Sofoníi 1:3 - MAWUXÓWÉMA

³ Un ná hu gbɛtɔ́ kpó kanlin kpó; un ná hu xɛ lɛ́ɛ bǐ, un ná hu hweví lɛ́ɛ bǐ. Un ná hu adǎkaxotɔ́ lɛ́ɛ bǐ, bó ná sú nǔ baɖabaɖa e yě zě alɔ yětɔn dó bló ná lɛ́ɛ bǐ sín kún dó. Un ná jó mɛ ɖěbǔ dó nyi gbɛ ɖo ayǐkúngban ɔ́ jí ǎ.”

Sofoníi 1:3 Iomraidhean Croise

Bǐbɛ́mɛ 6:7

Bɔ é ɖɔ: “Un ná sú gbɛtɔ́ e un bló ɔ́ sín kún dó sín ayǐkúngban ɔ́ jí. Un ná sú gbɛtɔ́ kpó kanlin kpó, kanlin e nɔ sá lɛ́ɛ kpódó xɛ lɛ́ɛ kpó bǐ sín kún dó, ɖó blǒ e un bló yě ɔ́ wá vɛ́ nú mì.”

Ezayíi 27:9

Énɛ́ ɔ́, Mawu ná súnsún hwɛ e togun Jakɔ́bu tɔn hu é; nǔ e ká ná jɛ ɖ'é mɛ é ɖíe: togun ɔ́ ná gba awǐnnya e è dǒ mɛ vɔ̌sákpe ɔ́ é, hwě ɖɔhun; è sɔ́ ná mɔ vodún Acela abǐ zǎlínkpɔ́nfyɔ́nú ɖě ɖo te ǎ.

Ezayíi 6:11

Ée Aklúnɔ ɖɔ mɔ̌ ɔ́, un kanbyɔ́ ɛ ɖɔ: “Aklúnɔ, hwetɛ́nu é ná fó dó?” Bɔ é yí gbe nú mì ɖɔ: “Nǔ ná nɔ mɔ̌ káká jɛ hwenu e toxo lɛ́ɛ bǐ ná gba bó jɛ vɔ̌, bɔ xwé lɛ́ɛ bǐ ná jɛ vɔ̌, lobɔ to ɔ́ bǐ ná húzú gbětótló é.”

Ezayíi 6:12

Mawu Mavɔmavɔ ná sɛ́ to ɔ́ mɛ nu lɛ́ɛ dó fí ɖěvo, bɔ è nǎ jó gle gěgé dó.

Jelemíi 12:4

Káká jɛ hwetɛ́nu to ɔ́ ká ná nɔ aluwɛ mɛ yi jɛ? Káká jɛ hwetɛ́nu gběhan ká ná nɔ xúxú ɖo gle mɛ yi jɛ? Mɛ e ɖo to ɔ́ mɛ lɛ́ɛ ɔ́, dídá yětɔn zɔ́n bɔ kanlin kpó xɛ kpó bǐ ɖo kúkú wɛ. Yě nɔ́ ɖɔ: “Mawu nǎ mɔ fí e mǐ na yi vɔ dó ɔ́ ǎ.”

Jelemíi 50:3

Akɔta ɖokpó ná gosín totaligbé, bó ná wá fun ahwan xá Babilɔ́nu. É ná zé to ɔ́ dó húzú gbětótló, mɛ bǐ ná hɔn sín to ɔ́ mɛ. Gbɛtɔ́ kpó kanlin kpó bǐ ná hɔn; to ɔ́ bǐ ná jɛ vɔ̌.

Jelemíi 7:20

Énɛ́ ɔ́ wú wɛ nyɛ Aklúnɔ Mavɔmavɔ ɖɔ: “Xomɛsin ce ná jɛ te dó toxo élɔ́ jí bó ná syɛ́n ɖésú: alɔ ce na jɛ gbɛtɔ́ kpó kanlin kpó, atín kpó nǔ e ayǐkúngban nɔ na lɛ́ɛ kpó bǐ wú. Xomɛsin ce ná cí zo e ma nɔ cí gbeɖé ǎ ɔ́ ɖɔhun.”

Jelemíi 9:10

Mawu ɖɔ: “Un ná sɔ́ Jeluzalɛ́mu dó húzú dǒglin; un ná sɔ́ dó húzú nɔtɛn nú ayǐsájɛ lɛ́ɛ. Un ná sɔ́ Judáa toxo ɖě lɛ́ɛ dó húzú gbětótló, mɛɖé ná nɔ fínɛ́ ǎ.”

