Sofoníi 1:10 - MAWUXÓWÉMA

¹⁰ Gbe énɛ́ gbe ɖo Jeluzalɛ́mu ɔ́, è nǎ se xósúsú ɖaxó ɖé sín Hweví Hɔntogbó ɔ́ kɔn. Gbɛvíhan ná ɖo Slǎ Yɔ̌yɔ́ ɔ́ mɛ, bɔ nǔ baɖabaɖa ɖé ná jɛ gbɔn só lɛ́ɛ jí.

Sofoníi 1:10 Iomraidhean Croise

2 Samuwɛ́li 5:7

É ká ɖo mɔ̌ có Davídi yí toxo e è mɛ ahohó lɛ́ lɛ̌ dó ɖo Sinyɔ́ɔ é. Toxo énɛ́ ɔ́ wɛ è nɔ ylɔ́ ɖɔ Davídi Toxo.

2 Samuwɛ́li 5:9

Davídi sá xwé nyi ahohó ɔ́ mɛ, bó sun nyǐ fínɛ́ ɖɔ: “Davídi Toxo.” Énɛ́ ɔ́ gúdo ɔ́, Davídi lɛ́ zɔ́n bɔ è mɛ dǒ sín Milo kpe ɔ́ kɔn káká wá hɔnmɛ fí e é nɔ́ nɔ é.

2 Axɔ́sú 22:14

Énɛ́ ɔ́, Ilukya vɔ̌sánú-xwlémawutɔ́ ɖaxó ɔ́, Axikamu, Akubɔ́ɔ, Cafáni kpó Asaya kpó yi gbeyíɖɔ Mawu tɔn nyɔ̌nu Hulida Calúmu sín asi ɔ́ gɔ́n, bó ɖɔ xó ɔ́ n'i. Calúmu ɔ́, Tikwa ví wɛ, bó nyí Haaxási vívú, bó nɔ kpé nukún dó awu e è nɔ dó bó nɔ wa azɔ̌ ɖo Mawu Mavɔmavɔ xwé lɛ́ɛ wú. Hulida ɔ́, Jeluzalɛ́mu sín slǎ yɔ̌yɔ́ ɔ́ mɛ wɛ é nɔ́ nɔ.

2 Tan 3:1

Salomɔ́ɔ jɛ xwé sá nú Mawu Mavɔmavɔ jí ɖo Jeluzalɛ́mu, ɖo Mɔliya só ɔ́ jí. É jɛ xwé ɔ́ sá jí ɖo fí e Mawu Mavɔmavɔ tɔ́n dó tɔ́ tɔn Davídi jí ɖe é. Tɛn e mɛ Davídi ko sɔ́ bɔ è nǎ sá xwé ɔ́ ɖó ɖo Ɔnáni Jebuzinu ɔ́ sín kɔ́xota fí e é nɔ́ fún jinukún ɖe ɔ́ wɛ.

2 Tan 32:22

Énɛ́ ɔ́, Mawu Mavɔmavɔ hwlɛ́n Ezekiyási kpó Jeluzalɛ́munu lɛ́ɛ kpó ɖo Senakelíbu Asilíi xɔ́sú ɔ́ sí, bó hwlɛ́n yě ɖo kɛntɔ́ yětɔn lɛ́ɛ bǐ sí, bó cyɔ́n alɔ yě jí ɖo yě mɛ e lɛ́ dó yě lɛ́ɛ nukɔn.

2 Tan 33:14

Ée nǔ énɛ́ lɛ́ɛ jɛ wá yi ɔ́, Manasée mɛ ahohó ɖé ɖó Davídi Toxo ɔ́ gúdo, ɖo Gixɔ́ni sín gbadahwe jí, gbɔn tɔdo ɔ́ mɛ káká yi Hweví Hɔntogbó ɔ́ kɔn, bó lɛ́ dó Ofɛ́lu. É mɛ ahohó ɔ́ bɔ é yi jǐ ɖésú. É lɛ́ sɔ́ ahwangán lɛ́ɛ ɖó Judáa sín toxo e è mɛ ahohó lɛ́ lɛ̌ dó lɛ́ɛ mɛ.

2 Tan 34:22

Ilukya kpó mɛ e axɔ́sú ɔ́ ɖe gɔ́ n'i lɛ́ɛ kpó yi gbeyíɖɔ Mawu tɔn nyɔ̌nu Hulida, Calúmu sín asi ɔ́ gɔ́n. Calúmu ɔ́, Tokáti ví wɛ, bó nyí Hasla vívú; é wɛ nɔ cɔ́ awu e ɖo Mawu xwé gbe lɛ́ɛ. Jeluzalɛ́mu wɛ Hulida nɔ́ nɔ, ɖo Jeluzalɛ́mu sín slá yɔ̌yɔ́ ɔ́ mɛ. Yě yi mɔ Hulida, bó ɖɔ xó ɔ́ n'i, lě e axɔ́sú ɔ́ ɖɔ gbɔn é.

