Sofoníi 1:7 - MAWUXÓWÉMA

⁷ Mi nɔ xwíí ɖo Aklúnɔ Mavɔmavɔ nukɔn, ɖó xomɛsinzán Mawu Mavɔmavɔ tɔn kó sɛkpɔ́. Mawu Mavɔmavɔ kó zé nǔ e ná sá vɔ̌ ná wɛ é ɖe ɔ́ ɖó alɔ jí. É kó cyán mɛ e ná ɖu agɔ̌ lɛ́ɛ.

Sofoníi 1:7 Iomraidhean Croise

Jɔ̌bu 24:1

Nɛ̌ ká gbɔn bɔ Nǔbǐwúkpétɔ́ ɔ́ má zé azǎn ɖé lɛ́ɛ ɖó vo, bó ná nɔ́ dó ɖɔ hwɛ ǎ? Nɛ̌ ká gbɔn bɔ mɛ e tunwun i lɛ́ɛ má nɔ mɔ ɖɔ é ɖo hwɛ ɖɔ wɛ nǔgbó a?

Ɖɛhan 46:10

É wɛ sú ahwan kún dó gbɔn gbɛ ɔ́ bǐ mɛ. É wɛ́n gǎ lɛ́ɛ, é lɔ́ hwǎn lɛ́ɛ, é dó ahwankɛkɛ́ lɛ́ɛ zo.

Ezayíi 13:3

Nyi ɖésú wɛ ɖe gbe nú mɛ e un sɔ́ ɖó vo nú nyiɖée lɛ́ɛ; un ylɔ́ ahwanfuntɔ́ syɛ́nsyɛ́n ce lɛ́ɛ lɔ, yě mɛ e un xɔ susu ɔ́ yě nɔ́ j'awǎ lɛ́ɛ, un ylɔ́ yě bó ná ɖe xomɛsin ce xlɛ́.”

Ezayíi 13:6

Mi dó nǔwamɛhan ɖokpó, ɖó Mawu Mavɔmavɔ sín azǎn ɔ́ kó sɛkpɔ́. Azǎn ɔ́ ná wá lě e awě ɖaxó ɖé nɔ́ gosín Mawu Nǔbǐwúkpétɔ́ ɔ́ gɔ́n, bó nɔ́ xo mɛ é ɖɔhun.

Ezayíi 2:12

Mawu Mavɔmavɔ Nǔbǐwúkpétɔ́ ɔ́ zé azǎn ɖokpó ɖó te, bó ná ɖó hwɛ nú mɛ e nɔ mɔ éɖée é, mɛ e nɔ yí go é, mɛ e nɔ zé éɖée su é bó ná sɔ́ ɛ hwe.

Ezayíi 29:2

un ná dó ya nú we. Adǎn ná nɔ ɖo gbigbo we wɛ, bɔ a nǎ nɔ ɖo alě ná wɛ; un ná sɔ́ we dó húzú vɔ̌sákpe e jí è nɔ dó vɔ̌ zo ɖe é.

Ezayíi 34:5

Hwǐ Mawu tɔn ɔ́ tɔ́n ɖo jǐxwé; é nɛ́ jɛ Edɔ́munu lɛ́ɛ wú nɛ́! Togun énɛ́ ɔ́, Mawu wɛ ɖó hwɛ n'i ɖɔ kún tɔn ná sú dó.

Ezayíi 34:6

Kanjɔ kpé hwǐ Mawu Mavɔmavɔ tɔn wú vɛɛn, a nǎ ɖɔ lɛ̌ngbɔ́ví abǐ gbǎgbá sín kanjɔ wɛ; jǒ kpé hwǐ Mawu Mavɔmavɔ tɔn wú bǐ, a nǎ ɖɔ agbo sín ayi wɛ; ɖó Mawu Mavɔmavɔ sá vɔ̌ ɖaxó ɖokpó ɖo toxo Bosla tɔn mɛ. É hu mɛ vantankánnyá ɖo Edɔ́mu tomɛ.

Ezayíi 6:5

Énɛ́ ɔ́, un ɖɔ: “Yéége gbɛ ce vɔ! Đó nu ce mɛ́ ǎ, togun e mɛ un jɔ ɖe ɔ́ lɔ sín nu mɛ́ ǎ, nyi ɖíe ka mɔ axɔ́sú Mawu Mavɔmavɔ Nǔbǐwúkpétɔ́ ɔ́ ɖó nukún wú e!”

