Hlɔ̌manu 1:3 - MAWUXÓWÉMA

³ Wɛn Ɖagbe énɛ́ ɖɔ xó dó Vǐ tɔn Aklúnɔ mǐtɔn Jezu Klísu ɔ́ wú. Đo gbɛtɔ́ nyínyí tɔn mɛ ɔ́, Davídi kúnkan mɛ wɛ é jɔ ɖe;

Hlɔ̌manu 1:3 Iomraidhean Croise

Bǐbɛ́mɛ 3:15

Un ná bló bɔ hwi kpó nyɔ̌nu ɔ́ kpó ɔ́, mi ná nɔ́ mɔ miɖée gbɔ gbeɖé ǎ; kúnkan towe kpó kún tɔn kpó ɔ́, yě ná nɔ́ mɔ yěɖée gbɔ gbeɖé ǎ. Kúnkan tɔn ná nɔ́ nyínyɛ́ ta nú we, bɔ hwɛ ká ná nɔ́ gblé wǔ éyɛ́ tɔn dó afɔgbɛnnu.”

Ɖɛhan 2:7

Axɔ́sú ɔ́ ɖɔ: “Un ná jlá gbeta e Mawu ɖe tɔ́n é, é ɖɔ nú mì ɖɔ: ‘Vǐ ce wɛ a nyǐ, bɛ́ sín égbé ɔ́, nyɛ wɛ nyí tɔ́ towe .

Jelemíi 33:26

Ée nǔ ɖo mɔ̌ ɔ́, è sixú lin ɖɔ nyi ná jó Jakɔ́bu sín vǐ lɛ́ɛ kpó mɛsɛntɔ́ ce Davídi sín ví lɛ́ɛ kpó dó a? Abǐ è sixú lin ɖɔ gǎn e ná kpa acɛ dó Ablaxámu ví lɛ́ɛ, Izáki ví lɛ́ɛ kpó Jakɔ́bu ví lɛ́ɛ kpó nu lɛ́ɛ ɔ́, un kún ná zé ɖo yě mɛ ó a? “Un sixú bló mɔ̌ gbeɖé kpɔ́n ǎ! Un yí wǎn nú yě ɖésú. Un ná lɛ́ sɔ́ yě ɖó lě e yě kó ɖe ɖ'ayǐ é.”

Amɔ́si 9:11

Mawu Mavɔmavɔ ɖɔ: “É wá yá ɔ́, un ná fɔ́n Davídi sín xwé e mu ɔ́ ɖó te. Un ná bló dǒ e zɛ lɛ́ɛ ɖó. Un ná bló nǔ e gba hánnyá lɛ́ɛ ɖó. Un ná vɔ́ xwé ɔ́ bló ɖó lě e é kó ɖe gbɔn ɖ'ayǐ é.

Matíe 1:1

Wěma e ɖɔ xó dó Jezu Klísu, Davídi ví, Ablaxámu ví ɔ́ sín tɔ́gbó tɔgbo lɛ́ɛ wú ɔ́ ɖíe:

Matíe 1:16

Jakɔ́bu ji Jozɛ́fu e da Mali é; Mali ka nyí Jezu e è nɔ ylɔ́ ɖɔ Klísu ɔ́ sín nɔ.

Matíe 1:6

Jɛsée ka ji Davídi axɔ́sú ɔ́. Davídi ji Salomɔ́ɔ ɖo Ulíi e kú ɔ́ sín asi xomɛ;

Matíe 12:23

Nǔ énɛ́ kpácá ahwan ɔ́ tlala, bɔ yě ɖɔ: “Davídi ví ɔ́ nɛ́ ǎ cé?”

Matíe 15:22

Nyɔ̌nu Kanáanu ɖokpó ka gosín gbě nɛ́ ɔ́ jí, bó wá Jezu gɔ́n. É jɛ xó sú jí, bó ɖɔ: “Aklúnɔ! Davídi ví, kú nǔbláwǔ nú mì. Yɛ nyanya ɖo vǐ ce nyɔ̌nu jí, bɔ é ɖo wǔvɛ́ mɔ wɛ baɖabaɖa.”

Matíe 26:63

Jezu ka tin d'é mɛ n'i. Vɔ̌sánú-xwlémawutɔ́ ɖaxó ɔ́ ka ɖɔ n'i ɖɔ: “Ɖo Mawu gbɛɖe ɔ́ sín nyǐkɔ mɛ ɔ́, ényí hwi wɛ nyí Klísu, Mawu ví ɔ́ nǔgbó hǔn, ɖɔ nú mǐ.”

