Hlɔ̌manu 1:9 - MAWUXÓWÉMA

⁹ Mawu e sɛn wɛ un ɖe kpódó ayixa ce bǐ kpó, gbɔn Wɛn Ɖagbe e ɖɔ xó dó Vǐ tɔn wú ɔ́ jlájlá gbla mɛ ɔ́, tunwun ɖɔ nǔgbó ɖɔ wɛ un ɖe; é tunwun ɖɔ un ɖo ɖɛ xo wɛ hweɖěbǔnu ɔ́, nǔ mitɔn nɔ ɖo ayi mɛ nú mì.

Hlɔ̌manu 1:9 Iomraidhean Croise

Jɔ̌bu 16:19

Bɛ́ sín din ɔ́, un ɖó kúnnuɖetɔ́ ɖokpó ɖo jǐxwé, mɛ e nɔ jɛ ahwan jǐ ce ɔ́ ɖo jǐ aga.

Maki 1:1

Fí e Wɛn Ɖagbe e ɖɔ xó dó Jezu Klísu Mawu ví ɔ́ wú ɔ́ bɛ́ sín ɔ́ ɖíe.

Luki 18:1

Énɛ́ ɔ́ gúdo ɔ́, Jezu lɛ́ dó lǒ ɖokpó nú ahwanvú tɔn lɛ́ɛ, bó dó ɖe xlɛ́ yě ɖɔ yě ɖó ná ɖó kan dó ɖɛxixo wú tɛgbɛ; awakanmɛ ní má kú yě gbeɖé ó;

Mɛsɛ́dó 12:5

Lo ɔ́, hwenu e Piyɛ́ɛ ɖo ganxó ɔ́, agun ɔ́ nɔ́ ɖo ɖɛ xo wɛ syɛ́nsyɛ́n dó ta tɔn mɛ.

Mɛsɛ́dó 19:21

Ée nǔ énɛ́ lɛ́ɛ jɛ gúdo ɔ́, Pɔ́lu ɖɔ émí ná gbɔn Masedwani kpódó Akáyi kpán gbé jí, bó ná yi Jeluzalɛ́mu. É ka lɛ́ ɖɔ: “Un yi dɔ̌n ɔ́, un ɖó ná wá yi Hlɔ̌ma lɔmɔ̌.”

Mɛsɛ́dó 24:14

Amɔ̌, un yí gbe nú yě ɖɔ jí Mawu e tɔ́gbó mǐtɔn lɛ́ɛ nɔ sɛn ɔ́ sɛn wɛ un ɖe gbɔn ali yɔ̌yɔ́ e yě ɖɔ é kún sɔgbe ó é jí; lo ɔ́, nǔ e è wlán dó sɛ́nwéma ɔ́ mɛ lɛ́ɛ kpódó nǔ e gbeyíɖɔ Mawu tɔn lɛ́ɛ ɖɔ lɛ́ɛ kpán ɔ́, un ɖi nǔ nú bǐ sésé.

Mɛsɛ́dó 27:23

Đó Mawu e tɔn un nyí, bó nɔ́ sɛn ɔ́ sín wɛnsagun ɖokpó sɛ yá mì égbé zǎn mɛ,

Mɛsɛ́dó 3:26

Hǔn, midɛɛ lɛ́ɛ wɛ nyí mɛ nukɔn tɔn e Mawu sɛ́ Jezu dó é. É sɛ́ ɛ dó bónú é ná lɛ́ kɔ nú ɖokpó ɖokpó mitɔn sín nǔ nyanya e mi nɔ wa lɛ́ɛ gúdo, bó ná xo ɖɛ dó mi jí.

Hlɔ̌manu 9:1

Nǔgbó ɖɔ wɛ un ɖe, ɖo bǔ e un ɖe xá Klísu ɔ́ mɛ; un nɔ ɖó adingban ǎ. Ayixa ce ɖe kúnnu nú mì gbɔn Yɛsinsɛn jí ɖɔ nǔgbó ɖɔ wɛ un ɖe.

2 Kɔlɛ́ntinu 1:23

Mawu ná ɖe kúnnu nú mì; ényí nǔvú ɖó wɛ un ɖe hǔn, ma kú. Un jló ná gba ayi dó nú mi ǎ wútu wɛ un ma lɛ́ kɔ wá Kɔlɛ́nti ǎ.

