú lɛ́ɛ ná jɛ. Nyɛ Aklúnɔ Mavɔmavɔ wɛ ɖɔ mɔ̌.”

Ozée 13:3

Énɛ́ ɔ́ wú wɛ yě ná cí akpɔ́kpɔ́ zǎnzǎn tɔn ɖɔhun, yě ná cí amǔ e nɔ́ sú bɔ zaanɖé ɔ́, é nɔ́ kɛn ɔ́ ɖɔhun; yě ná cí nǔywɛ́ e jɔhɔn dó alɔ mɛ, bó fún sín kɔ́xota fí e è nɔ só jinukún ɖe ɔ́ ɖɔhun. Yě ná cí azizɔ e nɔ ɖo tíntɔ́n sín azɔgonu wɛ é ɖɔhun.

Naxúmu 1:6

Mɛ̌ ká sixú nɔ te ɖo adǎn e jí Mawu Mavɔmavɔ ɖe ɔ́ nukɔn? Mɛ̌ ká sixú gán ɖo xomɛsin tɔn nukɔn? Xomɛsin tɔn nɔ gba kpé myɔ ɖɔhun, bɔ só lɛ́ɛ nɔ gba hánnyá ɖo nukɔn tɔn.

Sofoníi 1:18

Azǎn e gbe Mawu Mavɔmavɔ ná ɖo xomɛsin jí é ɔ́, kpatágan yětɔn sixú hwlɛ́n yě gán ǎ, siká yětɔn ká sixú hwlɛ́n yě gán ǎ. Wǔhwan Mawu Mavɔmavɔ tɔn ná sɛ́ myɔ ɖɔhun, bó ná dó to ɔ́ bǐ zo, bó ná vívá gbɛtɔ́ e ɖo to ɔ́ mɛ lɛ́ɛ bǐ sín kún; é ná vívá bɔ é ná vɛ́ jlɛ́.

Sofoníi 3:8

Mawu Mavɔmavɔ ɖɔ nú yě ɖɔ: “Din ɔ́, mi bo nɔ te ba kpɔ́n lě e un ná wa nǔ mitɔn gbɔn gbe e gbe un ná wá dó hwɛ mi é. Un ko ɖɔ un ná kplé akɔta lɛ́ɛ kpó axɔ́súɖuto lɛ́ɛ kpó, bó ná ɖe xomɛsin ce xlɛ́ yě. Xomɛsin ɖaxó e jí un ná ɖe ɔ́ ná cí myɔ ɖɔhun, bó ná fyɔ́ to ɔ́ bǐ.”

Matíe 24:35

Jǐnukúnsin kpódó ayǐkúngban kpó ná vɔ, amɔ̌, xó ce lɛ́ɛ ná vɔ gbeɖé ǎ.