Hlɔ̌manu 7:1 - MAWUXÓWÉMA

¹ Nɔví lɛ́ɛ mi, nǔ e ná ɖɔ nú mi wɛ un ɖe ɔ́, mi ko tunwun, ɖó mi tunwun sɛ́n ɔ́. Hwenu e gbɛtɔ́ ɖo gbɛ ɔ́ jɛ́n sɛ́n ɔ́ nɔ kpa acɛ n'i.

Hlɔ̌manu 7:1 Iomraidhean Croise

Ɛsidlási 7:25

“Hwɛ Ɛsidlási ɔ́, nǔ e a na wa ɔ́ ɖíe: a nǎ xwedó nǔnywɛ́ e sɛ́n Mawu towe tɔn e a hɛn wěma tɔn alɔ mɛ ɔ́ nɔ kplɔ́n mɛ é, bó ná sɔ́ hwɛɖɔtɔ́ lɛ́ɛ kpódó hwɛɖɔtɔ́gán lɛ́ɛ kpó ɖó togun ɔ́ nu, bɔ yě ná nɔ ɖɔ hwɛ xá mɛ e ɖo tokpɔn ɔ́ mɛ, bó tunwun sɛ́n Mawu towe tɔn lɛ́ɛ bǐ; mɛ e ma ka tunwun sɛ́n ɔ́ ǎ lɛ́ɛ ɔ́, mi ná kplɔ́n yě.

Nǔnywɛ́xó 6:23

Đó lě e a nǎ wa nǔ gbɔn bɔ è ɖɔ nú we lɛ́ɛ ɔ́, zogbɛ́n wɛ é nyí nú we; kplɔ́n lɛ́ɛ ɔ́, wěziza wɛ yě nyí nú we, nǔ gbɛ́ nú mɛ ká nyí gbɛli nú we.

Hlɔ̌manu 1:13

Nɔví lɛ́ɛ mi, un jló ɖɔ mi ní tunwun ɖɔ un ko lin azɔn mɔ̌kpán ná wá gɔn mitɔn, amɔ̌ káká jɛ din ɔ́, nǔ ɖo jijɛ mɛ nú mì wɛ. Un ka ko nɔ ba ɖɔ azɔ̌ e wa wɛ un ɖe ɔ́ ní ɖó le ɖo tɛ́ntin mitɔn, lě e é ɖó le gbɔn ɖo togun ɖě lɛ́ɛ mɛ é.

Hlɔ̌manu 10:1

Nɔví lɛ́ɛ mi, nǔ e ba wɛ un ɖe kpó ayi ce bǐ kpó, bó ɖo byɔ̌byɔ́ ɖo Mawu sí wɛ nú Jwifu lɛ́ɛ ɔ́, wɛ nyí ɖɔ yě ní mɔ hwlɛngán.

Hlɔ̌manu 10:4

Đó Klísu wɛ nyí mɛ e gɔ́n Mɔyízisɛ́n ɔ́ kplá mǐ xwe é, bónú Mawu ná sɔ́ mɛ e ɖi nǔ lɛ́ɛ bǐ dó húzú hwɛjijɔnɔ.

Hlɔ̌manu 6:14

Đó hwɛhuhu ná ɖó acɛ ɖo mi jí ǎ; ɖó mi sɔ́ ɖo sɛ́n ɔ́ sín acɛ mɛ ǎ; lo ɔ́, fɛ́nú Mawu tɔn mɛ wɛ mi ɖe.

Hlɔ̌manu 6:3

Abǐ mi tunwun ɖɔ mǐ mɛ e ko lɛ yɛhwesin, bó ɖo bǔ xá Klísu Jezu lɛ́ɛ ɔ́, mǐ bǐ kú kú e Klísu kú ɔ́ ǎ cé?

Hlɔ̌manu 7:6

Amɔ̌, din ɔ́, è ko ɖe mǐ sín sɛ́n ɔ́ sín acɛ mɛ; mǐ ko kú ɖo sɛ́n énɛ́ e hɛn mǐ dó hɛn gantɔ́ é sín alixo; hǔn din ɔ́, mǐ hɛn ɔ́, mǐ ná zé walɔ yɔ̌yɔ́ ɔ́ dó wa azɔ̌ nú Mawu, ɖo Yɛsinsɛn ɔ́ sín acɛ mɛ; é sɔ́ ná nyí walɔ xóxó e mǐ nɔ dó wa azɔ̌ n'i ɖo sɛ́n e è wlǎn ɔ́ sín acɛ mɛ é ǎ.

Hlɔ̌manu 9:3

Nyɛ ɖésúnɔ ɔ́, un jló ɖɔ Mawu ní dó nu mì, bó ɖe mì ɖó zɔ nú Klísu, nú ɖagbe nɔví ce lɛ́ɛ tɔn; yě mɛ e nyí akɔta ce lɛ́ɛ é.

1 Kɔlɛ́ntinu 9:8

Mi ma vɛdó ɖɔ gbɛtɔ́ sín linlin kpowun wɛ un dó ɖo xó ɖɔ ná wɛ sín ó, ɖó Mɔyízisɛ́n ɔ́ lɔmɔ̌ ɖɔ nǔ ɖokpó ɔ́.

Galatinu 4:21

Nǔ e un jló ná kanbyɔ́ mi ɔ́, mi mɛ e jló ná nɔ sɛ́n ɔ́ sín acɛ mɛ lɛ́ɛ ɔ́, mi se nǔ e sɛ́n ɔ́ ɖɔ ɔ́ ǎ cé?