2 Kɔlɛ́ntinu 11:31

Mawu Aklúnɔ Jezu sín Tɔ́ tunwun ɖɔ un kún nɔ ɖó adingban ó. Susu nú nyǐkɔ tɔn hwe lɛ́ɛ bǐ nu!

Galatinu 1:20

Nǔ e wlán sɛ́ dó mi wɛ un ɖe ɔ́ nǔgbó wɛ. Mawu nukɔn ɖíe un ɖe e; un ɖo adingban ɖó wɛ ǎ.

Efɛ́zinu 6:18

Mi ná nɔ xo ɖɛ tɛnmɛ tɛnmɛ, bó ná nɔ sa vo nú Mawu gbɔn Yɛsinsɛn jí hwebǐnu. Mi nɔ́ nɔ acéjí, bó nɔ́ ɖó kan d'é wú titewungbe, lobo nɔ xo ɖɛ nú mɛɖeɖóvo Mawu tɔn lɛ́ɛ bǐ.

Filípunu 1:3

Nú un flín mi hweɖěbǔnu ɔ́, un nɔ dó kú nú Mawu ɖó mi bǐ ta mɛ.

Filípunu 1:4

Un ɖo ɖɛ xo dó ta mitɔn mɛ wɛ hweɖěbǔnu ɔ́, un nɔ xo ɖɛ kpódó xomɛhunhun kpán.

Filípunu 2:22

Mi ɖésúnɔ ɔ́, mi tunwun ninɔmɛ Timɔtée tɔn; lě e nyɛ kpó e kpó wa azɔ̌ vǐ kpó tɔ́ kpó ɖɔhun gbɔn, bó jlá Wɛn Ɖagbe ɔ́, mi tunwun.

Filípunu 3:3

Mǐ mɛ e nɔ sɛn Mawu ɖo Yɛ Mawu tɔn mɛ lɛ́ɛ ɔ́, mǐ wɛ gbo ada titewungbe ɔ́; mǐ wɛ nɔ xɔ susu ɖo Klísu Jezu mɛ; mǐ wɛ ma nɔ gán jɛ walɔ gbɛtɔ́ tɔn lɛ́ɛ wú ǎ.

1 Tɛsalonikinu 1:2

Mǐ nɔ dó kú nú Mawu tɛgbɛ dó mi bǐ tamɛ, bó nɔ flín mi hwebǐnu ɖo ɖɛ mǐtɔn lɛ́ɛ mɛ.

1 Tɛsalonikinu 3:10

Zǎn kpó kéze kpó ɔ́, mǐ nɔ́ byɔ́ ɛ syɛ́nsyɛ́n ɖɔ ní bló bónú mǐ ɖésúnɔ ná lɛ́ mɔ mi, bónú nǔ e lɛ́ hwedó mi ɖo nǔɖiɖi mitɔn mɛ ɔ́, mǐ ná gɔ́ ná nú mi.

1 Tɛsalonikinu 5:17

Mi nɔ xo ɖɛ hwebǐnu.

1 Timɔtée 2:7

Un ɖo adingban ɖó wɛ ǎ; nǔgbó ɖɔ wɛ un ɖe bó ɖɔ énɛ́ ɔ́ wútu wɛ Mawu sɔ́ mì wɛnsagun, bó sɔ́ mì mɛsɛ́dó, bó zɔ́n mì ɖɔ ma kplɔ́n nǔ e kan nǔɖiɖi kpódó nǔgbó kpó ɔ́ mɛ e ma nyí Jwifu ǎ lɛ́ɛ.

2 Timɔtée 1:3

Un nɔ dó kú nú Mawu e tɔ́gbó ce lɛ́ɛ sɛn, bɔ nyɛ ɖésú ɖo sinsɛn wɛ kpódó ayixa mímɛ́ kpó é. Un dó kú n'i ɖó é bló bɔ zǎn kpó kéze kpó ɔ́, un nɔ flín we hwebǐnu, ɖo ɖɛ ce lɛ́ɛ mɛ.

Filemɔ́ɔ 1:4

Un ɖo ɖɛ xo wɛ hweɖěbǔnu ɔ́, un nɔ flín we, bó nɔ dó kú nú Mawu,

1 Samuwɛ́li 12:23

Mawu Mavɔmavɔ ma lɔn nú un gɔn ɖɛ xo nú mi, bó hu hwɛ dó e ó. Un ná xlɛ́ ali e nyí ali ɖagbe ɔ́ mi, ali e nyí ali jlɔ́jlɔ́ é.