Nɛɛmíi 12:39

Mǐ dlɛ́n Hɔntogbó Eflayímu tɔn ta nu, bó dlɛ́n d'é nu gbɔn Hɔntogbó Xóxó ɔ́ kpó Hweví Hɔntogbó lɛ́ɛ kpó ta nu, bó yi kpe gaga Hananɛ́li kpó Mɛya kpó tɔn kpó ta nu, káká wá jɛ Lɛ̌ngbɔ́ Hɔntogbó ɔ́ ta nu, bó dín bó yi nɔ te ɖo Gankpá mɛ Hɔntogbó ɔ́ ta nu.

Nɛɛmíi 3:3

Hweví Hɔntogbó ɔ́, Ha-Senáa ví lɛ́ɛ wɛ bló. Ée yě bló hɔntogbó ɔ́, yě gbá xɔ ɖ'é ta, bó dó gan e è nɔ dó sú hɔn lɛ́ɛ, kpódó sɛxlo lɛ́ɛ kpó.

Ezayíi 59:11

Mǐ nɔ́ ɖo gbe dó wɛ kinnikínní ɖɔhun, bó nɔ́ ɖo gbɛvíhan ji wɛ ahwannɛ́ ɖɔhun. Mǐ nɔ́ ɖo te kpɔ́n Mawu, bɔ é ká nɔ nyí séé. Mǐ ɖo te kpɔ́n Mawu ɖɔ é ná wá hwlɛ́n mǐ, Mawu ká ɖo zɔ dó mǐ.

Jelemíi 39:2

Yě xá toxo ɔ́ mɔ̌ káká jɛ hwenu e Sedesíyasi bló xwe wǒ-ɖokpó ɖo zinkpo jí é. Azǎn tɛ́nnɛgɔ́ e ɖo sun ɛnɛgɔ́ ɔ́ mɛ ɔ́ gbe ɔ́, Babilɔ́nunu lɛ́ɛ tɔ́n ali ɖokpó dó ahohó e è mɛ lɛ́ lɛ̌ dó toxo ɔ́ é mɛ.

Jelemíi 4:31

Nǔgbó wɛ, un se mɛɖé ɖo xó sú wɛ nyɔ̌nu ɖo ajidonu ɖɔhun; é ɖo xó sú wɛ mɛ ja nukɔn ví jí gbé ɖɔhun. Sinyɔ́ɔ toxo, hwi wɛ ɖo xó sú wɛ. Hwi wɛ ɖo azɔn wɛn wɛ bó nɔ dlɛ́n alɔ bo nɔ ɖɔ: “Un jɛ mɛhutɔ́ lɛ́ɛ lɔ mɛ! Gbɛ ce vɔ!”

Ezekiyɛ́li 6:13

Cyɔ yětɔn ná fúnfún kpé fí bǐ, è nǎ mɔ cyɔ yětɔn lɛ́ɛ gbɔn vodún yětɔn lɛ́ɛ xwé, cyɔ yětɔn ná lɛ́ lɛ̌ dó vɔ̌sákpe yětɔn lɛ́ɛ, cyɔ yětɔn lɛ́ɛ ná gbɔn só ɖaxó ɖaxó lɛ́ɛ jí, bó ná gbɔn só kpɛví kpɛví lɛ́ɛ jí, cyɔ yětɔn lɛ́ɛ ná gbɔn atín mǔ lɛ́ɛ kpó cɛ́nitín e dó ama lɛ́ɛ kpó sá, bó ná lɛ́ gbɔn fí ɖěvo ɖěvo e kpo bɔ yě nɔ́ sá vɔ̌ nú vodún yětɔn lɛ́ɛ gbɔn lɛ́ɛ. Hwenɛ́nu ɔ́, mɛ ɖokpó ɖokpó ná tunwun ɖɔ nyɛ wɛ nyí Mawu Mavɔmavɔ.

Amɔ́si 8:3

Gbe énɛ́ ɔ́ gbe ɔ́, hansinɔ e ɖo sinsɛnxɔ mɛ lɛ́ɛ ɔ́, gbɛvíhan wɛ yě ná dó. Cyɔ ná ɖo kpɔ́ gégé, bɔ è ná bɛ́ yě kɔn nyi gbě gbɔn fí bǐ; ahwi ná xo to ɔ́ bǐ.”

Sofoníi 1:15

Xomɛsinzán wɛ azǎn énɛ́ ɔ́ ná nyí. Xɛsi kpó wǔkúmɛ kpó sín azǎn wɛ. Mɛ vivɔ kpó nǔhɛngblé kpó sín azǎn wɛ. Zǐnflú kpó ablu gɔngɔn kpó sín azǎn wɛ. Akpɔ́kpɔ́ kpó amǔ kpó sín azǎn wɛ.

Sofoníi 1:7

Mi nɔ xwíí ɖo Aklúnɔ Mavɔmavɔ nukɔn, ɖó xomɛsinzán Mawu Mavɔmavɔ tɔn kó sɛkpɔ́. Mawu Mavɔmavɔ kó zé nǔ e ná sá vɔ̌ ná wɛ é ɖe ɔ́ ɖó alɔ jí. É kó cyán mɛ e ná ɖu agɔ̌ lɛ́ɛ.