Jelemíi 46:10

Amɔ̌, Aklúnɔ, Mawu Mavɔmavɔ Nǔbǐwúkpétɔ́ ɔ́ tɔn wɛ azǎn énɛ́ ɔ́ nyí. Azǎn e gbe é ná ba hlɔn é wɛ. É ná wa nǔ xá kɛntɔ́ tɔn lɛ́ɛ. Hwǐ ɖo mɛ já wɛ, xovɛ́ sin i mɔ̌hunkɔtɔn. Nɛ̌ Aklúnɔ, Mawu Mavɔmavɔ Nǔbǐwúkpétɔ́ ɔ́ ká hu mɛ sɔ e! Nɛ̌ é ká hu mɛ sɔ ɖo totaligbé Efláti tɔ ɔ́ tó dɔ̌n e!

Ezekiyɛ́li 7:10

“Azǎn ɔ́ ɖíe sɔgbe e! Nǔhɛngblézán ɔ́ sín gan xo; dǎkaxixo ɖo kan vlɔ́n wɛ, afɔ tɛ ayǐ ɔ́ wá gbɛ́gbɛ́.

Ezekiyɛ́li 7:7

Izlayɛ́linu e mi, gan mitɔn xo, hwe ɔ́ nu su, azǎn e gbe è nǎ ɖɔ hwɛ xá mi ɔ́ ko sɛkpɔ́; mɛɖé sɔ́ ná j'awǎ ɖě ɖo só lɛ́ɛ jí ǎ, xɛsi wɛ ɖo só lɛ́ɛ jí.

Jowɛ́li 1:15

Caxóxowǒóo! Azǎn baɖabaɖa ɖé ja. Xomɛsinzán Mawu Mavɔmavɔ tɔn kó sɛkpɔ́. Azǎn ɔ́ ná wá bɔ nǔ bǐ ná sú kún dó lě e Nǔbǐwúkpétɔ́ ɔ́ ko lɛ́n gbɔn é.

Jowɛ́li 2:11

Mawu Mavɔmavɔ ɖe gbe ɖo ahwangɔnu énɛ́ nukɔn, ɖó ahwanfuntɔ́ tɔn énɛ́ lɛ́ɛ nɔ́ se tónú n'i; yě dó xɛsi ɖésú. Đó Mawu Mavɔmavɔ zán ɔ́ kló, é dó abaɖa. Mɛ̌ wɛ sixú gán ɖo azǎn énɛ́ gbe?

Amɔ́si 6:10

Hwenu e hɛ̌nnumɔ ɖé na zé mɛkúkú ɖokpó bó ná dó zo, bó ná bɛ́ xúgloxú tɔn lɛ́ɛ sín xwé ɔ́ gbe ɔ́, é ná kanbyɔ́ mɛ e ɖo xwé ɔ́ tɛ́ntin dɔ̌n ɔ́ ɖɔ: “Mɛ ɖé lɛ́ kpo ɖo gɔ̌n towe dɔ̌n a?” Bɔ mɛ ɔ́ ná yí gbe ɖɔ: “Éeǒ! É sɔ́ kpo mɛɖé ǎ.” É ná lɛ́ ɖɔ gɔ́ ná ɖɔ: “Xwɛ! Hwenu e è nǎ ylɔ́ Mawu Mavɔmavɔ sín nyǐkɔ dó ɔ́ ɖíe ǎ.”

Amɔ́si 8:3

Gbe énɛ́ ɔ́ gbe ɔ́, hansinɔ e ɖo sinsɛnxɔ mɛ lɛ́ɛ ɔ́, gbɛvíhan wɛ yě ná dó. Cyɔ ná ɖo kpɔ́ gégé, bɔ è ná bɛ́ yě kɔn nyi gbě gbɔn fí bǐ; ahwi ná xo to ɔ́ bǐ.”

Xabakúku 2:20

Lo ɔ́, Mawu Mavɔmavɔ ɔ́, éyɛ́ ɖo sinsɛnxɔ tɔn mímɛ́ ɔ́ mɛ, nǔ e ɖo ayǐkúngban jí lɛ́ɛ bǐ ní nɔ abwɛ̌ ɖo nukɔn tɔn.”

