Hlɔ̌manu 8:3 - MAWUXÓWÉMA

³ Nǔ e Mɔyízisɛ́n ɔ́ ma kpé wú bó bló ǎ ɖó hwɛhuhu sín ninɔmɛ e gbɛtɔ́ ɖó ɔ́ zɔ́n bɔ é vɔ́da wútu ɔ́, Mawu bló: é sɛ́ Vǐ é ɖésúnɔ tɔn dó, ɖó hwɛhuhu ɔ́ wútu, bɔ é zɔn agbaza mɛ wá; agbaza e mɛ é zɔn wá ɔ́ cí hwɛhuhu sín agbaza e gbɛtɔ́ ɖó é ɖɔhun. Mawu bló mɔ̌, bó dó ɖó hwɛ nú hwɛhuhu ɖo gbɛtɔ́ sín agbaza mɛ.

Hlɔ̌manu 8:3 Iomraidhean Croise

Kɛ́nsísɔ́ 21:9

Ée Mawu Mavɔmavɔ ɖɔ mɔ̌ ɔ́, Mɔyízi zé ganvɔ dó tun dan ɖokpó ná, bó sɔ́ ɖó kpo nu; énɛ́ ɔ́, nú dan ɖu mɛ ɖěbǔ, bónú mɛ ɔ́ kpɔ́n dan e Mɔyízi zé ganvɔ dó tun ná ɔ́, mɛ ɔ́ nɔ́ gán.

Kɛ́nsísɔ́ 28:22

Mi ná lɛ́ ná gbǎgbá ɖokpó bɔ è nǎ dó sá hwɛsɔ́kɛmɛvɔ́ ná; hwenɛ́nu ɔ́, è nǎ bló lě e è nɔ bló gbɔn, bó nɔ́ xwlé vɔ̌sánú mì ɔ́ dó sá hwɛxɔ́súsú vɔ́ dó ta mitɔn mɛ.

Maki 15:27

Yě ká ajotɔ́ axánsúnxó we nyi aklúzu jí gɔ́ n'i: mɛ ɖokpó ɖo ɖisí tɔn xwé, mɛ ɖokpó ɖo amyɔ tɔn xwé. [

Jǎan 1:14

Xó ɔ́ húzú gbɛtɔ́, bó wá nɔ mǐ mɛ; é ɖe fɛ́nú kpódó nǔgbó kpó xlɛ́ mǐ, bɔ mǐ mɔ susu tɔn, susu e Tɔ́ nɔ ná Vǐɖokpónɔ tɔn é.

Jǎan 9:24

Jwifugán lɛ́ɛ lɛ́ vɔ́ ylɔ́ nya e ko nyí nukúntíntɔ́nnɔ ɖ'ayǐ ɔ́ azɔn wegɔ́ ɔ́, bó ɖɔ n'i ɖɔ: “Kpa susu nú Mawu; mǐdɛɛ lɛ́ɛ ɔ́, mǐ tunwun ɖɔ dǎwe énɛ́ ɔ́, hwɛhutɔ́ wɛ.”

Mɛsɛ́dó 13:39

Đó mɛ ɖěbǔ ɖi nǔ ɔ́, mɛ ɔ́ nɔ́ gosín hwɛ lɛ́ɛ bǐ sín acɛ mɛ gbɔn jǐ tɔn; hwɛ sín acɛ mɛ e Mɔyízi sɛ́n ɔ́ ma sixú ɖe mi sín ǎ é;

Hlɔ̌manu 3:20

Đó mɛ ɖěbǔ ná nyí hwɛjijɔnɔ ɖo Mawu nukún mɛ, ɖó é wa nǔ e sɛ́n lɛ́ɛ zɔ́n lɛ́ɛ wútu ǎ; ɖó nǔ e sɛ́n ɔ́ wa kpowun ɔ́ wɛ nyí ɖɔ é nɔ́ bló bɔ gbɛtɔ́ lɛ́ɛ nɔ tunwun ɖɔ émí hu hwɛ.

Hlɔ̌manu 6:6

Mǐ tunwun ganjí ɖɔ gbɛtɔ́ e mǐ ko nyí ɖ'ayǐ ɔ́, ká wɛ è ko ká gbɛtɔ́ énɛ́ kpódó Klísu kpó nyi aklúzu jí, bó ná sú kún dó nú hwɛhuhu sín ninɔmɛ e mǐ ɖó ɖ'ayǐ é, bónú mǐ ma sɔ́ nyí kannumɔ nú hwɛhuhu ɖě ó.

Hlɔ̌manu 7:18

Đó un tunwun ɖɔ nǔ ɖagbe wiwa kún ɖo ayixa ce mɛ ó; é wɛ nyí ɖɔ nǔ ɖagbe wiwa ɖo hwɛhuhu sín ninɔmɛ e un ɖó ɔ́ mɛ ǎ; ɖó un jló bó ná wa nǔ ɖagbe; amɔ̌, un ɖó hlɔ̌nhlɔ́n e ná wa é ǎ.

Hlɔ̌manu 8:32

Éyɛ́ mɛ e ma hwlɛ́n Vǐ é ɖésúnɔ tɔn ǎ, bó sɔ́ ɛ jó dó mǐ bǐ tamɛ ɔ́, nɛ̌ é ma ka ná ná nǔ bǐ mǐ kpó Vǐ tɔn kpó ǎ gbɔn?

