Sofoníi 1:11 - MAWUXÓWÉMA

¹¹ Mi mɛ e ɖo Makitɛ́ci slǎ mɛ, ɖo Jeluzalɛ́mu lɛ́ɛ e mi, mi bǐ ní wɛn azɔn, ɖó ajɔ̌tɔ́ lɛ́ɛ bǐ ná kú; è nǎ vívá akwɛ́ɖyɔ́tɔ́ lɛ́ɛ bǐ sín kún.

Sofoníi 1:11 Iomraidhean Croise

Jɔ̌bu 27:16

Mɛdídá lɛ́ɛ ná bó kplé kpatágan kɔ́gúdu ɖɔhun ɔ́, yě ná bó bɛ́ avɔ kplé kɔ́ nyinya ɖɔhun ɔ́,

Jɔ̌bu 27:17

yě ní ɖo kplékplé wɛ bó! Gbɛtɔ́ hwɛjijɔnɔ ɔ́ wɛ ná nɔ fɔ yě dó, gbɛtɔ́ ayijlɔ́jlɔ́nɔ wɛ ná ɖu kpatágan ɔ́ sín gǔ.

Jelemíi 25:34

Gbɔ̌nyitɔ́ lɛ́ɛ mi, mi dó gbɛvíhan, mi ya avǐ. Mi mɛ e cí gbɔ̌nyitɔ́ ɖɔhun nú togun lɛ́ɛ e mi, mi blí gbo gbɔn kɔ́ mɛ, ɖó gbe e gbe è nǎ gbo ta mi ɔ́ ja; mi ná j'ayǐ bó gba hánnyá lě e è nɔ gba zɛ̌n xɔ akwɛ́ ɖé é ɖɔhun.

Jelemíi 4:8

Énɛ́ ɔ́ wú ɔ́, mi cyɔ́n ati, mi ya avǐ, mi ná alě, ɖó xomɛ e Mawu Mavɔmavɔ sin dó mǐ ɔ́ ko vɔ ǎ.

Ezekiyɛ́li 21:12

Ényí yě wǎ kan nǔ e wú a ɖo azɔn wɛn wɛ ɔ́ byɔ́ we hǔn, ɖɔ nú yě ɖɔ: ‘Nǔ nyanya ɖé wɛ ɖo nǎ jɛ wɛ bɔ un se. É ná hɛn hǔn nú mɛ bǐ, awakanmɛ ná kú mɛ bǐ, mɛ bǐ ná dán ɖě wa gbɔn, afɔ bǐ ná xo dɔjɔ. Nǔ e ná jɛ ɔ́ nɛ́; é ká sɔ́ ɖo lǐnlín mɛ ǎ, é ná jɛ din tlóló. Xó e nyɛ Aklúnɔ Mavɔmavɔ ɖɔ ɔ́ nɛ́.’ ”

Ozée 9:6

Hwenu e yě ná gosín to yětɔn e è gba ɔ́ mɛ ɔ́, Ejípunu lɛ́ɛ ná yí yě. Lo ɔ́, Mɛfísi toxo ɔ́ wɛ ná nyí yɔdo yětɔn. Akwɛ́nú e yě ɖó lɛ́ɛ, kpatágan yětɔn ɔ́, kpɔvɛwun wɛ ná vun blá. Wunkan wɛ ná wú ɖo goxɔ yětɔn lɛ́ɛ mɛ.

Jowɛ́li 1:13

Vɔ̌sánú-xwlémawutɔ́ lɛ́ɛ mi, mi sɔ́ nǔwamɛvɔ dó bó ya avǐ. Mi ji gbɛvíhan. Mi azɔ̌watɔ́ Mawu mǐtɔn tɔn lɛ́ɛ mi, mi wá, nǔwamɛvɔ ní ɖo kɔ mitɔn, ɖó è sɔ́ nɔ hɛn jinukún kpó vɛ̌ɛn kpó wá Mawu mitɔn sín xwé gbe ǎ.

Jowɛ́li 1:5

Ahannumúnɔ lɛ́ɛ mi, mi fɔ́n bó ya avǐ. Vɛ̌ɛnnutɔ́ lɛ́ɛ mi, mi bǐ ní wɛn azɔn, ɖó vɛ̌ɛn yɔ̌yɔ́ e mi ma ná mɔ nu ǎ ɔ́ wú.

Sofoníi 2:5

Heelú mi mɛ e gosín Kafutɔ́ɔ bó wá cí xutó lɛ́ɛ. Mawu Mavɔmavɔ ɖó hwɛ nú mi bo ɖɔ: “Kanáa, to Filisitɛ́ɛn lɛ́ɛ tɔn, un ná vívá kún nú we; a sɔ́ ná ɖó toví ɖěbǔ ǎ.

Zakalíi 14:21

Ganzɛ́n e ɖo Jeluzalɛ́mu é kpó éé ɖo Judáa é kpó bǐ wɛ è nǎ sɔ́ ɖó vo nú Mavɔmavɔ Nǔbǐwúkpétɔ́ ɔ́. Mɛ e ná xwlé vɔ̌sánú Mawu Mavɔmavɔ lɛ́ɛ bǐ ɔ́, ganzɛ́n énɛ́ lɛ́ɛ wɛ yě ná nɔ́ zán dó ɖa kanlin e yě hu lɛ́ɛ ná. Nǔsatɔ́ ɖě sɔ́ ná ɖo Mawu Mavɔmavɔ Nǔbǐwúkpétɔ́ ɔ́ sín xwé gbe hwenɛ́nu ǎ.

Jǎan 2:16

É ɖɔ nú ahwannɛ́satɔ́ lɛ́ɛ ɖɔ: “Mi bɛ́ nǔ mitɔn lɛ́ɛ, bó tɔ́n sín xɔ ɔ́ mɛ. Mi ma zé tɔ́ ce sín xwé dó húzú ajɔ̌xwé ná ó.”

Jaki 5:1

Din ɔ́, dɔkunnɔ lɛ́ɛ mi, mi ɖótó mì! Mi ya avǐ, bó só hehe, ɖó nǔ nyanya e ná jɛ dó mi jí lɛ́ɛ wú!