Hlɔ̌manu 2:1 - MAWUXÓWÉMA

¹ Hwi mɛ e ɖo hwɛ dó mɛ ɖě lɛ́ɛ wɛ ɔ́, a na bo nyí nǔ ɖěbǔnɔ ɔ́, kɛnklɛ́n sɔ́ ɖ'é mɛ nú we ǎ; ɖó hwenu e a ɖo hwɛ dó mɛ ɖě lɛ́ɛ wɛ, bó ka nɔ ɖo nǔ ɖokpó ɔ́ wa wɛ yě ɖɔhun ɔ́, hwɛ ɖó nú hwiɖée wɛ a ɖe.

Hlɔ̌manu 2:1 Iomraidhean Croise

Luki 12:14

Jezu ka yí gbe n'i ɖɔ: “Dǎwe! Mɛ̌ ká sɔ́ mì dó ɖó hwɛɖɔtɔ́, abǐ gǔmátɔ́ mitɔn?”

Luki 19:22

Gǎn ɔ́ ka yí gbe n'i ɖɔ: ‘Hwi mɛsɛntɔ́ nyanya élɔ́ ɔ́, xó e tɔ́n sín hwi ɖésú nu mɛ ɔ́ wɛ un ná sɔ́ dó ɖɔ hwɛ xá we. Ée a tunwun ɖɔ un nylá hun, bɔ nǔ e un ma sɔ́ ɖ'ayǐ ǎ ɔ́ wɛ un nɔ yi zé, bó ka nɔ ya nǔ e un ma dó ǎ ɔ́,

Luki 6:37

“Mi ma ɖɔ hwɛ xá mɛɖé ó, énɛ́ ɔ́, Mawu ná ɖɔ hwɛ xá mi lɔmɔ̌ ǎ; mi ma ɖó hwɛ nú mɛɖé ó, énɛ́ ɔ́, Mawu ná ɖó hwɛ nú mi lɔmɔ̌ ǎ. Mi sɔ́ hwɛ kɛ mɛ, énɛ́ ɔ́, Mawu ná sɔ́ hwɛ kɛ mi lɔmɔ̌.

Hlɔ̌manu 14:22

Hɛn nǔɖiɖi e hwi ɖésúnɔ ɖó dó nǔ énɛ́ wú ɔ́ nú hwiɖée ɖo Mawu nukɔn. Nǔ nyɔ́ nú mɛ e wa nǔ e é mɔ ɖɔ é nyɔ́ bɔ ayi tɔn ma xo hun xá ɛ ǎ é.

Hlɔ̌manu 2:2

Mǐ tunwun ɖɔ Mawu nɔ ɖɔ hwɛ xá mɛ e nɔ wa nǔ mɔ̌hun lɛ́ɛ lě e é sɔgbe xá nǔgbó ɔ́ gbɔn é.

Hlɔ̌manu 2:3

Nya ce, hwi mɛ e nɔ ɖo hwɛ dó yě mɛ e nɔ ɖo nǔ énɛ́ lɛ́ɛ wa wɛ, bó ka ɖo nǔ ɖokpó ɔ́ wa wɛ yě ɖɔhun ɔ́, a vɛdó ɖɔ émí ná gán ɖo hwɛɖɔxámɛ Mawu tɔn mɛ wɛ sín a?

Hlɔ̌manu 3:9

Lo ɔ́, étɛ́ ka wɛ? Mǐ mɛ Jwifu lɛ́ɛ ɔ́, mǐ nyɔ́ hú gbɛtɔ́ ɖě lɛ́ɛ wɛ a? Gbeɖé kpɔ́n! Đó un ko ɖe xlɛ́ ɖɔ Jwifu lɛ́ɛ kpódó gbɛtɔ́ ɖě lɛ́ɛ bǐ kpó wɛ kplé bó ɖo hwɛ sín acɛ mɛ.

Hlɔ̌manu 9:20

Hwi gbɛtɔ́ ɔ́, ani a ka nyí, bó ná dɔn nǔ xá Mawu? Kozɛ́n sixú kanbyɔ́ mɛ e bló é ɔ́ ɖɔ nɛ̌ ká gbɔn bɔ é bló émí gbɔn lě ají a?

1 Kɔlɛ́ntinu 4:5

Énɛ́ ɔ́ wú ɔ́, mi ma ɖɔ hwɛ dó mɛ ɖěbǔ cóbónú hwenu e Mawu ɖó ɔ́ ná su ó; mi nɔ te nú Aklúnɔ ní wá: é ná ɖe nǔ e ɖo hwlǎhwlá ɖo zǐnflú mɛ ɔ́ nyi wěxo, bɔ linlin e ɖo ayixa mɛ nú gbɛtɔ́, bɔ è ma mɔ nukúnnú jɛ wú ǎ lɛ́ɛ ɔ́, é ná ɖe xlɛ́; énɛ́ ɔ́, Mawu ná kpa mɛ ɖokpó ɖokpó lě e é jɛ xá gbɔn é.

1 Kɔlɛ́ntinu 7:16

Hwi nyɔ̌nu e ɖi nǔ nú Klísu ɔ́, a tunwun nú a nǎ hwlɛ́n asú towe gán a? Abǐ hwi súnnu e ɖi nǔ nú Klísu ɔ́, a tunwun nú a nǎ hwlɛ́n asi towe gán a?

Jaki 2:20

Ayixamasɔgbenánɔ! A jlǒ ɖɔ è nǐ ɖe lě e nǔɖiɖi e ma nɔ wa nǔ ǎ ɔ́ nyí nǔ yǎyá gbɔn ɔ́ xlɛ́ we a?

Jaki 4:11

Nɔví lɛ́ɛ mi, mi ma nɔ ɖɔ miɖée sín nǔ nyanya ó. Mɛ e nɔ ɖɔ nɔví tɔn sín nǔ nyanya, abǐ é nɔ ɖɔ hwɛ dó e ɔ́, sɛ́n ɔ́ sín nǔ nyanya ɖɔ wɛ é ɖe, bó ɖo hwɛ ɖɔ dó sɛ́n ɔ́ wɛ. Nú a ka ɖo hwɛ ɖɔ dó sɛ́n ɔ́ wɛ hǔn, a sɔ́ nyí mɛ e ɖo tónú se n'i wɛ ɔ́ ǎ; lo ɔ́, a nyǐ mɛ e nɔ ɖɔ hwɛ dó sɛ́n ɔ́ é.