Hlɔ̌manu 7:2 - MAWUXÓWÉMA

² Nǔ e wú è nǎ kpɔ́n dó ɔ́ ɖíe: nyɔ̌nu e ɖo asúxwé ɔ́, sɛ́n ɔ́ cá ɛ dó asú tɔn wú, káká yi jɛ hwenu e asú tɔn ná nɔ gbɛ xɔ é bǐ; lo ɔ́, ényí asú ɔ́ kú ɔ́, nyɔ̌nu ɔ́ gosín sɛ́n e cá ɛ dó asú tɔn wú ɔ́ sín acɛ mɛ.

Hlɔ̌manu 7:2 Iomraidhean Croise

Hlɔ̌manu 7:3

Hǔn ényí nyɔ̌nu énɛ́ jó éɖée dó nú súnnu ɖěvo hwenu e asú tɔn kpo ɖo gbɛ ɔ́, è nǎ ylɔ́ ɛ ɖɔ agalɛtɔ́; lo ɔ́, ényí asú tɔn kú ɔ́, ɖo sɛ́n ɔ́ sín alixo ɔ́, é jɛ éɖée sí, bó hɛn ɔ́, é ná húzú súnnu ɖěvo sín asi; hwe énɛ́ ɔ́ nu ɔ́, è sɔ́ na ylɔ́ ɛ ɖɔ agalɛtɔ́ ǎ.

Hlɔ̌manu 7:6

Amɔ̌, din ɔ́, è ko ɖe mǐ sín sɛ́n ɔ́ sín acɛ mɛ; mǐ ko kú ɖo sɛ́n énɛ́ e hɛn mǐ dó hɛn gantɔ́ é sín alixo; hǔn din ɔ́, mǐ hɛn ɔ́, mǐ ná zé walɔ yɔ̌yɔ́ ɔ́ dó wa azɔ̌ nú Mawu, ɖo Yɛsinsɛn ɔ́ sín acɛ mɛ; é sɔ́ ná nyí walɔ xóxó e mǐ nɔ dó wa azɔ̌ n'i ɖo sɛ́n e è wlǎn ɔ́ sín acɛ mɛ é ǎ.

1 Kɔlɛ́ntinu 7:39

Nyɔ̌nu e da asú ɔ́, ko ɖo bǔ xá asú tɔn káká yi jɛ hwenu e asú tɔn ɔ́ na nɔ gbɛ dó é. Lo ɔ́, nú asú tɔn kú ɔ́, é hɛn ɔ́, é ná da mɛ e jló e é; yě ní vɛ ko sixú da yěɖée ɖo bǔ e yě ɖe xá Aklúnɔ ɔ́ mɛ.

1 Kɔlɛ́ntinu 7:4

Nyɔ̌nu ɔ́ ɖó acɛ dó agbaza é ɖésúnɔ tɔn jí ǎ; agbaza tɔn ɔ́, asú tɔn tɔn wɛ é nyí; mɔ̌ ɖokpó ɔ́, súnnu ɔ́ ɖó acɛ dó agbaza é ɖésúnɔ tɔn jí ǎ; agbaza tɔn ɔ́, asi tɔn tɔn wɛ é nyí.