Sofoníi 1:16 - MAWUXÓWÉMA

¹⁶ Gbe énɛ́ gbe ɔ́, sɔ́ja lɛ́ɛ ná kún lanzo, bó ná ɖo acéjí bó ná tɔ́n ahwan toxo e è mɛ ahohó lɛ́ lɛ̌ dó lɛ́ɛ, bó ná tɔ́n ahwan mɛcɔ́tɔ́xɔ lɛ́ɛ.

Sofoníi 1:16 Iomraidhean Croise

Ezayíi 27:13

Gbe énɛ́ gbe ɔ́, lanzo ɖaxó ɔ́ ná jɛ gbe, bɔ mi mɛ e ahwan kplá yi Asilíi lɛ́ɛ, abǐ mi mɛ e è gba dó bɔ mi yi ɖo Ejípu lɛ́ɛ bǐ ná lɛ́ kɔ wá, bó ná jɛ kpo ɖo Mawu Mavɔmavɔ nukɔn, ɖo Jeluzalɛ́mu, ɖo só mímɛ́ ɔ́ jí.

Ezayíi 32:14

Mɛ bǐ hɔn jó axɔ́sú ɔ́ sín xwé dó. Toxo e mɛ axi nɔ jɛ ɖe é jɛ vɔ̌. Mɛ bǐ jó Ofɛ́lu slǎ ɔ́ dó, bó jó tocɔ́kpe e ta sɔ́ja lɛ́ɛ nɔ́ nɔ é dó, bɔ tócí gbě tɔn lɛ́ɛ nɔ́ wá vo ɖo fínɛ́, bɔ kanlin lɛ́ɛ nɔ́ yi ɖu ama ɖo fínɛ́.

Ezayíi 59:10

Mǐ nɔ ɖo avi dlá wɛ gbɔn dǒ wú dǒ wú nukúntíntɔ́nnɔ ɖɔhun; mǐ nɔ ɖo ali ba wɛ mɛ e ma ɖó nukún ǎ é ɖɔhun. Hwe mɛ cíɖíɖí wɛ mǐ nɔ́ klɛ́n afɔ zǎn mɛ wɛ mǐ ɖe ɖɔhun; lanmɛ mǐtɔn ɖo ganjí, mǐ ká cí mɛkúkú ɖɔhun.

Jelemíi 6:1

Mawu ɖɔ: “Bɛnjamɛ́ɛ ví e mi, mi hɔn sín Jeluzalɛ́mu! Mi kún lanzo ɖo Tekowa, bónú mɛ bǐ ní nɔ acéjí. Mi zé ahwansyá dó jǐ ɖo Bɛti-Kɛlɛ́mu. Đó awě ɖé jǎwe, nǔ baɖabaɖa ɖé lɛ́ɛ ja sín totaligbé.

Jelemíi 8:16

Kɛntɔ́ mǐtɔn lɛ́ɛ jǎwe, bó kó ɖo Dan. Sɔ́ yětɔn lɛ́ɛ gbɔjɛ́ lě ɔ́, è nɔ se sín káká dɔ̌n. Yě sú xó ɔ́, ayǐkúngban ɔ́ bǐ nɔ dán wǔ. Kɛntɔ́ mǐtɔn lɛ́ɛ jǎwe, bó ná wá gba to mǐtɔn, bó hɛn nǔ e ɖ'é mɛ lɛ́ɛ bǐ gblé: yě ná gba toxo mǐtɔn lɛ́ɛ bǐ, yě ná gblé gbɛ dó nú mɛ bǐ.”

Ezekiyɛ́li 7:7

Izlayɛ́linu e mi, gan mitɔn xo, hwe ɔ́ nu su, azǎn e gbe è nǎ ɖɔ hwɛ xá mi ɔ́ ko sɛkpɔ́; mɛɖé sɔ́ ná j'awǎ ɖě ɖo só lɛ́ɛ jí ǎ, xɛsi wɛ ɖo só lɛ́ɛ jí.

Ozée 5:8

“Mi kún lanzo ɖo Giveya, mi kún kpɛn ɖo Hlama! Mi sú xó ɖo Bɛti-Awɛni. Akɔta Bɛnjamɛ́ɛ tɔn, kpɔ́n gǔdo towe.

Ozée 8:1

Mawu Mavɔmavɔ ɖɔ: “Mi kún lanzo! Kɛntɔ́ kplɔ́ dó Mawu Mavɔmavɔ xwé ɔ́ gangan ɖɔhun, ɖó Izlayɛ́linu lɛ́ɛ gba akɔ e un jɛ xá yě ɔ́, yě gba sɛ́n e un dó nú yě lɛ́ɛ.

Jowɛ́li 2:1

Mi kún kpɛn ɖo Sinyɔ́ɔ. Mi kún kpɛn lélé ɖo só mímɛ́ ce jí. Mi mɛ e ɖo to ɔ́ mɛ lɛ́ɛ bǐ ní sísɔ́, ɖó Mawu Mavɔmavɔ zán ɔ́ ja; é kó sɛkpɔ́.

Amɔ́si 3:6

Ahwankpɛn nɔ jɛ gbe ɖo toxo ɖé mɛ, bɔ ado nɔ gɔn mɛ e ɖo toxo ɔ́ mɛ lɛ́ɛ hu a? Awě nɔ́ xo toxo ɖé Mawu Mavɔmavɔ mɛ vo a?

Xabakúku 3:6

É nɔ te lě ɔ́, nukún tɔn nɔ kpé ayǐkúngban ɔ́ bǐ jí. É kpɔ́n akɔta lɛ́ɛ lě ɔ́, xɛsi nɔ jɛ yě jí, bɔ yě nɔ́ sísɔ́. Só ɖaxó ɖaxó e ma nɔ gba gbeɖé ǎ lɛ́ɛ nɔ dán wǔ, só kpɛví kpɛví hwexónu tɔn lɛ́ɛ nɔ yi do, bɔ ali swɛ́ɛ́n hwexónu tɔn lɛ́ɛ nɔ hun ɖo nukɔn tɔn.

Sɛ́nflínmɛ 28:52

Yě ná xá mi gbɔn fí e mi ɖe lɛ́ɛ bǐ káká bɔ ahohó e wú mi nɔ ɖeji dó lɛ́ɛ bǐ ná mu. Yě ná xá mi gbɔn toxo e ɖo to e Mawu Mavɔmavɔ, Mawu mitɔn na ná mi lɛ́ɛ bǐ mɛ.

Jozuwée 6:20

Ée Jozuwée ɖɔ mɔ̌ ɔ́, è kún lanzo. Ée togun ɔ́ se lanzo gbe tlóló ɔ́, xósúsú mlí, bɔ dǒ e è mɛ lɛ́ lɛ̌ dó toxo ɔ́ bǐ hɔ́. Énɛ́ ɔ́, Izlayɛ́li ví lɛ́ɛ nyi agbo byɔ́ toxo ɔ́ mɛ, mɛ ɖokpó ɖokpó ɖidó fí e é kpan nukɔn ɔ́ tlélé, bɔ yě yǐ toxo ɔ́.