Sofoníi 2:11 - MAWUXÓWÉMA

¹¹ Mawu Mavɔmavɔ ná ɖó adohu nú yě, ɖó é ná sɔ́ vodún e ɖo ayǐkúngban jí lɛ́ɛ bǐ dó húzú nǔ yǎyá. Énɛ́ ɔ́, akɔta e ɖo fí má yá fí lɛ́ɛ bǐ ná nɔ sɛn ɛ. Akɔta lɛ́ɛ ɖokpó ɖokpó ná nɔ sɛn ɛ ɖo ayǐkúngban yětɔn yětɔn jí.

Sofoníi 2:11 Iomraidhean Croise

Bǐbɛ́mɛ 10:5

Jafɛ́ti kúnkan énɛ́ lɛ́ɛ wɛ dó akɔta e gbɔn xutó xutó lɛ́ɛ sín kún, bɔ yě ɖo xwédo yětɔn yětɔn mɛ, ɖo akɔta yětɔn yětɔn mɛ, ɖo to yětɔn yětɔn mɛ, bó nɔ́ dó gbe yětɔn yětɔn.

Ɖɛhan 138:4

Óo! Mawu Mavɔmavɔ! Axɔ́sú e ɖo ayǐkúngban jí lɛ́ɛ bǐ ná mlá we. Yě se xó e nɔ́ gosín nu towe mɛ ɔ́, yě ná mlá we.

Ɖɛhan 72:17

Nyǐkɔ tɔn ní ɖo te káká sɔ́yi. Nú hwe nɔ tɔ́n jɛ́n wɛ ɔ́, nyǐkɔ tɔn ní ɖo te. È nǐ kpɔ́n lě e nǔ nyɔ́ n'i gbɔn ɔ́ dó xo nyɔ̌ná ɖɛ nú mɛɖée, akɔta lɛ́ɛ bǐ ní nɔ́ ɖɔ nǔ nyɔ̌ n'i.

Ɖɛhan 86:9

Aklúnɔ, akɔta e a blǒ lɛ́ɛ bǐ nǎ wá ɖe kɔ́ nú we, bǐ nǎ kpa susu nú nyǐkɔ towe.

Ezayíi 2:18

Vodún lɛ́ɛ bǐ ná sú kún dó.

Ezayíi 2:20

Gbe énɛ́ gbe ɔ́, gbɛtɔ́ lɛ́ɛ ná bɛ́ vodún e yě zé kpatágan abǐ siká dó bló, bó nɔ́ sɛn lɛ́ɛ nyi dó acú lɛ́ɛ kpó afluiflui lɛ́ɛ kpó.

Ezayíi 42:10

Mi ji han yɔ̌yɔ́ ɖokpó dó sɔ́ Mawu Mavɔmavɔ su. Mi mɛ e nɔ gbɔn xu jí xu jí lɛ́ɛ mi, nǔɖogbɛ e nɔ́ nɔ xu mɛ lɛ́ɛ mi, togun e gbɔn zɔ zɔ lɛ́ɛ mi, mi kpa susu n'i sín fí e gbɛ ɔ́ kponu ɖó é.

Ezayíi 42:4

Nǔ ná cikɔ n'i ǎ, kan mɛ ná gbɔ́jɔ́ ɛ káká cóbónú é ná sɔ́ hwɛjijɔ jínjɔ́n ayǐ gbɔn gbɛ ɔ́ mɛ ǎ. Togun e gbɔn zɔ zɔ lɛ́ɛ ná ɖo te kpɔ́n nǔkplɔ́nmɛ tɔn.”

Ezayíi 49:1

Togun e ɖo to línlín mɛ lɛ́ɛ e mi, mi ɖótó mì. Mi mɛ e ɖo zɔga lɛ́ɛ mi, mi wlí tó xó ce wú. Cóbónú un ná jɔ ɔ́, Mawu Mavɔmavɔ ko ylɔ́ mì; un kpo ɖo nɔ ce xo mɛ hwenu e é ylɔ́ nyǐkɔ ce é.

Jelemíi 10:11

Xó e mi ná ɖɔ nú akɔta lɛ́ɛ ɔ́ ɖíe, mi ná ɖɔ: Nǔmɛsɛn e é má nyí yě wɛ ɖó jǐnukúnsin ɔ́ ǎ, é má ká nyí yě wɛ ɖó ayǐkúngban ɔ́ ǎ lɛ́ɛ ɔ́, yě bǐ wɛ ná bú sín ayǐkúngban ɔ́ jí; yě bí wɛ ná bú sín hwe glɔ́ fí.

Jelemíi 46:25

Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ: “Un ná wa nǔ xá Amɔ́ni vodún Tɛ́bu ɔ́, un ná wa nǔ xá Ejípu to ɔ́, bó wa nǔ xá vodún tɔn lɛ́ɛ kpódó axɔ́sú tɔn lɛ́ɛ kpó. Un ná wa nǔ xá Ejípu xɔ́sú ɔ́ kpódó mɛ e nɔ gán jɛ wǔ tɔn lɛ́ɛ kpó.

Daniyɛ́li 11:18

Énɛ́ ɔ́ gúdo ɔ́, é ná húzú kpan nukɔn toxo e ɖo tɔ ɔ́ tó lɛ́ɛ, bó ná yí toxo gěgé. Amɔ̌, gǎn to ɖěvo mɛ tɔn ná ɖó glagla e ɖú wɛ é ɖe ɔ́ te, bó ná bló bɔ nǔ e é wa lɛ́ɛ ji nǔɖé ɔ́, é ná sɔ́ kpan.

Ozée 2:17

Un ná sɔ́ vǐwungbo tɔn lɛ́ɛ kpó adǎngbomɛ tɔdo ɔ́ kpó jó n'i ɖo fínɛ́, bɔ é ná nyí nukúnɖíɖó sín hɔn ɖé bó hun n'i. É ná jɛ han ji jí sín fínɛ́, lě e é kó nɔ́ ji gbɔn ɖo ɖyɔ̌vǐ mɛ é, lě e é kó nɔ́ ji gbɔn hwenu e é gosín Ejípu é.”

Jowɛ́li 2:11

Mawu Mavɔmavɔ ɖe gbe ɖo ahwangɔnu énɛ́ nukɔn, ɖó ahwanfuntɔ́ tɔn énɛ́ lɛ́ɛ nɔ́ se tónú n'i; yě dó xɛsi ɖésú. Đó Mawu Mavɔmavɔ zán ɔ́ kló, é dó abaɖa. Mɛ̌ wɛ sixú gán ɖo azǎn énɛ́ gbe?

Sofoníi 1:4

Mawu ɖɔ: “Un ná wa nǔ xá Jeluzalɛ́munu lɛ́ɛ kpódó Judáa to ɔ́ bǐ kpó. Un ná ɖe nǔ e kó nyí vodún Baalu sín wǔjɔnú e kpo ɖo fí é bǐ síin. Mɛ ɖěbǔ sɔ́ ná flín mɛ e nɔ sɛn ɛ lɛ́ɛ kpó hunnɔ lɛ́ɛ kpó vɔ́vɔ́ ǎ.

Sofoníi 3:9

“Énɛ́ ɔ́ gúdo ɔ́, un ná húzú togun lɛ́ɛ; un ná lɛ nu yětɔn wé: Yě ná xo mlá nyɛ Mawu Mavɔmavɔ ɔ́ sín nyǐkɔ; yě ná ɖó gbe kpɔ́ bó ná sɛn mì.

Zakalíi 13:2

Hwenɛ́nu ɔ́, Mawu Mavɔmavɔ Nǔbǐwúkpétɔ́ ɔ́ ɖɔ: “Un ná sú vodún lɛ́ɛ sín kún dó ɖo to ɔ́ mɛ, bɔ mɛ ɖěbǔ sɔ́ ná nɔ́ flín yě ǎ. Mɔ̌ ɖokpó ɔ́, un ná sú mɛ e nɔ ylɔ́ yěɖée ɖɔ gbeyíɖɔ ce lɛ́ɛ sín kún dó, bó ná ɖe nǔ e nɔ́ zɔ́n bɔ mi nɔ yí wǎn nú vodún sinsɛn ɔ́ sín ayi mitɔn mɛ.

Zakalíi 2:11

Jeluzalɛ́munu e ɖo kannumɔgbénu ɖo Babilɔ́nu lɛ́ɛ é mi, mi yá wǔ hɔn.”

Zakalíi 8:20

Nǔ e Mawu Mavɔmavɔ Nǔbǐwúkpétɔ́ ɔ́ ɖɔ ɔ́ ɖíe: “Akɔta ɖěvo lɛ́ɛ, to wɔ̌buwɔ́bú ɖé mɛ nu lɛ́ɛ ná lɛ́ wá Jeluzalɛ́mu.

Zakalíi 8:23

Hwenɛ́nu ɔ́, jǒnɔ wǒ ná tíin, bɔ yě mɛ ɖokpó ɖokpó ná dó gbe vovo: yě ná hɛn Jwifu ɖokpó sín awu ɖaxó sín tó majómájó bó dó hɛn ɛ ɖó te bó ná ɖɔ n'i ɖɔ: ‘Mǐ jló ná xwedó mi, ɖó mǐ se ɖɔ Mawu ɖo kpɔ́ xá mi.’ ”

Malacíi 1:11

Sín zǎnzǎnhwe jí káká wá yi gbadahwe jí ɔ́, gbɛtɔ́ e ɖo ayǐkúngban ɔ́ jí lɛ́ɛ bǐ wɛ tunwun susu ce. Fí bǐ wɛ è nɔ dó zǎlínkpɔ́n zo ɖe dó ta ce mɛ, bó nɔ́ hɛn vɔ̌sánú e jɛ xá mì lɛ́ɛ wá nú mì ɖe. Nǔgbó wɛ, akɔta lɛ́ɛ tunwun susu ce.

Malacíi 1:14

Heelú nǔhízítɔ́ e ɖó kanlinsú ɖagbe ɖo kanlin tɔn lɛ́ɛ mɛ, bó ká nɔ́ zé kanlin e ma ɖo ganjí ǎ ɖó vo, bó ná zé dó sá vɔ̌ nú mì é. Heelú i, ɖó axɔ́sú ɖaxó ɖokpó wɛ un nyí, bɔ akɔta lɛ́ɛ bǐ nɔ ɖi xɛsi nú hlɔ̌nhlɔ́n ce.” Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Sɛ́nflínmɛ 32:38

Mi nɔ hu kanlin dó yě; mi nɔ ba ahan nú yě. Din ɔ́, yě bó bló nǔɖé bó hwlɛ́n mi gán bó cyɔ́n alɔ mi jí bó.

1 Timɔtée 2:8

Un jló ɖɔ súnnu lɛ́ɛ ɖo fí ɖěbǔ hǔn, yě ní nɔ xo ɖɛ, yě ní nɔ zé alɔ dó jǐ, bó nɔ xo ɖɛ kpódó ayi mímɛ́ kpó; yě ní ma nɔ sin xomɛ ó, yě ma ka nɔ ɖɔ jlɛ ó.

Nǔɖexlɛ́mɛ 11:15

Énɛ́ ɔ́ gúdo ɔ́, wɛnsagun Mawu tɔn tɛ́nwegɔ́ ɔ́ kún kpɛn, bɔ gbe ɖaxó ɖé lɛ́ɛ ɖi ɖo jǐxwé bó ɖɔ: “Axɔ́súɖuɖu gbɛ ɔ́ tɔn nyí Aklúnɔ mǐtɔn kpó Klísu tɔn kpán tɔn lo! Bɔ é ná ɖu axɔ́sú káká sɔ́yi.”