Sofoníi 1:17 - MAWUXÓWÉMA

¹⁷ Mawu Mavɔmavɔ ɖɔ: “Un ná dɔn gbɛtɔ́ lɛ́ɛ dó nǔ nyanya mɛ; yě ná dlá avi nukúntíntɔ́nnɔ ɖɔhun, ɖó yě hu hwɛ dó mì. Kanjɔ yětɔn ná kpé fí bǐ kɔ́gúdu ɖɔhun, bɔ cyɔ yětɔn ná nyɔ zunkɔ́ ɖɔhun.”

Sofoníi 1:17 Iomraidhean Croise

Ɖɛhan 83:10

Mawu ce, wa nǔ xá yě lě e a wa xá Madiáani gbɔn é, wa nǔ xá yě lě e a wa xá Sisela gbɔn é, wa nǔ xá yě lě e a wa xá Yavíni gbɔn ɖo tɔsisa Kicɔ́ni tɔn kɔn é.

Ezayíi 29:10

ɖó Mawu Mavɔmavɔ xwé nǔ dó ayi mitɔn nu; é blá nukún mɛ nú mi. Nukún mitɔn lɛ́ɛ wɛ nyí gbeyíɖɔ Mawu tɔn lɛ́ɛ. Mawu Mavɔmavɔ cyɔ́n nǔ dó ta nú mi; ta mitɔn lɛ́ɛ wɛ nyí nǔmɔtɔ́ lɛ́ɛ.

Ezayíi 50:1

Xó e Mawu Mavɔmavɔ ɖɔ ɔ́ ɖíe: “Mi nɔ ɖɔ nyi nya nɔ émítɔn Jeluzalɛ́mu. É nyɔ́, mi bo xlɛ́ wěma e un wlán dó así n'i, bó gbɛ́ ɛ, lobo nya ɛ ɔ́ mì. Mi nɔ ɖɔ nyi sa émí kannumɔ ɖɔhun, bó ná sɔ́ akwɛ́ ɔ́ dó sú axɔ́ e un ɖu ɔ́ ná. É nyɔ́, mi bo ɖɔ mɛ e un sa mi xá ɔ́ nú mì. Ényí un sa mi hǔn, nǔ e mi wa nyi do lɛ́ɛ wú wɛ un sa mi; ényí un nya nɔ mitɔn hǔn, hwɛ e mi hu lɛ́ɛ wú wɛ un nya ɛ.

Jelemíi 10:18

ɖó xó e Mawu Mavɔmavɔ ɖɔ ɔ́ ɖíe: ‘Din yɛ tɔn ɔ́, un ná dó ya nú we káká bɔ a nǎ mɔ nǔ e ɖ'é mɛ ɔ́.’ ”

Jelemíi 15:3

“Awě alɔkpa alɔkpa ɛnɛ wɛ un ná sɛ́ dó yě. Un ná sɛ́ ahwan dó yě, bɔ ahwan ná hu yě. Un ná sɛ́ cukú dó yě, bɔ cukú ná dɔn lan yětɔn gbɔn kɔ́ mɛ. Un ná sɛ́ xɛ e nɔ sá nǔ lɛ́ɛ dó yě; un ná sɛ́ adǎnkanlin lɛ́ɛ dó yě; yě ná vún lan yětɔn ɖu, bó ná sú kún yětɔn dó.

Jelemíi 18:21

Énɛ́ wú ɔ́, jó vǐ yětɔn lɛ́ɛ dó nú adɔ ní hu yě; sɔ́ hwǐ dó hu yě tɛ́. Asi yětɔn lɛ́ɛ ní ba vǐ kpo; yě ní húzú asúkúsi; jɛmɛjí ní hu asú yětɔn lɛ́ɛ. Ahwan ní hu mɛ wínnyáwínnyá yětɔn lɛ́ɛ.

Jelemíi 2:17

Hwɛ Izlayɛ́li, ée nyɛ Mawu Mavɔmavɔ, Mawu towe ɖo ali ɖagbe jí kplá we gbɔn wɛ, bɔ hwɛ ka jó mì dó ɔ́, nǔ mɔ̌hun ná gɔn gbigbo we wɛ a?

Jelemíi 2:19

Nǔ nyanya wiwa towe ná wa nǔ xá we; gbejí ma nɔ towe ná dɔn tó nú we, bɔ a nǎ mɔ ɖɔ nyɛ Mawu Mavɔmavɔ, Mawu towe e a jǒ dó ɔ́, tɛn ce mɛ e a ma tunwun nú mì ǎ ɔ́ ná vlɛ́ nu nú we; é ná nylá nú we ɖésú. Xó e nyɛ Aklúnɔ Mavɔmavɔ Nǔbǐwúkpétɔ́ ɔ́ ɖɔ ɔ́ nɛ́.”

