Hlɔ̌manu 10:3 - MAWUXÓWÉMA

³ Nǔgbó ɔ́, yě mɔ nukúnnú jɛ lě e Mawu nɔ sɔ́ gbɛtɔ́ dó húzú hwɛjijɔnɔ gbɔn ɔ́ wú ǎ, bó ba ali yě ɖésúnɔ tɔn, bó ná dó húzú hwɛjijɔnɔ ɖo Mawu nukɔn; énɛ́ ɔ́, yě sɔ́ gbɔn ali e Mawu ɖe bɔ gbɛtɔ́ lɛ́ɛ ná gbɔn, bɔ Mawu ná sɔ́ yě dó húzú hwɛjijɔnɔ ná é ǎ.

Hlɔ̌manu 10:3 Iomraidhean Croise

Nɛɛmíi 9:33

A wa nǔ kpó hwɛjijɔ kpó, ɖo nǔ e gbo mǐ lɛ́ɛ bǐ mɛ, ɖó a ɖe gbejíninɔ towe xlɛ́, mǐdɛɛ lɛ́ɛ ka hu hwɛ dó we.

Jɔ̌bu 33:27

É nɔ́ dó han ɖo mɛ bǐ nukún mɛ ɖɔ: “Un hu hwɛ, un gba sɛ́n, Mawu ká dɔn tó nú mì lě e é ɖó ná dɔn gbɔn é ǎ.

Ɖɛhan 71:19

Mawu ce, nǔ wa ɖó sɛ́n jí towe d'agba lóóo. A wa azɔ̌ ɖaxó ɖaxó lɛ́ɛ. Mawu ce, mɛ̌ è ka sixú jlɛ́ dó wǔ towe?

Ezayíi 51:1

Mawu Mavɔmavɔ ɖɔ: “Mi mɛ e ɖo hwlɛngán ba wɛ nukún myámyá lɛ́ɛ, mi mɛ e ɖo biba ná tunwun mì wɛ lɛ́ɛ mi, mi ɖótó mì. Mi kpɔ́n só e mɛ è kun mi sín é, mi kpɔ́n awǐnnyakan e mɛ è dɔn mi sín é:

Ezayíi 51:6

Mi kpɔ́n jǐxwé aga dɔ̌n sɛ́ dó; mi kpɔ́n do, bó kpɔ́n ayǐkúngban ɔ́; jǐnukúnsin ná kɛn azizɔ ɖɔhun, ayǐkúngban ná gbi avɔ ɖɔhun, bɔ mɛ e ɖo ayǐkúngban ɔ́ jí lɛ́ɛ ná kɔn nyi ayǐ sukpɔ ɖɔhun; amɔ̌, hwlɛngán e un ná hɛn wá ɔ́ ná nɔ ayǐ káká sɔ́yi; hwɛjijɔ ce ná ɖó dogbó ǎ.

Ezayíi 51:8

Đó nǔ e gbo sɛ́davɔ e kɔ́súkɔ́sú ɖu ɔ́ wɛ ná gbo yě. Amɔ̌, hwlɛngán e un ná hɛn wá ɔ́ ná nɔ te káká sɔ́yi, hwlɛngán ce ná nɔ te káká yi gbɛ mavɔ mavɔ.”

Ezayíi 56:1

Xó e Mawu Mavɔmavɔ ɖɔ ɔ́ ɖíe: “Mi bló nǔ e sɔgbe é, bó nɔ́ xwedó hwɛjijɔ, ɖó hwlɛngán e ná hɛn wá wɛ un ɖe ɔ́ kó sɛ yá. Hwɛjijɔ ce ko ɖo kɛ́nnɛ́kɛ́nnɛ́ bó ná ɖe éɖée xlɛ́.

Ezayíi 57:12

Amɔ̌ nyɛ ɔ́, nǔ e hwɛjijɔ towe nyí ɔ́, un ná ɖɔ bɔ mɛ bǐ ná se, bɔ nǔ e wa wɛ a ɖe lɛ́ɛ ɔ́, nǔɖé ná nyɔ́ nú we ɖ'é mɛ ǎ.

Ezayíi 64:6

Mɛ ɖé sɔ́ nɔ́ xomlá we ǎ. Mɛ ɖé sín ayi ka sɔ́ mɔ nǔ bónú é ná wá su we ǎ. Đó a ɖe kɔ dó mǐ, a jǒ mǐ dó nyi hwɛgban mǐtɔn lɛ́ɛ glɔ́.

