Hlɔ̌manu 2:3 - MAWUXÓWÉMA

³ Nya ce, hwi mɛ e nɔ ɖo hwɛ dó yě mɛ e nɔ ɖo nǔ énɛ́ lɛ́ɛ wa wɛ, bó ka ɖo nǔ ɖokpó ɔ́ wa wɛ yě ɖɔhun ɔ́, a vɛdó ɖɔ émí ná gán ɖo hwɛɖɔxámɛ Mawu tɔn mɛ wɛ sín a?

Hlɔ̌manu 2:3 Iomraidhean Croise

2 Samuwɛ́li 10:3

Amumɔ́ɔ ví lɛ́ɛ sín gǎn hɔn-yitɔ́ lɛ́ɛ yi ɖɔ nú gǎn yětɔn Hanúni ɖɔ: “A vɛdó ɖɔ tɔ́ towe ná zé su wú jɛ́n Davídi sɛ́ gǎn hɔn-yitɔ́ tɔn lɛ́ɛ dó ɖɔ yě wá dó nǔwamɛgbe we a? Gbeɖé, mɔ̌ wɛ ǎ. É sɛ́ yě dó nú yě ná wá ba do nú toxo ɔ́, bó ná wá gba.”

Jɔ̌bu 35:2

A nɔ ɖɔ: “Mawu ɖésú tunwun ɖɔ un nyí hwɛjijɔnɔ!” Xó towe sɔgbe wɛ a vɛdó a?

Ɖɛhan 50:21

Nǔ e a nɔ wa é nɛ́, bó nɔ ɖɔ nyi ma kɛ nu d'é wú ó. Towe ɖɔhun wɛ un ɖe wɛ a vɛdó a? Nǔ e a dǒ sin lɛ́ɛ bǐ nu wɛ a nǎ ɖó akɔ́n; nǔ e a dǒ sin lɛ́ɛ bǐ sín tó wɛ un ná dɔn nú we.

Ɖɛhan 56:7

Yě nɔ́ blá gbě ce; yě nɔ́ ɖo wu yi nú mì wɛ. Un jɛ fí ɖé ɔ́, yě nɔ́ jɛ, ɖó yě ɖo biba ná hu mì wɛ.

Nǔnywɛ́xó 11:21

Mawu Mavɔmavɔ ná dɔn tó nú mɛdídá, é ɖó gblǎ ǎ; é ká ná hwlɛ́n mɛ e nɔ wa nǔ ɖó sɛ́nxwi jí lɛ́ɛ bǐ gán.

Nǔnywɛ́xó 16:5

Mawu Mavɔmavɔ gbɛ́ wǎn nú gbɛtɔ́ e nɔ yí go lɛ́ɛ, é ná gɔn tó dɔn nú yě ǎ.

Ezekiyɛ́li 17:15

Lo ɔ́, axɔ́sú yɔ̌yɔ́ ɔ́ fɔ́n gǔ dó Babilɔ́nu xɔ́sú ɔ́ jí, bó sɛ́ mɛ dó Ejípu ɖɔ è nǐ sɛ́ sɔ́ kpó sɔ́ja kpó dó émí ní sukpɔ́. É ká ná kpa ɛ a? Mɛ e wa nǔ gbɔn mɔ̌ ɔ́ ná mɔ nu tɔn a? É gba akɔ e é jɛ é; é sixú gán ɖ'é mɛ cé?

Ezekiyɛ́li 17:18

ɖó Judáa xɔ́sú ɔ́ nɔ gbejí nú nǔ e é zin alɔ dó akɔ́n bó ɖɔ é ǎ; é gba akɔ e é jɛ é, có é ɖésú wɛ yí gbe ná; nǔ énɛ́ e é wa ɔ́, ná kpa ɛ ǎ.

Daniyɛ́li 10:19

bɔ é ɖɔ nú mì ɖɔ: ‘Wǎnyínámɔ Mawu tɔn, ma ɖi xɛsi ó. Nǔ wɛ nyɔ́ nú we! Lɛ̌ kpan akɔ́n! Dǒ gǎn!’ Hwenu e é ɖo xó ɖɔ nú mì wɛ ɔ́, hlɔ̌nhlɔ́n ɖo wǔ ce wá wɛ, bɔ un ɖɔ n'i lo ɖɔ: ‘Sɛ́mɛɖó ce, a hɛn ɔ́, a nǎ ɖɔ xó nú mì din, ɖó a nǎ hlɔ̌nhlɔ́n mì.’

Matíe 23:33

Dan jɔmɔ e mi! Jakpata kúnkan e mi! Nɛ̌ mi ka sixú lin ɖɔ émí ná gló hwɛɖónúmɛ e nɔ dɔn mɛ yi zojimací mɛ ɔ́ gbɔn?

