Ozée 9:8 - MAWUXÓWÉMA

⁸ Gbeyíɖɔ Mawu tɔn e ɖo Eflayímu wú kpé nukún dó wɛ ɔ́, Mawu ɖo gǔdo tɔn; é ɖo mɔ̌ có, è nɔ ɖó mɔ n'i gbɔn ali tɔn lɛ́ɛ bǐ jí. È nɔ́ hun káká yi tɔ́n ahwan ɛ ɖo Mawu tɔn sín xwé gbe.

Ozée 9:8 Iomraidhean Croise

1 Axɔ́sú 17:1

Elíi Ticibéenu ɔ́ xwlé Mawu nú axɔ́sú Akábu ɖɔ: “Mawu Mavɔmavɔ ɖo gbɛ; ɖo Mawu Izlayɛ́li tɔn e sín mɛsɛntɔ́ un nyí ɔ́ nyíkɔ mɛ ɔ́, un ɖo ɖiɖɔ nú we wɛ ɖɔ: ‘Xwe e jǎwe lɛ́ɛ mɛ ɔ́, ahǔn ná ja ǎ, jǐ ká ná ja ǎ, káká jɛ hwenu e un ná ɖɔ é.’ ”

1 Axɔ́sú 18:1

Akú ɖó ɔ́, é kó lín, bɔ xwe tɔn atɔngɔ́ ɔ́ mɛ ɔ́, Mawu Mavɔmavɔ ɖɔ nú Elíi ɖɔ: “Yi Akábu gɔ́n, un ná sɛ́ jǐ dó bɔ é ná ja kɔn nyi ayǐkúngban ɔ́ jí.”

1 Axɔ́sú 18:19

Din ɔ́, sɛ́ mɛ dó nú è nǐ kplé Izlayɛ́li togun ɔ́ bǐ nú mì ɖo Kaamɛ́li só ɔ́ jí. Vodún Baalu sín hunnɔ afɔwe kanɖé wǒ (450) lɛ́ɛ kpódó vodún Acela sín hunnɔ afɔwe (400) e axɔ́si Jezabɛ́li nɔ ná nǔɖuɖu lɛ́ɛ lɔ kpó ní wá.”

1 Axɔ́sú 22:11

Sidikíyahu Kenáana ví ɔ́ zé gan dó tun lanzo we ná, bó ɖɔ: “Mawu Mavɔmavɔ ɖɔ: ‘Lanzo we élɔ́ lɛ́ɛ ná nyí hlɔ̌nhlɔ́n e a nǎ dǒ gba Silíinu lɛ́ɛ é sín xlɛ̌.’ ”

1 Axɔ́sú 22:22

Bɔ é yí gbe nú Mawu Mavɔmavɔ ɖɔ: ‘Un ná yi, bó ná zé adingban dó nu nú gbeyíɖɔ tɔn lɛ́ɛ bǐ.’ Ée é ɖɔ mɔ̌ ɔ́, Mawu Mavɔmavɔ ɖɔ n'i ɖɔ: ‘Wlɛnwín ɖagbe nɛ́! A nǎ kpé wú bó blɛ́ ɛ nǔgbó. Bo yi bo bló gbɔn mɔ̌.’

1 Axɔ́sú 22:28

Micée ka ɖɔ n'i ɖɔ: “Nú a lɛ̌ kɔ wá wǔyɛ́yɛ́ afɔyɛ́yɛ́ hǔn, Mawu Mavɔmavɔ ɖɔ xó gbɔn jǐ ce ǎ.” Ée é ɖɔ mɔ̌ gúdo ɔ́, é ɖɔ: “Togun lɛ́ɛ bǐ ní ɖótó.”

1 Axɔ́sú 22:6

Énɛ́ ɔ́, Izlayɛ́li xɔ́sú ɔ́ kplé gbeyíɖɔ lɛ́ɛ. Yě yi afɔwe (400) mɔ̌. É kanbyɔ́ yě ɖɔ: “Má yi tɔ́n ahwan Hlamɔti toxo ɖo Galadi a, abǐ má gbɔ?” Bɔ yě yí gbe n'i ɖɔ: “Yi, Aklúnɔ ná jó toxo ɔ́ nú we.”

2 Axɔ́sú 13:21

Mɛ ɖé lɛ́ɛ ka xwe cyɔ ɖi gbé gbe ɖokpó, bó xo go Mɔwabunu lɛ́ɛ sín gbɛ̌ta ɖokpó. Yě zé cyɔ e yě hɛn ɔ́ nyi dó yɔdo e mɛ è ɖi Elizée dó ɔ́ lobo hɔn. Ée cyɔ ɔ́ jɛ Elizée sín xú wú é ɔ́, cyɔ ɔ́ fɔ́n lobo sí te.

2 Axɔ́sú 2:14

É sɔ́ awu ɔ́, bó zin dó tɔ ɔ́ nukún mɛ bó sú xó ɖɔ: “Fítɛ́ Mawu Mavɔmavɔ, Mawu Elíi tɔn ɔ́ ɖe?” Ée Elizée lɔmɔ̌ zin nǔ dó tɔ ɔ́ nukún mɛ Elíi ɖɔhun ɔ́, tɔ ɔ́ má ɖó we, bɔ é dín gbɔn mɛ.

2 Axɔ́sú 2:21

bɔ é yi tɔjɔtɛn ɔ́ kɔn, bó wún jɛ ɔ́ kɔn nyi mɛ bo ɖɔ: “Mawu Mavɔmavɔ ɖɔ: ‘Un sɔ́ sin élɔ́ dó húzú sin ɖagbe. É sɔ́ ná hu mɛ ǎ, é ká sɔ́ ná hɛn ayǐkúngban ɔ́ gblé ǎ.’ ”

2 Axɔ́sú 4:41

Elizée ɖɔ è nǐ zé linfín wá, bɔ è zě n'i bɔ é kɔn dó zɛ̌n ɔ́ mɛ, bó ɖɔ nú mɛsɛntɔ́ tɔn ɖɔ: “Nǎ mɛ lɛ́ɛ nú yě ɖu.” Énɛ́ ɔ́, nǔsúnnú ɔ́ nyɔ́ bɔ è hɛn ɔ́, è nǎ ɖu.

2 Axɔ́sú 4:43

Mɛsɛntɔ́ tɔn yí gbe n'i ɖɔ: “Nɛ̌ wɛ un ka sixú má nǔ élɔ́ lɛ́ɛ nú gbɛtɔ́ kanwe ko gbɔn?” Lo ɔ́, Elizée ɖɔ: “Un ɖɔ hwi ní má nú yě nú yě ní ɖu. Đó Mawu Mavɔmavɔ ɖɔ: ‘Mɛ bǐ ná ɖu bɔ é ná lɛ́ kpo.’ ”

2 Axɔ́sú 5:14

Ée yě ɖɔ mɔ̌ n'i ɔ́, é yi Judɛ́ɛn tɔ ɔ́ nu, bó nylɔ́ éɖée dó tɔ ɔ́ mɛ azɔn tɛ́nwe lě e gbeyíɖɔ Mawu tɔn ɔ́ ɖɔ gbɔn n'i é. Bɔ wǔtu tɔn cí yɔkpɔ́vú sín wǔtu ɖɔhun, bɔ é húzú mɛ mímɛ́.

2 Axɔ́sú 5:27

Énɛ́ ɔ́ wú ɔ́, hwi kpódó vǐ towe lɛ́ɛ kpó ná bɛ́ gudu e Naamáni jɛ ɔ́, bɔ é ná nɔ mi wú káká yi.” Ée Elizée ɖɔ mɔ̌ ɔ́, gudu kpé Gehazíi wú, bɔ wǔtu tɔn bǐ wé kɛ́njí ɖɔhun, bɔ é ɖidó.

2 Axɔ́sú 7:19

Bɔ ahwangán ɔ́ yí gbe nú gbeyíɖɔ Mawu tɔn ɔ́ ɖɔ: “Ényí Mawu Mavɔmavɔ na bo tɔ́n ali dó jǐnukúnsin, bó sɛ́ jinukún dó gbɔn fínɛ́ ɔ́, nǔ e a ɖɔ din ɔ́ ná sixú jɛ wɛ a?” Bɔ Elizée yí gbe n'i ɖɔ: “A nǎ mɔ kpó nukún towe kpó, lo ɔ́ ɖě ɖo nu towe ná jɛ wɛ ǎ.”

2 Axɔ́sú 7:2

Ée é ɖɔ mɔ̌ ɔ́, ahwangán e nɔ kplá axɔ́sú ɔ́ ɖɔ nú gbeyíɖɔ Mawu tɔn ɔ́ ɖɔ: “Ényí Mawu Mavɔmavɔ na bo tɔ́n ali dó jǐnukúnsin, bó sɛ́ jinukún dó gbɔn fínɛ́ ɔ́, nǔ e a ɖɔ din ɔ́ ná sixú jɛ wɛ a?” Elizée yí gbe n'i ɖɔ: “A nǎ mɔ kpó nukún towe kpó, lo ɔ́, ɖě ɖo nu towe ná jɛ wɛ ǎ.”

Ɖɛhan 124:7

Mǐ gló yě, xɛ jɛ te sín xɛgbényatɔ́ mɔ mɛ ɖɔhun; mɔkan ɔ́ wɛ́n, bɔ mǐ jɛ te.

Nǔnywɛ́tɔ́xó 9:12

Nǔgbó ɔ́, gbɛtɔ́ tunwun nǔ e ɖo te kpɔ́n ɛ é ǎ. Gbɛtɔ́ cí hweví e má mɔ ɖɔ ǎ bó yí byɔ́ mɛ é ɖɔhun; é cí xɛ e nɔ ɖo yiyi wɛ bó nɔ́ yi jɛ mɔ mɛ é ɖɔhun. Ayǐ wɛ gbɛtɔ́ nɔ́ ɖe kpowun bɔ awě nɔ́ wá fyán ɛ.

Hanvíví 3:3

Tocɔ́tɔ́ e nɔ́ ɖo toxo ɔ́ mɛ gbɔn wɛ lɛ́ɛ mɔ mì, bɔ un kán byɔ́ yě ɖɔ: “Mi mɔ mɛ e un yí wǎn ná ɔ́ nú mì vlafo a?”

Ezayíi 62:6

Jeluzalɛ́mu, un ɖó mɛ ahohó towe ta; yě ná xwɛ zǎn mɛ ǎ, yě ká ná xwɛ kéze ǎ. Un ɖɔ nú yě ɖɔ: “Mi mɛ e nɔ flín Jeluzalɛ́mu Mawu Mavɔmavɔ lɛ́ɛ ɔ́, mi ma gbɔjɛ́ ó.

Jelemíi 11:19

Lɛ̌ngbɔ́ví ɖɔhun wɛ un cí bɔ yě kplá mì xwe akpákpó jí; un tunwun nǔ nyanya e lin dó wǔ ce wɛ yě ɖe lɛ́ɛ ǎ. Yě nɔ́ ɖɔ dó gúdo ce ɖɔ: “Mi wá mǐ gblé gbɛ dó nú atín kpó sínsɛ́n tɔn kpó. Mi wǎ mǐ ɖe e sín gbɛ élɔ́ mɛ fí. Mɛ ɖé má sɔ́ flín nyǐkɔ tɔn gbeɖé ó.”

Jelemíi 14:13

Ée Mawu ɖɔ mɔ̌ ɔ́, un ɖɔ: “Yéége! Aklúnɔ Mavɔmavɔ! Gbeyíɖɔ lɛ́ɛ ko ɖɔ nú yě ɖɔ hwi ɖɔ ahwan kún ná wá to yětɔn mɛ gbeɖé ó; adɔ kún ná tɔ́n ɖo to yětɔn mɛ gbeɖé ó. Yě ɖɔ nú yě ɖɔ hwi ɖɔ émí ná ayi j'ayǐ yě bɔ nǔ bǐ na vɔ́ ɖ'é wú.”

Jelemíi 23:13

Mawu ɖɔ: “Gbeyíɖɔ Samalíi tɔn lɛ́ɛ ɔ́, nǔ wa zɛ jlɛ́ wǔ wɛ un mɔ ɖo yě sí. Vodún Baalu sí wɛ yě nɔ́ yí xó ɖe, bó nɔ́ ɖɔ lobo nɔ́ dɔn togun ce Izlayɛ́li bú ali.

Jelemíi 31:6

Đó ayǐ ɖokpó ná wá hɔ́n, bɔ glecɔ́tɔ́ lɛ́ɛ ná sú xó ɖo Samalíi só lɛ́ɛ jí, bó ná ɖɔ: ‘Mi sí te, bó wá mǐ yi Mawu Mavɔmavɔ, Mawu mǐtɔn gɔ́n ɖo Sinyɔ́ɔ só jí.’ ”

Jelemíi 6:14

Awě e ɖo togun ce xo wɛ ɔ́, yě sɔ́ dó ylɔ́ nǔɖé ǎ, bó nɔ́ ɖɔ: ‘Nǔ bǐ ɖo yiyi wɛ; nǔ bǐ ɖo yiyi wɛ linsinlinsin;’ nǔ ɖěbǔ ká ɖo yiyi wɛ ǎ;

Jelemíi 6:17

Un ɖó tɛnmɛ nú mɛ e ná kpɔ́n ali nú mi lɛ́ɛ: Mi bo ɖo tó ɖó lanzo yětɔn wɛ. Lo ɔ́, mi ɖɔ: ‘Mǐ nǎ ɖótó ǎ.’

Gbɛvíhan 2:14

Gbeyíɖɔ towe lɛ́ɛ ɔ́, xó e yě nɔ́ wá ɖɔ nú we, bó nɔ́ ɖɔ nyi wɛ ɖɔ lɛ́ɛ ɔ́, nǔ yǎyá wɛ, adingban wɛ. Yě nɔ́ ɖe hwɛ e a hu lɛ́ɛ gba ǎ; ényí hwɛ towe lɛ́ɛ wɛ yě kó ɖe gba ɔ́, adǎn élɔ́ ná ɖo gbigbo we wɛ ǎ. Xó e yě nɔ́ wá ɖɔ nú we bó nɔ́ ɖɔ nyi wɛ ɖɔ lɛ́ɛ ɔ́, nǔ yǎyá wɛ, adingban wɛ.

Gbɛvíhan 4:13

Hwɛ e gbeyíɖɔ lɛ́ɛ hu lɛ́ɛ wɛ zɔ́n bɔ nǔ baɖabaɖa énɛ́ ɔ́ jɛ; nǔ e vɔ̌sánú-xwlémawutɔ́ lɛ́ɛ dó sin lɛ́ɛ wɛ zɔ́n bɔ nǔ baɖabaɖa énɛ́ ɔ́ jɛ; yě kɔn hwɛjijɔnɔ lɛ́ɛ sín hun kɔn nyi ayǐ ɖo toxo ɔ́ mɛ.

Ezekiyɛ́li 3:17

“Hwɛ gbɛtɔ́ ɔ́, un ná sɔ́ we mɛcɔ́tɔ́ Izlayɛ́li ví lɛ́ɛ tɔn. A nǎ nɔ́ se xó ɖo nu ce, bó ná nɔ́ ɖɔ nú yě, bónú yě ná tunwun nǔ e ɖo nǎ jɛ wɛ ɔ́.

Ezekiyɛ́li 33:7

“Hwɛ gbɛtɔ́ e, hwi wɛ un sɔ́ mɛcɔ́tɔ́ ɖó Izlayɛ́li ví lɛ́ɛ nu, bónú yě ɖo nǔ nyanya ɖé mɛ ná jɛ wɛ ɔ́, a nǎ nɔ́ ɖɔ nú yě. A nǎ nɔ́ ɖótó mì, bɔ nú un dó wɛn ɖé we ɔ́, a nǎ nɔ́ dó yě.

Ozée 5:1

“Vɔ̌sánú-xwlémawutɔ́ lɛ́ɛ mi, mi ɖótó xó élɔ́! Izlayɛ́li sín gǎn lɛ́ɛ mi, mi lɔmɔ̌ ní ɖótó. Mi mɛ e ɖo axɔ́sú ɔ́ sín hɔnmɛ lɛ́ɛ mi, mi lɔmɔ̌ ní ɖótó. Midɛɛ lɛ́ɛ wɛ ɖó ná ɖɔ hwɛ jlɔ́jlɔ́. Lo ɔ́, fɛ́ca wɛ mi nyí nú togun ce ɖo Misipa, bó nyí ɖɔ bɔ è ɖǒ n'i ɖo Tabɔ́ɔ só jí,

Ozée 9:7

Hwenu e Mawu Mavɔmavɔ ná dɔn tó nú mɛ ɔ́ kó su, hwenu e Mawu Mavɔmavɔ ná kan nǔ e mɛ ɖokpó ɖokpó wa ɔ́ byɔ́ ɛ ɔ́ kó su. Izlayɛ́linu lɛ́ɛ ní tunwun ɖɔ é kó yá. Mi nɔ ɖɔ: “Gbeyíɖɔ Mawu tɔn ɔ́ hun taɖu. Mɛ e Mawu nɔ́ ɖɔ xó dó ayi mɛ ná ɔ́ ɖo gblǒ ɖɔ wɛ.” Hwɛ e mi hu lɛ́ɛ wɛ sukpɔ́ dín, gǔ e mi fɔ́n dó jǐ ce ɔ́ syɛ́n dín.

Ozée 9:9

Yě kpo nú nǔ kwíji kwíji wiwa kɛ́ɖɛ́ lě e yě bló gbɔn ɖo Giveya ɖ'ayǐ xóxó ɔ́ ɖɔhun. Mawu Mavɔmavɔ ná flín nǔ e yě wa nyi do ɔ́. É ná dɔn hwɛ e yě hu ɔ́ sín tó nú yě.

Micée 7:4

Mɛ e kpɔ́n te ɖo yě mɛ ɔ́ lɛ́ nylá hú gběhan nyanya. Mɛ e ba ná nyí ayijlɔ́jlɔ́nɔ ɖo yě bǐ mɛ ɔ́ báɖá hú kpɔvɛwunkan sín kpá. Tódɔnnúmɛ e sín xó gbeyíɖɔ Mawu tɔn lɛ́ɛ ɖɔ nú mi ɔ́ sín azǎn ɖíe kó sɛ yá e, bɔ mi ko ɖo adohu adohu jí.

Jǎan 15:24

Ényí un ma ko jlɛ́ nǔ e mɛ ɖěbǔ ma jlɛ́ kpɔ́n gbeɖé ɔ́ ɖo nukún yětɔn mɛ ǎ ɔ́, yě ná nyí hwɛhutɔ́ ǎ. Amɔ̌, din ɔ́, yě mɔ nǔjlɛ́jlɛ́ énɛ́ lɛ́ɛ có bó ka gbɛ́ wǎn nú nyɛ, bó lɛ́ gbɛ́ wǎn nú Tɔ́ ce.

Hlɔ̌manu 3:7

Lo ɔ́, ényí adingban ce nɔ lɛ́ ɖe nǔgbó Mawu tɔn xlɛ́ d'é jí, bó nɔ́ sɔ́ ɛ su ɔ́, étɛ́ wú Mawu ka ná ɖó hwɛ nú mì hwɛhutɔ́ wɛ un nyí ɖɔhun?

Eblée 13:17

Mi se tónú nú agunnukɔntɔ́ mitɔn lɛ́ɛ, bó hwíhwɛ́ miɖée ɖo glɔ́ yětɔn; yě nɔ ɖo nukún kpé dó mi wú wɛ hwebǐnu, ɖó yě ɖó ná ɖó azɔ̌ e yě wa ɔ́ sín gbe nú Mawu. Ényí mi se tónú nú yě ɔ́, yě ná wa azɔ̌ yětɔn kpódó xomɛhunhun kpó; ényí mi ma ka se tónú nú yě ǎ ɔ́, yě ná wa azɔ̌ yětɔn wǔɖéwúɖé; énɛ́ ɔ́, mi ka sɔ́ ná mɔ le ɖěbǔ ɖ'é mɛ ǎ.