Sofoníi 1:14

Xomɛsinzán Mawu Mavɔmavɔ tɔn sɛkpɔ́! Azǎn ɖaxó Mawu Mavɔmavɔ tɔn ɔ́ kó sɛkpɔ́ bǐ kɛ́nnɛ́kɛ́nnɛ́. É ɖo hwlɛndó jí jǎwe. È ko ɖo azǎn ɔ́ sín xɔxɔ se wɛ. Mɛ ɖěɖě e kpan akɔ́n titewungbe lɛ́ɛ lɔ kó ɖo xó sú wɛ ɖɔ: “Mɛ̌ ká ná hwlɛ́n mǐ gán! Mɛ̌ ná hwlɛ́n mǐ gán!”

Zakalíi 14:1

Gbe e gbe Mawu Mavɔmavɔ ná sin xomɛ ɔ́ ɖo sisɛkpɔ́ wɛ. Jeluzalɛ́munu lɛ́ɛ mi, è nǎ mǎ dɔkun mitɔn lɛ́ɛ ɖo nukún mitɔn mɛ.

Zakalíi 2:13

Alɔ ce ná jɛ akɔta énɛ́ lɛ́ɛ wú, bɔ yě ná jɛ mɛ e kó nyí kannumɔ yětɔn ɖ'ayǐ lɛ́ɛ sín alɔ mɛ.” Hwe énɛ́ ɔ́ nu ɔ́, mi ná tunwun ɖɔ Mawu Mavɔmavɔ Nǔbǐwúkpétɔ́ ɔ́ wɛ sɛ́ mì dó nǔgbó.

Matíe 22:4

É lɛ́ sɛ́ deví tɔn ɖěvo lɛ́ɛ dó, bó ɖɔ nú yě ɖɔ: ‘Mi yi ɖɔ nú mɛ e un da lɛ́ɛ ɖɔ nǔɖuɖu lɛ́ɛ ko sɔgbe; un hu nyibú ce asú lɛ́ɛ, bó hu kanlin ce e dó jǒ lɛ́ɛ; nǔ bǐ ko sɔgbe; mi wá ɖu agɔ̌.’

Hlɔ̌manu 3:19

Mǐ ka tunwun ɖɔ nǔ e ɖɔ wɛ sɛ́n lɛ́ɛ ɖe ɔ́ bǐ ɔ́, mɛ e ɖo sɛ́n lɛ́ɛ glɔ́ lɛ́ɛ ɖɔ ná wɛ yě ɖe, bónú è nǎ xwe nu yětɔn dó xɔ, bónú Mawu ná ɖɔ hwɛ xá gbɛtɔ́ e ɖo gbɛ ɔ́ mɛ lɛ́ɛ bǐ.

Hlɔ̌manu 9:20

Hwi gbɛtɔ́ ɔ́, ani a ka nyí, bó ná dɔn nǔ xá Mawu? Kozɛ́n sixú kanbyɔ́ mɛ e bló é ɔ́ ɖɔ nɛ̌ ká gbɔn bɔ é bló émí gbɔn lě ají a?

Filípunu 4:5

Mi fá xomɛ dó mɛ bǐ wú. Aklúnɔ ná wá zaanɖé din.

Kolósinu 1:12

Mi dó kú nú Mawu Tɔ́ ɔ́ kpódó awǎjijɛ kpán, ɖó é bló bɔ mi lɔ ɖó mǐmá ɖo ɖagbe e é sɔ́ ɖ'ayǐ ɖo axɔ́súɖuto wězizanɔ ɔ́ mɛ, nú mɛ e nyí étɔn lɛ́ɛ é mɛ.

1 Samuwɛ́li 16:5

Samuwɛ́li yí gbe ɖɔ: “Ɛɛn, ɖagbe wɛ. Vɔ̌ ɖé sá gbé wɛ un ja bo wá. Mi slá wǔ bó ná kplá mì yi vɔ̌sísá ɔ́ do mɛ.” Samuwɛ́li ylɔ́ Jɛsée kpó vǐ tɔn lɛ́ɛ kpó ɖɔ yě lɔ ní wá slá wǔ.

1 Samuwɛ́li 20:26

Gbe nɛ́ ɔ́ gbe ɔ́, Sawúlu ɖɔ xó ɖé ǎ, ɖó é ɖo ɖiɖɔ wɛ ɖɔ é sixú nyí mǐmɛ́ jí wɛ é má ɖe ǎ wú wɛ é ná kó gɔn.