Hlɔ̌manu 1:1 - MAWUXÓWÉMA

¹ Nyɛ Pɔ́lu mɛsɛntɔ́ Klísu Jezu tɔn e Mawu ylɔ́ bónú ma nyí mɛsɛ́dó ɔ́ wɛ ɖo wěma élɔ́ sɛ́ dó mi wɛ, bó ɖo gbe dó mi wɛ; Mawu wɛ ɖe mì ɖó vo bónú ma jlá Wɛn Ɖagbe tɔn.

Hlɔ̌manu 1:1 Iomraidhean Croise

1 Tan 23:13

Amulámu ví súnnu lɛ́ɛ ɖíe: Aalɔ́ɔn kpó Mɔyízi kpó. È ɖe Aalɔ́ɔn ɖó vo, bɔ é ná nɔ́ wa azɔ̌ ɖo Tɛn mímɛ́ bǐ ɔ́ mɛ, é kpó vǐ tɔn súnnu lɛ́ɛ kpó káká sɔ́yi. Yě wɛ ná nɔ́ dó zǎlínkpɔ́n zo nú Mawu Mavɔmavɔ, bó ná nɔ́ wa azɔ̌ nú Mawu Mavɔmavɔ, lobo ná nɔ́ xo ɖɛ dó mɛ jí ɖo Mawu Mavɔmavɔ nyǐkɔ mɛ.

Ezayíi 49:1

Togun e ɖo to línlín mɛ lɛ́ɛ e mi, mi ɖótó mì. Mi mɛ e ɖo zɔga lɛ́ɛ mi, mi wlí tó xó ce wú. Cóbónú un ná jɔ ɔ́, Mawu Mavɔmavɔ ko ylɔ́ mì; un kpo ɖo nɔ ce xo mɛ hwenu e é ylɔ́ nyǐkɔ ce é.

Jelemíi 1:5

“Cóbónú un ná bló we dó nɔ towe xomɛ ɔ́, un ko tunwun we; cóbónú a nǎ jɛ te sín nɔ towe xomɛ ɔ́, un ko sɔ́ we ɖó vo, bɔ a nǎ wa azɔ̌ nú mì; un sɔ́ we bɔ a nǎ nyí gbeyíɖɔ ce nú akɔta lɛ́ɛ.”

Maki 1:14

Ée è wlǐ Jǎan gúdo ɔ́, Jezu yi Galilée, bó jɛ Wɛn Ɖagbe Mawu tɔn jlá mɛ lɛ́ɛ jí,

Jǎan 12:26

Mɛ ɖé jló ná nyí mɛsɛntɔ́ ce hǔn, mɛ ɔ́ ní xwedó mì, bɔ fí e un ná nɔ ɔ́ wɛ é lɔmɔ̌ ná nɔ. Ényí mɛɖé nyí mɛsɛntɔ́ ce ɔ́, Tɔ́ ce ná sɔ́ mɛ ɔ́ su.”

Jǎan 15:15

Un sɔ́ nɔ ylɔ́ mi ɖɔ mɛsɛntɔ́ ǎ, ɖó mɛsɛntɔ́ nɔ mɔ do nú nǔ e wa wɛ gǎn tɔn ɖe ɔ́ ǎ. Un nɔ ylɔ́ mi ɖɔ xɔ́ntɔn, ɖó nǔ e un se ɖo Tɔ́ ce nu lɛ́ɛ bǐ wɛ un ɖe xlɛ́ mi.

Jǎan 15:20

Mi vɛ́ nɔ flín xó e un ko ɖɔ nú mi é: ‘Mɛsɛntɔ́ nɔ hú gǎn gǎn tɔn ǎ.’ Ényí yě dó ya nú mì ɔ́, yě ná dó ya nú mi lɔmɔ̌; yě ká xwedó xó ce lɛ́ɛ ɔ́, yě ná xwedó xó mi lɔmɔ̌ tɔn lɛ́ɛ.

Mɛsɛ́dó 13:9

Énɛ́ ɔ́, Sólu e è nɔ lɛ́ ylɔ́ ɖɔ Pɔ́lu ɔ́, Yɛsinsɛn gɔ́ ayi mɛ n'i, bɔ é kpɔ́n Elimasi tlítlí,

Mɛsɛ́dó 20:24

Amɔ̌, gbɛ nyɛtɔn ɔ́ wɛ nyí nǔɖé nú mì ǎ; éé ɖo tají ɔ́ wɛ nyí ɖɔ má kó sixú dó wezun e ɖo afɔ ce nu ɔ́ yi fó, bó wa azɔ̌ e Aklúnɔ Jezu sɔ́ dó así nú mì ɔ́ yi fó; é wɛ nyí ɖɔ má jlá Wɛn Ɖagbe e ɖɔ xó dó fɛ́nú Mawu tɔn wú é.

Mɛsɛ́dó 21:40

Ahwangán ɔ́ ka ná gbe tɔn ɛ, bɔ Pɔ́lu nɔ te ɖo kpekán lɛ́ɛ jí, bó bló alɔ nú togun ɔ́, bɔ mɛ bǐ xwɛ. Pɔ́lu ka wlí xó dó alamugbe mɛ, bó ɖɔ:

Mɛsɛ́dó 22:21

Aklúnɔ ka ɖɔ nú mì ɖɔ: ‘Yi, ɖó fí línlín ná sɛ́ we dó wɛ un ɖe, ɖo mɛ e ma nyí Jwifu ǎ lɛ́ɛ gɔ́n.’ ”

Mɛsɛ́dó 26:1

Aglipa ka ɖɔ nú Pɔ́lu ɖɔ: “A ɖó xó ɖé ná ɖɔ, bó ná dó ba hwɛjijɔ nú hwiɖée hǔn, bó ɖɔ; un ná gbe tɔn we.” Pɔ́lu ka dlɛ́n alɔ, bó wlí xó, bó ɖɔ:

Mɛsɛ́dó 26:14

bɔ mǐ jɛ ayǐ. Un ka se gbe ɖé, bɔ gbe ɔ́ ɖo ɖiɖɔ nú mì dó Ebléegbe mɛ wɛ ɖɔ: ‘Sólu, Sólu, étɛ́wú a ka ɖo ya dó nú mì wɛ? Tamɛ e ti wɛ a ɖe ɔ́, nǔ wa dó hwiɖée wú wɛ a ɖe, lě e nyibú e sɛ́ hwɛ̌ kpo nuxwíɖíxwíɖí sín nuvínu ɔ́ nɔ́ wa nǔ dó éɖée wú é.’

Mɛsɛ́dó 27:23

Đó Mawu e tɔn un nyí, bó nɔ́ sɛn ɔ́ sín wɛnsagun ɖokpó sɛ yá mì égbé zǎn mɛ,

Mɛsɛ́dó 9:15

Aklúnɔ ka ɖɔ n'i ɖɔ: “Vɛ̌ yi, ɖó nya énɛ́ ɔ́, alǐnnyánú ɖé wɛ é nyí, bɔ un sɔ́, bó ná dó wa azɔ̌ ná, nú é ná jlá nyǐkɔ ce mɛ e ma nyí Jwifu ǎ lɛ́ɛ, bó ná jlá axɔ́sú yětɔn lɛ́ɛ, kpódó Izlayɛ́li togun ɔ́ kpó.

Hlɔ̌manu 1:16

Un ɖo Wɛn Ɖagbe ɔ́ jlá wɛ ɔ́, winnyá nɔ hu mì ǎ, ɖó hlɔ̌nhlɔ́n e Mawu nɔ zán dó hwlɛ́n mɛ e ɖi nǔ é bǐ gán é wɛ; Jwifu lɛ́ɛ jɛ nukɔn, bɔ mɛ e ma nyí Jwifu ǎ lɛ́ɛ bɔ d'é wú.

Hlɔ̌manu 1:5

Mawu jɔwǔ mì gbɔn Klísu jí, bó sɔ́ mì mɛsɛ́dó, bónú ma sɔ́ Klísu nyǐkɔ su, bó ná sixú dɔn gbɛtɔ́ ɖo to lɛ́ɛ bǐ mɛ, bónú yě ná ɖi nǔ n'i, bó se tónú n'i.

Hlɔ̌manu 1:9

Mawu e sɛn wɛ un ɖe kpódó ayixa ce bǐ kpó, gbɔn Wɛn Ɖagbe e ɖɔ xó dó Vǐ tɔn wú ɔ́ jlájlá gbla mɛ ɔ́, tunwun ɖɔ nǔgbó ɖɔ wɛ un ɖe; é tunwun ɖɔ un ɖo ɖɛ xo wɛ hweɖěbǔnu ɔ́, nǔ mitɔn nɔ ɖo ayi mɛ nú mì.

Hlɔ̌manu 11:13

Din ɔ́, mi mɛ e ma nyí Jwifu ǎ lɛ́ɛ ɖɔ xó ná wɛ un ɖe: un nyí mɛsɛ́dó nú mɛ e ma nyí Jwifu ǎ lɛ́ɛ; ée nǔ ka nyí mɔ̌ ɔ́, un nɔ gó ɖó azɔ̌ e nyí ce ɔ́ wú.

Hlɔ̌manu 15:16

bɔ un nyí mɛsɛntɔ́ Klísu Jezu tɔn ɖo togun e ma nyí Jwifu ǎ lɛ́ɛ tɛ́ntin ɔ́ wútu. Wɛn Ɖagbe Mawu tɔn e jlá wɛ un ɖe ɔ́, vɔ̌sánú-xwlémawutɔ́zɔ́ dó wa ná wɛ un ɖe, bó ɖo wiwa wɛ, bónú togun e ma nyí Jwifu ǎ lɛ́ɛ ná húzú vɔ̌sánú e nɔ́ nyɔ́ Mawu nukún mɛ, bɔ Yɛsinsɛn sɔ́ ɖó vo nú Mawu é.

Hlɔ̌manu 15:29

Un ka tunwun ɖɔ un jǎwe mi gɔn ɔ́, un ná hɛn nyɔ̌ná kpíkpé Klísu tɔn wá nú mi.

Hlɔ̌manu 16:18

Đó gbɛtɔ́ mɔ̌hunkɔtɔn lɛ́ɛ ɖo azɔ̌ wa nú Klísu Aklúnɔ mǐtɔn ɔ́ wɛ ǎ; lo ɔ́, adɔgo yě ɖésúnɔ tɔn wa azɔ̌ ná wɛ yě ɖe. Yě nɔ ɖɔ xó víví, bó nɔ ɖɔ mɛblɛ́ɖuxó dó flú xomɛvɔ́nɔ lɛ́ɛ sín ayixa.

Hlɔ̌manu 16:25

Mi nú mǐ ná kpa Mawu! É ɖó acɛ bó ná bló bɔ mǐ ná ɖó hlɔ̌nhlɔ́n ɖo nǔɖiɖi mɛ, lě e Wɛn Ɖagbe e jlá wɛ un ɖe ɔ́ ɖɔ gbɔn é, ɖi lě e wɛn e kunkplá Jezu Klísu bɔ un ɖo dǐdó wɛ ɔ́, kpo nǔtunwuntunwun e mǐ mɔ yí ɖo nǔbúdo Mawu tɔn mɛ ɔ́ kpán ɖɔ gbɔn é. Nǔbúdo énɛ́ ko ɖo hwlǎhwlá sín xóxó hwenu ɖokpóó.

1 Kɔlɛ́ntinu 1:1

Nyɛ Pɔ́lu e Mawu ylɔ́ ɖo jlǒ tɔn mɛ, bónú ma nyí mɛsɛ́dó Klísu Jezu tɔn ɔ́ kpódó nɔví mǐtɔn ɖo Klísu mɛ Sositɛ́nu kpán

1 Kɔlɛ́ntinu 9:1

Nyɛ ɖésúnɔ sí wɛ un ɖe ǎ cé? Mɛsɛ́dó wɛ un nyí ǎ cé? Un mɔ Aklúnɔ mǐtɔn Jezu ǎ cé? Azɔ̌ e un wa ɖo bǔ e un ɖe xá Aklúnɔ mɛ ɔ́ sín xlɛ́ wɛ mi nyí ǎ cé?

2 Kɔlɛ́ntinu 1:1

Nyɛ Pɔ́lu e nyí mɛsɛ́dó Klísu Jezu tɔn gbɔn jlǒ Mawu tɔn gbla mɛ ɔ́, kpódó nɔví mǐtɔn Timɔtée kpán wɛ ɖo wěma élɔ́ wlán sɛ́ dó agun Mawu tɔn e ɖo Kɔlɛ́nti é, kpódó mɛɖeɖóvo Mawu tɔn e ɖo tokpɔn Akáyi tɔn mɛ lɛ́ɛ bǐ kpán wɛ.

2 Kɔlɛ́ntinu 11:5

Un mɔ ɖɔ mɛ énɛ́ lɛ́ɛ e mi nɔ mɔ dó mɔ mɛsɛ́dó ɖaxó ɖaxó lɛ́ɛ ɔ́, un kún hwe hú yě ɖo nǔ ɖěbǔ mɛ ó.

2 Kɔlɛ́ntinu 11:7

Hwenu e un jlá Wɛn Ɖagbe Mawu tɔn ɔ́ mi ɔ́, vɔ̌nu wɛ un jlá mi; un sɔ́ nyɛɖée hwe, bó ná dó sɔ́ mi su. Ée un wa nǔ gbɔn mɔ̌ ɔ́, nǔ wɛ un wa nyi do a?

2 Kɔlɛ́ntinu 12:11

Un ɖo xó ɖɔ wɛ taɖunɔ wɛ un húzú ɖɔhun; lo ɔ́, mi wɛ zɔ́n mɔ̌; mi wɛ ná ko jɛ ahwan jǐ ce. Đó nú un ma tlɛ nyí nǔɖé ǎ ɔ́, un hwe hú mɛ e mi nɔ mɔ dó mɔ mɛsɛ́dó ɖaxó lɛ́ɛ é ɖo nǔ ɖěbǔ mɛ ǎ.

2 Kɔlɛ́ntinu 2:12

Hwenu e un wá Tlowasi, bó ná jlá Wɛn Ɖagbe e ɖɔ xó dó Klísu wú é ɔ́, un mɔ ɖɔ Aklúnɔ bló bɔ azɔ̌ ɔ́ sín ali ɖagbe ɖé hun nú mì ɖo fínɛ́.

2 Kɔlɛ́ntinu 4:5

Nǔgbó ɔ́, mǐ ɖésúnɔ jlá wɛ mǐ ɖe ǎ: Klísu Jezu jlá wɛ mǐ ɖe ɖɔ é nyí Aklúnɔ, bó ɖo mǐɖée jlá wɛ ɖɔ mɛsɛntɔ́ mitɔn wɛ mǐ nyí ɖó Jezu wú.

Galatinu 1:1

Nyɛ Pɔ́lu, mɛsɛ́dó Jezu Klísu tɔn, mɛsɛ́dó Mawu Tɔ́ mǐtɔn e fɔ́n ɛ sín kú ɔ́ tɔn wɛ ɖo wěma élɔ́ sɛ́ dó mi wɛ. Un nyí mɛsɛ́dó gbɛtɔ́ lɛ́ɛ tɔn ǎ; gbɛtɔ́ ɖé wɛ sɛ́ mì dó ǎ.

Efɛ́zinu 1:1

Nyɛ Pɔ́lu e nyí mɛsɛ́dó Klísu Jezu tɔn gbɔn jlǒ Mawu tɔn mɛ é wɛ sɛ́ wěma élɔ́ dó mɛɖeɖóvo Mawu tɔn e ɖo Efɛ́zi, bó ɖo gbejí ɖo bǔ e yě ɖe xá Klísu Jezu ɔ́ mɛ lɛ́ɛ é.

Efɛ́zinu 1:13

Mi mɛ e ma nyí Jwifu ǎ lɛ́ɛ lɔmɔ̌ ɔ́, hwenu e mi se nǔgbó wɛn, Wɛn Ɖagbe e nɔ ná hwlɛngán mɛ ɔ́ sín xó ɔ́, mi ɖi nǔ nú Klísu, bɔ Mawu ná Yɛsinsɛn e sín akpá e é dó ɔ́ mi, bó dó ɖó wuntun mi.

Efɛ́zinu 4:11

É wɛ ná nǔníná vovo gbɛtɔ́ lɛ́ɛ. É ná, bɔ mɛɖé lɛ́ɛ nyí mɛsɛ́dó, bɔ mɛɖé lɛ́ɛ nyí gbeyíɖɔ Mawu tɔn, mɛɖé lɛ́ɛ nyí Mawuxójlátɔ́, bɔ mɛɖé lɛ́ɛ nyí nukɔntɔ́, bó nyí nǔkplɔ́nmɛtɔ́.

Sɛ́nflínmɛ 10:8

Hwenɛ́nu ɔ́, Mawu Mavɔmavɔ ɖe akɔta Levíi tɔn ɔ́ ɖó vo, bó zé azɔ̌ élɔ́ lɛ́ɛ dó así nú yě: yě ná nɔ hɛn akɔjijɛgbá Mawu Mavɔmavɔ tɔn, yě ná nɔ́ ɖo xwé gbe bó ná nɔ ɖo azɔ̌ tɔn wa wɛ hwebǐnu, yě ná nɔ́ xo ɖɛ dó mɛ jí, ɖo Mawu Mavɔmavɔ sín nyǐkɔ mɛ. Yě wɛ kpo ɖo azɔ̌ énɛ́ lɛ́ɛ wa wɛ káká jɛ égbé.

Filípunu 1:1

Mǐ mɛsɛntɔ́ Klísu Jezu tɔn Pɔ́lu kpódó Timɔtée kpán wɛ sɛ́ wěma élɔ́ dó mɛɖeɖóvo Mawu tɔn e ɖi nǔ nú Klísu Jezu bó ɖo Filípu lɛ́ɛ; mǐ sɛ́ dó yě kpó agunnukɔntɔ́ lɛ́ɛ kpó , kpódó yě mɛ e nɔ kpé nukún dó agunví lɛ́ɛ wú é kpán.

Filípunu 2:11

bónú mɛ bǐ ná jlá ɖɔ Jezu Klísu wɛ nyí Aklúnɔ; énɛ́ ɔ́ wɛ ná sɔ́ Mawu Tɔ́ ɔ́ su.

Kolósinu 1:1

Nyɛ Pɔ́lu e nyí mɛsɛ́dó Klísu Jezu tɔn, gbɔn jlǒ Mawu tɔn gbla mɛ ɔ́, kpódó nɔví mǐtɔn Timɔtée kpán wɛ sɛ́ wěma élɔ́ dó.

Kolósinu 1:25

Un húzú mɛsɛntɔ́ nú agun Klísu tɔn, bɔ é sɔgbe xá azɔ̌ e Mawu sɔ́ dó así nú mì, ɖɔ ma wa nú mi é: azɔ̌ e é sɔ́ dó así nú mì ɔ́ wɛ nyí ɖɔ ma jlá xó tɔn fó.

1 Tɛsalonikinu 2:2

Mi lɛ́ tunwun ɖɔ cóbónú mǐ ná wá mi gɔn ɖo Tɛsaloniki ɔ́, mǐ ji ya; è dǒ winnyá mǐ ɖo Filípu. Yě tɔ́n ahwan mǐ, bɔ é syɛ́n ɖésú, có Mawu ná akɔ́nkpinkpan mǐ, ɖɔ mǐ ní jlá Wɛn Ɖagbe émítɔn ɔ́ mi.

1 Tɛsalonikinu 2:8

Mǐ ɖo gbesisɔ mɛ, bó ná sɔ́ gbɛ mǐtɔn jó dó ta mitɔn mɛ, ɖó wǎn e mǐ nyí nú mi é wú; é nyí Wɛn Ɖagbe Mawu tɔn ɔ́ kɛ́ɖɛ́ wɛ mǐ ná jlá mi ǎ; ɖó mi vɛ́ nú mǐ sɔ mɔ̌.

1 Tɛsalonikinu 2:9

Nɔví lɛ́ɛ mi, lě e mǐ jɛ tagba, bó wa azɔ̌ gbɔn ɖo tɛ́ntin mitɔn ɔ́, mi flín ǎ cé? Mǐ ɖo Wɛn Ɖagbe Mawu tɔn ɔ́ jlá mi wɛ, bó ka nɔ wa azɔ̌ zǎn kpó kéze kpó, ɖó mǐ jló ná nɔ kɔ jí nú mi mɛ ɖěbǔ ǎ.

1 Timɔtée 1:1

Nyɛ Pɔ́lu e Mawu Mɛhwlɛ́ngántɔ́ mǐtɔn, kpódó Klísu Jezu e nyí nukúnɖíɖó mǐtɔn ɔ́ kpán ɖe gbe, bɔ un nyí mɛsɛ́dó Klísu Jezu tɔn ɔ́

1 Timɔtée 2:7

Un ɖo adingban ɖó wɛ ǎ; nǔgbó ɖɔ wɛ un ɖe bó ɖɔ énɛ́ ɔ́ wútu wɛ Mawu sɔ́ mì wɛnsagun, bó sɔ́ mì mɛsɛ́dó, bó zɔ́n mì ɖɔ ma kplɔ́n nǔ e kan nǔɖiɖi kpódó nǔgbó kpó ɔ́ mɛ e ma nyí Jwifu ǎ lɛ́ɛ.

2 Timɔtée 1:11

Wɛn Ɖagbe énɛ́ ɔ́ wútu wɛ Mawu sɔ́ mì mawuxóɖɔtɔ́, bó sɔ́ mì mɛsɛ́dó, bó zɔ́n mì ɖɔ ma kplɔ́n nǔ mɛ.

Titu 1:1

Nyɛ Pɔ́lu, mɛsɛntɔ́ Mawu tɔn, mɛsɛ́dó Aklúnɔ Jezu Klísu tɔn wɛ wlán wěma élɔ́. Mawu zɔ́n mì ɖɔ ma ɖɔ xó nú mɛ e émí cyán lɛ́ɛ, bónú yě ní ɖi nǔ nú Aklúnɔ Jezu Klísu, lobo ka ɖe nǔgbó e ɖo sinsɛn mǐtɔn li jí ɔ́ xlɛ́ yě,

Eblée 5:4

Mɛ ɖěbǔ nɔ na susu e ɖo vɔ̌sánú-xwlémawutɔ́ ɖaxó nyínyí mɛ ɔ́ éɖée ǎ; lo ɔ́, Mawu wɛ nɔ ylɔ́ mɛ lě e é ylɔ́ Aalɔ́ɔn gbɔn é.

Eblée 7:26

Hǔn, Jezu wɛ nyí vɔ̌sánú-xwlémawutɔ́ ɖaxó e jɛ xá mǐ é, ɖó é nyí mɛ mímɛ́; é wa nǔ nyanya ɖěbǔ ǎ; hwɛ ɖěbǔ ɖo kɔ n'i ǎ. È sɔ́ ɛ ɖó vo nú hwɛhutɔ́ lɛ́ɛ, bó sɔ́ ɛ dó jǐ aga ɖo sɛ́xwé.

Jaki 1:1

Nyɛ Jaki e nyí azɔ̌watɔ́ Mawu tɔn, bó nyí azɔ̌watɔ́ Aklúnɔ Jezu Klísu tɔn ɔ́ wɛ wlán wěma élɔ́ sɛ́ dó Jwifu klísusɛntɔ́ e gba kpé gbɛ ɔ́ bǐ mɛ lɛ́ɛ é, bó ɖo gbe dó sɛ́ dó yě wɛ.

1 Piyɛ́ɛ 4:17

Hwenu e hwɛɖiɖɔ ná bɛ́ dó ɔ́ ko su; xwédo Mawu tɔn ɔ́ wɛ è ka ná ɖɔ hwɛ xá jɛ nukɔn. Ée é ka nyí ɖɔ mǐdɛɛ lɛ́ɛ jí wɛ è nǎ bɛ́ hwɛɖiɖɔ sín ɔ́, hwenu e é ná wá jɛ mɛ e gbɛ́ wǎn nú Wɛn Ɖagbe Mawu tɔn lɛ́ɛ jí ɔ́, nɛ̌ wɛ yětɔn ná fó gbɔn?

2 Piyɛ́ɛ 1:1

Nyɛ Sinmɔ́ɔ Piyɛ́ɛ e nyí mɛsɛntɔ́ Jezu Klísu tɔn, bó nyí mɛsɛ́dó tɔn ɔ́ wɛ wlán wěma élɔ́; mɛ e è nǎ nǔɖiɖi xɔ akwɛ́ mǐtɔn ɖɔhun gbɔn azɔ̌ jlɔ́jlɔ́ e Mawu mǐtɔn Mɛhwlɛ́ngántɔ́ Jezu Klísu wa é gbla mɛ lɛ́ɛ wɛ un wlán sɛ́ dó, bó dó gbe yě.

Judi 1:1

Nyɛ Judi mɛsɛntɔ́ Jezu Klísu tɔn, Jaki sín nɔví ɔ́ wɛ ɖo wěma élɔ́ wlán wɛ; nyɛ wɛ ɖo wěma élɔ́ wlán sɛ́ dó mɛ e Mawu Tɔ́ ɔ́ ylɔ́ bɔ yě ɖo gbɛ ɖo wǎn yíyí tɔn mɛ, bɔ Jezu Klísu ɖo yě hɛn wɛ lɛ́ɛ wɛ.

Nǔɖexlɛ́mɛ 1:1

Nǔ e ɖo hwlǎhwlá, bɔ Jezu Klísu ɖe xlɛ́ céɖécéɖé lɛ́ɛ wɛ ɖo wěma élɔ́ mɛ. Mawu ɖe nǔ énɛ́ lɛ́ɛ xlɛ́ ɛ, bónú é ná xlɛ́ nǔ e ná jɛ ɖo malín málín mɛ lɛ́ɛ mɛsɛntɔ́ tɔn lɛ́ɛ. Jezu Klísu sɛ́ wɛnsagun tɔn dó mɛsɛntɔ́ tɔn Jǎan, bó ɖe nǔ lɛ́ɛ xlɛ́ ɛ.

Nǔɖexlɛ́mɛ 22:6

Énɛ́ ɔ́ gúdo ɔ́, wɛnsagun ɔ́ ɖɔ nú mì ɖɔ: “Xó nǔgbó wɛ nyí xó élɔ́ lɛ́ɛ, bó nyí xó e wú è ná ɖeji dó lɛ́ɛ. Bɔ Aklúnɔ Mawu e nɔ sɔ́ xó e gbeyíɖɔ lɛ́ɛ ná ɖɔ ɔ́ dó ayi mɛ nú yě ɔ́ sɛ́ wɛnsagun tɔn dó, bɔ é ná xlɛ́ nǔ e ɖó ná jɛ ɖo malín málín mɛ din lɛ́ɛ mɛsɛntɔ́ tɔn lɛ́ɛ.”

Nǔɖexlɛ́mɛ 22:9

É ka ɖɔ nú mì ɖɔ: “Gbɔ, ma bló mɔ̌ ó! Mɛsɛntɔ́ wɛ un nyí hwi kpó nɔví towe gbeyíɖɔ lɛ́ɛ kpán ɖɔhun; bó nyí mɛsɛntɔ́ mɛ e nɔ se tónú nú xó e è wlán dó wěma élɔ́ mɛ lɛ́ɛ é ɖɔhun. Mawu wɛ a ɖǒ ná ɖe kɔ́ ná.”