Hlɔ̌manu 1:12 - MAWUXÓWÉMA

¹² Nǔ e ɖɔ wɛ un ɖe ɔ́ wɛ nyí ɖɔ é jló mì ɖɔ nyɛ kpó mi kpó ná nɔ kpɔ́, bó ná dó ná akɔ́nkpinkpan mǐɖée. Nyɛ ná ná akɔ́nkpinkpan mi gbɔn nǔɖiɖi ce gbla mɛ, bɔ mi lɔ ná ná akɔ́nkpinkpan mì gbɔn nǔɖiɖi mitɔn gbla mɛ.

Hlɔ̌manu 1:12 Iomraidhean Croise

Mɛsɛ́dó 11:23

Ée é wá, bó mɔ lě e Mawu wa ɖagbe nú togun ɔ́ gbɔn ɔ́, é hun xomɛ n'i, bɔ é ná akɔ́nkpinkpan yě bǐ, ɖɔ yě ní nɔ gbejí nú Aklúnɔ kpó ayixa ɖokpó kpó.

Hlɔ̌manu 1:11

Đó é jló mì ɖésú ɖɔ ma wá mɔ mi, bó hɛn nǔníná Yɛsinsɛn tɔn ɖé wá nú mi, bónú mi ná lí dǒ ɖo nǔ e mi ɖi nú Klísu ɔ́ mɛ.

Hlɔ̌manu 1:13

Nɔví lɛ́ɛ mi, un jló ɖɔ mi ní tunwun ɖɔ un ko lin azɔn mɔ̌kpán ná wá gɔn mitɔn, amɔ̌ káká jɛ din ɔ́, nǔ ɖo jijɛ mɛ nú mì wɛ. Un ka ko nɔ ba ɖɔ azɔ̌ e wa wɛ un ɖe ɔ́ ní ɖó le ɖo tɛ́ntin mitɔn, lě e é ɖó le gbɔn ɖo togun ɖě lɛ́ɛ mɛ é.

Hlɔ̌manu 15:24

Un ka jló ɖɔ nú un xwe Ɛsipányi ɔ́, un ná wá gbɔn mi gɔ́n, bónú jló e un ɖó, bó ná nɔ mi gɔ́n ɔ́ jɛmɛ nú mì kpɛɖé ɔ́, mi ná d'alɔ mì bɔ un ná yi to énɛ́ mɛ.

Hlɔ̌manu 15:32

Énɛ́ ɔ́, nú é jló Mawu ɔ́, un ná wá mi gɔ́n kpó awǎjijɛ ɖaxó kpó, bó ná gbɔjɛ́ ɖo tɛ́ntin mitɔn.

2 Kɔlɛ́ntinu 7:13

Énɛ́ ɔ́ wú wɛ lě e mi wa nǔ gbɔn ɔ́ dó gbɔ nú mǐ. Gbɔ kɛ́ɖɛ́ wɛ é dó nú mǐ ǎ. Ée mǐ mɔ lě e xomɛ hun Títu sɔ, ɖó alɔkpa e mɛ mi bǐ dó wǔsyɛ́n kanmɛ n'i gbɔn ɔ́ wú ɔ́, mǐ mɔ xomɛhunhun ɖaxó ɖěvo d'é jí.

Efɛ́zinu 4:5

Aklúnɔ ɖokpó géé wɛ ɖe, bɔ nǔɖiɖi ɖokpó géé ɖe, bɔ yɛhwesinlilɛ ɖokpó géé ɖe.

2 Timɔtée 1:4

Un nɔ flín avǐ e a ya é, bó nɔ ɖó jlǒ ɖaxó ɖɔ ma lɛ́ wá mɔ we, bónú xomɛ ná hun mì titewungbe.

Titu 1:4

Títu, vǐ ce nǔgbó nǔgbó tɔn wɛ a nyǐ ɖo nǔɖiɖi ɖokpó ɔ́ e mǐ ɖó ɔ́ mɛ. Mawu Tɔ́ ɔ́ kpó Mɛhwlɛ́ngántɔ́ mǐtɔn Klísu Jezu kpó ní ná fɛ́nú kpó fífá kpó we.

2 Piyɛ́ɛ 1:1

Nyɛ Sinmɔ́ɔ Piyɛ́ɛ e nyí mɛsɛntɔ́ Jezu Klísu tɔn, bó nyí mɛsɛ́dó tɔn ɔ́ wɛ wlán wěma élɔ́; mɛ e è nǎ nǔɖiɖi xɔ akwɛ́ mǐtɔn ɖɔhun gbɔn azɔ̌ jlɔ́jlɔ́ e Mawu mǐtɔn Mɛhwlɛ́ngántɔ́ Jezu Klísu wa é gbla mɛ lɛ́ɛ wɛ un wlán sɛ́ dó, bó dó gbe yě.

2 Jǎan 1:4

Ée un mɔ vǐ towe ɖě lɛ́ɛ ɖo gbɛ zán wɛ ɖo nǔgbó mɛ lě e Tɔ́ ɔ́ zɔ́n mǐ gbɔn ɔ́, xomɛ hun mì tlala;

Judi 1:3

Mɛvívɛ́ná ce lɛ́ɛ mi, un ko ɖo lě e un ná wa gbɔn, bó ná wlán wěma sɛ́ dó mi dó hwlɛngán ɖokpó ɔ́ e mǐ ɖó ɔ́ wú ɔ́ ba wɛ syɛ́nsyɛ́n; énɛ́ ɔ́ lin wɛ un ɖe bó wá mɔ ɖɔ é ɖo dandan mɛ nú mì ɖɔ ma wlán sɛ́ dó mi, bó ná dó ná akɔ́nkpinkpan mi, bónú mi ná fun ahwan nú nǔɖiɖi e Mawu ná mɛɖeɖóvo tɔn lɛ́ɛ bǐ azɔn ɖokpó géé bɔ xó fó é.