Hlɔ̌manu 1:7 - MAWUXÓWÉMA

⁷ Un ɖo wěma élɔ́ wlán sɛ́ dó mi mɛ e ɖo Hlɔ̌ma lɛ́ɛ wɛ; mi mɛ e Mawu yí wǎn ná, bó ylɔ́ mi, bó ɖe mi ɖó vo, bɔ mi ná nyí togun tɔn é bǐ. Mawu Tɔ́ mǐtɔn kpódó Aklúnɔ mǐtɔn Jezu Klísu kpó ní ná fɛ́nú kpódó fífá kpó mi.

Hlɔ̌manu 1:7 Iomraidhean Croise

Ɖɛhan 60:5

Nǔ e a sɔ́ togun towe sín nukún dó mɔ é syɛ́n, a kpé vɛ̌ɛn gláglá ɖé nú mǐ.

Hanvíví 5:1

Nɔví ce nyɔ̌nu, asixɔ́ntɔn ce, un jǎwe jikpá ce mɛ, un jǎwe bó ná ba mǐla ce, un jǎwe bó ná gbɛ nǔhwɛ́nkún ce lɛ́ɛ. Un jǎwe bó ná ɖu wǐinkpa ce kpó wǐin ce kpó; un jǎwe bó ná nu vɛ̌ɛn ce kpódó anɔ̌sin ce kpó. Xɔ́ntɔn xɔ́ntɔn e mi, mi ɖu nǔ! Mi nu vɛ̌ɛn; wǎn yíyí ní mú mi!

Kɛ́nsísɔ́ 6:25

Mawu Mavɔmavɔ ní zé nukún ɖagbe dó kpɔ́n mi ná, bó yí mi dó ɖagbe jí.

Matíe 5:16

Wěziza mitɔn ní bo hɔ́n ɖo gbɛtɔ́ lɛ́ɛ nukɔn, bónú yě ní mɔ nǔ ɖagbe wiwa mǐtɔn lɛ́ɛ, bo na dó kpa susu nú Tɔ́ mitɔn e ɖo sɛ́xwé é.

Jǎan 20:17

Jezu ɖɔ n'i ɖɔ: “Ma hɛn mì ɖó te ó, ɖó un ko yi Tɔ́ ɔ́ gɔ́n ɖo sɛ́xwé ǎ; lo ɔ́, yi ɖɔ nú nɔví ce lɛ́ɛ ɖɔ un xwe Tɔ́ ce e nyí Tɔ́ mi lɔ tɔn é gɔ́n; un xwe Mawu ce e nyí Mawu mi lɔ tɔn é gɔ́n.”

Mɛsɛ́dó 15:23

Yě bló wěma ɖokpó dó así nú yě, bó ɖɔ dó wéma ɔ́ mɛ ɖɔ: “Mǐ nɔví mitɔn mɛsɛ́dó lɛ́ɛ, kpódó agunnukɔntɔ́ lɛ́ɛ kpán dó gbe sɛ́ dó mi mɛ e má nyí Jwifu ǎ, bó ka nyí nɔví mǐtɔn ɖo Klísu mɛ, bó ɖo Antyɔ́ci, bó ɖo tokpɔn Silíi tɔn kpódó Silisíi tɔn kpó mɛ lɛ́ɛ.

Mɛsɛ́dó 9:13

Ananíyasi ka yí gbe ɖɔ: “Aklúnɔ! Un ko se nya élɔ́ sín xó, ɖo mɛ gěgé nu. Nǔ nyanya e é wa xá mɛ e nyí towe ɖo Jeluzalɛ́mu lɛ́ɛ ɔ́, un se bǐ.

Hlɔ̌manu 1:6

Mi lɔ, mi ɖo mɛ énɛ́ lɛ́ɛ mɛ, mi mɛ e Mawu ylɔ́ bɔ mi nyí Jezu Klísu tɔn lɛ́ɛ é.

Hlɔ̌manu 5:1

Hǔn, ée Mawu sɔ́ mǐ dó húzú hwɛjijɔnɔ gbɔn nǔɖiɖi gbla mɛ ɔ́, fífá ɖo mǐ kpo Mawu kpo tɛ́ntin, gbɔn Aklúnɔ mǐtɔn Jezu Klísu sín nǔwiwa lɛ́ɛ gbla mɛ.

