Sofoníi 2:15 - MAWUXÓWÉMA

¹⁵ Nǔ e ná wá gbo toxo élɔ́ e nɔ ɖo afɔ tɛ ayǐ wɛ, bó nɔ́ mɔ ɖɔ nǔɖé kún ná jɛ ó, émí kún nyí mɛ ɖé gbɛ́ ó é nɛ́. Yéége! É gba bǐ. É húzú adɔ̌tɛn nú kanlin lɛ́ɛ. Mɛ e ná gbɔn toxo élɔ́ kpá dín lɛ́ɛ bǐ ná sɔ́ alɔ ɖó nu bo sú xó.

Sofoníi 2:15 Iomraidhean Croise

Jɔ̌bu 16:4

Ényí mi ɖo tɛn ce mɛ, bɔ nyɛ ɖo tɛn mitɔn mɛ ɔ́, nyi lɔmɔ̌ ná ɖɔ xó mi ɖɔhun; xó e un ná ɖɔ dó mi wú ɔ́ ná syɛ́n ɖésú; nǔ mitɔn ná blá wǔ nú mì, bɔ un ná húnhún ta.

Jɔ̌bu 27:23

È mɔ adǎn ɖo mɛdídá gbo wɛ mɔ̌, lobo ɖɔ acɔnkwín. È mɔ tɛn e mɛ yě ɖe ɔ́, lobo ɖú ahwannɔwe.

Ezayíi 22:2

Étɛ́wú axi ɖo jijɛ wɛ mɔ̌? Étɛ́wú a ɖo xó sú wɛ mɔ̌? Étɛ́wú a ɖo agbojlaka ɖú wɛ mɔ̌? Mɛ towe e kú lɛ́ɛ ɔ́, é nyí ahwan wɛ hu yě ǎ, ahwangbénu wɛ yě kú ɖe ǎ.

Ezayíi 32:11

Nǔɖé má nyí nǔɖé ná nɔ e mi, xɛsi ní bó ɖi mi. Mi mɛ e nɔ mɔ ɖɔ nǔɖé kún ɖo gbɛ émítɔn wú ó lɛ́ɛ e mi, wǔ ná kú mi; mi ɖe avɔ mitɔn lɛ́ɛ, mi ɖe nǔ e mi dó lɛ́ɛ, bó sɔ́ nǔwamɛvɔ gbá.

Ezayíi 32:14

Mɛ bǐ hɔn jó axɔ́sú ɔ́ sín xwé dó. Toxo e mɛ axi nɔ jɛ ɖe é jɛ vɔ̌. Mɛ bǐ jó Ofɛ́lu slǎ ɔ́ dó, bó jó tocɔ́kpe e ta sɔ́ja lɛ́ɛ nɔ́ nɔ é dó, bɔ tócí gbě tɔn lɛ́ɛ nɔ́ wá vo ɖo fínɛ́, bɔ kanlin lɛ́ɛ nɔ́ yi ɖu ama ɖo fínɛ́.

Ezayíi 32:9

Jeluzalɛ́mu nyɔ̌nu e mi, nǔɖé má nyí nǔɖé ná nɔ e mi, mi sí te, mi ɖótó mì. Mi ɖyɔ̌vǐ lɛ́ɛ e mi, mi nɔ mɔ ɖɔ nǔɖé kún ɖo gbɛ émítɔn wú ó; mi bo ɖótó mì.

Ezayíi 47:10

Dǎka e a nɔ xo lɛ́ɛ wú wɛ a nɔ ɖeji dó; a nɔ́ ɖɔ: ‘Mɛ ɖé mɔ mì ǎ.’ Nǔnywɛ́ towe kpó nǔ e a tunwun ɔ́ kpó wɛ flú we, bɔ a nɔ ɖɔ: ‘Nyɛ ɔ́, è sixú jlɛ́ mì dó mɛɖé wú ǎ.’

Jelemíi 18:16

Mi sɔ́ to mitɔn dó húzú nǔ vɛ́ mɔ, to mitɔn húzú nǔkiko. Mɛ ɖěbǔ wá mɔ ɔ́, é nɔ́ kpácá mɛ ɔ́, bɔ é nɔ́ húnhún ta.

Jelemíi 19:8

Un ná wa nǔ xá toxo élɔ́, bɔ mɛ e na mɔ lɛ́ɛ ɔ́ ná sɔ́ alɔ ɖó nu. Mɛ e ɖo dǐndín wɛ lɛ́ɛ mɔ ɔ́, avuvɔfún ná blá yě, yě ná sá heelú.

Jelemíi 50:13

Xomɛsin Mawu Mavɔmavɔ tɔn zɔ́n bɔ mɛɖé sɔ́ nɔ to ɔ́ mɛ ǎ. To ɔ́ jɛ vɔ̌ bǐ. Mɛ e ɖo dǐndín wɛ lɛ́ɛ mɔ ɔ́, avuvɔfún ná blá yě; yě ná sá heelú.

Gbɛvíhan 1:1

Áo! Jeluzalɛ́mu ɖíe wá ɖo é ɖokpónɔ e! Toxo e mɛ gbɛtɔ́ sukpɔ́ ɖe ɖ'ayǐ káká é! Éɖíe wá ɖo é ɖokpónɔ din e! É mɛ e nyǐkɔ tɔn yi jǐ ɖo akɔta lɛ́ɛ tɛ́ntin káká ɔ́, é ɖíe wá cí asúkúsi ɖɔhun e! Đ'ayǐ ɔ́, é wɛ nyí axɔ́sú nú tokpɔn lɛ́ɛ, é wɛ kpa acɛ nú yě; é ɖíe ká wá ɖo mɛ kannu din e.

Gbɛvíhan 2:1

Áo! Aklúnɔ sin xomɛ. É sin xomɛ bó sɛ́ ablu gɔngɔn ɖé dó Sinyɔ́ɔ. É kpíkpé nǔ e mɛ Izlayɛ́li nɔ xɔ susu ɖe ɔ́ sín jǐxwé nyi dó kɔ́ mɛ; hwenu e Aklúnɔ sin xomɛ dó Sinyɔ́ɔ ɔ́, é sɔ́ flín ɖɔ afɔɖótɛn émítɔn wɛ é nyí ǎ.

Gbɛvíhan 2:15

Jeluzalɛ́mu, aliwáyitɔ́ lɛ́ɛ mɔ we ɔ́, yě nɔ́ xo alɔ, yě nɔ́ húnhún ta, bó nɔ́ kwínkwín lobo nɔ ɖɔ: “A! Toxo e è nɔ ylɔ́ ɖ'ayǐ ɖɔ ɖɛkpɛ vɔ é jɛ́n ɖíe a? Toxo e è nɔ ylɔ́ ɖɔ awǎjijɛ gbɛ ɔ́ bǐ tɔn é jɛ́n ɖíe a?”

Ezekiyɛ́li 27:36

Nǔ e jɛ dó jǐ towe ɔ́ hu ado; ajɔ̌tɔ́ to ɖěvo mɛ tɔn lɛ́ɛ bǐ nɔ́ sá heelú; xó towe fó bǐ gbídí gbídí.”

Ezekiyɛ́li 28:2

“Hwɛ gbɛtɔ́ e, yi ɖɔ xó nú axɔ́sú Tíi tɔn; ɖɔ n'i ɖɔ xó e nyɛ Aklúnɔ Mavɔmavɔ ɖɔ sɛ́ dó e ɔ́ ɖíe: A yǐ go bo ɖɔ: ‘Nyɛ ɔ́, Mawu wɛ un nyí, bó jínjɔ́n axɔ́súzinkpo ce jí ɖo xu jí.’ Lo ɔ́, gbɛtɔ́ kpowun wɛ a nyǐ; a sixú sɔ́ hwiɖée jlɛ́ dó nyɛ wú ǎ. A nɔ sɔ́ linlin towe ɖó nyɛ Mawu sín linlin há jí.

Ezekiyɛ́li 28:9

Hwenu e a nǎ ɖo mɛ e ɖo nǎ hu we wɛ ɔ́ nukɔn ɔ́, a nǎ sixú lɛ́ glá ɖɔ émí nyí Mawu a? A nǎ sixú lɛ́ nyí Mawu ɖo mɛ e ɖo nǎ hu we wɛ lɛ́ɛ lɔ mɛ a? Éeǒ! Gbɛtɔ́ kpowun wɛ a nyǐ.

Ezekiyɛ́li 29:3

Xó e nyɛ Aklúnɔ Mavɔmavɔ ɖɔ sɛ́ dó e ɔ́ ɖíe: un ná wa nǔ xá we Ejípu xɔ́sú. Un ná wa nǔ xá we; lǒ ɖaxó ɖé wɛ a nyǐ, bó mlɔ́ tɔ e ɖo to towe mɛ lɛ́ɛ tɛ́ntin, bó nɔ́ ɖɔ: Nilu tɔ ɔ́ kpó ala tɔn lɛ́ɛ kpó ɔ́, nyi wɛ bló yě.

Daniyɛ́li 4:27

lobo sú xó bó ɖɔ: “Kpɔ́n Babilɔ́nu to ɖaxó e un gbá, bó sɔ́ dó bló hɔnmɛ ná é! É xlɛ́ lě e un syɛ́n gbɔn é, é xlɛ́ lě e acɛkpikpa ce xɔ susu gbɔn é.”

Naxúmu 3:19

Amasin ɖé ɖe nú è nǎ dó hu akpa e a xo é ǎ. Wǔ vantankánnyá wɛ a gblě. Mɛ e ná se xó towe lɛ́ɛ bǐ ná kpa wǒóo dó ta nú we. Ɖó nǔ nyanya e a nɔ ɖo sin dó wɛ ɔ́, mɛ̌ wɛ bǎ tɔn ma ká xo ǎ?

Xabakúku 1:7

Togun énɛ́ ɔ́ syɛ́n bó dó xɛsi. Đó gǎn e é hú nǔ é wú ɔ́, é ɖésúnɔ wɛ nɔ ɖɔ lě e nǔ ná nɔ bó ná nyɔ́ n'i é.

Matíe 27:39

Mɛ e ɖo dǐndín wɛ lɛ́ɛ nɔ́ húnhún ta, bó nɔ ɖo zunzun i wɛ,