Sofoníi 1:18 - MAWUXÓWÉMA

¹⁸ Azǎn e gbe Mawu Mavɔmavɔ ná ɖo xomɛsin jí é ɔ́, kpatágan yětɔn sixú hwlɛ́n yě gán ǎ, siká yětɔn ká sixú hwlɛ́n yě gán ǎ. Wǔhwan Mawu Mavɔmavɔ tɔn ná sɛ́ myɔ ɖɔhun, bó ná dó to ɔ́ bǐ zo, bó ná vívá gbɛtɔ́ e ɖo to ɔ́ mɛ lɛ́ɛ bǐ sín kún; é ná vívá bɔ é ná vɛ́ jlɛ́.

Sofoníi 1:18 Iomraidhean Croise

Bǐbɛ́mɛ 6:7

Bɔ é ɖɔ: “Un ná sú gbɛtɔ́ e un bló ɔ́ sín kún dó sín ayǐkúngban ɔ́ jí. Un ná sú gbɛtɔ́ kpó kanlin kpó, kanlin e nɔ sá lɛ́ɛ kpódó xɛ lɛ́ɛ kpó bǐ sín kún dó, ɖó blǒ e un bló yě ɔ́ wá vɛ́ nú mì.”

1 Axɔ́sú 14:22

Judáanu lɛ́ɛ wa nǔ e nylá Mawu Mavɔmavɔ nukún mɛ é. Yě dǒ xomɛsin nú Mawu gbɔn hwɛ e yě hu lɛ́ɛ gblá mɛ. Xomɛ e Mawu Mavɔmavɔ sin dó yě ɔ́ syɛ́n hú xomɛ e é sin dó tɔ́gbó yětɔn lɛ́ɛ é, ɖó hwɛ yětɔn lɛ́ɛ syɛ́n hú tɔ́gbó yětɔn lɛ́ɛ tɔn.

Jɔ̌bu 21:30

Nyladó zán gbé ɔ́, nǔɖé nɔ wa mɛdídá ǎ, xomɛsin Mawu tɔn nɔ́ jó e dó wǔ ɖíɖí aji ɖɔhun.

Jɔ̌bu 3:15

Gǎn e ɖó siká lɛ́ɛ, yě mɛ énɛ́ lɛ́ɛ e nɔ kplé kpatágan gɔ́ xwé yětɔn lɛ́ɛ kpó nyi kpó ná nɔ kpɔ́.

Ɖɛhan 78:58

Yě nɔ́ ɖo vodún xwé vodún xwé gbɔn wɛ, bó nɔ́ ɖo bǒcyɔ lɛ́ɛ sɛn wɛ; yě wa mɔ̌ bɔ xomɛ sin Mawu.

Ɖɛhan 79:5

Mawu Mavɔmavɔ, xomɛ e sin dó mǐ wɛ a ɖe ɔ́, hwetɛ́nu wɛ a nǎ jǒ dó dó? Xomɛsin towe e ɖo nǔ fyɔ́ wɛ myɔ ɖɔhun ɔ́, hwetɛ́nu wɛ a nǎ jǒ dó dó?

Nǔnywɛ́xó 11:4

Hwɛɖɔzán gbe su ɔ́, dɔkun nɔ gɔ́ alɔ nú mɛ ǎ, nǔ wa ɖó sɛ́nxwi jí kɛ́ɖɛ́ jɛ́n nɔ́ hwlɛ́n mɛ ɖo kú sí.

Nǔnywɛ́xó 18:11

Dɔkunnɔ nɔ mɔ dɔkun tɔn dó mɔ ahohó; é nɔ́ mɔ ɖɔ dɔkun ná gló nǔ bǐ nú émí.

Ezayíi 1:24

Énɛ́ ɔ́ wú wɛ Aklúnɔ, Mawu Mavɔmavɔ Nǔbǐwúkpétɔ́, Mawu hlɔ̌nhlɔ́nnɔ Izlayɛ́li tɔn ɔ́ ɖɔ: “Éénɛ́! Din ɔ́, mɛ e ma ɖo jǐ ce ǎ lɛ́ɛ ɔ́, un ná wa nǔ xá yě bɔ xo ce mɛ ná fá; un ná wa nǔ xá kɛntɔ́ ce lɛ́ɛ dó ba hlɔn.

