Hlɔ̌manu 10:1 - MAWUXÓWÉMA

¹ Nɔví lɛ́ɛ mi, nǔ e ba wɛ un ɖe kpó ayi ce bǐ kpó, bó ɖo byɔ̌byɔ́ ɖo Mawu sí wɛ nú Jwifu lɛ́ɛ ɔ́, wɛ nyí ɖɔ yě ní mɔ hwlɛngán.

Hlɔ̌manu 10:1 Iomraidhean Croise

Jǎan 5:34

É ka nyí kúnnuɖiɖe gbɛtɔ́ tɔn sín nǔ wɛ hu dó mì ǎ; lo ɔ́, un ɖɔ xó énɛ́ ɔ́, bónú Mawu ná hwlɛ́n mi gán.

Jelemíi 18:20

Yě kun do gɔngɔn bɔ un ná jɛ mɛ. È nɔ wa ɖagbe bo nɔ yí alɔgúdokpɛ́ a? Mawu, flín ɖɔ nukɔn towe wɛ un nɔ, bó byɔ́ ɖɔ hwi ní jó xomɛ e a sin dó yě ɔ́ dó.

Tíntɔ́n 32:13

Flín mɛsɛntɔ́ towe Ablaxámu, Izáki kpódó Jakɔ́bu kpó e a dó akpá ná ɖɔ émí ná bló bɔ kúnkan yětɔn lɛ́ɛ ná sukpɔ́ sunví ɖɔhun bɔ émí ná ná to e sín akpá émí dó ɔ́ kúnkan yětɔn lɛ́ɛ, bɔ é ná nyí yětɔn káká sɔ́yi é.”

Luki 13:34

“Jeluzalɛ́munu e mi, Jeluzalɛ́munu e mi, mi mɛ e nɔ hu gbeyíɖɔ Mawu tɔn lɛ́ɛ, bó nɔ́ nyi awǐnnyaglo dó hu mɛ e Mawu nɔ́ sɛ́ dó mi lɛ́ɛ é! Azɔn mɔ̌kpán wɛ un ko jló ná kplé mi dó awa ce lɛ́ɛ glɔ́, lě e kokló nɔ́ kplé vǐ tɔn lɛ́ɛ dó awa tɔn lɛ́ɛ glɔ́ gbɔn é, lo ɔ́, mi jló ǎ.

Jelemíi 17:16

Mawu Mavɔmavɔ, nyɛ ɔ́, un gbɛ́ ɖɔ un kún ná nyí lɛ̌ngbɔ́nyitɔ́ bó wa azɔ̌ nú we ó ǎ. A ka tunwun ɖɔ un kún ba nú awě ní xo mǐ ó. Xó e nɔ tɔ́n sín nu ce mɛ lɛ́ɛ ɔ́, nukɔn towe wɛ un ɖɔ bǐ ɖe.

1 Samuwɛ́li 12:23

Mawu Mavɔmavɔ ma lɔn nú un gɔn ɖɛ xo nú mi, bó hu hwɛ dó e ó. Un ná xlɛ́ ali e nyí ali ɖagbe ɔ́ mi, ali e nyí ali jlɔ́jlɔ́ é.

1 Samuwɛ́li 15:35

Samuwɛ́li sɔ́ mɔ Sawúlu gbeɖé có bó kú ǎ; é nɔ ɖo avǐ ya wɛ hwebǐnu ɖó Sawúlu tamɛ. Đó Mawu Mavɔmavɔ ɖésú wɛ sɔ́ Sawúlu Izlayɛ́li xɔ́sú bɔ é ká lɛ́ wá vɛ́ n'i.

1 Samuwɛ́li 15:11

“Sawúlu e un sɔ́ axɔ́sú ɔ́ vɛ́ nú mì, ɖó é jó mì dó; é bló nǔ e un ɖɔ lɛ́ɛ ǎ.” Bɔ Samuwɛ́li sin xomɛ bó sa vo nú Mawu Mavɔmavɔ zǎn ɔ́ mɛ káká bɔ ayǐ hɔ́n.

Tíntɔ́n 32:10

Din ɔ́, gbɔ nú má zé xomɛsin dó wa nǔ xá yě; un ná hu yě bǐ; amɔ̌, hwɛ ɔ́, un ná zé we dó bló akɔta ɖaxó ɖé ná.”

Hlɔ̌manu 9:33

Awǐnnya énɛ́ xó wɛ Mawuxówéma ɔ́ ɖɔ bó ɖɔ: “Éɖíe! Un dó awǐnnya e wú è nɔ klɛ́n afɔ dó, bó nɔ fún sa é ɖokpó do nyi Sinyɔ́ɔ; awǐnnya ɖé wɛ bó nɔ́ zin mɛ dɛ́; amɔ̌ mɛ e ɖi nǔ n'i ɔ́ ná ɖu winnyá ǎ.”

Hlɔ̌manu 10:2

Đó un hɛn ɔ́, un ná ɖe kúnnu nú yě ɖɔ nǔ wa bó nyɔ́ ɖo Mawu sí sín akpakpa ɖaxó ɖé ɖo yě jí; lo ɔ́, yě ɖǒ nukúnnú-mɔjɛnǔmɛ titewungbe ɔ́ ǎ.