Hlɔ̌manu 3:4 - MAWUXÓWÉMA

⁴ Gbeɖé kpɔ́n! Mi ɖó ná tunwun ɖɔ ényí gbɛtɔ́ lɛ́ɛ bǐ ná bo ɖo adingban ɖó wɛ ɔ́, Mawu ɔ́, nǔgbó wɛ é nyí, lě e Mawuxówéma ɔ́ ɖɔ gbɔn é; Mawuxówéma ɔ́ ɖɔ: “Xó ɖiɖɔ towe lɛ́ɛ mɛ ɔ́, è ɖǒ ná nɔ́ mɔ ɖɔ xó towe sɔgbe, bɔ è ɖɔ hwɛ xá we ɔ́, a ɖǒ ná nɔ́ ɖu ɖ'é jí.”

Hlɔ̌manu 3:4 Iomraidhean Croise

Jɔ̌bu 36:3

Un na yí ba nǔnywɛ́ sín fí má yá fí, bó ná ɖe xlɛ́ ɖɔ mɛ e ɖó mì ɔ́ hwɛjijɔnɔ wɛ.

Jɔ̌bu 40:8

Hwɛ e un ɖɔ ɔ́, a jlǒ ná ɖɔ xó d'é wú jɛ́n wɛ a? A jlǒ ná gblé hwɛ dó ta nú mì, dó ba hwɛjijɔ wɛ a?

Ɖɛhan 100:5

Ɖó Mawu Mavɔmavɔ nyɔ́, xomɛnyínyɔ́ tɔn nɔ vɔ gbeɖé ǎ, gbejíninɔ tɔn ɖo te káká sɔ́yi.

Ɖɛhan 116:11

Un dán ɖě wa gbɔn káká bó ɖɔ: “È sixú gán jɛ gbɛtɔ́ ɖě wú ǎ.”

Ɖɛhan 119:160

Xó towe bǐ wɛ nyí nǔgbó, gbeta e a ɖe tɔ́n lɛ́ɛ bǐ wɛ sɔgbe, bǐ wɛ ɖo ayǐ káká sɔ́yi.

Ɖɛhan 138:2

Un jɛ kpo ɖo sinsɛnxɔ mímɛ́ towe nukɔn, bó ɖo mlǎmlá we wɛ, ɖó xomɛnyínyɔ́ towe ma ɖó blɔ̌ ɔ́ wú, ɖó akpá e a dǒ lɛ́ɛ kɛ́ɖɛ́ wɛ a ɖe ǎ, a lɛ̌ bló hú mɔ̌. A blǒ hú nǔ e ɖó nukún wɛ e ɖe ɖo gɔ̌n towe é.

Ɖɛhan 51:4

Lɛ nǔ e un wa nyi do lɛ́ɛ bǐ sín kɔ nú mì, slá wǔ nú mì bónú hwɛ e un hu ɔ́ ná gosín kɔ ce.

Ɖɛhan 62:9

Mi mɛ e ɖo togun ce mɛ lɛ́ɛ e mi, mi sɔ́ miɖée dó alɔ mɛ nú Mawu hwebǐnu. Mi ɖɔ nǔ e ɖo ayi mǐtɔn mɛ lɛ́ɛ bǐ n'i, é wɛ nyí bibɛtɛn mǐtɔn. Agbɔ̌n

Micée 7:20

A nǎ ɖe wǎn yíyí towe e ma nɔ húzú ǎ é xlɛ́ Ablaxámu ví lɛ́ɛ, bó ná ɖe xlɛ́ Jakɔ́bu ví lɛ́ɛ, lě e a ko dó akpá tɔn nú tɔ́gbó mǐtɔn lɛ́ɛ gbɔn é.

Matíe 11:19

Nyɛ Gbɛtɔ́ví ɔ́ ka wá bó nɔ́ ɖu nǔ, bó nɔ́ nu vɛ̌ɛn, bɔ è ɖɔ: ‘Nya élɔ́ ɔ́, adɔtɔ́nɔ wɛ; vɛ̌ɛnnutɔ́ wɛ; tokwɛ́yítɔ́ lɛ́ɛ kpódó hwɛhutɔ́ lɛ́ɛ kpó sín xɔ́ntɔn wɛ.’ Lo ɔ́, nǔnywɛ́ Mawu tɔn ɖe hwɛjijɔ é ɖésúnɔ tɔn xlɛ́ gbɔn nǔwiwa tɔn lɛ́ɛ mɛ.”

Luki 20:16

“É ná wá, bó ná hu vǐwunzɔ́watɔ́ énɛ́ lɛ́ɛ, lobo ná sɔ́ vǐwungbo ɔ́ dó alɔ mɛ nú mɛ ɖěvo lɛ́ɛ.” Ée mɛ lɛ́ɛ se mɔ̌ ɔ́, yě ɖɔ: “Mawu ní ma lɔn ó.”