Ezayíi 10:17

Mawu e nyí wěziza Izlayɛ́li tɔn é ná húzú myɔ, Mawu Mɛ mímɛ́ Izlayɛ́li tɔn ɔ́ ná húzú myɔɖɛ́, bó ná dó wun kpó kpɔvɛwun kpó zo, bɔ bǐ ná ji kɔn afín gbe ɖokpó.

Ezayíi 10:3

Hwenu e Mawu ká ná dɔn tó nú mɛ ɔ́, hwenu e jɔhɔn ná sí te sín zɔ kpó zǐngídi kpó jǎwe ɔ́, nɛ̌ mi nǎ wa nǔ gbɔn? Mɛ̌ xwé mi ná hɔn yi hwlá cí bɔ é ná dó alɔ mi? Fítɛ́ mi ná bɛ́ dɔkun mitɔn lɛ́ɛ ɖó?

Jelemíi 7:20

Énɛ́ ɔ́ wú wɛ nyɛ Aklúnɔ Mavɔmavɔ ɖɔ: “Xomɛsin ce ná jɛ te dó toxo élɔ́ jí bó ná syɛ́n ɖésú: alɔ ce na jɛ gbɛtɔ́ kpó kanlin kpó, atín kpó nǔ e ayǐkúngban nɔ na lɛ́ɛ kpó bǐ wú. Xomɛsin ce ná cí zo e ma nɔ cí gbeɖé ǎ ɔ́ ɖɔhun.”

Jelemíi 7:34

Mɛ ɖé sɔ́ ná se xwe ɖuɖu, awǎjijɛ, alɔwlíhan ɖě ɖo Judáa toxo lɛ́ɛ mɛ ǎ, è nǎ se ɖo Jeluzalɛ́mu sín ali lɛ́ɛ ɖě xo ǎ. Un ná ɖó bǐ te, ɖó to ɔ́ bǐ ná gba hánnyá.”

Jelemíi 9:11

Gbɛtɔ́ e ɖó nǔnywɛ́ bó mɔ nukúnnú jɛ nǔ énɛ́ lɛ́ɛ mɛ é ɖě ká ɖe a? Ényí Mawu Mavɔmavɔ ɖɔ xó nú mɛ mɔ̌hunkɔtɔn hǔn, é ní bó ɖɔ nǔ e wú to ɔ́ gba ɔ́, nǔ e wú é ji zo bó cí gbětótló e mɛ mɛɖé má nɔ́ gbɔn ǎ é ɖɔhun é.

Ezekiyɛ́li 16:38

Jeluzalɛ́mu, tó e è nɔ dɔn nú nyɔ̌nu e dó afɔ gbe ɔ́ abǐ nyɔ̌nu e hu mɛ ɔ́ wɛ un ná dɔn nú we. Kanjɔ towe wɛ a nǎ dó sú wǔ e hwan wɛ un ɖe é kpó adǎn e jí un ɖe é kpó sín axɔ́.

Ezekiyɛ́li 23:25

Oxoliba, un sin xomɛ dó we, ɖó asi ce wɛ a nyǐ bó ká ɖo aga lɛ wɛ; énɛ́ wú wɛ yě ná kpa awɔntín towe, bó kpa tó towe, bó hu hwi ɖésúnɔ ɔ́ ɖó hwǐ wú. Yě ná wlí vǐ towe súnnu kpó nyɔ̌nu kpó. Yě mɛ e ná kpo lɛ́ɛ ɔ́, è nǎ dó yě zo.

Ezekiyɛ́li 7:11

Alǎnnú sí te, bó nyí kpo ɖo dǎka lɔ mɛ bó ɖo nǔ dó sin wɛ; nǔɖé sɔ́ ná kpo ǎ: togun élɔ́ ɖě sɔ́ ná kpo ǎ; mɛ tɔn e nɔ ɖo zǐngídi ɖú wɛ lɛ́ɛ ɖě sɔ́ ná kpo ǎ; zǐngídi e ɖú wɛ è ɖe ɖo toxo ɔ́ mɛ ɔ́ ná nɔ te bɔ susu e toxo ɔ́ xɔ ɔ́ lɔ ná nɔ te.