Matíe 26:53

Hǔn, a ɖi ɖɔ un hɛn ɔ́, un ná ɖɔ nú Tɔ́ ce, bɔ é ná sɛ́ wɛnsagun sín ahwangbɛ́ wɔ̌buwɔ́bú donu wěwe jɛjí dó mì tlóló din ǎ cé?

Luki 12:14

Jezu ka yí gbe n'i ɖɔ: “Dǎwe! Mɛ̌ ká sɔ́ mì dó ɖó hwɛɖɔtɔ́, abǐ gǔmátɔ́ mitɔn?”

Luki 22:58

É nɔ zaan, bɔ mɛ ɖěvo lɛ́ wá mɔ ɛ, bó ɖɔ: “Hwi lɔmɔ̌ ɖo mɛ tɔn lɛ́ɛ mɛ!” Piyɛ́ɛ ka gbɛ́, bó ɖɔ: “Éeǒ, un ɖo yě mɛ ɖě ǎ!”

Luki 22:60

Piyɛ́ɛ ka ɖɔ: “Nya ce, un mɔ nǔ jɛ nǔ e ɖɔ wɛ a ɖe ɔ́ mɛ ǎ.” Xó énɛ́ ɖɔ wɛ é ɖe kɛ́ɖɛ́ bɔ kokló kɔ́ así.

Hlɔ̌manu 1:32

Yě tunwun ganjí ɖɔ sɛ́n Mawu tɔn ɖɔ mɛ e nɔ zán gbɛ gbɔn mɔ̌ lɛ́ɛ ɔ́, kú wɛ jɛ xá yě, cóbó ka nɔ kpo ɖo nǔ mɔ̌hun lɛ́ɛ wa wɛ, lobo nɔ lɛ́ yí hwɛ dó mɛ e nɔ wa nǔ mɔ̌hun lɛ́ɛ jí.

Hlɔ̌manu 2:1

Hwi mɛ e ɖo hwɛ dó mɛ ɖě lɛ́ɛ wɛ ɔ́, a na bo nyí nǔ ɖěbǔnɔ ɔ́, kɛnklɛ́n sɔ́ ɖ'é mɛ nú we ǎ; ɖó hwenu e a ɖo hwɛ dó mɛ ɖě lɛ́ɛ wɛ, bó ka nɔ ɖo nǔ ɖokpó ɔ́ wa wɛ yě ɖɔhun ɔ́, hwɛ ɖó nú hwiɖée wɛ a ɖe.

Hlɔ̌manu 2:2

Mǐ tunwun ɖɔ Mawu nɔ ɖɔ hwɛ xá mɛ e nɔ wa nǔ mɔ̌hun lɛ́ɛ lě e é sɔgbe xá nǔgbó ɔ́ gbɔn é.

Hlɔ̌manu 9:20

Hwi gbɛtɔ́ ɔ́, ani a ka nyí, bó ná dɔn nǔ xá Mawu? Kozɛ́n sixú kanbyɔ́ mɛ e bló é ɔ́ ɖɔ nɛ̌ ká gbɔn bɔ é bló émí gbɔn lě ají a?

1 Tɛsalonikinu 5:3

Hwenu e gbɛtɔ́ lɛ́ɛ na ɖɔ: “Fífá tíin, bɔ ayi jɛ ayǐ” ɔ́, hwe énɛ́ ɔ́ nu wɛ nǔ e ná vívá kún yětɔn ɔ́ ná zɔn yě jǐ ajijimɛ lě e nyɔ̌nu e ɖo xo ɔ́ nɔ jɛ flú mɛ ajijimɛ é ɖɔhun; yě ná gán ɖ'é mɛ ǎ.

Eblée 12:25

Mi cɔ́ miɖée bó ma gbɛ́ tó ɖó mɛ e ɖo xó ɖɔ nú mi wɛ é ó. Yě mɛ e gbɛ́ tó ɖó mɛ e ɖo Mawuxó ɖɔ nú yě wɛ ɖo ayǐkúngban jí fí ɔ́, yě gló tódɔnnúmɛ Mawu tɔn ǎ. Étɛ́ ka sɔ́ nyí mǐtɔn lo? Ényí mǐ ɖe kɔ dó mɛ e ɖo xó ɖɔ nú mǐ wɛ sín jǐxwé aga ɔ́, mǐ sixú gló tódɔnnúmɛ Mawu tɔn ǎ.

Eblée 2:3

Ényí nǔ nyí mɔ̌ ɔ́, nú mǐdɛɛ lɛ́ɛ dó vɛ̌ nú hwlɛngán ɖaxó énɛ́ ɔ́, nɛ̌ mǐ ka ná sixú gló tódɔnnúmɛ ɔ́ gbɔn? Aklúnɔ ɖésú ɖɔ hwlɛngán énɛ́ ɔ́ sín xó dó nukɔn, bɔ mɛ e se lɛ́ɛ ɖe kúnnu ná ɖɔ nǔgbó wɛ.