Sofoníi 2:10 - MAWUXÓWÉMA

¹⁰ Lě e Mawu Mavɔmavɔ ná dɔn tó nú yě ɖó jimakplɔ́n gbe yětɔn wú gbɔn ɔ́ nɛ́: yě zun Mawu Mavɔmavɔ Nǔbǐwúkpétɔ́ ɔ́ sín togun bo lɛ́ yí ayǐkúngban tɔn dó yětɔn jí.

Sofoníi 2:10 Iomraidhean Croise

1 Tan 16:21

Mawu Mavɔmavɔ ka lɔn nú mɛɖé táfú mi ǎ; é dɔn tó nú axɔ́sú lɛ́ɛ ɖó mi wú, bó ɖɔ nú yě ɖɔ:

Tíntɔ́n 10:3

Mɔyízi kpó Aalɔ́ɔn kpó yi axɔ́sú ɔ́ gɔ́n, bó ɖɔ n'i ɖɔ: “Mawu Mavɔmavɔ, Mawu Eblée lɛ́ɛ tɔn ɔ́ ɖɔ: ‘Káká jɛ hwetɛ́nu wɛ a nǎ gbɛ́ hwiɖée zé hwe ɖo nukɔn ce dó? Jǒ togun ce dó bónú é ní yi sɛn mì.

Tíntɔ́n 9:17

Káká jɛ din ɔ́, a ɖo nǔ e jló we ɔ́ wa xá togun ce wɛ, bó gbɛ́ ɖɔ émí kún ná jó e dó bɔ é ná yi ó.

Ezayíi 16:6

Mǐ se lě do Mɔwabu nɔ yí go sɔ é, lě do é nɔ́ tɛ afɔ ayǐ sɔ é, lě do é nɔ́ ɖɔ mɛjɔmɛ sɔ é, lě do é nɔ́ dó nukúnkɛn sɔ é, lě do é nɔ́ flé nu sɔ é.

Jelemíi 12:14

Xó e Mawu Mavɔmavɔ ɖɔ dó togun dídá e lɛ́ lɛ̌ dó Izlayɛ́li to ɔ́ wú lɛ́ɛ ɖíe: “Yě klá jɛ nǔ e nyí ce ɔ́ nu, yě klá jɛ ayǐkúngban e un ná Izlayɛ́li togun ce ɔ́ nu. Éɖíe, un ná ɖe togun dídá énɛ́ lɛ́ɛ tɔ́n sín to yětɔn mɛ. Un ná ɖe Judáa sín fɛn yětɔn mɛ.

Jelemíi 48:14

Mawu ɖɔ: “Mɔwabunu lɛ́ɛ mi, mi nɔ ɖɔ ahwanfuntɔ́ syɛ́nsyɛ́n wɛ émí nyí; émí kó sɔ́ ahwannú bó ko ɖo acéjí; nɛ̌ mi ka ná ɖɔ mɔ̌ gbɔn?

Jelemíi 48:29

Mǐ tunwun lě e Mɔwabu nɔ mɔ éɖée gbɔn é, lě e é nɔ ɖó ta hǎ gbɔn é, lě e é nɔ tɛ afɔ ayǐ gbɔn é, lě e é nɔ yí go gbɔn é, lě e é nɔ́ mɔ éɖée hú mɛ bǐ gbɔn é, mǐ tunwun bǐ.

Gbɛvíhan 1:9

Nǔ kwíji kwíji e é wa lɛ́ɛ hɛn awu tɔn blí; é lɛ́n nǔ e ná wá jɛ ɔ́ kpɔ́n ɖ'ayǐ ǎ. Éɖíe ká wá mɔ ajijimɛ ɖɔ émí j'ayǐ e; mɛ ɖěbǔ ká ɖe bó ná dó wǔsyɛ́n lanmɛ n'i ǎ. É ɖɔ: “Mawu Mavɔmavɔ, kpɔ́n ya e ji wɛ un ɖe ɔ́! Kpɔ́n lě e kɛntɔ́ ɖu ɖo jǐ ce gbɔn é.”

Ezekiyɛ́li 25:6

“Ɖó xó e ɖɔ wɛ nyɛ Aklúnɔ Mavɔmavɔ ɖe ɔ́ ɖíe: Ée awě xo Izlayɛ́li ɔ́, é víví nú mi bɔ mi lɔ́n yi jǐ, bó xo kpɛ́. Nǔ énɛ́ e mi bló ɔ́, ɖe lě do e mi gbɛ́ wǎn nú togun ce sɔ ɔ́ xlɛ́.

Abudiyási 1:11

Gbe e gbe toɖévomɛnu lɛ́ɛ bɛ́ nǔ e wú yě gán jɛ lɛ́ɛ xweyǐgbe ɔ́, a ɖo fínɛ́. Hwenu e yě gba toxo Jeluzalɛ́mu tɔn sín hɔn, bó byɔ́ toxo ɔ́ mɛ, lobo ɖo akɔ nyi dó dɔkun yětɔn lɛ́ɛ wɛ ɔ́, a ɖo fínɛ́, bɔ hwi lɔ wa nǔ toɖévomɛnu lɛ́ɛ ɖɔhun.

Abudiyási 1:3

Goyíyí towe dɔn we bú ali. A yi cí sókan mɛ, bó yi jínjɔ́n só ta aga ɖéé, bó nɔ́ ɖɔ: ‘Mɛ̌ ká sixú kpíkpé mì sín fí nyi dodomɛ?’

Sofoníi 2:8

Mawu Mavɔmavɔ ɖɔ: “Un se Mɔwabu ví lɛ́ɛ kpó Amumɔ́ɔ ví lɛ́ɛ kpó ɖo togun ce ko wɛ, bó ɖo slǎmɛ ɖɔ wǔ tɔn wɛ. Yě zun togun ce, yě kán ayǐkúngban tɔn dó yětɔn jí.”

1 Piyɛ́ɛ 5:5

Mɔ̌ ɖokpó ɔ́, mi mɛwínnyáwínnyá lɛ́ɛ mi, mi ɖó ná nɔ́ hwíhwɛ́ miɖée dó mɛ e nyí mɛxó nú mi lɛ́ɛ glɔ́; mi bǐ ní nɔ sɔ́ miɖée hwe, bó ná nɔ wa azɔ̌ nú miɖée, ɖó Mawuxówéma ɔ́ ɖɔ: “Mawu nɔ ɖe kɔ dó goyítɔ́ lɛ́ɛ; lo ɔ́, é nɔ nyɔ́ xomɛ dó mɛ e nɔ sɔ́ yěɖée hwe lɛ́ɛ wú.”