Jelemíi 3:25

Winnyá húzú adɔ̌zan nú mǐ, bɔ hɛ̌n nú e mǐ wa lɛ́ɛ nyí wǔcyɔ́n nú mǐ; ɖó mǐ hu hwɛ dó hwi Mawu Mavɔmavɔ, Mawu mǐtɔn. Tɔ́gbó mǐtɔn lɛ́ɛ bǐ hu hwɛ dó we sín vǔ yětɔn, bɔ mǐ lɔ ɖo hwɛ hu dó we wɛ sín vǔ mǐtɔn káká wá jɛ égbé. Mǐ hu hwɛ, mǐ se tónú nú xó e hwi Mawu Mavɔmavɔ, Mawu mǐtɔn ɖɔ nú mǐ ɔ́ ǎ.”

Jelemíi 4:18

Jeluzalɛ́mu, nǔ e a dǒ sin lɛ́ɛ sín le nɛ́! Dǎka e a xo lɛ́ɛ sín le nɛ́! Awě e xo we ɔ́ vɛ́ dín. É hun káká yi ayi towe mɛ.”

Jelemíi 8:2

bó tɛ́ xú énɛ́ lɛ́ɛ gbɔn fí bǐ; è nǎ tɛ́ ɖó hwe kpó sun kpó sunví lɛ́ɛ bǐ kpó nukɔn; nǔ énɛ́ lɛ́ɛ wɛ mɛ énɛ́ lɛ́ɛ yí wǎn ná bó sɛn. Nǔ énɛ́ lɛ́ɛ wɛ yě xwedó, nǔ énɛ́ lɛ́ɛ wɛ yě nɔ́ kan nǔ byɔ́, nǔ énɛ́ lɛ́ɛ wɛ yě nɔ́ ɖe kɔ́ ná hwenu e yě ɖo gbɛ é. Mɛ ɖé ná ɖ'alɔ xú énɛ́ lɛ́ɛ wú ǎ; mɛɖé ká ná ɖi yě ǎ; yě ná nyí zunkɔ́ kpowun ɖo ayǐkúngban jí.

Gbɛvíhan 1:14

Nukún tɔn ɖo nǔ e un wa nyi do lɛ́ɛ jí; Mawu blá nǔ e un wa nyi do lɛ́ɛ ɖó kpɔ́ bó sɔ́ nyi abɔ̌ ce ta; é ɖe hlɔ̌nhlɔ́n ce kpo, é jó mì nú mɛɖé lɛ́ɛ bɔ un sixú xo nǔ ɖo wǔ ɖo nukɔn yětɔn ǎ.

Gbɛvíhan 1:18

Mawu Mavɔmavɔ wa nǔ xá mì gbɔn mɔ̌, hwɛ tɔn ka jɔ, ɖó un ko fɔ́n gǔ dó nǔ e é ɖɔ lɛ́ɛ jí ɖ'ayǐ. Mi togun lɛ́ɛ mi, mi bǐ ní ɖótó ganjí. Mi kpɔ́n ya e ji wɛ un ɖe ɔ́: ahwan wlí ɖyɔ̌vǐ ce lɛ́ɛ kpódó dɔ̌nkpɛvú ce lɛ́ɛ kpó yi to ɖěvo mɛ.

Gbɛvíhan 1:8

Jeluzalɛ́mu hu hwɛ dín; énɛ́ ɔ́ wú wɛ nǔ tɔn má sɔ́ nɔ́ jɛ mɛɖé tɔn jí ǎ. Mɛ e nɔ sí i ɖ'ayǐ lɛ́ɛ ɔ́, din e yě mɔ ɛ ɖo mɛ̌ jɔgbe ɔ́, yě sɔ́ mɔ ɛ dó mɔ nǔɖé ǎ. Ée é jɛ mɛ̌ din ɔ́, nǔ e kpo n'i ɔ́ ɖíe: é ná jɛ gbɛvo sa jí bó ná ba fí ɖé gbɔn.

Gbɛvíhan 2:21

Yɔkpɔ́vú kpódó degénɔ kpó ɖo títɛ́ gbɔn kɔ́ mɛ kɔ́ mɛ ɖo alixo alixo. È hu ɖyɔ̌vǐ ce lɛ́ɛ kpódó dɔ̌nkpɛvú ce lɛ́ɛ kpó ɖo ahwangbénu. Gbe e gbe a sin xomɛ ɔ́, a hu yě; a gbo gbe yě ma kú nǔbláwǔ nú yě.

Ezekiyɛ́li 16:38

Jeluzalɛ́mu, tó e è nɔ dɔn nú nyɔ̌nu e dó afɔ gbe ɔ́ abǐ nyɔ̌nu e hu mɛ ɔ́ wɛ un ná dɔn nú we. Kanjɔ towe wɛ a nǎ dó sú wǔ e hwan wɛ un ɖe é kpó adǎn e jí un ɖe é kpó sín axɔ́.

Ezekiyɛ́li 24:7

Kanjɔ e Jeluzalɛ́mu kɔn nyi ayǐ é kpo ɖo toxo ɔ́ mɛ, ɖó awǐnnya jí wɛ é kɔn kanjɔ ɔ́ kɔn nyi; é kɔn nyi kɔ́ mɛ bónú ayǐkúngban ná nu ǎ, mɛɖé ká dɔn kɔ́ d'é mɛ ǎ.

Ezekiyɛ́li 24:8

Nyɛ ka jó kanjɔ ɔ́ dó nyi awǐnnya ɔ́ jí, fí e é ná nɔ bó ma ná bú wǎn ǎ é, fí e é ná nɔ bó ná dó xomɛ sin nú mì, bónú má ba hlɔn tɔn é.

Amɔ́si 4:10

“Un sɛ́ jɛmɛjí dó mi lě e un sɛ́ dó Ejípu gbɔn ɖ'ayǐ é. Un zé hwǐ dó hu mɛ wínnyáwínnyá mitɔn lɛ́ɛ, bó jó mɛ lɛ́ɛ dó bɔ yě bɛ̌ sɔ́ mitɔn lɛ́ɛ yi. Mi se mɛkúkú lɛ́ɛ sín wǎn ɖo fí e mi ɖe é. Nu nyí mɔ̌ có mi lɛ́ kɔ wá gɔ̌n ce ǎ.” Xó e Mawu Mavɔmavɔ ɖɔ ɔ́ nɛ́.

Micée 7:13

Fí e kpo ɖo ayǐkúngban jí lɛ́ɛ ná húzú gbětótló, ɖó dǎka e mɛ e ɖo to ɔ́ mɛ lɛ́ɛ nɔ xo ɔ́ wú.

Matíe 15:14

Mi jó yě dó; nukúntíntɔ́nnɔ lɛ́ɛ wɛ ɖo yěɖée kplá wɛ; ényí nukúntíntɔ́nnɔ ɖě ɖo ali xlɛ́ ɖě wɛ ɔ́, yě mɛ we lɛ́ɛ bǐ wɛ nɔ yi jɛ do mɛ.”

Hlɔ̌manu 11:25

Nɔví ce lɛ́ɛ mi, nǔbúdo ɖokpó ɖíe, bɔ un jló ná ɖe xlɛ́ mi, bónú mi ma sɔ́ miɖée dó mɔ nǔnywɛ́tɔ́ ná ó: togun Izlayɛ́li tɔn akpá bǔ húzú tótlítɔ́. Lo ɔ́, yě ná nɔ mɔ̌ sɔ́yi ǎ; hwenu e togun ɖě lɛ́ɛ bǐ ná mɔ hwlɛngán dó ɔ́ jɛ́n yě ná nɔ mɔ̌ jɛ.

Hlɔ̌manu 11:7

Hǔn, é ɖo wɛn: togun Izlayɛ́li tɔn mɔ nǔ e ba wɛ é ɖe ɔ́ yí ǎ. Mɛ e Mawu cyán ɖo togun ɔ́ mɛ lɛ́ɛ kɛ́ɖɛ́ wɛ mɔ yí; mɛ e kpo lɛ́ɛ ɔ́, é bló bɔ yě húzú tótlítɔ́.

2 Kɔlɛ́ntinu 4:4

Yě ɖi nǔ ǎ; ɖó gǎn nyanya gbɛ élɔ́ tɔn ɔ́ va nukún ayixa yětɔn. Mawu gbɛ élɔ́ tɔn énɛ́ nɔ lɔn nú yě ná mɔ wěziza e Wɛn Ɖagbe e ɖɔ xó dó susu Klísu tɔn wú ɔ́ nɔ ná mɛ é ǎ. Klísu ɔ́ wɛ nyí akpajlɛ́ Mawu tɔn titewungbe ɔ́.

2 Piyɛ́ɛ 1:9

Lo ɔ́, mɛɖé ma ɖó jijɔ énɛ́ lɛ́ɛ ǎ ɔ́, mɛ ɔ́ nɔ mɔ nǔ jɛ zɔ ǎ; é cí nukúntíntɔ́nnɔ ɖɔhun; é sɔ́ flín ɖɔ è ko slá wǔ nú émí sín hwɛ e émí hu ɖ'ayǐ lɛ́ɛ mɛ ǎ.

1 Jǎan 2:11

Mɛ e ka gbɛ́ wǎn nú nɔví tɔn ɔ́ ɖo zǐnflú mɛ; é ɖo zɔnlin ɖi wɛ ɖo zǐnflú mɛ; é tunwun fí e é xwe ɔ́ ǎ, ɖó zǐnflú ɔ́ zɔ́n bɔ é ɖo nǔ mɔ wɛ ǎ.

Nǔɖexlɛ́mɛ 3:17

A nɔ ɖɔ: ‘Un jɛ dɔkun, un mɔ akwɛ́, nǔɖé hwe dó mì ǎ.’ Lo ɔ́, a tunwun ɖɔ gbɛ̌dónánɔ wɛ émí nyí, lobo nyí lelenɔ ǎ. Wamamɔnɔ wɛ a nyǐ; nukúntíntɔ́nnɔ wɛ nú we; mɛ̌ wɛ a ɖe.