Matíe 27:43

É ɖeji dó Mawu wú; nú Mawu ɔ́ yí wǎn n'i nǔgbó hǔn, ní bó hwlɛ́n ɛ gán nú mǐ ná kpɔ́n; ɖó é ɖɔ: ‘Un nyí Mawu ví.’ ”

Matíe 3:17

Tlóló ɔ́, è se gbe ɖé sín jǐxwé bɔ é ɖɔ: “Vǐ ce vívɛ́ná wɛ mɛ élɔ́ nyí; xomɛ nɔ hun mì dó wǔtu tɔn tlala.”

Matíe 9:27

Ée Jezu gosín fínɛ́, bó xweyǐgbe ɔ́, nukúntíntɔ́nnɔ we ɖé lɛ́ɛ xwedó e; yě ɖo xó sú wɛ bó nɔ́ ɖɔ: “Kú nǔbláwǔ nú mǐ, Davídi ví.”

Luki 1:35

Wɛnsagun ɔ́ ká yí gbe n'i ɖɔ: “Yɛsinsɛn ná wá jǐ towe, bó ná ɖe hlɔ̌nhlɔ́n Mawu tɔn xlɛ́; énɛ́ ɔ́ wú wɛ vǐ e a nǎ ji ɔ́, è nǎ nɔ́ ylɔ́ ɛ ɖɔ mɛɖeɖóvo Mawu tɔn, bó ná nɔ́ ylɔ́ ɛ ɖɔ Mawu ví.

Luki 1:69

É sɛ́ Mɛhwlɛ́ngántɔ́ hlɔ̌nhlɔ́nnɔ ɖé dó mǐ. Mɛhwlɛ́ngántɔ́ énɛ́ jɔ ɖo mɛsɛntɔ́ tɔn axɔ́sú Davídi hɛ́nnu mɛ.

Jǎan 1:14

Xó ɔ́ húzú gbɛtɔ́, bó wá nɔ mǐ mɛ; é ɖe fɛ́nú kpódó nǔgbó kpó xlɛ́ mǐ, bɔ mǐ mɔ susu tɔn, susu e Tɔ́ nɔ ná Vǐɖokpónɔ tɔn é.

Jǎan 1:34

Nyi ɖésú wɛ mɔ nǔ e jɛ ɔ́, bó ɖe kúnnu ná ɖɔ é wɛ nyí Mawu ví.”

Jǎan 1:49

Natanayɛ́li yí gbe n'i ɖɔ: “Mɛ̌si, hwi wɛ nyí Mawu ví ɔ́ nǔgbó; hwi wɛ nyí Izlayɛ́li xɔ́sú.”

Jǎan 10:30

Nyɛ kpódó Tɔ́ ɔ́ kpó ɔ́, ɖokpó wɛ mǐ nyǐ.”

Jǎan 10:36

étɛ́wú nyɛ mɛ e Mawu ka ɖe ɖó vo, bó sɛ́ mì dó gbɛ ɔ́ mɛ ɔ́, un ɖɔ nú mi ɖɔ Mawu ví wɛ un nyí, bɔ mi ka ɖɔ un nylá nu dó Mawu wú?

Jǎan 20:28

Tɔmáa yí gbe n'i ɖɔ: “Aklúnɔ ce, Mawu ce!”

Jǎan 20:31

Amɔ̌, è wlǎn élɔ́ lɛ́ɛ, bónú mi ná ɖi nǔ ɖɔ Jezu wɛ nyí Klísu Mawu ví ɔ́, bónú mi ɖi nǔ ɔ́, mi ná mɔ gbɛ gbɔn jǐ tɔn.

Jǎan 5:25

Má ɖɔ nǔgbó nú mi: hwe ɔ́ nu ɖo na su wɛ; éɖíe ka ko su e, bɔ mɛkúkú lɛ́ɛ ná se Mawu ví ɔ́ sín gbe; énɛ́ ɔ́, mɛ e ná se gbe tɔn lɛ́ɛ ná mɔ gbɛ.

Jǎan 7:42

Mawuxówéma ɔ́ ko ɖɔ Davídi ví lɛ́ɛ mɛ wɛ Klísu ɔ́ ɖó ná tɔ́n sín, ɖo Bɛteleyɛ́mu, Davídi tomɛ.”