Jǎan 3:33

Mɛ ɖěbǔ yí kúnnuɖiɖe tɔn ɔ́, mɛ ɔ́ nɔ ɖe xlɛ́ ɖɔ nǔ e Mawu ɖɔ ɔ́, nǔgbó wɛ.

Hlɔ̌manu 11:1

Hǔn, un nɔ kanbyɔ́ ɖɔ: Mawu gbɛ̌ togun tɔn wɛ a? Gbeɖé kpɔ́n! Đó nyɛ ɖésúnɔ ɔ́, Izlayɛ́li ví wɛ un nyí; Ablaxámu kún mɛ wɛ un jɔ ɖe, ɖo akɔta Bɛnjamɛ́ɛ tɔn mɛ.

Hlɔ̌manu 11:11

Hǔn, un nɔ kanbyɔ́ ɖɔ: “Hwenu e Jwifu lɛ́ɛ klɛ́n afɔ ɔ́, yě jɛ ayǐ bó nɔ mɔ̌ káká sɔ́yi wɛ a?” Gbeɖé kpɔ́n! Lo ɔ́, ɖó hwɛ e yě hu ɔ́ wútu ɔ́, togun ɖě lɛ́ɛ mɔ hwlɛngán, bónú Jwifu lɛ́ɛ ná sixú hwan wǔ dó yě.

Hlɔ̌manu 3:31

Ée mǐ ɖɔ Mawu nɔ sɔ́ mɛ e ɖi nǔ nú Klísu lɛ́ɛ dó húzú hwɛjijɔnɔ na ɔ́ wɛ zɔ́n bɔ è nǎ ɖɔ sɛ́n lɛ́ɛ nyí nǔ yǎyá a? Gbeɖé kpɔ́n! É nyɔ́ wa ɔ́, nǔ e sɛ́n lɛ́ɛ nyí tawun ɔ́ ɖe xlɛ́ wɛ mǐ ɖe.

Hlɔ̌manu 6:15

Étɛ́ o! Ée mǐ ma ɖo sɛ́n ɔ́ sín acɛ mɛ ǎ, bó ɖo fɛ́nú Mawu tɔn mɛ ɔ́ wú wɛ mǐ ná hu hwɛ a? Gbeɖé kpɔ́n!

Hlɔ̌manu 6:2

Gbeɖé kpɔ́n! Đo hwɛhuhu sín alixo ɔ́, mǐ kó kú; bɔ nɛ̌ mǐ ka ná lɛ́ kpo ɖo hwɛ hu wɛ gbɔn?

Hlɔ̌manu 7:13

Nǔ e nyí nǔ ɖagbe ɔ́, nǔ e nɔ́ hu mɛ ɔ́ wɛ é húzú nú nyɛ a? Gbeɖé kpɔ́n! Hwɛhuhu wɛ zɔ́n bɔ un kú; hwɛhuhu ɔ́, ninɔmɛ titewungbe e é ɖó ɔ́ wɛ é ɖe xlɛ́ gbɔn mɔ̌. É sɔ́ nǔ e nyí nǔ ɖagbe ɔ́ ɖó nukɔn, bó dó hu nyɛ ná. Lě e hwɛhuhu ɔ́ gbɔn nǔ e sɛ́n zɔ́n ɔ́ jí, bó húzú hwɛ e nylá ɖésú ɔ́ gbɔn é nɛ́.

Hlɔ̌manu 7:7

Étɛ́ mǐ ka ná ɖɔ lo? Sɛ́n ɔ́ hwɛhuhu wɛ é nyí a? Gbeɖé kpɔ́n! Sɛ́n ɔ́ wɛ zɔ́n bɔ un tunwun nǔ e nyí hwɛhuhu é; ɖó sɛ́n ɔ́ ma ɖɔ: “Nukún towe ní má nɔ nɔzo towe sín nǔɖé wú ó” ǎ ɔ́, un ná tunwun nǔ e nyí mɛɖévonú jlójló é ǎ.

Hlɔ̌manu 9:14

Étɛ́ mǐ ka ná ɖɔ lo? Mawu ɔ́, hwɛ agɔdótɔ́ wɛ é nyí a? Gbeɖé kpɔ́n.

1 Kɔlɛ́ntinu 6:15

Mi tunwun ɖɔ agbaza mitɔn lɛ́ɛ ɔ́, agbaza Klísu tɔn sín wǔjɔnú wɛ yě nyí ǎ cé? Hǔn un ná zé agbaza Klísu tɔn sín wǔjɔnú dó bló agbaza agalɛtɔ́ tɔn sín wǔjɔnú ná wɛ a? Gbeɖé kpɔ́n!

2 Kɔlɛ́ntinu 1:18

Lě e xó e Mawu ɖɔ lɛ́ɛ ɖě ma nɔ húzú ǎ gbɔn ɔ́, mɔ̌ jɛ́n nǔ e un ɖɔ nú mi ɔ́ ma nyí “ɛɛn” bo lɛ́ nyí “éeǒ” ǎ é nɛ́.