Gbɛvíhan 3:22

Xomɛnyínyɔ́ Mawu Mavɔmavɔ tɔn nɔ vɔ ǎ, wǎn yíyí tɔn ɖo te káká sɔ́yi.

Daniyɛ́li 9:24

Mawu zé xwe tɛ́nwe tɛ́nwe donu kanɖé gban (70) ɖó te nú togun towe, kpó to mímɛ́ e mɛ a ɖe ɔ́ kpó. Hwenu tají ɖé wɛ bɔ tónúmase bǐ ná fó, bɔ nǔwanyido bǐ ná nɔ te, bɔ è nǎ zé hwɛ bǐ kɛ mɛ, lobɔ hwɛjijɔ mavɔ mavɔ ɔ́ ná bɛ́ azɔ̌, bɔ nǔmimɔ lɛ́ɛ kpó xóɖɔɖ'ayǐ lɛ́ɛ kpó ná jɛ, bɔ è nǎ lɛ́ ylɔ́ Mawu nyíkɔ dó goxɔ mímɛ́ bǐ ɔ́ jí.

Levíi ví 26:41

Yě ná mɔ ɖɔ hwɛ énɛ́ lɛ́ɛ e émí hu lɛ́ɛ wɛ zɔ́n bɔ nyɛ lɔmɔ̌ fɔ́n gǔ dó émí jí, bó kplá émí yi kɛntɔ́ émítɔn lɛ́ɛ sín tomɛ. Énɛ́ ɔ́, yě mɛ tótlítɔ́ énɛ́ lɛ́ɛ ná hwíhwɛ́ yěɖée, bó ná yí gbe nú tó e ná dɔn nú yě wɛ è ɖe ɖó hwɛ e yě hu ɔ́ wú é.

Luki 10:29

Lo ɔ́, ée nya ɔ́ jló ná ɖe xlɛ́ ɖɔ émí kan nǔ byɔ́ ɖó ganjí ɔ́, é ɖɔ nú Jezu ɖɔ: “Mɛ̌ ká nyí nɔzo ce?”

Luki 16:15

Jezu ka ɖɔ nú yě ɖɔ: “Midɛɛ lɛ́ɛ wɛ nɔ ɖe xlɛ́ ɖo gbɛtɔ́ lɛ́ɛ nukún mɛ ɖɔ émí nyí hwɛjijɔnɔ; lo ɔ́, Mawu tunwun ayi mitɔn. Đó nǔ e gbɛtɔ́ lɛ́ɛ nɔ mɔ dó mɔ nǔgɛ́n ɔ́, nǔ wɛ é nyí bɔ Mawu gbɛ́ wǎn na ɖésú.”

Hlɔ̌manu 1:17

Nǔgbó ɔ́, Wɛn Ɖagbe ɔ́ ɖe lě e Mawu nɔ zé gbɛtɔ́ lɛ́ɛ dó húzú hwɛjijɔnɔ ná ɖo nukɔn tɔn gbɔn ɔ́ xlɛ́; sín bǐbɛ́mɛ káká yi vivɔnu ɔ́, nǔɖiɖi kɛ́ɖɛ́ jí wɛ é nɔ zé yě dó húzú hwɛjijɔnɔ ná gbɔn lě e Mawuxówéma ɔ́ ɖɔ gbɔn é; é wɛ nyí ɖɔ: “Mɛ e Mawu mɔ dó mɔ hwɛjijɔnɔ ɖó nǔɖiɖi tɔn wú ɔ́ ná nɔ gbɛ.”

Hlɔ̌manu 10:2

Đó un hɛn ɔ́, un ná ɖe kúnnu nú yě ɖɔ nǔ wa bó nyɔ́ ɖo Mawu sí sín akpakpa ɖaxó ɖé ɖo yě jí; lo ɔ́, yě ɖǒ nukúnnú-mɔjɛnǔmɛ titewungbe ɔ́ ǎ.

Hlɔ̌manu 10:20

Ée Ezayíi ɖɔ ɔ́ hú mɔ̌; é ɖɔ: “Mɛ e ma ɖo biba mì wɛ ɖ'ayǐ ǎ lɛ́ɛ ɔ́, yě mɔ mì. Un sɔ́ nyɛɖée xlɛ́ mɛ e ma ko nɔ kan mì byɔ́ ɖ'ayǐ ǎ lɛ́ɛ.”

Hlɔ̌manu 11:7

Hǔn, é ɖo wɛn: togun Izlayɛ́li tɔn mɔ nǔ e ba wɛ é ɖe ɔ́ yí ǎ. Mɛ e Mawu cyán ɖo togun ɔ́ mɛ lɛ́ɛ kɛ́ɖɛ́ wɛ mɔ yí; mɛ e kpo lɛ́ɛ ɔ́, é bló bɔ yě húzú tótlítɔ́.

Hlɔ̌manu 3:22

Mawu nɔ́ sɔ́ gbɛtɔ́ lɛ́ɛ dó húzú hwɛjijɔnɔ ná ɖo nukún tɔn mɛ, gbɔn nǔ e yě ɖi nú Jezu Klísu é jí. É nɔ wa mɔ̌ nú mɛ e nɔ ɖi nǔ nú Klísu lɛ́ɛ bǐ, ɖó ɖo Mawu gɔ́n ɔ́, vogbingbɔn ɖěbǔ ɖo yě mɛ ǎ.

Hlɔ̌manu 3:26

Amɔ̌, din ɔ́, é ɖe lě e é nɔ́ sɔ́ gbɛtɔ́ lɛ́ɛ dó húzú hwɛjijɔnɔ ɖo nukún tɔn mɛ gbɔn ɔ́ xlɛ́, ɖó é nyí hwɛjijɔnɔ, bó ná lɛ́ sɔ́ mɛ e ɖi nǔ nú Jezu lɛ́ɛ lɔmɔ̌ dó húzú hwɛjijɔnɔ.

Hlɔ̌manu 5:19

Đó lě e tónúmase gbɛtɔ́ ɖokpó géé tɔn zɔ́n bɔ gbɛtɔ́ gěgé húzú hwɛhutɔ́ ɔ́, mɔ̌ jɛ́n tónúsise gbɛtɔ́ ɖokpó géé tɔn zɔ́n bɔ gbɛtɔ́ gěgé húzú hwɛjijɔnɔ ɖo Mawu nukún mɛ.

2 Kɔlɛ́ntinu 5:21

Klísu hu hwɛ ɖě kpɔ́n gbeɖé ǎ; amɔ̌ Mawu ɖíɖá ɛ hwɛ mǐtɔn lɛ́ɛ, bónú ɖo bǔ e mǐ ɖe xá Klísu ɔ́ mɛ ɔ́, mǐ ná sixú ɖu azɔ̌ e gbla mɛ Mawu sɔ́ mǐ dó húzú hwɛjijɔnɔ ná ɖo nukɔn tɔn ɔ́ sín le.

Sɛ́nflínmɛ 6:25

Ényí mǐ wlíbo nú sɛ́n e Mawu Mavɔmavɔ ná mǐ lɛ́ɛ bǐ, bó nyi ganjí ɔ́, zǐnzán mǐtɔn ná sɔgbe xá lě e é jló gbɔn é.’ ”

Filípunu 3:9

bó ná nɔ bǔ xá ɛ titewungbe; un sɔ́ nɔ́ lin ɖɔ tónú e un nɔ se nú sɛ́n ɔ́ wútu wɛ un nyí hwɛjijɔnɔ ɖo Mawu nukɔn ǎ; nǔɖiɖi e un ɖó nú Klísu ɔ́ wútu wɛ un nyí hwɛjijɔnɔ ɖo Mawu nukɔn. Un nyí hwɛjijɔnɔ ɖó Mawu ná mì hlɔ̌nhlɔ́n e é nɔ ná mɛ e ɖi nǔ nú Klísu lɛ́ɛ, bɔ yě ná sixú nyí hwɛjijɔnɔ é.

2 Piyɛ́ɛ 1:1

Nyɛ Sinmɔ́ɔ Piyɛ́ɛ e nyí mɛsɛntɔ́ Jezu Klísu tɔn, bó nyí mɛsɛ́dó tɔn ɔ́ wɛ wlán wěma élɔ́; mɛ e è nǎ nǔɖiɖi xɔ akwɛ́ mǐtɔn ɖɔhun gbɔn azɔ̌ jlɔ́jlɔ́ e Mawu mǐtɔn Mɛhwlɛ́ngántɔ́ Jezu Klísu wa é gbla mɛ lɛ́ɛ wɛ un wlán sɛ́ dó, bó dó gbe yě.