Hlɔ̌manu 5:5

Nukúnɖíɖó énɛ́ ka nɔ flú mɛ ǎ, ɖó Mawu kɔn wǎn yíyí tɔn dó ayi mǐtɔn mɛ gbɔn Yɛsinsɛn e é ná mǐ ɔ́ jí.

Hlɔ̌manu 8:28

Mǐ tunwun ɖɔ mɛ e yí wǎn nú Mawu lɛ́ɛ ɔ́, mɛ e é ylɔ́ ɖo tito tɔn mɛ lɛ́ɛ ɔ́, nǔ e nɔ jɛ dó yě jǐ lɛ́ɛ bǐ ɔ́, ɖagbe wɛ é nɔ dó wá nú yě.

Hlɔ̌manu 8:39

Nǔ e ɖo hwe glɔ́ lɛ́ɛ kpó nǔ e ɖo ayǐkúngban glɔ́ lɛ́ɛ é kpó, kpódó nǔ ɖěvo e è blǒ é ɖěbǔ kpán sixú ɖe mǐ ɖó vo nú wǎn yíyí e Mawu ɖe xlɛ́ mǐ gbɔn Aklúnɔ mǐtɔn Klísu Jezu jí é ǎ.

Hlɔ̌manu 9:25

Nǔ énɛ́ wɛ Mawu ɖɔ ɖo Ozée sín wěma mɛ; Mawu ɖɔ: “Un ná ylɔ́ togun e ma nyí togun ce ɖ'ayǐ ǎ lɛ́ɛ ɖɔ togun ce; un ná ylɔ́ akɔta e un ma yí wǎn ná ɖ'ayǐ ǎ ɖɔ wǎnyínámɔ ce vívɛ́ná.

1 Kɔlɛ́ntinu 1:24

Lo ɔ́, Klísu ɔ́, hlɔ̌nhlɔ́n Mawu tɔn kpódó nǔnywɛ́ Mawu tɔn kpó wɛ é nyí nú mɛ e Mawu ylɔ́ lɛ́ɛ; Jwifu kpódó Glɛ̌sinu kpó.

1 Kɔlɛ́ntinu 16:23

Fɛ́nú Aklúnɔ Jezu tɔn ní nɔ kpɔ́ xá mi.

Galatinu 6:18

Nɔví lɛ́ɛ mi! Fɛ́nú Aklúnɔ mǐtɔn Jezu Klísu tɔn ní nɔ kpɔ́ xá mi bǐ. Amǐ.

Efɛ́zinu 1:2

Mawu Tɔ́ mǐtɔn kpódó Aklúnɔ mǐtɔn Jezu Klísu kpó ní ná fɛ́nú kpódó fífá kpó mi.

Efɛ́zinu 6:23

Mawu Tɔ́ ɔ́ kpódó Aklúnɔ Jezu Klísu kpó ní ná fífá kpódó wǎn yíyí kpó, kpódó nǔɖiɖi kpó nɔví ɖo Klísu mɛ lɛ́ɛ bǐ.

Sɛ́nflínmɛ 33:12

Xó e Mɔyízi ɖɔ dó Bɛnjamɛ́ɛ ví lɛ́ɛ wú é ɖíe: “Bɛnjamɛ́ɛ ví lɛ́ɛ wɛ nyí akɔta wǎnyínánɔ Mawu Mavɔmavɔ tɔn, yě nɔ́ nɔ vivo mɛ ɖo Mawu Mavɔmavɔ kpá. Mawu Mavɔmavɔ nɔ cyɔ́n alɔ yě jí ayǐhɔ́ngbe ayǐhɔ́ngbe; é nɔ́ nɔ yě tɛ́ntin.”

Filípunu 1:2

Mawu Tɔ́ mǐtɔn kpódó Aklúnɔ Jezu Klísu kpán ní ná fɛ́nú kpódó fífá kpó mi.

Filípunu 4:13

Mɛ e nɔ ná hlɔ̌nhlɔ́n mì ɔ́ wɛ nɔ zɔ́n, bɔ un nɔ sixú kpé nǔ énɛ́ lɛ́ɛ bǐ wú.

Filípunu 4:20

Susu nú Mawu Tɔ́ mǐtɔn káká yi mavɔ mavɔ. Amǐ.

Filípunu 4:23

Fɛ́nú Aklúnɔ Jezu Klísu tɔn ní nɔ kpɔ́ xá mi bǐ.

Kolósinu 1:2

Mǐ wɛ sɛ́ dó nɔví mǐtɔn gbejínɔtɔ́ ɖo Klísu mɛ e nyí mɛɖeɖóvo Mawu tɔn bó ɖo Kolósi lɛ́ɛ. Mawu Tɔ́ mǐtɔn ní ná fɛ́nú kpó fífá kpó mi.

Kolósinu 3:12

Mɛɖeɖóvo Mawu tɔn wɛ mi nyí. Mɛvívɛ́ná Mawu tɔn wɛ mi nyí, bɔ é sɔ́ mi, bónú mi ná nyí étɔn. Énɛ́ ɔ́ wútu wɛ mi ɖó ná sɔ́ nǔbláwǔkúnúmɛ, xomɛnyínyɔ́, mɛɖéesɔ́hwe, xomɛfífá kpó suúlu kpó dó awu ɖɔhun.

Kolósinu 3:15

Fífá Klísu tɔn ní ɖu gǎn ɖo ayi mitɔn mɛ; nǔgbó ɔ́, fífá énɛ́ ɔ́ wú wɛ Mawu ylɔ́ mi ɖó kpɔ́, bɔ mi nyí wǔjɔnú agbaza ɖokpó géé tɔn. Énɛ́ ɔ́ wú ɔ́, mi tunwun nǔ e Mawu wa nú mi ɔ́ n'i.

1 Tɛsalonikinu 1:1

Nyɛ Pɔ́lu kpó Silási kpó, kpódó Timɔtée kpán wɛ wlán wěma élɔ́ sɛ́ dó mi agunví e ɖo Tɛsaloniki bó ɖo bǔ ɖo Mawu Tɔ́ ɔ́ kpódó Aklúnɔ Jezu Klísu kpán mɛ é. Mawu ní ná fɛ́nú kpódó fífá kpó mi.

1 Tɛsalonikinu 1:3

Nǔgbó ɔ́, ɖo Mawu Tɔ́ mǐtɔn nukɔn ɔ́, mǐ nɔ́ flín lě e mi zé nǔɖiɖi mitɔn dó wa azɔ̌ ná sɔ é, mǐ nɔ́ flín lě e mi wa wǎn-yíyízɔ́ sɔ é; bɔ nukún e ɖó Aklúnɔ mǐtɔn Jezu Klísu wɛ mǐ ɖe ɔ́, lě e mi syɛ́nlǐn ɖ'é mɛ sɔ ɔ́, mǐ nɔ́ flín.

1 Tɛsalonikinu 1:4

Nɔví ce lɛ́ɛ mi, mǐ tunwun ɖɔ Mawu yí wǎn nú mi, bó sɔ́ mi nú mi ná nyí étɔn.

1 Tɛsalonikinu 4:7

Đó Mawu ylɔ́ mǐ, bónú mǐ ná wa nǔ blíblí ǎ; lo ɔ́, é ylɔ́ mǐ nú mǐ ná zán gbɛ mímɛ́.

1 Tɛsalonikinu 5:28

Fɛ́nú Aklúnɔ mǐtɔn Jezu Klísu tɔn ní nɔ kpɔ́ xá mi.

2 Tɛsalonikinu 1:2

Mawu Tɔ́ ɔ́ kpódó Aklúnɔ Jezu Klísu kpó ní ná fɛ́nú kpó fífá kpó mi.

2 Tɛsalonikinu 3:16

Aklúnɔ e nɔ́ ná fífá mɛ ɔ́, é ɖésúnɔ ní ná fífá mi hwebǐnu, gbɔn alɔkpa bǐ mɛ. Aklúnɔ ní nɔ kpɔ́ xá mi bǐ.

2 Tɛsalonikinu 3:18

Fɛ́nú Aklúnɔ mǐtɔn Jezu Klísu tɔn ní nɔ kpɔ́ xá mi bǐ.

1 Timɔtée 1:2

wɛ wlán wěma élɔ́ sɛ́ dó hwi vǐ ce jiji ɖo nǔɖiɖi mɛ Timɔtée. Mawu Tɔ́ ɔ́ kpódó Aklúnɔ mǐtɔn Klísu Jezu kpán ní ná fɛ́nú we, bó kú nǔbláwǔ nú we, lobo ná fífá we.

1 Timɔtée 6:2

Kannumɔ e sín gǎn nyí nǔɖitɔ́ lɛ́ɛ ɖó ná gɔn gǎn yětɔn lɛ́ɛ sí, ɖó yě ko nyí nɔví nɔví ɖo nǔɖiɖi mɛ wútu ǎ; é nyɔ́ wa ɔ́, yě ɖó ná lɛ́ sɛn yě bɔ é ná hú lě e sɛn gbɔn wɛ yě ko ɖe ɖ'ayǐ ɔ́, ɖó mɛ e ɖo nǔ e wa wɛ yě ɖe ɔ́ sín le ɖu wɛ lɛ́ɛ ɔ́, nǔɖitɔ́ e yě yí wǎn ná lɛ́ɛ wɛ. Nǔ e a ná kplɔ́n yě ɔ́ kpódó Mawuxó e a ná ɖɔ nú yě ɔ́ kpán ɖíe:

2 Timɔtée 1:2

wɛ ɖo wěma élɔ́ sɛ́ dó we wɛ, vǐ ce vívɛ́ná Timɔtée. Mawu Tɔ́ ɔ́ kpódó Aklúnɔ mǐtɔn Klísu Jezu kpó ní ná fɛ́nú we, bó kú nǔbláwǔ nú we, bó ná fífá we.

2 Timɔtée 4:22

Aklúnɔ ní nɔ kpɔ́ xá we. Fɛ́nú Mawu tɔn ní nɔ kpɔ́ xá mi.

Titu 1:4

Títu, vǐ ce nǔgbó nǔgbó tɔn wɛ a nyǐ ɖo nǔɖiɖi ɖokpó ɔ́ e mǐ ɖó ɔ́ mɛ. Mawu Tɔ́ ɔ́ kpó Mɛhwlɛ́ngántɔ́ mǐtɔn Klísu Jezu kpó ní ná fɛ́nú kpó fífá kpó we.

Filemɔ́ɔ 1:25

Fɛ́nú Aklúnɔ mǐtɔn Jezu Klísu tɔn ní nɔ kpɔ́ xá mi.

Filemɔ́ɔ 1:3

Mawu Tɔ́ mǐtɔn kpódó Aklúnɔ mǐtɔn Jezu Klísu kpó ní ná fɛ́nú kpódó fífá kpó mi.

Jaki 1:1

Nyɛ Jaki e nyí azɔ̌watɔ́ Mawu tɔn, bó nyí azɔ̌watɔ́ Aklúnɔ Jezu Klísu tɔn ɔ́ wɛ wlán wěma élɔ́ sɛ́ dó Jwifu klísusɛntɔ́ e gba kpé gbɛ ɔ́ bǐ mɛ lɛ́ɛ é, bó ɖo gbe dó sɛ́ dó yě wɛ.

1 Piyɛ́ɛ 1:15

Lo ɔ́, mi ní nyí mɛ mímɛ́ ɖo nǔwiwa mitɔn bǐ mɛ, lě e Mawu e ylɔ́ mi ɔ́ nyí mɛ mímɛ́ gbɔn é.

1 Jǎan 3:1

Mi Kpɔ́n lě e Tɔ́ ɔ́ yí wǎn nú mǐ sɔ é. É yí wǎn nú mǐ káká bo ɖɔ è ní ylɔ́ mǐ ɖɔ Mawu ví; vǐ tɔn wɛ mǐ ka nyí nǔgbó. Ée gbɛ ɔ́ ma tunwun Mawu ɔ́ ǎ wútu wɛ é ma tunwun mǐ ǎ.

2 Jǎan 1:3

Mawu Tɔ́ ɔ́ kpódó Jezu Klísu e nyí vǐ tɔn ɔ́ kpó ní ná fɛ́nú kpódó nǔbláwǔkúnúmɛ kpó, kpó fífá kpó mǐ, bónú mǐ ní ɖó nǔ énɛ́ lɛ́ɛ ɖo wǎn yíyí kpódó nǔgbó kpó mɛ.