Ezekiyɛ́li 44:12

Lo ɔ́, yědɛɛ lɛ́ɛ wɛ nɔ nukɔn nú togun ɔ́ bɔ é sɛn vodún; yě wɛ dɔn Izlayɛ́li ví lɛ́ɛ dó hwɛ mɛ; énɛ́ wú ɔ́, xó e nyɛ Aklúnɔ Mavɔmavɔ ɖɔ ɔ́ ɖíe: Un ná wa nǔ xá yě; nǔ e yě wa ɔ́ ji nǔɖé ɔ́, yě ná sɔ́ kpan.

Ezekiyɛ́li 7:19

Yě ná fúnfún kpatágan yětɔn gbɔn ali jí ali jí. Yě ná sɔ́ siká yětɔn dó mɔ zunkɔ́. Xomɛsin Mawu Mavɔmavɔ tɔn sín azǎn gbe ɔ́, kpatágan yětɔn kpó siká yětɔn kpó sixú hwlɛ́n yě gan ǎ. Yě ná ba nǔ e yě ná ɖu bó gɔ́ xo ɔ́ kpo; yě ná ba nǔ e ná ná vivo lǐndɔ̌n yětɔn ɔ́ kpo, ɖó kpatágan kpó siká kpó wɛ dɔn yě dó hwɛ mɛ.

Ozée 14:3

Mi lɛ́ kɔ wá Mawu Mavɔmavɔ gɔ́n, bó ɖɔ n'i ɖɔ: “Sɔ́ hwɛ mǐtɔn lɛ́ɛ bǐ kɛ mǐ, bó yí mǐ ganjí. É sɔ́ ná nyí nyibúsú wɛ mǐ ná nɔ́ dó sá vɔ̌ nú we ǎ, nu mǐtɔn wɛ mǐ ná nɔ́ dó kpa susu nú we.

Ozée 14:8

Mɛ ce lɛ́ɛ ná lɛ́ kɔ wá nɔ awa ce glɔ́. Yě ná lɛ jinukún gle, yě ná gba kún vǐwuntín ɖɔhun. Vɛ̌ɛn yětɔn ná nyɔ́ Libáan sín vɛ̌ɛn ɖɔhun.

Ozée 4:3

Énɛ́ ɔ́ wú wɛ mɛ e ɖo to ɔ́ mɛ lɛ́ɛ ná jɛ aluwɛ mɛ; mɛ e nɔ nɔ to ɔ́ mɛ lɛ́ɛ bǐ ná blá wǔ; yě kpó gběkanlin lɛ́ɛ kpó, kpódó xɛ lɛ́ɛ kpó bǐ wɛ ná blá wǔ, hweví lɛ́ɛ lɔ ná sú kún dó.”

Zakalíi 13:2

Hwenɛ́nu ɔ́, Mawu Mavɔmavɔ Nǔbǐwúkpétɔ́ ɔ́ ɖɔ: “Un ná sú vodún lɛ́ɛ sín kún dó ɖo to ɔ́ mɛ, bɔ mɛ ɖěbǔ sɔ́ ná nɔ́ flín yě ǎ. Mɔ̌ ɖokpó ɔ́, un ná sú mɛ e nɔ ylɔ́ yěɖée ɖɔ gbeyíɖɔ ce lɛ́ɛ sín kún dó, bó ná ɖe nǔ e nɔ́ zɔ́n bɔ mi nɔ yí wǎn nú vodún sinsɛn ɔ́ sín ayi mitɔn mɛ.

Matíe 13:41

Nyɛ Gbɛtɔ́ví ɔ́ ná sɛ́ wɛnsagun ce lɛ́ɛ dó, bɔ yě ná wá bɛ́ hwɛmɛdɔnmɛdótɔ́ lɛ́ɛ bǐ kpódó nǔnyanyawatɔ́ lɛ́ɛ kpó sín axɔ́súɖuto Mawu tɔn mɛ,

Matíe 23:39

Ɖó má ɖɔ nǔgbó nú mi: bɛ́ sín din ɔ́, mi sɔ́ ná mɔ mì ɖě káká yi jɛ gbe e gbe mi na ɖɔ susu nú mɛ e jǎwe ɖo Aklúnɔ nyǐkɔ mɛ é ǎ.”

Nǔɖexlɛ́mɛ 2:14

É ka ɖo mɔ̌ có a wa nǔɖé lɛ́ɛ bɔ é vɛ́ wǔ ce: mɛ e tɛ́ dó nǔkplɔ́nmɛ Baláamu tɔn wú lɛ́ɛ ɖo mi mɛ : Baláamu nɔ kplɔ́n nǔ Balaki ɖɔ ní dɔn Izlayɛ́li ví lɛ́ɛ, bónú yě ní ɖu kanlin e è xwlé vodún lɛ́ɛ sín lan, bó lɛ aga, bó ná dó hu hwɛ.