Mɛsɛ́dó 2:30

Lo ɔ́, gbeyíɖɔ Mawu tɔn wɛ é nyí, bó ka tunwun ɖɔ Mawu dó akpá, bó xwlé nǔ d'é jí nú émí ɖɔ émí ná wá sɔ́ vǐvú émítɔn ɖokpó ɖó axɔ́súzinkpo émítɔn jí.

Mɛsɛ́dó 3:13

Mawu Ablaxámu tɔn, Izáki tɔn, Jakɔ́bu tɔn, Mawu tɔ́gbó mǐtɔn lɛ́ɛ tɔn wɛ sɔ́ mɛsɛntɔ́ tɔn Jezu sɔ́ su. Jezu e mi jó nú gǎn lɛ́ɛ, lobo gbɛ́ ɛ ɖo Pilátu nukɔn hwenu e éyɛ́ jló ná ɖe e nyi te é.

Mɛsɛ́dó 8:36

Yě ɖo yiyi wɛ, bó wá yi mɔ sin ɖo fí ɖé, bɔ agooɖojǐe ɔ́ ɖɔ jí: “Kpɔ́n! Sin ɖíe; étɛ́ ka sɔ́ ná gbɛ́ ɖɔ un ma lɛ yɛhwesin ó?” [

Mɛsɛ́dó 9:20

É ka jɛ kplɔ́ngbasá lɛ́ɛ gbɔn jí azɔn ɖokpó, bó nɔ́ ɖo Jezu xó ɖɔ nú mɛ lɛ́ɛ wɛ, ɖɔ Mawu ví wɛ é nyí.

Hlɔ̌manu 1:9

Mawu e sɛn wɛ un ɖe kpódó ayixa ce bǐ kpó, gbɔn Wɛn Ɖagbe e ɖɔ xó dó Vǐ tɔn wú ɔ́ jlájlá gbla mɛ ɔ́, tunwun ɖɔ nǔgbó ɖɔ wɛ un ɖe; é tunwun ɖɔ un ɖo ɖɛ xo wɛ hweɖěbǔnu ɔ́, nǔ mitɔn nɔ ɖo ayi mɛ nú mì.

Hlɔ̌manu 4:1

Hǔn étɛ́ mǐ ná ɖɔ dó tɔ́gbó mǐtɔn Ablaxámu wú? Étɛ́ é ka mɔ yí?

Hlɔ̌manu 9:3

Nyɛ ɖésúnɔ ɔ́, un jló ɖɔ Mawu ní dó nu mì, bó ɖe mì ɖó zɔ nú Klísu, nú ɖagbe nɔví ce lɛ́ɛ tɔn; yě mɛ e nyí akɔta ce lɛ́ɛ é.

Hlɔ̌manu 9:5

Tɔ́gbó mitɔn lɛ́ɛ sín vǐ wɛ yě nyí , bɔ Klísu ɔ́, ɖo gbɛtɔ́ nyínyí tɔn sín alixo ɔ́, akɔta yětɔn mɛ wɛ é jɔ ɖe. Susu nú Mawu e ɖo axɔ́sú ɖu ɖo mǐ bǐ nu wɛ káká sɔ́yi é. Amǐ!

1 Kɔlɛ́ntinu 1:9

Mawu ɖo gbejí. É wɛ ylɔ́ mi, bónú mi ná nɔ bǔ xá Vǐ tɔn Aklúnɔ mǐtɔn Jezu Klísu.

1 Kɔlɛ́ntinu 10:18

Mi kpɔ́n nǔ dó togun Izlayɛ́li tɔn wú: mɛ e nɔ ɖu nǔ e è sɔ́ dó sá vɔ̌ ná lɛ́ɛ ɔ́ ɖó kɔnɖókpɔ́ xá Mawu e è sɔ́ vɔ̌sákpe ɔ́ kɛ é.

Galatinu 4:4

Lo ɔ́, ée hwe tɔn nu wá su ɔ́, é sɛ́ vǐ tɔn dó gbɔn nyɔ̌nu ɖé jí, bɔ vǐ énɛ́ lɔ nɔ sɛ́n ɔ́ glɔ́,

1 Tɛsalonikinu 1:10

lobo ná nɔ te kpɔ́n ɖɔ vǐ tɔn Jezu ní gosín sɛ́xwé wá é. Vǐ tɔn énɛ́ ɔ́ wɛ é fɔ́n sín kú, bɔ é hwlɛ́n mǐ sín xomɛsin Mawu tɔn e jǎwe ɔ́ mɛ.

