Hlɔ̌manu 2:2 - MAWUXÓWÉMA

² Mǐ tunwun ɖɔ Mawu nɔ ɖɔ hwɛ xá mɛ e nɔ wa nǔ mɔ̌hun lɛ́ɛ lě e é sɔgbe xá nǔgbó ɔ́ gbɔn é.

Hlɔ̌manu 2:2 Iomraidhean Croise

Bǐbɛ́mɛ 18:25

A nǎ hu mɛ ɖagbe kpó mɛ nyanya kpó. A nǎ bló mɔ̌ bɔ é ná nyí ɖɔ nǔ ɖokpó ɔ́ wɛ ɖo te kpɔ́n mɛ ɖagbe kpó mɛ nyanya kpó wɛ a? Ma wa nǔ gbɔn mɔ̌ ó; hwi mɛ e nyí hwɛɖɔtɔ́ gbɛ ɔ́ bǐ tɔn ɔ́ ná gɔn hwɛjijɔ xwedó dó wa nǔ wɛ a?”

Jɔ̌bu 34:23

É byɔ́ ɖɔ Mawu ná ba do nú gbɛtɔ́ cóbɔ gbɛtɔ́ ná wá hwɛgun ɖo nukɔn tɔn ǎ.

Ɖɛhan 145:17

È nɔ mɔ gbejíninɔ Mawu Mavɔmavɔ tɔn ɖo nǔ e é nɔ́ wa lɛ́ɛ bǐ mɛ. È nɔ mɔ lě e é nyɔ́ xomɛ gbɔn é gbɔn nǔ e é nɔ́ wa lɛ́ɛ bǐ mɛ.

Ɖɛhan 9:4

Kɛntɔ́ ce lɛ́ɛ hɔn. Ée yě hɔn ɔ́, yě klɛ́n afɔ bó j'ayǐ, bó kú ɖo nukɔn towe.

Ɖɛhan 96:13

ɖo Mawu Mavɔmavɔ nukɔn, ɖó é jǎwe; é ja, bó ná ɖɔ hwɛ xá gbɛ ɔ́. É ná ɖɔ hwɛ xá gbɛ ɔ́ kpó hwɛjijɔ kpó. É ná xwedó nǔgbó dó ɖɔ hwɛ xá togun lɛ́ɛ.

Ɖɛhan 98:9

ɖo Mawu Mavɔmavɔ nukɔn, ɖó é jǎwe, bó ná wá ɖɔ hwɛ xá ayǐkúngban ɔ́; é ná ɖɔ hwɛ xá gbɛ ɔ́ ɖó sɛ́nxwi jí, bó ɖɔ hwɛ xá togun lɛ́ɛ lě e é sɔgbe gbɔn é.

Ezayíi 45:19

Xó e ɖɔ wɛ un ɖe ɔ́, un ɖɔ ɖo nǔglɔ́, ɖo ablu mɛ fí ɖé ǎ. Un ɖɔ nú Jakɔ́bu ví lɛ́ɛ ɖɔ yě yi ba mì ɖo fí e nǔ ɖěbǔ má ɖe é ǎ. Nyɛ Mawu Mavɔmavɔ ɔ́, xó e sɔgbe ɔ́ wɛ un nɔ ɖɔ; xó nǔgbó wɛ un nɔ ɖɔ.”

Ezayíi 45:21

Mi wá ɖɔ nǔ e lin wɛ mi ɖe lɛ́ɛ, bó ɖe xlɛ́ ɖɔ nǔgbó wɛ; É jló mi hǔn, mi nɔ kpɔ́ bó kplɔ́n nǔ miɖée. Nǔ e ɖo jijɛ wɛ égbé din ɔ́, mɛ̌ ká ɖɔ ɖ'ayǐ sín do? Mɛ̌ kó ɖɔ ɖ'ayǐ ɖɔ yě ná jɛ? É má nyí nyɛ Mawu Mavɔmavɔ ɔ́ wɛ a? Nyɛ mɛvo ɔ́, Mawu ɖě sɔ́ ɖe ǎ. Nyɛ wɛ nyí Mawu, nyi wɛ nɔ wa nǔ ɖó sɛ́nxwi jí, nyi wɛ nɔ hwlɛ́n mɛ gán, mɛ ɖě sɔ́ ɖe zɛ nyɛ wú ǎ.

Jelemíi 12:1

Mawu Mavɔmavɔ, a nyǐ hwɛjijɔnɔ sɔ mɔ̌ bɔ un sixú mɔ nǔ jɛ do ɖěbǔ ɖo nǔ e a wa lɛ́ɛ wú ǎ. É ká ɖo mɔ̌ có, un jló ná ɖɔ xó xá we dó hwɛjijɔ wú: Étɛ́wú mɛ e ka nyí mɛdídá lɛ́ɛ ɔ́ nǔ ka nɔ́ nyɔ́ nú yě? Étɛ́wú gbɛtɔ́ e nyí nuwenɔ lɛ́ɛ bǐ ká nɔ́ vo?

Ezekiyɛ́li 18:25

Mi nɔ ɖɔ: ‘Aklúnɔ nɔ dó atɔ́ɔ́nnu nǔ jí.’ Izlayɛ́li togun e mi, mi ɖótó mì ganjí: nyɛ wɛ ɖo atɔ́ɔ́nnu dó nǔ jí wɛ a, abǐ mi wɛ ma ɖo nǔ wa ɖó nǔ gan jí wɛ ǎ?

Ezekiyɛ́li 18:29

Lě e un to nǔ lɛ́ɛ gbɔn ɔ́ nɛ́, có mi Izlayɛ́li togun ɔ́, mi nɔ ɖɔ: ‘Aklúnɔ nɔ dó atɔ́ɔ́nnu nǔ jǐ.’ Nǔvú wɛ; nyɛ wɛ ɖo atɔ́ɔ́nnu dó nǔ jǐ wɛ ǎ, mi wɛ ma ɖo nǔ wa ɖó nǔ gan jí wɛ ǎ.

Sofoníi 3:5

Nǔ ɖo mɔ̌ có, Mawu Mavɔmavɔ ɖo toxo ɔ́ mɛ; é nɔ́ wa nǔ jlɔ́jlɔ́; é nɔ́ wa nǔ nyanya ǎ. Mawu nɔ́ ɖɔ hwɛ xá mɛ ayǐhɔ́ngbe ayǐhɔ́ngbe dó jlɔ̌jlɔ́ jí. É gblá gbeɖé ǎ. É ɖo mɔ̌ bló wɛ có winnyá hú dǎnúwatɔ́ lɛ́ɛ ǎ, yě kpo ɖo dǎka yětɔn xo wɛ.

Mɛsɛ́dó 17:31

Đó é sɔ́ azǎn ɖokpó ɖó te, bɔ azǎn énɛ́ gbe ɔ́, é ná xwedó hwɛjijɔ, bó ɖɔ hwɛ xá gbɛtɔ́ lɛ́ɛ bǐ, gbɔn mɛ e é ɖésúnɔ ko ɖe ɖó vo ɔ́ jí. É fɔ́n ɛ sín kú, bó dó ɖe nǔ énɛ́ ɔ́ xlɛ́ mɛ bǐ.”

Hlɔ̌manu 2:1

Hwi mɛ e ɖo hwɛ dó mɛ ɖě lɛ́ɛ wɛ ɔ́, a na bo nyí nǔ ɖěbǔnɔ ɔ́, kɛnklɛ́n sɔ́ ɖ'é mɛ nú we ǎ; ɖó hwenu e a ɖo hwɛ dó mɛ ɖě lɛ́ɛ wɛ, bó ka nɔ ɖo nǔ ɖokpó ɔ́ wa wɛ yě ɖɔhun ɔ́, hwɛ ɖó nú hwiɖée wɛ a ɖe.

Hlɔ̌manu 2:3

Nya ce, hwi mɛ e nɔ ɖo hwɛ dó yě mɛ e nɔ ɖo nǔ énɛ́ lɛ́ɛ wa wɛ, bó ka ɖo nǔ ɖokpó ɔ́ wa wɛ yě ɖɔhun ɔ́, a vɛdó ɖɔ émí ná gán ɖo hwɛɖɔxámɛ Mawu tɔn mɛ wɛ sín a?

Hlɔ̌manu 2:5

A ka tlí tó; a ɖo gbesisɔ mɛ bó ná lɛ́ kɔ sín hwɛ towe lɛ́ɛ gúdo ǎ; énɛ́ wútu wɛ a ɖo tó dɔn nú mɛ ɖaxó ɖé sín nǔ sɔ́ ɖ'ayǐ nú hwiɖée wɛ nú gbe e gbe Mawu ná ɖe xomɛsin tɔn kpó hwɛjlɔ́jlɔ́ ɖiɖɔ tɔn kpó xlɛ́ é.

Hlɔ̌manu 9:14

Étɛ́ mǐ ka ná ɖɔ lo? Mawu ɔ́, hwɛ agɔdótɔ́ wɛ é nyí a? Gbeɖé kpɔ́n.

Nǔɖexlɛ́mɛ 16:5

Énɛ́ ɔ́ gúdo ɔ́, un se wɛnsagun e ɖó acɛ dó sin lɛ́ɛ jí ɔ́ ɖɔ: “Hwi mɛ e nyí mǐmɛ́, hwi mɛ e tíin bo ko tíin ɖ'ayǐ ɔ́, hwɛjijɔnɔ wɛ a nyǐ, bó dó ɖɔ hwɛ gbɔn mɔ̌.

Nǔɖexlɛ́mɛ 19:2

Hwɛɖiɖɔ tɔn lɛ́ɛ nyí nǔgbó, bó sɔgbe! Đó é ɖó hwɛ nú agalɛtɔ́ ɖaxó e sɔ́ aga tɔn dó ɖo ayǐkúngban ɔ́ hɛn gblé wɛ é. Mawu sɔ́ ɛ dó ba hlɔn, ɖó é hu mɛsɛntɔ́ tɔn lɛ́ɛ.”