Sofoníi 1:2 - MAWUXÓWÉMA

² Mawu Mavɔmavɔ ɖɔ: “Un ná sú nǔ e ɖo gbɛ ɖo ayǐkúngban jí lɛ́ɛ bǐ sín kún dó.

Sofoníi 1:2 Iomraidhean Croise

Bǐbɛ́mɛ 6:7

Bɔ é ɖɔ: “Un ná sú gbɛtɔ́ e un bló ɔ́ sín kún dó sín ayǐkúngban ɔ́ jí. Un ná sú gbɛtɔ́ kpó kanlin kpó, kanlin e nɔ sá lɛ́ɛ kpódó xɛ lɛ́ɛ kpó bǐ sín kún dó, ɖó blǒ e un bló yě ɔ́ wá vɛ́ nú mì.”

2 Tan 24:24

Silíinu e wá ahwan fun gbé lɛ́ɛ sukpɔ́ ǎ; yě sukpɔ́ ǎ có Mawu Mavɔmavɔ jó Judáanu tobutóbú ɖé nú yě bɔ yě hu, ɖó Judáanu lɛ́ɛ jó Mawu Mavɔmavɔ, Mawu tɔ́gbó yětɔn lɛ́ɛ tɔn dó. Lě e Mawu Mavɔmavɔ zán Silíinu lɛ́ɛ dó dɔn tó nú Joasi gbɔn ɔ́ nɛ́.

2 Tan 36:21

Énɛ́ ɔ́, xó e Mawu Mavɔmavɔ ɖɔ gbɔn gbeyíɖɔ Jelemíi nu mɛ ɔ́ jɛ; é ɖɔ: “È nǎ jó to ɔ́ dó xɔ xwe kanɖé gban (70), ɖó gbɔjɛ́ e é ɖó ná gbɔjɛ́ lě e sɛ́n ɔ́ ɖɔ gbɔn, bɔ é má ká gbɔjɛ́ ǎ ɔ́ sín tɛnmɛ.”

Ezayíi 6:11

Ée Aklúnɔ ɖɔ mɔ̌ ɔ́, un kanbyɔ́ ɛ ɖɔ: “Aklúnɔ, hwetɛ́nu é ná fó dó?” Bɔ é yí gbe nú mì ɖɔ: “Nǔ ná nɔ mɔ̌ káká jɛ hwenu e toxo lɛ́ɛ bǐ ná gba bó jɛ vɔ̌, bɔ xwé lɛ́ɛ bǐ ná jɛ vɔ̌, lobɔ to ɔ́ bǐ ná húzú gbětótló é.”

Jelemíi 34:22

amɔ̌, un ɖe gbe, bɔ é ná lɛ́ wá tɔ́n ahwan toxo élɔ́, bó ná yí, bó ná dó zo. Un na zé Judáa toxo lɛ́ɛ dó húzú gbětótló, bɔ toxo lɛ́ɛ bǐ ná jɛ vɔ̌.” Xó e Mawu Mavɔmavɔ ɖɔ é nɛ́.

Jelemíi 36:29

Énɛ́ ɔ́ gúdo ɔ́, a nǎ ɖɔ dó Judáa xɔ́sú Yoyakímu wú ɖɔ: “Xó e Mawu Mavɔmavɔ ɖɔ ɔ́ ɖíe: ‘Jelemíi wlán dó anyǔwéma jí ɖɔ Babilɔ́nu xɔ́sú ɔ́ ná wá gba to élɔ́ dandan, lobo ná sú gbɛtɔ́ kpó kanlin kpó sín kún dó. Lo ɔ́, Yoyakímu gbɛ́ nǔ nú Jelemíi bó dó wěma ɔ́ zo.

Jelemíi 7:20

Énɛ́ ɔ́ wú wɛ nyɛ Aklúnɔ Mavɔmavɔ ɖɔ: “Xomɛsin ce ná jɛ te dó toxo élɔ́ jí bó ná syɛ́n ɖésú: alɔ ce na jɛ gbɛtɔ́ kpó kanlin kpó, atín kpó nǔ e ayǐkúngban nɔ na lɛ́ɛ kpó bǐ wú. Xomɛsin ce ná cí zo e ma nɔ cí gbeɖé ǎ ɔ́ ɖɔhun.”

Gbɛvíhan 2:17

Mawu Mavɔmavɔ bló nǔ e é lin ɖɔ émí ná bló é; é bló nǔ e é kó ɖɔ ɖ'ayǐ xóxó ɖɔ émí ná bló é: é gba toxo ɔ́ ma kú nǔbláwǔ n'i. É wa nǔ xá we dó dó xomɛhunhun nú kɛntɔ́ towe lɛ́ɛ, é dó goyíyí goyíyí jí nú mɛ e ma mɔ we gbɔ ǎ lɛ́ɛ.

Micée 7:13

Fí e kpo ɖo ayǐkúngban jí lɛ́ɛ ná húzú gbětótló, ɖó dǎka e mɛ e ɖo to ɔ́ mɛ lɛ́ɛ nɔ xo ɔ́ wú.