Sofoníi 1:14 - MAWUXÓWÉMA

¹⁴ Xomɛsinzán Mawu Mavɔmavɔ tɔn sɛkpɔ́! Azǎn ɖaxó Mawu Mavɔmavɔ tɔn ɔ́ kó sɛkpɔ́ bǐ kɛ́nnɛ́kɛ́nnɛ́. É ɖo hwlɛndó jí jǎwe. È ko ɖo azǎn ɔ́ sín xɔxɔ se wɛ. Mɛ ɖěɖě e kpan akɔ́n titewungbe lɛ́ɛ lɔ kó ɖo xó sú wɛ ɖɔ: “Mɛ̌ ká ná hwlɛ́n mǐ gán! Mɛ̌ ná hwlɛ́n mǐ gán!”

Sofoníi 1:14 Iomraidhean Croise

Ezayíi 15:4

È ɖo xó sú ylɔ́ mɛ wɛ sín Hɛcibɔ́ni, è ɖo xó sú ylɔ́ mɛ wɛ sín Eleale; è ɖo xó sú ylɔ́ mɛ wɛ ɖɔ è nǐ wá hwlɛ́n émí gán, bɔ è ɖo káká Yaxisa bó se. Énɛ́ ɔ́ wú wɛ sɔ́ja Mɔwabu tɔn lɛ́ɛ ɖo xó sú wɛ, awakanmɛ kú yě.

Ezayíi 33:7

Aliɛ́linu lɛ́ɛ ɖíe tɔ́n jɛ ali jí bó ɖo xó sú wɛ e! Fífáwɛndótɔ́ lɛ́ɛ lɛ́ kɔ jǎwe kpó avǐ kpó, ɖasin hoho.

Ezayíi 66:6

Mi ɖótó xó e sú wɛ è ɖe ɖo toxo ɔ́ mɛ é; xó e sú wɛ è ɖe sín Mawu xwé ɔ́ gbe é; Mawu Mavɔmavɔ wɛ ɖo nǔ e kɛntɔ́ tɔn lɛ́ɛ wa é sín axɔ́ sú yě wɛ.

Ezayíi 8:22

bó kpɔ́n do; yě ká ná mɔ nǔɖé zɛ aluwɛ wú ǎ; fí bǐ ná dó ablu, xɛsi ná ɖo to ɔ́ jí mɔ̌hunkɔtɔn, ablu ná dó bó vɛ́ jlɛ́.

Jelemíi 25:36

È se lɛ̌ngbɔ́nyitɔ́ lɛ́ɛ ɖo xó sú wɛ. Kanlinkplátɔ́ lɛ́ɛ ɖo gbɛvíhan dó wɛ, ɖó Mawu Mavɔmavɔ vívá fí e kanlin yětɔn lɛ́ɛ nɔ yi ɖu ama ɖe é.

Jelemíi 30:7

Awě tɛ́ ɖíe! Azǎn baɖabaɖa ɖé wɛ, ayǐ mɔ̌hun ko hɔ́n kpɔ́n ǎ. Aluwɛ zán wɛ é nyí nú Jakɔ́bu ví lɛ́ɛ! Amɔ̌, yě ná tɔ́n sín mɛ, wǔyɛ́yɛ́ afɔyɛ́yɛ́.”

Jelemíi 46:5

Mawu Mavɔmavɔ ka ɖɔ: “Étɛ́ ka ɖo jijɛ wɛ? Étɛ́ ɖíe mɔ wɛ un ka ɖe e? Xɛsi jɛ yě jí, yě dó gbló mɛ. É kpa ahwanfuntɔ́ syɛ́nsyɛ́n yětɔn lɛ́ɛ ɖěbǔ ǎ. A ma ná yi ǎ hǔn ago ma yi wɛ, mɛ ɖěbǔ sɔ́ nɔ́ lɛ́ kɔ kpɔ́n gǔdo ǎ. Xɛsi ɖo fí bǐ.

Jelemíi 48:41

Kɛntɔ́ ná yí toxo lɛ́ɛ; toxo e è mɛ ahohó lɛ́ lɛ̌ dó lɛ́ɛ bǐ ná jɛ kɛntɔ́ lɔ mɛ. Gbe nɛ́ gbe ɔ́, ahwanfuntɔ́ syɛ́nsyɛ́n lɛ́ɛ bǐ sín ayi ná fun nyɔ̌nu e jɛ flú mɛ ɔ́ ɖɔhun.

Ezekiyɛ́li 12:23

Din ɔ́, a nǎ ɖɔ nú yě ɖɔ nyɛ Aklúnɔ Mavɔmavɔ ɔ́, un ná sú acagbe énɛ́ lɛ́ɛ dó; è sɔ́ ná se ɖě ɖo Izlayɛ́li ǎ. A ka ná ɖɔ nú yě ɖɔ: ‘Hwenu e nǔ e è mɔ nǔ bó ɖɔ lɛ́ɛ bǐ ná jɛ dó é ɖíe.’

Ezekiyɛ́li 30:3

Azǎn ɔ́ kó sɛ yá bǐ kɛ́nnɛ́kɛ́nnɛ́; Azǎn Mawu Mavɔmavɔ tɔn ɔ́ kó ja. Azǎn énɛ́ gbe ɔ́, akpɔ́kpɔ́ ná ɖó gbɔn jǐnukúnsin ɔ́ bǐ; azǎn e gbe è nǎ ɖɔ hwɛ xá togun ɖě lɛ́ɛ é wɛ.

Ezekiyɛ́li 7:12

Hwe ɔ́ nu su! Ayǐ ɔ́ hɔ́n! Nǔxɔtɔ́, ma j'awǎ ó! Nǔsatɔ́, ma sa vo ó! Ɖó xomɛsin ce ná jɛ te dó mɛ bǐ jí.

Ezekiyɛ́li 7:16

Mɛ e kpo ɖo gbɛ ɖo yě mɛ lɛ́ɛ ná hɔn yi cí sókan mɛ, tɔdomɛ sín ahwannɛ́ lɛ́ɛ ɖɔhun; mɛ ɖokpó ɖokpó ná ɖo alě ná wɛ, ɖó nǔ e é wa nyi do ɔ́ wú.

Jowɛ́li 1:15

Caxóxowǒóo! Azǎn baɖabaɖa ɖé ja. Xomɛsinzán Mawu Mavɔmavɔ tɔn kó sɛkpɔ́. Azǎn ɔ́ ná wá bɔ nǔ bǐ ná sú kún dó lě e Nǔbǐwúkpétɔ́ ɔ́ ko lɛ́n gbɔn é.

Jowɛ́li 2:1

Mi kún kpɛn ɖo Sinyɔ́ɔ. Mi kún kpɛn lélé ɖo só mímɛ́ ce jí. Mi mɛ e ɖo to ɔ́ mɛ lɛ́ɛ bǐ ní sísɔ́, ɖó Mawu Mavɔmavɔ zán ɔ́ ja; é kó sɛkpɔ́.

Jowɛ́li 2:11

Mawu Mavɔmavɔ ɖe gbe ɖo ahwangɔnu énɛ́ nukɔn, ɖó ahwanfuntɔ́ tɔn énɛ́ lɛ́ɛ nɔ́ se tónú n'i; yě dó xɛsi ɖésú. Đó Mawu Mavɔmavɔ zán ɔ́ kló, é dó abaɖa. Mɛ̌ wɛ sixú gán ɖo azǎn énɛ́ gbe?

Amɔ́si 8:2

bó kanbyɔ́ mì ɖɔ: “Étɛ́ mɔ wɛ a ɖe Amɔ́si?” Un yí gbe n'i ɖɔ: “Un mɔ atínsínsɛ́n myámyá xasun ɖokpó.” Énɛ́ ɔ́, Mawu Mavɔmavɔ ɖɔ nú mì ɖɔ: “Hwenu e togun ce Izlayɛ́li ná vɔ́ dó ɔ́ su. Un sɔ́ ná sɔ́ nǔ e é nɔ wa nyi do lɛ́ɛ ɖěbǔ kɛ ɛ ǎ.

Sofoníi 1:10

Gbe énɛ́ gbe ɖo Jeluzalɛ́mu ɔ́, è nǎ se xósúsú ɖaxó ɖé sín Hweví Hɔntogbó ɔ́ kɔn. Gbɛvíhan ná ɖo Slǎ Yɔ̌yɔ́ ɔ́ mɛ, bɔ nǔ baɖabaɖa ɖé ná jɛ gbɔn só lɛ́ɛ jí.

Sofoníi 1:7

Mi nɔ xwíí ɖo Aklúnɔ Mavɔmavɔ nukɔn, ɖó xomɛsinzán Mawu Mavɔmavɔ tɔn kó sɛkpɔ́. Mawu Mavɔmavɔ kó zé nǔ e ná sá vɔ̌ ná wɛ é ɖe ɔ́ ɖó alɔ jí. É kó cyán mɛ e ná ɖu agɔ̌ lɛ́ɛ.

Mɛsɛ́dó 2:20

Hwesivɔ́ ná húzú zǐnflú, bɔ sun ná myá hun ɖɔhun, cóbɔ Aklúnɔ sín azǎn ɔ́, azǎn ɖaxó susunɔ énɛ́ ná wá.

Filípunu 4:5

Mi fá xomɛ dó mɛ bǐ wú. Aklúnɔ ná wá zaanɖé din.

1 Tɛsalonikinu 4:16

Hwe ɔ́ nu su ɔ́, Aklúnɔ ɖésúnɔ ná jɛ te sín jǐxwé, bɔ è nǎ se mɛɖé ná ɖe gbe kpó xósúsú kpó, bó ná se wɛnsagun Mawu tɔn ɖaxó ɖokpó sín gbe; bó ná se ɖuɖéjí sín kpɛn Mawu tɔn sín gbe; bɔ mɛ e ɖi nǔ nú Klísu cóbó kú lɛ́ɛ ná fɔ́n jɛ nukɔn.

Eblée 12:26

Hwenu e Mawu ɖɔ xó ɔ́, gbe tɔn húnhún ayǐkúngban ɔ́. Amɔ̌ din ɔ́, é dó akpá nú mǐ ɖɔ: “Un ná lɛ́ húnhún ayǐkúngban ɔ́ azɔn ɖokpó d'é jí; é ka sɔ́ ná nyí ayǐkúngban ɔ́ kɛ́ɖɛ́ wɛ un ná húnhún ǎ; un ná húnhún jǐnukúnsin lɔmɔ̌.”

Jaki 5:9

Nɔví lɛ́ɛ mi, mi ma nɔ jɛ miɖée sín hwɛ, bónú Mawu wá ɖɔ hwɛ xá mi ó. Hwɛɖɔtɔ́ ɔ́ ko ɖo hɔnta, bó ɖo xwé gbe ná byɔ́ wɛ.

2 Piyɛ́ɛ 2:3

Nǔkplɔ́nmɛtɔ́-nyíjɛtɔ́ énɛ́ lɛ́ɛ ná nɔ ɖo akwɛ́ gbé mɛ, bó ná nɔ kpa xó ɖɔ nú mi, bó dó xo mi ɖu. Amɔ̌, mɛ e ná ɖó hwɛ nú yě ɔ́ ko ɖo te kpɔ́n yě sín tɛgbɛ, bó ná ɖó hwɛ nú yě, bɔ vivɔ yětɔn sixú gblá gbeɖé ǎ.