Ezekiyɛ́li 7:19

Yě ná fúnfún kpatágan yětɔn gbɔn ali jí ali jí. Yě ná sɔ́ siká yětɔn dó mɔ zunkɔ́. Xomɛsin Mawu Mavɔmavɔ tɔn sín azǎn gbe ɔ́, kpatágan yětɔn kpó siká yětɔn kpó sixú hwlɛ́n yě gan ǎ. Yě ná ba nǔ e yě ná ɖu bó gɔ́ xo ɔ́ kpo; yě ná ba nǔ e ná ná vivo lǐndɔ̌n yětɔn ɔ́ kpo, ɖó kpatágan kpó siká kpó wɛ dɔn yě dó hwɛ mɛ.

Ezekiyɛ́li 7:5

“Nǔ e nyɛ Aklúnɔ Mavɔmavɔ ɖɔ é ɖíe: Nǔ nyanya ɖokpó ja jijɛ gbé; nǔ nyanya e ma ko jɛ kpɔ́n gbeɖé ǎ é ja jijɛ gbé.

Sofoníi 1:11

Mi mɛ e ɖo Makitɛ́ci slǎ mɛ, ɖo Jeluzalɛ́mu lɛ́ɛ e mi, mi bǐ ní wɛn azɔn, ɖó ajɔ̌tɔ́ lɛ́ɛ bǐ ná kú; è nǎ vívá akwɛ́ɖyɔ́tɔ́ lɛ́ɛ bǐ sín kún.

Sofoníi 1:15

Xomɛsinzán wɛ azǎn énɛ́ ɔ́ ná nyí. Xɛsi kpó wǔkúmɛ kpó sín azǎn wɛ. Mɛ vivɔ kpó nǔhɛngblé kpó sín azǎn wɛ. Zǐnflú kpó ablu gɔngɔn kpó sín azǎn wɛ. Akpɔ́kpɔ́ kpó amǔ kpó sín azǎn wɛ.

Sofoníi 2:2

É má nyí mɔ̌ ǎ ɔ́, xomɛsin ɖaxó Mawu Mavɔmavɔ tɔn sín azǎn ɔ́ ná wá su mi dó. Mi byɔ́ miɖée mɛ, é má nyí mɔ̌ ǎ ɔ́, mi ná wá cí nǔywɛ́ ɖɔhun, bɔ jɔhɔn ná fúnfún kpé gbe énɛ́ gbe. Mi yá wǔ, é má nyí mɔ̌ ǎ ɔ́, xomɛsin Mawu Mavɔmavɔ tɔn ná jɛ te.

Sofoníi 3:8

Mawu Mavɔmavɔ ɖɔ nú yě ɖɔ: “Din ɔ́, mi bo nɔ te ba kpɔ́n lě e un ná wa nǔ mitɔn gbɔn gbe e gbe un ná wá dó hwɛ mi é. Un ko ɖɔ un ná kplé akɔta lɛ́ɛ kpó axɔ́súɖuto lɛ́ɛ kpó, bó ná ɖe xomɛsin ce xlɛ́ yě. Xomɛsin ɖaxó e jí un ná ɖe ɔ́ ná cí myɔ ɖɔhun, bó ná fyɔ́ to ɔ́ bǐ.”

Matíe 16:26

Ɖó mɛ e gbɛ ɔ́ bǐ ná nyí étɔn, bɔ gbɛ é ɖésúnɔ tɔn ná bú dó e ɔ́, le tɛ́ wɛ ka ɖ'é mɛ n'i? Ani wɛ gbɛtɔ́ ka sixú sɔ́ dó xɔ gbɛ éɖée tɔn ná?

1 Kɔlɛ́ntinu 10:22

Abǐ mǐ jlǒ ná bló bɔ Aklúnɔ ná jɛ wǔ hwan jí wɛ a? Mi vɛdó ɖɔ mǐ dó hlɔ̌nhlɔ́n hú i wɛ sín a?

Sɛ́nflínmɛ 31:17

Gbe nɛ́ gbe su ɔ́, un ná sin xomɛ dó yě titewungbe. Un ná jó yě dó, un ná ɖe kɔ dó yě. Gbɛ yětɔn ná gblé, azɔn kpó nǔxámɛ kpó ná vun blá yě gbɔn ɖisí amyɔ, bɔ yě ná nɔ́ ɖɔ: ‘Mawu mǐtɔn ka sɔ́ ɖo mǐ tɛ́ntin ǎ wɛ zɔ́n bɔ nǔ élɔ́ lɛ́ɛ ɖo mǐ xá wɛ a?’