Nǔɖexlɛ́mɛ 2:1

Wlǎn wěma sɛ́ dó agun Klísu tɔn e ɖo Efɛ́zi ɔ́ sín wɛnsagun, bó ɖɔ n'i ɖɔ: “Mɛ e hɛn sunví tɛ́nwe lɛ́ɛ dó alɔ tɔn ɖisí ɔ́ mɛ, bó ɖo zɔnlin ɖi wɛ ɖo sikázogbɛ́nhɛnnú tɛ́nwe lɛ́ɛ tɛ́ntin ɔ́, xó e ɖɔ wɛ é ɖe ɔ́ ɖíe:

Nǔɖexlɛ́mɛ 2:12

Wlǎn wěma sɛ́ dó agun Klísu tɔn e ɖo Pɛɛgamu ɔ́ sín wɛnsagun, bó ɖɔ n'i ɖɔ: “Mɛ e ɖó hwǐ ɖíɖá nu we nɔ ɔ́, xó e é ɖɔ ɔ́ ɖíe:

Nǔɖexlɛ́mɛ 2:18

Wlǎn wěma sɛ́ dó agun Klísu tɔn e ɖo Tiatíi ɔ́ sín wɛnsagun, bó ɖɔ n'i ɖɔ: “Mawu ví e nukún tɔn lɛ́ɛ nɔ kán zo myɔ ɖɔhun, bɔ afɔ tɔn lɛ́ɛ nɔ kɔ́n ganvɔ e è ɖiɖi wǔ ná ɔ́ ɖɔhun ɔ́, xó e é ɖɔ ɔ́ ɖíe:

Nǔɖexlɛ́mɛ 2:29

“Mɛ e ɖó tó, bó ná dó se nǔ ɔ́ ní se nǔ jɛ nǔ e ɖɔ nú agun lɛ́ɛ wɛ Yɛsinsɛn ɖe ɔ́ mɛ ganjí!”

Nǔɖexlɛ́mɛ 2:8

Wlǎn wěma sɛ́ dó agun Klísu tɔn e ɖo Simíini ɔ́ sín wɛnsagun, bó ɖɔ n'i ɖɔ: “Mɛ e nyí mɛ e jɛ nukɔn, bó nyí mɛ e gbɔn gǔdo ɔ́, mɛ e ko kú, bó lɛ́ fɔ́n ɔ́, xó e é ɖɔ ɔ́ ɖíe:

Nǔɖexlɛ́mɛ 22:21

Fɛ́nú Aklúnɔ Jezu tɔn ní nɔ kpɔ́ xá mɛ bǐ.

Nǔɖexlɛ́mɛ 3:14

“Wlǎn wěma sɛ́ dó agun Klísu tɔn e ɖo Lawodisée ɔ́ sín wɛnsagun, bó ɖɔ n'i ɖɔ: “Mɛ e nɔ nyí Amǐ , bó nyí Kúnnuɖetɔ́ gbejínɔtɔ́ titewungbe, bó nyí mɛ e jí Mawu blǒ nǔ bǐ sésé gbɔn ɔ́, xó e é ɖɔ ɔ́ ɖíe:

Nǔɖexlɛ́mɛ 3:22

“Mɛ e ɖó tó bó ná dó se nǔ ɔ́ ní se nǔ e ɖɔ nú agun Klísu tɔn lɛ́ɛ wɛ Yɛsinsɛn ɖe ɔ́ ganjí.”

Nǔɖexlɛ́mɛ 3:7

“Wlǎn wěma sɛ́ dó agun Klísu tɔn e ɖo Filadɛlufíi ɔ́ sín wɛnsagun, bó ɖɔ n'i ɖɔ: “Mɛ e nyí mɛ mímɛ́, bó nyí mɛ titewungbe ɔ́, mɛ e sí axɔ́sú Davídi sín cávi ɔ́ ɖe ɔ́, mɛ e nɔ hun hɔn bɔ mɛ ɖěbǔ ma nɔ sixú sú ǎ é, mɛ e nɔ sú hɔn bɔ mɛ ɖěbǔ ma nɔ sixú hun ǎ é ɔ́, xó e é ɖɔ ɔ́ ɖíe: