Hlɔ̌manu 8:2 - MAWUXÓWÉMA

² Đó Yɛsinsɛn e nɔ na gbɛ mɛ, ɖo bǔ e è ɖe xá Klísu Jezu ɔ́ mɛ ɔ́ sín sɛ́n hwlɛ́n mì ɖo sɛ́n e nɔ ɖe hwɛhuhu kpódó kú kpó xlɛ́ mì ɔ́ sí.

Hlɔ̌manu 8:2 Iomraidhean Croise

Ɖɛhan 51:12

Mawu ce, sɔ́ ayi mímɛ́ dó xomɛ nú mì; lɛ̌ vɔ́ ayixa ce bló ɖó, bónú ayixa ce ní lí dǒ ganjí.

Ezekiyɛ́li 1:21

Nǔɖogbɛ lɛ́ɛ sɛ tɛn ɔ́, kɛkɛ́fɔ lɛ́ɛ lɔ nɔ sɛ tɛn; yě nɔ te ɔ́, kɛkɛ́fɔ lɛ́ɛ lɔ nɔ nɔ te, yě sí te sín kɔ́ mɛ ɔ́, yě lɔ nɔ sí te sín kɔ́ mɛ; ɖó jlǒ nǔɖogbɛ lɛ́ɛ tɔn kpó jlǒ kɛkɛ́fɔ lɛ́ɛ tɔn kpó ɔ́, nǔ ɖokpó ɔ́ wɛ.

Jǎan 4:10

Jezu ka yí gbe n'i ɖɔ: “Ényí a ko tunwun nǔ e Mawu nɔ ná mɛ ɔ́, bó tunwun nyɛ mɛ e ɖɔ nú we ɖɔ: nǎ sin mì ma nu ɔ́ wɛ ɔ́, hwi ɖésú wɛ ná ko byɔ́ sin mì bɔ un ná ko ná sin e nɔ ná gbɛ mɛ ɔ́ we.”

Jǎan 4:14

Mɛ e ka ná nu sin e nyɛ ná ná ɛ ɔ́, kɔ sɔ́ ná xú i gbeɖé ǎ. Sin e nyɛ ná ná ɛ ɔ́, ná húzú tɔjɔtɛn e mɛ sin e nɔ ná gbɛ mavɔ mavɔ mɛ é ná nɔ sa sín é.”

Jǎan 6:63

Yɛsinsɛn wɛ nɔ ná gbɛ mɛ; hlɔ̌nhlɔ́n gbɛtɔ́ tɔn kpé nǔɖé wú ǎ. Xó e un ɖɔ nú mi lɛ́ɛ wɛ nɔ ná Yɛ Mawu tɔn e nɔ ná gbɛ mɛ é.

Jǎan 8:32

Mi ná tunwun nǔgbó ɔ́, bɔ nǔgbó ɔ́ ná ɖe mi sín kannumɔgbénu.”

Jǎan 8:36

Ényí Vǐ ɔ́ ɖe mi sín kannumɔgbénu ɔ́, mi ná gosín kannumɔgbénu nǔgbó.

Hlɔ̌manu 16:3

Mi dó gbe Plisílu kpódó Akilási kpó nú mì; nyɛ kpó yě kpó wɛ wa azɔ̌ nú Klísu Jezu.

Hlɔ̌manu 3:27

Hǔn, nǔ e wú gbɛtɔ́ lɛ́ɛ ná ɖó dó, bó dó yí go ɔ́ ɖě sɔ́ tíin a? Éeǒ! Đokpó géé lě tíin ǎ. Étɛ́wú nǔ ká nyí mɔ̌? Đó yě nɔ bló nǔ e sɛ́n ɔ́ zɔ́n ɔ́ wútu wɛ a? Éeǒ! Lo ɔ́, nǔ e yě ɖi nú Klísu ɔ́ wútu wɛ.

Hlɔ̌manu 5:21

Hǔn énɛ́ ɔ́ wú wɛ lě e hwɛhuhu ko ɖu axɔ́sú gbɔn kú jí ɔ́, mɔ̌ ɖokpó ɔ́ jɛ́n fɛ́nú Mawu tɔn ɖo axɔ́sú ɖu wɛ gbɔn hwɛjijɔ jí, bó ná kplá mǐ yi gbɛ mavɔ mavɔ mɛ gbɔn Jezu Klísu Aklúnɔ mǐtɔn jí.

Hlɔ̌manu 6:14

Đó hwɛhuhu ná ɖó acɛ ɖo mi jí ǎ; ɖó mi sɔ́ ɖo sɛ́n ɔ́ sín acɛ mɛ ǎ; lo ɔ́, fɛ́nú Mawu tɔn mɛ wɛ mi ɖe.

Hlɔ̌manu 6:18

È hwlɛ̌n mi gán sín hwɛ sín acɛ mɛ, bɔ mi húzú kannumɔ nú hwɛjijɔ.

Hlɔ̌manu 6:22

Amɔ̌, din ɔ́, è ɖe mi sín hwɛhuhu sín acɛ mɛ, bɔ mi ɖo azɔ̌ wa nú Mawu wɛ. Nǔ e mi ná mɔ ɖ'é mɛ ɔ́ wɛ nyí ɖɔ mi na zán gbɛ mímɛ́, bɔ vivɔnu ɔ́, mi ná mɔ gbɛ mavɔ mavɔ.