Hlɔ̌manu 9:3

Nyɛ ɖésúnɔ ɔ́, un jló ɖɔ Mawu ní dó nu mì, bó ɖe mì ɖó zɔ nú Klísu, nú ɖagbe nɔví ce lɛ́ɛ tɔn; yě mɛ e nyí akɔta ce lɛ́ɛ é.

2 Kɔlɛ́ntinu 5:21

Klísu hu hwɛ ɖě kpɔ́n gbeɖé ǎ; amɔ̌ Mawu ɖíɖá ɛ hwɛ mǐtɔn lɛ́ɛ, bónú ɖo bǔ e mǐ ɖe xá Klísu ɔ́ mɛ ɔ́, mǐ ná sixú ɖu azɔ̌ e gbla mɛ Mawu sɔ́ mǐ dó húzú hwɛjijɔnɔ ná ɖo nukɔn tɔn ɔ́ sín le.

Galatinu 3:13

Ée Klísu húzú mɛ e è dó nu ɖó tɛn mǐtɔn mɛ ɔ́, é hwlɛ́n mǐ gán sín nyladó e sɛ́n ɔ́ nɔ hɛn wá nú mǐ é mɛ; ɖó Mawuxówéma ɔ́ ɖɔ: “Mɛ e è ká nyi atín wú ɔ́, nu wɛ è dǒ e.”

Galatinu 3:21

Sɛ́n ɔ́ gbɛ́ akpá e Mawu dó lɛ́ɛ ɖɔ wɛ è ɖe a? Gbeɖé kpɔ́n. Ényí è dǒ sɛ́n ɖé, bɔ sɛ́n énɛ́ hɛn ɔ́, é ná ná gbɛ jɔ gbɛ gbɛtɔ́ lɛ́ɛ ɔ́, hǔn mɛ bǐ wɛ sixú nyí hwɛjijɔnɔ ɖo Mawu nukɔn, gbɔn sɛ́n ɔ́ gbla mɛ.

Filípunu 2:7

É nyɔ́ wa ɔ́, é ɖésúnɔ ɔ́ gbɛ́ nǔ e é ɖó ɔ́ bǐ, bó zé ninɔmɛ mɛsɛntɔ́ tɔn. É húzú gbɛtɔ́, bó wá ɖi gbɛtɔ́ yǎyá kpowun ɖé ɖɔhun.

Eblée 10:12

Klísu éyɛ́ ɔ́, vɔ̌ ɖokpó géé wɛ é ka sá dó hwɛ lɛ́ɛ tamɛ, bó yi jínjɔ́n ɖisíxwé nú Mawu, bɔ vɔ̌ énɛ́ e é sá ɔ́ ná ɖo azɔ̌ wa wɛ káká sɔ́yi.

Eblée 10:14

Đó, gbɔn vɔ̌ ɖokpó géé e Klísu sá ɔ́ gblá mɛ ɔ́, é bló bɔ mɛ e è slá wǔ ná lɛ́ɛ húzú mɛɖeɖóvo, bɔ nǔ bǐ vɔ ɖ'é wú káká sɔ́yi.

Eblée 2:14

Ée ényí ɖɔ vǐ énɛ́ lɛ́ɛ ɔ́, gbɛtɔ́ wɛ yě nyǐ, bó ɖó agbaza kpó hun kpó ɔ́, Jezu ɖésú húzú gbɛtɔ́, bó ɖó agbaza kpó hun kpó yě ɖɔhun. É húzú gbɛtɔ́, bɔ gbɔn kú tɔn gbla mɛ ɔ́, é hu acɛ nú awǒvi e ɖó acɛ e nɔ hu mɛ é;

Eblée 2:17

Énɛ́ ɔ́ wú wɛ é ɖó ná húzú, bó cí nɔví tɔn lɛ́ɛ ɖɔhun ɖo ali lɛ́ɛ bǐ nu, bó ná sixú nyí vɔ̌sánú-xwlémawutɔ́ ɖaxó, gbejínɔtɔ́, kpódó nǔbláwǔkúnúmɛtɔ́ kpó ɖo mawuzɔ́ e wa wɛ é ɖe ɔ́ mɛ, bónú Mawu ná sɔ́ hwɛ e togun ɔ́ hu lɛ́ɛ kɛ ɛ.

Eblée 4:15

Vɔ̌sánú-xwlémawutɔ́ ɖaxó e ma sixú kpé wú bó ji ya xá mǐ ɖo gǎnmaɖó mǐtɔn lɛ́ɛ mɛ ǎ ɔ́ wɛ mǐ ɖó ǎ. É nyɔ́ wa ɔ́, vɔ̌sánú-xwlémawutɔ́ ɖaxó mǐtɔn ɔ́, è tɛ́n ɛ kpɔ́n mǐ ɖɔhun ɖo nǔ bǐ mɛ; amɔ̌, é hu hwɛ ǎ.

1 Piyɛ́ɛ 2:24

É bɛ́ hwɛ mǐtɔn lɛ́ɛ dó éɖée jí ɖo aklúzu jí, bónú mi ma sɔ́ hu hwɛ ó, bónú mi ná zán gbɛ jlɔ́jlɔ́. Akpado tɔn lɛ́ɛ wɛ zɔ́n bɔ è gbɔ azɔn nú mi.