Sofoníi 2:1 - MAWUXÓWÉMA

¹ Akɔta e ma ɖó winnyá lɛ́ɛ mi, mi nɔ tɛ́nkpɔ́n bó nɔ́ lin tamɛ kpɛɖé vɔ́vɔ́, mi byɔ́ miɖée mɛ.

Sofoníi 2:1 Iomraidhean Croise

2 Tan 20:4

Judáanu lɛ́ɛ gosín toxo e ɖo to ɔ́ mɛ lɛ́ɛ bǐ mɛ, bó wá kplé, bó ná byɔ́ alɔdó Mawu Mavɔmavɔ tɔn.

Nɛɛmíi 8:1

Azǎn nukɔntɔn e ɖo sun ɔ́ mɛ ɔ́ gbe ɔ́, yě bǐ ɖó gbe kpɔ́, bó kplé ɖo Jeluzalɛ́mu, ɖo fí e Sinhɔntogbó ɖe é. Yě byɔ́ Ɛsidlási sɛ́nkplɔ́nmɛtɔ́ ɔ́ ɖɔ ní yi sɔ́ sɛ́n e Mawu Mavɔmavɔ ná Izlayɛ́li ví lɛ́ɛ gbɔn Mɔyízi jí ɔ́ sín wěma wá. Bɔ Ɛsidlási yi sɔ́ wěma ɔ́ wá togun ɔ́ nukɔn. Yě mɛ e kplé ɖo fínɛ́ lɛ́ɛ ɔ́, súnnu ɖ'é mɛ, nyɔ̌nu ɖ'é mɛ, yɔkpɔ́vú e ko ɖó xwe e ná mɔ nǔ jɛ nǔ mɛ ɔ́ ɖ'é mɛ.

Nɛɛmíi 9:1

Sun ɖokpó énɛ́ ɔ́ sín azǎn ko-nukún-ɛnɛgɔ́ ɔ́ gbe ɔ́, Izlayɛ́li ví lɛ́ɛ kplé bó ná blá nu. Yě dó caki bo lɛ kɔ́, bó dó ɖe xlɛ́ ɖɔ hwɛ e émí hu ɔ́ vɛ́ nú émí.

Ɛsitɛ́ɛ 4:16

“Yi, bo kplé Jwifu e ɖo Súzi tomɛ lɛ́ɛ bǐ bónú mi blá nu dó ta ce mɛ. Mi ma ɖu nǔ ó, mi ma nu sin ó káká nú kéze atɔn zǎn atɔn; nyɛ kpó mɛsɛntɔ́ ce lɛ́ɛ kpó ɔ́, mi lɔ na blá nu; énɛ́ ɔ́ gúdo ɔ́, sɛ́n ɔ́ ná ɖo te có un ná yi axɔ́sú ɔ́ gɔ́n. Nú é byɔ́ ɖɔ má kú ɔ́, un ná kú.”

Jelemíi 3:3

É sín énɛ́ ɔ́ wú bɔ jǐ gbɛ́ jija, xwejí ja ǎ. Lo ɔ́, a ɖǒ wunhínhɔ́n ná agalɛtɔ́ ɖɔhun; a jlǒ ná yí gbe ɖɔ émí wa nǔ nyi do ǎ.

Jelemíi 6:15

winnyá wɛ ɖó ná hu yě, ɖó nǔ baɖabaɖa e yě dó sin lɛ́ɛ wú. Winnyá ká hu yě lɔ vɔ́vɔ́ ǎ. Énɛ́ wú wɛ yě ná j'ayǐ kpó mɛ e ɖo ayǐ jɛ wɛ lɛ́ɛ kpó. Hwenu e un ná wa nǔ xá yě ɔ́, yě ná mɔ yěɖée ɖo kɔ́ mɛ. Xó e nyɛ Mawu Mavɔmavɔ ɖɔ ɔ́ nɛ́.

Jowɛ́li 1:14

Mi jlá ɖɔ è nǐ blá nu. Mi ylɔ́ mɛ bǐ kplé. Mi kplé tomɛxó lɛ́ɛ kpó toví tosi lɛ́ɛ kpó ɖó Mawu Mavɔmavɔ, Mawu mitɔn sín xwé gbe, bó sa vo nú Mawu Mavɔmavɔ.

Sofoníi 3:5

Nǔ ɖo mɔ̌ có, Mawu Mavɔmavɔ ɖo toxo ɔ́ mɛ; é nɔ́ wa nǔ jlɔ́jlɔ́; é nɔ́ wa nǔ nyanya ǎ. Mawu nɔ́ ɖɔ hwɛ xá mɛ ayǐhɔ́ngbe ayǐhɔ́ngbe dó jlɔ̌jlɔ́ jí. É gblá gbeɖé ǎ. É ɖo mɔ̌ bló wɛ có winnyá hú dǎnúwatɔ́ lɛ́ɛ ǎ, yě kpo ɖo dǎka yětɔn xo wɛ.

Zakalíi 11:8

Un zé sun ɖokpó ɖó te bo ɖe ɖɛ lɛ̌ngbɔ́nyitɔ́ yětɔn atɔn lɛ́ɛ. Un sɔ́ ɖó suúlu ɖěbǔ dó yě wú ǎ. Yě lɔmɔ̌ ká sɔ́ ba xó ce ɖě ǎ.

Matíe 18:20

Ɖó fí e mɛ we, abǐ mɛ atɔn kplé ɖe, ɖo nyǐkɔ ce mɛ ɔ́, un ɖo tɛ́ntin yětɔn.”