Sofoníi 2:12 - MAWUXÓWÉMA

¹² Mawu ɖɔ: “Etiopíinu lɛ́ɛ mi, mi lɔmɔ̌ ɔ́, un ná hu mi ɖo ahwangbénu.”

Sofoníi 2:12 Iomraidhean Croise

Ɖɛhan 17:13

Mawu Mavɔmavɔ, sí te, yi kpé yě, zin yě dɛ́. Sɔ́ hwǐ towe dó hwlɛ́n mì sín mɛdídá nɛ́ lɛ́ɛ sí.

Ezayíi 10:5

Mawu ɖɔ: “Heelú Asilíi, bǎ e un dó ɖe xomɛsin ce xlɛ́ é! Kpo e ɖo alɔ mɛ nú Asilíi é wɛ nyí xomɛsin ce.

Ezayíi 13:5

Káká to línlín mɛ, fí e gbɛ ɔ́ kponu ɖó ɔ́ wɛ sɔ́ja énɛ́ lɛ́ɛ gosín, bó ja to ɔ́ bǐ gba gbé: Mawu Mavɔmavɔ kpó mɛ e é nɔ́ zé dó ɖe xomɛsin tɔn xlɛ́ lɛ́ɛ kpó wɛ.

Ezayíi 20:3

“Xwe atɔn ɖíe bló wɛ é ɖe din, bɔ mɛsɛntɔ́ ce Ezayíi ɖo goklé, bó ɖo sa ɖi wɛ afɔvɔ́ e. Nǔ énɛ́ ɔ́, nǔ e ná jɛ dó Ejípu kpó Etiopíi kpó wú ɔ́ sín xlɛ̌ wɛ.

Ezayíi 43:3

Đó nyɛ Mawu Mavɔmavɔ wɛ nyí Mawu towe; nyɛ Mɛ Mímɛ́ Izlayɛ́li tɔn ɔ́, nyɛ wɛ nyí Mɛhwlɛ́ngántɔ́ towe. Un ná Ejípu dó xɔ gbɛ nú we, un sɔ́ Etiopíi kpó Seva kpó jó ɖó tɛn towe mɛ.

Ezekiyɛ́li 30:24

Un ná dó hlɔ̌nhlɔ́n hlɔ̌nhlɔ́n jí nú axɔ́sú Babilɔ́nu tɔn, bó ná sɔ́ hwǐ nyɛ ɖésúnɔ tɔn dó así n'i, bɔ Ejípu xɔ́sú e un ko wɛ́n awa ná ɔ́ ná ɖo azɔn wɛn wɛ káká, bó ná kú ɖo kɛntɔ́ tɔn nukɔn.