Sofoníi 1:13 - MAWUXÓWÉMA

¹³ È nǎ hɛn dɔkun yětɔn bǐ gblé, bó ná gba xwé yětɔn lɛ́ɛ. Yě ná gbá xɔ bó ka ná nɔ mɛ ǎ. Yě ná tun vǐwun, yě ká ná ɖu ǎ.”

Sofoníi 1:13 Iomraidhean Croise

Ezayíi 6:11

Ée Aklúnɔ ɖɔ mɔ̌ ɔ́, un kanbyɔ́ ɛ ɖɔ: “Aklúnɔ, hwetɛ́nu é ná fó dó?” Bɔ é yí gbe nú mì ɖɔ: “Nǔ ná nɔ mɔ̌ káká jɛ hwenu e toxo lɛ́ɛ bǐ ná gba bó jɛ vɔ̌, bɔ xwé lɛ́ɛ bǐ ná jɛ vɔ̌, lobɔ to ɔ́ bǐ ná húzú gbětótló é.”

Jelemíi 15:13

Mawu ɖɔ: “Judáa, nǔ e nyí towe lɛ́ɛ, dɔkun towe lɛ́ɛ ɔ́, un ná jó bǐ nú kɛntɔ́ vɔ̌nu, bɔ kɛntɔ́ ná vɔ bǐ, ɖó hwɛ e a hu gbɔn ayǐ towe lɛ́ɛ bǐ jí lɛ́ɛ wú.

Jelemíi 17:3

Judáa togun e, hwi mɛ e nɔ sɛn vodún gbɔn só jí só jí, bó nɔ́ sɛn gbɔn nǔkan mɛ nǔkan mɛ ɔ́, nǔ e nyí towe lɛ́ɛ, dɔkun towe lɛ́ɛ kpó fí e a nɔ yi sɛn vodún gbɔn lɛ́ɛ kpó ɔ́, un jó bǐ nǔ kɛntɔ́, bɔ kɛntɔ́ ná vɔ bǐ, ɖó hwɛ e a hu gbɔn ayǐ towe lɛ́ɛ jí lɛ́ɛ wú.

Jelemíi 4:20

È ɖɔ nǔ na gblé, bó ná lɛ́ gblé d'é jí. Nǔ e ɖo toxo ɔ́ mɛ lɛ́ɛ bǐ hánnyá. Goxɔ mǐtɔn bǐ gba ɖo cɛ́jú mɛ; xɔ mǐtɔn lɛ́ɛ bǐ mu ɖo nukún xwixwe ɖokpó mɛ.

Jelemíi 4:7

Kinnikínní tɔ́n sín zun tɔn mɛ, mɛ e nɔ gblé gbɛ dó nú akɔta lɛ́ɛ e ko gosín fí e é nɔ́ nɔ é, é jǎwe, é ná wá vɔ to mitɔn. É ná gba toxo mitɔn lɛ́ɛ bǐ, mɛɖé sɔ́ ná kpo ɖo toxo lɛ́ɛ mɛ ǎ.

Jelemíi 5:17

Yě ná vívá nǔ mitɔn lɛ́ɛ bǐ: agɔ̌ mitɔn lɛ́ɛ, nǔɖuɖu mitɔn lɛ́ɛ, vǐ mitɔn súnnu lɛ́ɛ, nyɔ̌nu lɛ́ɛ, gbɔ̌ mitɔn lɛ́ɛ, nyibú mitɔn lɛ́ɛ, vǐwungbo mitɔn lɛ́ɛ, fígigbo mitɔn lɛ́ɛ yě ná vívá bǐ. Toxo mitɔn e mi mɛ ahohó lɛ́ lɛ̌ dó, bó nɔ́ dó yí go na lɛ́ɛ ɔ́, ahwan ná gba bǐ.

Jelemíi 9:11

Gbɛtɔ́ e ɖó nǔnywɛ́ bó mɔ nukúnnú jɛ nǔ énɛ́ lɛ́ɛ mɛ é ɖě ká ɖe a? Ényí Mawu Mavɔmavɔ ɖɔ xó nú mɛ mɔ̌hunkɔtɔn hǔn, é ní bó ɖɔ nǔ e wú to ɔ́ gba ɔ́, nǔ e wú é ji zo bó cí gbětótló e mɛ mɛɖé má nɔ́ gbɔn ǎ é ɖɔhun é.

Jelemíi 9:19

Nyɔ̌nu lɛ́ɛ e mi, mi ɖótó Mawu Mavɔmavɔ xó ɔ́; tó mitɔn ní se xó e ɖo nu tɔn mɛ tɔ́n sín wɛ ɔ́. Mi kplɔ́n gbɛvíhan nyɔ̌nuví mitɔn lɛ́ɛ, mi kplɔ́n nǔwamɛhan élɔ́ miɖée:

Gbɛvíhan 5:2

To e a nǎ mǐ ɔ́ húzú mɛ ɖěvo lɛ́ɛ sín to, xwé mǐtɔn lɛ́ɛ húzú mɛ e mǐ ma tunwun ǎ lɛ́ɛ sín xwé.

Ezekiyɛ́li 22:31

Énɛ́ ɔ́ wú ɔ́, un ná ɖe adǎn e jí un ɖe ɔ́ xlɛ́ yě; un ná sɔ́ xomɛsin ce sín zo dó fyɔ́ yě bǐ, bó sú gbɛ nyanya e yě zán ɔ́ sín axɔ́ yě. Xó e nyɛ Aklúnɔ Mavɔmavɔ ɖɔ ɔ́ nɛ́.”

Ezekiyɛ́li 7:19

Yě ná fúnfún kpatágan yětɔn gbɔn ali jí ali jí. Yě ná sɔ́ siká yětɔn dó mɔ zunkɔ́. Xomɛsin Mawu Mavɔmavɔ tɔn sín azǎn gbe ɔ́, kpatágan yětɔn kpó siká yětɔn kpó sixú hwlɛ́n yě gan ǎ. Yě ná ba nǔ e yě ná ɖu bó gɔ́ xo ɔ́ kpo; yě ná ba nǔ e ná ná vivo lǐndɔ̌n yětɔn ɔ́ kpo, ɖó kpatágan kpó siká kpó wɛ dɔn yě dó hwɛ mɛ.

Ezekiyɛ́li 7:21

Un ná jó toxo ɔ́ nú akɔta ɖěvo lɛ́ɛ, bɔ yě ná fɔ nǔ e ɖ'é mɛ lɛ́ɛ bǐ. Mɛ ma nyí mɛɖé énɛ́ lɛ́ɛ ná bɛ́ nǔ e ɖo toxo ɔ́ mɛ lɛ́ɛ bǐ, bó ɖu su nú toxo ɔ́.

Ezekiyɛ́li 7:24

Énɛ́ ɔ́ wú ɔ́, un ná sɛ́ togun e nɔ xo dǎka titewungbe lɛ́ɛ dó to ɔ́ mɛ, bɔ yě ná yǐ xwé yětɔn lɛ́ɛ. Un ná hu acɛ nú gǎnhúnǔtɔ́ énɛ́ lɛ́ɛ e nɔ́ ɖo afɔ tɛ ayǐ wɛ lɛ́ɛ, bɔ è nǎ ɖu sú nú vodún xwé yětɔn lɛ́ɛ.

Amɔ́si 5:11

“Mi nɔ xo mɛ e ma ɖó gǎn ǎ lɛ́ɛ ɖu, bó nɔ yí nǔjɔ ɖo jinukún yětɔn lɛ́ɛ jí; énɛ́ ɔ́ wútu ɔ́, xɔ ɖagbe ɖagbe e mi gbá lɛ́ɛ ɔ́, mi ná ɖu gbɛ yětɔn ǎ; vǐwuntín ɖagbe ɖagbe e mi tun lɛ́ɛ ɔ́, mi ná dó vɛ̌ɛn yětɔn nu ǎ.

Micée 3:12

Đó midɛɛ lɛ́ɛ wú ɔ́, Sinyɔ́ɔ ná húzú gle e jí è na nɔ dó nǔ ɖe é, Jeluzalɛ́mu ná húzú zunkɔ́ta; lo ɔ́, fí e Sinsɛnxɔ Mawu tɔn e ɖo só jí ɔ́ ɖe ɔ́ bǐ ná húzú zungbó ɖó mi wú.

Micée 6:15

A nǎ nɔ dó nǔ, a ka ná nɔ mɔ ya ǎ; a nǎ nɔ li olívu, a ka ná mɔ ami tɔn bó sa ǎ. A nǎ nɔ li vǐwun, a ka ná nɔ mɔ vɛ̌ɛn tɔn nu ǎ.

Sofoníi 1:9

Gbe énɛ́ gbe ɔ́, un ná dɔn tó nú mɛ e nɔ lɔ́n gbɔn sinsɛnxɔ yětɔn lɛ́ɛ sín kpekánta ahe lɛ́ɛ ɖɔhun , bó nɔ́ ja ajo bó nɔ́ xo dǎka, dó bɛ́ dɔkun gɔ́ gǎn yětɔn xwé lɛ́ɛ.

Sɛ́nflínmɛ 28:30

Asixɔ́ntɔn e mi ná ɖó ɔ́, mɛ ɖěvo ná da. Xwé e mi ɖésú ná gbá ɔ́, mi ná nɔ mɛ ǎ. Vǐwun e mi ná tun ɔ́, mi ná gbɛ sínsɛ́n tɔn nukɔntɔn ɔ́ vɔ́vɔ́ ǎ.

Sɛ́nflínmɛ 28:39

Mi ná tun vǐwuntín bó kpé nukún d'é wú, mi ka ná nu vɛ̌ɛn tɔn ɖě ǎ; mi ná gbɛ vǐwun lɛ́ɛ vɔ́vɔ́ ǎ, ɖó wǎnvú ná ɖu bǐ.

Sɛ́nflínmɛ 28:51

Yě ná ɖu vǐ e kanlin mitɔn lɛ́ɛ ná ji lɛ́ɛ, bó ná ɖa nǔ e ná nyɔ́ ɖo gle mitɔn mɛ lɛ́ɛ bǐ ɖu, yě ná ɖo ɖuɖu wɛ káká, bɔ kún mitɔn ná sú dó. Yě ná jó vɛ̌ɛn mitɔn ɖě dó nú mi ǎ; yě ná jó jinukún ɖě dó nú mi ǎ, yě ná jó ami mitɔn ɖě dó ǎ, nyibú mitɔn asinɔ lɛ́ɛ kpó gbɔ̌ mitɔn asinɔ lɛ́ɛ kpó ɔ́, yě ná jó ɖěbǔ dó nú mi ǎ: yě ná wa nǔ énɛ́ lɛ́ɛ xá mi káká jɛ hwenu e mi bǐ nǎ vɔ sín ayǐkúngban ɔ́ jí dó é.