Sofoníi 2:14 - MAWUXÓWÉMA

¹⁴ Kanlin lɛ́ɛ ná wá sá xwé gbɔn Ninívu toxo ɔ́ bǐ mɛ. Kanlin tɛnmɛ tɛnmɛ lɛ́ɛ bǐ wɛ ná kplé ɖo fínɛ́. Kwlele kpódó ajijá kpó ná ɖo azakpo lɛ́ɛ jí. Xɛ ná nɔ́ ɖo finfan wɛ ɖo flɛtɛ́li lɛ́ɛ nu. È nǎ kó mɔ lě e xwé ɔ́ gba gbɔn ɔ́ sín gbɛnde mɛ. Sɛ́dlu sín xwlɛ e è dǒ ɖó acɔ́ nú xɔ lɛ́ɛ ná é bǐ nǎ sún wá yi.

Sofoníi 2:14 Iomraidhean Croise

Ɖɛhan 102:6

Un ɖo azɔn wɛn wɛ káká bó wá kpo xú kɛ́ɖɛ́,

Ezayíi 14:23

Un ná zé to ɔ́ dó húzú tɔgba fí e aɖɔwé lɛ́ɛ ná nɔ́ nɔ é. Un ná zé akíza e nɔ́ hɛn nǔ gblé ɔ́ dó za yě.”

Jelemíi 22:14

A ɖɔ: ‘Un ná mɛ hɔnmɛ ɖokpó, bɔ xɔ e ná nɔ aga lɛ́ɛ ná gbló ɖésú.’ A tɔ́n flɛtɛ́li d'é wú kɔn nyi kpɔ́, a tɛ́ sɛ́dlu xwlɛ d'é wú gbɔn fí bǐ, bó sá sɛn vɔvɔ d'é wú.

Amɔ́si 9:1

Un mɔ Aklúnɔ ɖo te ɖo vɔ̌sákpe ɔ́ jí, bɔ é ɖo ɖiɖɔ wɛ ɖɔ: “Hɔ̌ azakpo lɛ́ɛ bónú dotín lɛ́ɛ ní mu. Zě azakpo lɛ́ɛ dó vó ta nú yě bǐ. Zě hwǐ dó hu mɛ e kpo lɛ́ɛ ná. Yě mɛ ɖěbǔ sixú hɔn bó gán ǎ. Yě mɛ ɖěbǔ ná hɔn yi ǎ.

Sofoníi 2:6

Ayǐkúngban towe e ɖo xutó lɛ́ɛ ná húzú amagbo nú kanlin lɛ́ɛ. Fínɛ́ wɛ lɛ̌ngbɔ́nyitɔ́ lɛ́ɛ ná nɔ́ kplá kanlin yětɔn lɛ́ɛ yi amagbo mɛ ɖe, bó ná bló kpó nú kanlin yětɔn lɛ́ɛ ɖó fínɛ́.”

Nǔɖexlɛ́mɛ 18:2

Wɛnsagun ɔ́ sú xó tlílí bó ɖɔ: “É jɛ ayǐ lóóo, Babilɔ́nu toxo ɖaxó ɔ́ jɛ ayǐ lóóo! Awǒvi lɛ́ɛ sín nɔtɛn wɛ é nyí din, bó nyí bibɛtɛn nú yɛ nyanya alɔkpa alɔkpa lɛ́ɛ bǐ; xɛ blíblí, xɛ gbɛ́ hɛn tɛnmɛ tɛnmɛ lɛ́ɛ bǐ nɔ́ nɔ fínɛ́.