Hlɔ̌manu 7:21

Hǔn, nǔ e un wá mɔ ɖo nyɛɖée mɛ ɔ́ ɖíe: un jló na wa ɖagbe hweɖěbǔnu ɔ́, nǔ nyanya kɛ́ɖɛ́ wú jɛ́n un nɔ kpé, bó nɔ wa.

Hlɔ̌manu 7:23

Amɔ̌, sɛ́n ɖěvo tíin ɖo agbaza ce mɛ, bó ɖo hun xo xá sɛ́n e ɖo linlin ce mɛ é wɛ, bó sɔ́ mì dó ɖó gantɔ́ nú hwɛhuhu sɛ́n e ɖo agbaza ce mɛ é.

Hlɔ̌manu 7:4

Mɔ̌ ɖokpó ɔ́ nɔví ce lɛ́ɛ mi, ɖo sɛ́n ɔ́ sín alixo ɔ́, mi lɔmɔ̌ ɔ́, mi ko kú. Ée mi cá miɖée xá Klísu ɔ́, kú wɛ mi ko kú ɖo sɛ́n ɔ́ sín alixo. Din ɔ́, mɛ ɖěvo tɔn wɛ mi nyí; mɛ e fɔ́n sín kú é tɔn wɛ mi nyí, bónú mǐ ná nɔ́ wa nǔ e nyɔ́ Mawu nukún mɛ é.

Hlɔ̌manu 8:1

Hǔn din ɔ́, hwɛɖónúmɛ sɔ́ ɖe nú mɛ e ɖo bǔ xá Klísu Jezu lɛ́ɛ ǎ.

1 Kɔlɛ́ntinu 15:45

Nǔgbó ɔ́, Mawuxówéma ɔ́ ɖɔ: “Adámu e nyí gbɛtɔ́ nukɔntɔn ɔ́, húzú mɛ gbɛɖe”; Adámu gúdo tɔn ɔ́, yɛ e nɔ ná gbɛ mɛ é wɛ.

2 Kɔlɛ́ntinu 3:17

Lo ɔ́, Aklúnɔ e xó ɖɔ wɛ è ɖe ɖo fí ɔ́, Yɛ ɔ́ wɛ; bɔ fí e Yɛ Aklúnɔ tɔn ka ɖe ɔ́, mɛɖée sí jijɛ ɖo fínɛ́.

2 Kɔlɛ́ntinu 3:6

Đó é wɛ húzú mǐ, bɔ mǐ kpé wú, bó nyí akɔjijɛ yɔ̌yɔ́ ɔ́ sín azɔ̌watɔ́. Akɔjijɛ yɔ̌yɔ́ énɛ́ jínjɔ́n sɛ́n e è wlán lɛ́ɛ jí ǎ; lo ɔ́, Yɛsinsɛn sín nǔwiwa wɛ. Sɛ́n e è wlán ɔ́, mɛ wɛ é nɔ hu; lo ɔ́ Yɛsinsɛn ɔ́, gbɛ wɛ é nɔ ná mɛ.

Galatinu 2:19

Đó ɖo sɛ́n ɔ́ lixo ɔ́, un ko kú. Sɛ́n ɔ́ ɖésú wɛ ka hu mì, bónú má sixú nɔ gbɛ bó sɛn Mawu. È ká mì nyi aklúzu jí xá Klísu .

Galatinu 5:1

Klísu ɖe mǐ sín sɛ́n ɔ́ kannu, bónú mǐ ná jɛ mǐ ɖésúnɔ sí. Mi bo syɛ́nlǐn, bó má lɛ́ wá húzú kannumɔ ó.

Galatinu 6:2

Mi hɛn agban mitɔn lɛ́ɛ xá miɖée; ényí mi bló mɔ̌ hǔn, Klísu sín sɛ́n ɔ́ nyi wɛ mi ɖe nɛ́.

Jaki 1:25

Lo ɔ́, mɛ e nɔ gbéjé sɛ́n ma ɖó blɔ̌ e nɔ ɖe mǐ sín mɛ kannu ɔ́ kpɔ́n céɖécéɖé, bó nɔ ɖó kan d'é wú, lobo ma nɔ ɖótó kpowun, bó nɔ wɔn ǎ, bó nɔ bló ɖ'é jí ɔ́, Mawu ná xo ɖɛ dó mɛ énɛ́ ɔ́ jí, ɖo nǔ e é nɔ wa ɔ́ mɛ.

Nǔɖexlɛ́mɛ 11:11

Amɔ̌, azǎn atɔn adaɖé énɛ́ lɛ́ɛ gúdo ɔ́, funfún e nɔ ná gbɛ mɛ ɔ́, gosín Mawu gɔ̌n, bó byɔ́ yě mɛ, bɔ yě fɔ́n sí te; énɛ́ ɔ́, xɛsi ɖaxó ɖé jɛ mɛ e ɖo yě mɔ wɛ lɛ́ɛ bǐ jǐ.

Nǔɖexlɛ́mɛ 22:1

Wɛnsagun ɔ́ lɛ́ xlɛ́ mì sin e nɔ ná gbɛ mɛ ɔ́ sín tɔsisa, bɔ é ɖo tíntɔ́n sín Mawu kpó Lɛ̌ngbɔ́ví ɔ́ kpó sín axɔ́súzinkpo mɛ wɛ, lobo za wě wěkpɛ́n e mɛ è nɔ mɔ nǔ gbɔn céɖécéɖé ɔ́ ɖɔhun.