1 Timɔtée 2:5

Đó Mawu ɖokpó géé wɛ tíin; ɖɛ̌mɛnu ɖokpó géé wɛ tíin ɖo Mawu kpódó gbɛtɔ́ lɛ́ɛ kpán tɛ́ntin. Đɛ̌mɛnu ɔ́ wɛ nyí Klísu Jezu e nyí gbɛtɔ́ é.

1 Timɔtée 3:16

Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

2 Timɔtée 2:8

Flín Klísu Jezu Davídi ví e Mawu fɔ́n sín kú, lě e Wɛn Ɖagbe e un jlá ɔ́ ɖɔ gbɔn é.

1 Jǎan 1:3

Nǔ e mǐ mɔ lobo se ɔ́, mǐ ɖo ɖiɖɔ nú mi lɔmɔ̌ wɛ, bónú mi ná nɔ bǔ xá mǐ ɖo kɔnɖókpɔ́ e mǐ ɖó xá Tɔ́ ɔ́ kpódó Vǐ tɔn Jezu Klísu ɔ́ kpó ɔ́ gbla mɛ.

1 Jǎan 3:23

Nǔ e zɔ́n mǐ wɛ Mawu ɖe ɔ́ wɛ nyí ɖɔ mǐ ní ɖi nǔ nú vǐ tɔn Jezu Klísu ɔ́ sín nyǐkɔ, bó ka yí wǎn nú mǐɖée lě e Klísu zɔ́n mǐ gbɔn é.

1 Jǎan 3:8

Mɛ e nɔ ɖo hwɛ hu wɛ ɔ́, awǒvi tɔn wɛ é nyí, ɖó awǒvi ɔ́ ko ɖo hwɛ hu wɛ sín do, bɔ Mawu ví ɔ́ ka wá, bó ná sú awǒvi sín nǔwiwa lɛ́ɛ sín kún dó.

1 Jǎan 4:15

Mɛ e ɖɔ Jezu nyí Mawu ví ɔ́, Mawu ɖo mɛ énɛ́ mɛ, bɔ mɛ ɔ́ lɔ ɖo Mawu mɛ.

1 Jǎan 5:1

Mɛ ɖěbǔ ɖi nǔ ɖɔ Jezu wɛ nyí Klísu ɔ́ hǔn, mɛ ɔ́ nyí Mawu ví. Mɛ ɖěbǔ yí wǎn nú tɔ́ ɖé ɔ́, mɛ ɔ́ nɔ yí wǎn nú vǐ tɔn lɛ́ɛ lɔmɔ̌.

1 Jǎan 5:20

Mǐ tunwun ɖɔ Mawu ví ɔ́ wá, bó ná nǔnywɛ́ mǐ, nú mǐ ná dó tunwun Mawu nǔgbó ɔ́, bɔ mǐ ɖo bǔ xá Mawu nǔgbó ɔ́ gbɔn vǐ tɔn Jezu Klísu jí; é wɛ nyí Mawu nǔgbó ɔ́, bó nyí gbɛ mavɔ mavɔ.

1 Jǎan 5:5

Mɛ̌ ka sixú ɖu ɖo gbɛ ɔ́ jí? Mɛ e ɖi nǔ ɖɔ Jezu nyí Mawu ví ɔ́ kɛ́ɖɛ́ wɛ hɛn ɔ́, é ná ɖu ɖo gbɛ ɔ́ jí.

2 Jǎan 1:7

Adingbannɔ gěgé gba kpé gbɛ ɔ́ mɛ, bó nɔ gbɛ́ ɖɔ Jezu Klísu kún zɔn agbaza mɛ wá ó. Mɛ e nɔ wa nǔ gbɔn mɔ̌ ɔ́, adingbannɔ wɛ; Klísu Kɛntɔ́ ɔ́ wɛ.

Nǔɖexlɛ́mɛ 2:18

Wlǎn wěma sɛ́ dó agun Klísu tɔn e ɖo Tiatíi ɔ́ sín wɛnsagun, bó ɖɔ n'i ɖɔ: “Mawu ví e nukún tɔn lɛ́ɛ nɔ kán zo myɔ ɖɔhun, bɔ afɔ tɔn lɛ́ɛ nɔ kɔ́n ganvɔ e è ɖiɖi wǔ ná ɔ́ ɖɔhun ɔ́, xó e é ɖɔ ɔ́ ɖíe: