Hlɔ̌manu 4:2 - MAWUXÓWÉMA

² Ényí nǔ e Ablaxámu wa é wú wɛ Mawu mɔ ɛ dó mɔ hwɛjijɔnɔ ná ɔ́, Ablaxámu hɛn ɔ́, é ná yí go; é ka sixú yí go ɖo Mawu nukɔn ǎ.

Hlɔ̌manu 4:2 Iomraidhean Croise

Bǐbɛ́mɛ 12:18

Ée nǔ cí mɔ̌ ɔ́, axɔ́sú ɔ́ ylɔ́ Ablámu bó ɖɔ n'i ɖɔ: “Nɛ̌ gbɔn bɔ a wa mɔ̌ xá mì? Étɛ́wú wɛ a ma ɖɔ nú mì ɖɔ asi émítɔn wɛ ǎ?

Bǐbɛ́mɛ 12:20

Énɛ́ ɔ́, axɔ́sú ɔ́ ná gbe mɛsɛntɔ́ tɔn lɛ́ɛ ɖɔ yě ní kplá Ablámu kpó asi tɔn kpó, kpódó nǔ e é ɖó lɛ́ɛ bǐ kpó káká yi to ɔ́ sín dogbó jí.

Ezekiyɛ́li 8:9

Ée un ɖe ali dó ahohó ɔ́ mɛ é ɔ́, é ɖɔ nú mì ɖɔ: “Byɔ̌ xwé ɔ́ gbe bó kpɔ́n nǔ kwíji kwíji, nǔ baɖabaɖa e dó sin wɛ yě ɖe ɖo fínɛ́ lɛ́ɛ é.”

Hlɔ̌manu 15:17

Hǔn, ɖo bǔ e un ɖe xá Klísu Jezu ɔ́ mɛ ɔ́, un hɛn ɔ́, un ná gó, ɖó azɔ̌ e wa nú Mawu wɛ un ɖe ɔ́ wú.

1 Kɔlɛ́ntinu 1:29

Énɛ́ ɔ́, gbɛtɔ́ ɖěbǔ sixú yí go ɖo Mawu nukɔn ǎ.

1 Kɔlɛ́ntinu 1:31

Énɛ́ ɔ́ wú ɔ́, lě e Mawuxówéma ɔ́ ɖɔ gbɔn ɔ́: “Nú mɛɖé jló ná jlá ajɔ̌ nú éɖée ɔ́, ní jlá ɖó Aklúnɔ ɔ́ wú.”

1 Kɔlɛ́ntinu 4:7

Đó mɛ̌ wɛ bló bɔ a hú gǎn mɛ ɖě lɛ́ɛ? Mawu wɛ ná nǔ e a ɖǒ lɛ́ɛ bǐ we ǎ cé? Ée nǔ ka nyí mɔ̌ ɔ́, nɛ̌ ka gbɔn bɔ a nɔ sɔ́ nǔ e ɖo así we ɔ́ dó yí go ná, nǎ wɛ è nǎ we ǎ ɖɔhun?

1 Kɔlɛ́ntinu 9:16

Un ná jlá ajɔ̌ nú nyɛɖée ɖó Wɛn Ɖagbe e jlá wɛ un ɖe ɔ́ wú ǎ; nǔgbó ɔ́, azɔ̌ ɖé wɛ é nyí bɔ è zɔ̌n mì ɖɔ ma wa dandan; ényí un ma jlá Wɛn Ɖagbe ɔ́ ǎ hǔn, heelú mì.

2 Kɔlɛ́ntinu 11:12

Un ná ɖo nǔ wa wɛ lě e bló gbɔn wɛ un ɖe din é, bɔ yě mɛ e ɖo ali ba wɛ, bó ná jlá ajɔ̌ nú yěɖée, bó ná ɖɔ émí ɖo azɔ̌ ɖokpó ɔ́ wa wɛ mǐ ɖɔhun lɛ́ɛ ɔ́, nǔ e wú yě ná ɖó dó ɔ́, un ná sú ali tɔn dó yě.

2 Kɔlɛ́ntinu 11:30

Nú é byɔ́ ɖɔ ma jlá ajɔ̌ nú nyɛɖée ɔ́, nǔ e nɔ ɖe gǎnmaɖó ce xlɛ́ ɔ́ bǐ wɛ un ná dó jlá ajɔ̌ nú nyɛɖée.

2 Kɔlɛ́ntinu 5:12

É nyí ɖɔ mǐ jló ná lɛ́ jɛ mǐɖée kpa jí ɖo mi gɔ́n wú wɛ ǎ; lo ɔ́, mǐ jló ná ná ali mi, bɔ mi ná xɔ susu ɖó mǐ wú; énɛ́ ɔ́, mi ná mɔ xósin e mi ná nɔ ná yě mɛ e nɔ sɔ́ nǔ e ɖo nukúnta lɛ́ɛ dó yí go ná, bó ma nɔ́ sɔ́ nǔ e ɖo ayi mɛ lɛ́ɛ dó yí go ná ǎ lɛ́ɛ.

Galatinu 3:22

Lo ɔ́, Mawuxówéma ɔ́ ɖɔ gbɛtɔ́ lɛ́ɛ bǐ wɛ ɖo súsú ɖo hwɛ sín acɛ glɔ́, bónú nǔ e sín akpá Mawu dó ɔ́, é ná ná mɛ e ɖi nǔ lɛ́ɛ, ɖó nǔɖiɖi e yě ɖǒ nú Jezu Klísu ɔ́ wú.

Efɛ́zinu 2:9

É nyí nǔ e mi wa lɛ́ɛ sín ajɔ wɛ ǎ; énɛ́ ɔ́, mɛ ɖěbǔ sixú yí go ná ǎ.

Filípunu 3:9

bó ná nɔ bǔ xá ɛ titewungbe; un sɔ́ nɔ́ lin ɖɔ tónú e un nɔ se nú sɛ́n ɔ́ wútu wɛ un nyí hwɛjijɔnɔ ɖo Mawu nukɔn ǎ; nǔɖiɖi e un ɖó nú Klísu ɔ́ wútu wɛ un nyí hwɛjijɔnɔ ɖo Mawu nukɔn. Un nyí hwɛjijɔnɔ ɖó Mawu ná mì hlɔ̌nhlɔ́n e é nɔ ná mɛ e ɖi nǔ nú Klísu lɛ́ɛ, bɔ yě ná sixú nyí hwɛjijɔnɔ é.

Jozuwée 24:2

bɔ é ɖɔ nú yě bǐ ɖɔ nǔ e Mawu Mavɔmavɔ, Mawu Izlayɛ́li tɔn ɔ́ ɖɔ ɔ́ ɖíe: “Đ'ayǐ xóxó ɔ́, Efláti tɔ gúdo dɔ̌n wɛ tɔ́gbó mitɔn lɛ́ɛ nɔ, bó nɔ́ sɛn vodún lɛ́ɛ. Tɔ́gbó mitɔn énɛ́ lɛ́ɛ ɖě wɛ nyí Tɛláxi, Ablaxámu kpó Naxɔ́ɔ kpó sín tɔ́.