Galatinu 2:17

Lo ɔ́, ényí hwenu e mǐ ɖo biba wɛ ɖɔ mǐ ná nyí hwɛjijɔnɔ ɖo Mawu nukɔn, gbɔn Klísu jí ɔ́, è ka wá mɔ mǐ lɔmɔ̌ dó mɔ hwɛhutɔ́ ná ɔ́, énɛ́ wú wɛ è nǎ ɖɔ Klísu wɛ nɔ dɔn mɛ dó hwɛ mɛ a? Gbeɖé kpɔ́n!

Galatinu 2:21

Un ná hɔn fɛ́nú Mawu tɔn nyi gbě ǎ. Đó nú sɛ́n ɔ́ wɛ nɔ zɔ́n bɔ è nɔ nyí hwɛjijɔnɔ ɖo Mawu nukɔn ɔ́, hǔn Klísu kú dó wǔvɔ́ nɛ́.

Galatinu 6:14

Nyɛ ɔ́, nǔ ɖokpó e wú un nɔ tɛ afɔ ayǐ ɔ́ wɛ nyí kú e Aklúnɔ mǐtɔn Jezu Klísu kú ɖo aklúzu jí é. Nǔgbó ɔ́, gbɔn kú Klísu tɔn jí ɔ́, gbɛ ɔ́ kú nú mì, bɔ nyɛ lɔ kú nú gbɛ ɔ́.

Sɛ́nflínmɛ 32:4

É wɛ nyí só ɔ́; nǔwiwa tɔn lɛ́ɛ nyɔ́ bɔ nǔ vɔ ɖ'é wú. Đó ali tɔn lɛ́ɛ bǐ jlɔ́. Mawu gbejínɔtɔ́ wɛ. É nɔ́ wa nǔblíblí ǎ. É jlɔ́ bó ɖo xwi jí.

1 Timɔtée 3:16

Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

Titu 1:2

bónú yě ná ɖo gbɛ mavɔ mavɔ sín nukúnɖíɖó mɛ. Mawu ko dó gbɛ mavɔ mavɔ ɔ́ sín akpá cóbɔ gbɛ ɔ́ wá tíin; é ka nɔ ɖó adingban ǎ.

Eblée 6:18

Hǔn, nǔ we tíin: akpá e é dó ɔ́ kpó nǔ e é xwlé ɔ́ kpó; nǔ we énɛ́ lɛ́ɛ ɔ́, è sixú ɖyɔ́ yě ǎ, bɔ ɖo nǔ we énɛ́ lɛ́ɛ mɛ ɔ́, Mawu sixú ɖó adingban ǎ. Énɛ́ ɔ́ wú wɛ mǐ mɛ e mɔ bibɛtɛn ɖo Mawu glɔ́ lɛ́ɛ ɔ́, mǐ mɔ akɔ́nkpinkpan ɖaxó, bó ná hɛn nukúnɖíɖó e è sɔ́ ɖó te nú mǐ ɔ́ syɛ́nsyɛ́n.

1 Jǎan 5:10

Énɛ́ ɔ́, mɛ e ɖi nǔ nú Mawu ví ɔ́ é ɔ́, mɛ énɛ́ ɖó kúnnuɖiɖe énɛ́ ɔ́ ɖo ayi tɔn mɛ; mɛ e ma ka ɖi nǔ nú Mawu ǎ é sɔ́ Mawu dó ylɔ́ adingbannɔ; ɖó é ɖi nǔ nú kúnnu e Mawu ɖe nú vǐ tɔn é ǎ.

1 Jǎan 5:20

Mǐ tunwun ɖɔ Mawu ví ɔ́ wá, bó ná nǔnywɛ́ mǐ, nú mǐ ná dó tunwun Mawu nǔgbó ɔ́, bɔ mǐ ɖo bǔ xá Mawu nǔgbó ɔ́ gbɔn vǐ tɔn Jezu Klísu jí; é wɛ nyí Mawu nǔgbó ɔ́, bó nyí gbɛ mavɔ mavɔ.

Nǔɖexlɛ́mɛ 3:7

“Wlǎn wěma sɛ́ dó agun Klísu tɔn e ɖo Filadɛlufíi ɔ́ sín wɛnsagun, bó ɖɔ n'i ɖɔ: “Mɛ e nyí mɛ mímɛ́, bó nyí mɛ titewungbe ɔ́, mɛ e sí axɔ́sú Davídi sín cávi ɔ́ ɖe ɔ́, mɛ e nɔ hun hɔn bɔ mɛ ɖěbǔ ma nɔ sixú sú ǎ é, mɛ e nɔ sú hɔn bɔ mɛ ɖěbǔ ma nɔ sixú hun ǎ é ɔ́, xó e é ɖɔ ɔ́ ɖíe: