Ozée 9:7 - MAWUXÓWÉMA

⁷ Hwenu e Mawu Mavɔmavɔ ná dɔn tó nú mɛ ɔ́ kó su, hwenu e Mawu Mavɔmavɔ ná kan nǔ e mɛ ɖokpó ɖokpó wa ɔ́ byɔ́ ɛ ɔ́ kó su. Izlayɛ́linu lɛ́ɛ ní tunwun ɖɔ é kó yá. Mi nɔ ɖɔ: “Gbeyíɖɔ Mawu tɔn ɔ́ hun taɖu. Mɛ e Mawu nɔ́ ɖɔ xó dó ayi mɛ ná ɔ́ ɖo gblǒ ɖɔ wɛ.” Hwɛ e mi hu lɛ́ɛ wɛ sukpɔ́ dín, gǔ e mi fɔ́n dó jǐ ce ɔ́ syɛ́n dín.

Ozée 9:7 Iomraidhean Croise

2 Axɔ́sú 9:11

Ée Jehu lɛ́ kɔ yi ahwangán ɖě lɛ́ɛ gɔ́n ɔ́, yě kanbyɔ́ ɛ ɖɔ: “Nɛ̌ ká gbɔn? Étɛ́ ba wɛ nǔ taɖunɔ nɛ́ ɔ́ ká ɖe bó wá gɔ̌n towe?” Jehu yí gbe nú yě ɖɔ: “Éeǒ! Nǔɖé jɛ ǎ. Mi tunwun gbeyíɖɔ Mawu tɔn énɛ́ lɛ́ɛ, bó tunwun lě e yě nɔ́ ɖɔ xó gbɔn é.”

Ezayíi 10:3

Hwenu e Mawu ká ná dɔn tó nú mɛ ɔ́, hwenu e jɔhɔn ná sí te sín zɔ kpó zǐngídi kpó jǎwe ɔ́, nɛ̌ mi nǎ wa nǔ gbɔn? Mɛ̌ xwé mi ná hɔn yi hwlá cí bɔ é ná dó alɔ mi? Fítɛ́ mi ná bɛ́ dɔkun mitɔn lɛ́ɛ ɖó?

Ezayíi 26:11

Mawu Mavɔmavɔ, alɔ towe ɖo adǎn jí, yě ká mɔ ǎ. Yě ná mɔ lě e a nɔ jɛ hun dó togun towe jí kpó wǎn yíyí kpó gbɔn é, bɔ winnyá ná hu yě; zo e a zě ɖó te nú kɛntɔ́ towe lɛ́ɛ ní fyɔ́ yě.

Ezayíi 34:8

Hlɔn sín azǎn ɖé wɛ azǎn énɛ́ ɔ́ nyí nú Mawu Mavɔmavɔ; mɛ e nɔ nya xɛ ɖo Sinyɔ́ɔ jí ɔ́, nǔ e kɛntɔ́ wa nyi do nú togun tɔn ɔ́, é ná sú axɔ́ tɔn ɛ xwe énɛ́ xwe.

Ezayíi 44:25

Din ɔ́, nǔ e ná wá jɛ bɔ nǔkantɔ́ lɛ́ɛ nɔ́ ɖɔ lɛ́ɛ ɔ́, un sɔ́ bǐ dó húzú nǔ yǎyá. Nǔmɔtɔ́ lɛ́ɛ ɔ́, un sɔ́ yě dó húzú xlonɔ; un nya nǔnywɛ́tɔ́ lɛ́ɛ dó gbě, un sɔ́ nǔnywɛ́ yětɔn dó húzú gblǒ.

Jelemíi 10:15

Nǔ yǎyá wɛ yě nyí, yě hwɛ̌n. Hwenu e Mawu ná dɔn tó nú mɛ ɔ́, yě bǐ wɛ è nǎ vívá kún ná.

Jelemíi 11:23

Yě mɛ ɖěbǔ ná gló ǎ. Un ná sɛ́ awě ɖaxó ɖokpó dó Anatɔ́tinu lɛ́ɛ xwe e xwe un ná dɔn tó nú yě é.”

Jelemíi 16:18

Hwɛ e hu wɛ yě ɖe lɛ́ɛ kpó nǔ e wa nyi do wɛ yě ɖe lɛ́ɛ kpó ɔ́, un ná dɔn bǐ sín tó nú yě hwɛ̌ ɖó azɔn we jí. Đó yě ɖu su nú to ce; to e nyí ce ɔ́, nǔmɛsɛn yětɔn lɛ́ɛ wɛ yě bɛ̌ d'é mɛ bɔ é gɔ́; nǔmɛsɛn yětɔn énɛ́ lɛ́ɛ ɔ́, cyɔ wɛ nú yě, nǔvɛ́mɔ yětɔn lɛ́ɛ wɛ yě bɛ́ gɔ́ to ce.”

Jelemíi 23:13

Mawu ɖɔ: “Gbeyíɖɔ Samalíi tɔn lɛ́ɛ ɔ́, nǔ wa zɛ jlɛ́ wǔ wɛ un mɔ ɖo yě sí. Vodún Baalu sí wɛ yě nɔ́ yí xó ɖe, bó nɔ́ ɖɔ lobo nɔ́ dɔn togun ce Izlayɛ́li bú ali.

Jelemíi 25:14

Đó yě ná húzú kannumɔ nú akɔta e syɛ́n hú yě lɛ́ɛ kpó axɔ́sú e hú gǎn yě lɛ́ɛ kpó. Lě e yě nɔ́ bló xá mɛ gbɔn é wɛ un ná wa nǔ xá yě gbɔn. Lě e yě sɔ́ alɔ yětɔn dó wa nǔ gbɔn é wɛ un na bló xá yě gbɔn.’ ”

Jelemíi 29:26

Mawu Mavɔmavɔ sɔ́ we vɔ̌sánú-xwlémawutɔ́ ɖó vɔ̌sánú-xwlémawutɔ́ Yexoyada tɛn mɛ, bɔ a nǎ cɔ́ mɛ e hun alɛ bó nɔ́ zé yěɖée gbeyíɖɔ ɖo Mawu Mavɔmavɔ xwé gbe lɛ́ɛ; a mɔ mɛ mɔ̌hun ɔ́, a nǎ dó wlɔ ɛ, bó ná sú i dó gankpá mɛ;

Jelemíi 46:21

Sɔ́ja to ɖěvo mɛ nu e Ejípu da bó nɔ́ sú axɔ́ lɛ́ɛ ɔ́, yě nyɔ́ ahwan fun mɔ̌hunkɔtɔn, amɔ̌, yě lɔmɔ̌ hɔn; yě bǐ ɖó gbe kpɔ́ bó hɔn. Adǎngbomɛ zán ɔ́ gbe ɔ́, yě ɖě sixú nɔ te ǎ. Ée un húzú kpan nukɔn yě ɔ́, yě ɖě nɔ te ǎ.

Jelemíi 6:14

Awě e ɖo togun ce xo wɛ ɔ́, yě sɔ́ dó ylɔ́ nǔɖé ǎ, bó nɔ́ ɖɔ: ‘Nǔ bǐ ɖo yiyi wɛ; nǔ bǐ ɖo yiyi wɛ linsinlinsin;’ nǔ ɖěbǔ ká ɖo yiyi wɛ ǎ;

Jelemíi 8:11

Awě e ɖo togun ce xo wɛ ɔ́, yě sɔ́ dó ylɔ́ nǔɖé ǎ; bó nɔ́ ɖɔ: ‘Nǔ bǐ ɖo yiyi wɛ linsinlinsin’, nǔ ɖěbǔ ká ɖo yiyi wɛ ǎ.

Gbɛvíhan 2:14

Gbeyíɖɔ towe lɛ́ɛ ɔ́, xó e yě nɔ́ wá ɖɔ nú we, bó nɔ́ ɖɔ nyi wɛ ɖɔ lɛ́ɛ ɔ́, nǔ yǎyá wɛ, adingban wɛ. Yě nɔ́ ɖe hwɛ e a hu lɛ́ɛ gba ǎ; ényí hwɛ towe lɛ́ɛ wɛ yě kó ɖe gba ɔ́, adǎn élɔ́ ná ɖo gbigbo we wɛ ǎ. Xó e yě nɔ́ wá ɖɔ nú we bó nɔ́ ɖɔ nyi wɛ ɖɔ lɛ́ɛ ɔ́, nǔ yǎyá wɛ, adingban wɛ.

Ezekiyɛ́li 13:10

“Gbeyíɖɔnyíjɛtɔ́ lɛ́ɛ flú togun ce, bɔ nǔ ná bó ɖo gblěgblé wɛ ɔ́, yě nɔ́ ɖɔ nǔ ɖo nyǐnyɔ́ wɛ. Togun ce nɔ mɛ dǒ, bɔ yědɛɛ nɔ́ wá tlɛ́ kpowun.

Ezekiyɛ́li 13:3

Xó e nyɛ Aklúnɔ Mavɔmavɔ ɖɔ ɔ́ ɖíe: heelú gbeyíɖɔ xlonɔ énɛ́ lɛ́ɛ; nǔ e wá ayi yětɔn mɛ ɔ́ wɛ yě nɔ́ ɖɔ; ɖó nyɛ ɖe nǔɖé xlɛ́ yě ǎ.

Ezekiyɛ́li 25:17

Hlɔn e un ná ba yě wú é kpó tó e un ná dɔn nú yě ɔ́ kpó ná dó xɛsi ɖésú. Ényí énɛ́ gbo yě ɔ́, yě ná tunwun ɖɔ nyi wɛ nyí Mawu Mavɔmavɔ.”

Ezekiyɛ́li 38:23

Énɛ́ ɔ́, un ná ɖe xlɛ́ akɔta lɛ́ɛ bǐ ɖɔ nyɛ wɛ nyí Mawu e kló bó nyí Mawu mímɛ́ é, bɔ yě ná tunwun ɖɔ nyi wɛ nyí Mawu Mavɔmavɔ.”

Ezekiyɛ́li 9:10

Ée é nyí mɔ̌ ɔ́, mɛ ɖé nú ɖo wǔ ná blá nú mì wɛ ǎ; un ná jó mɛɖé dó ǎ. Un ná sú nǔ e yě wa ɔ́ sín axɔ́ yě.”

Ozée 14:1

È nǎ dɔn tó nú Samalíinu lɛ́ɛ ɖó yě fɔ́n gǔ dó Mawu yětɔn jí. Ahwan ná gba yě; è nǎ hu vǐ yětɔn lɛ́ɛ bó ná zɛ nyɔ̌nu yětɔn e ɖo xo lɛ́ɛ.

Ozée 5:9

È nǎ vɔ akɔta Eflayímu tɔn ɔ́ ɖo tódɔnnúmɛ zǎn ɔ́ gbe. Nǔ e ɖɔ nú akɔta Izlayɛ́li tɔn lɛ́ɛ wɛ un ɖe ɔ́ ná jɛ nǔgbó.

Ozée 8:13

Yě nɔ́ hu kanlin dó sá vɔ̌ ɖó lan ná ɖu wú, bɔ é nyí nyɛ sá vɔ̌ ná wɛ yě ɖe. Nǔ énɛ́ lɛ́ɛ wɛ nɔ́ hun xomɛ nú nyɛ Mawu Mavɔmavɔ ɔ́ ǎ. Nyɛ Mawu Mavɔmavɔ ɔ́, un flín hwɛ e yě hu lɛ́ɛ din, bó ná dɔn tó tɔn nú yě: yě ná lɛ́ kɔ yi Ejípu.

Ozée 9:8

Gbeyíɖɔ Mawu tɔn e ɖo Eflayímu wú kpé nukún dó wɛ ɔ́, Mawu ɖo gǔdo tɔn; é ɖo mɔ̌ có, è nɔ ɖó mɔ n'i gbɔn ali tɔn lɛ́ɛ bǐ jí. È nɔ́ hun káká yi tɔ́n ahwan ɛ ɖo Mawu tɔn sín xwé gbe.

Amɔ́si 8:2

bó kanbyɔ́ mì ɖɔ: “Étɛ́ mɔ wɛ a ɖe Amɔ́si?” Un yí gbe n'i ɖɔ: “Un mɔ atínsínsɛ́n myámyá xasun ɖokpó.” Énɛ́ ɔ́, Mawu Mavɔmavɔ ɖɔ nú mì ɖɔ: “Hwenu e togun ce Izlayɛ́li ná vɔ́ dó ɔ́ su. Un sɔ́ ná sɔ́ nǔ e é nɔ wa nyi do lɛ́ɛ ɖěbǔ kɛ ɛ ǎ.

Micée 2:11

Ényí mɛɖé wá xwetɔ́n, bó ɖo xó ɖɔ dó jɔhɔn mɛ wɛ, bó ɖó adingban nú mi ɖɔ vɛ̌ɛn kpó ahan syɛ́nsyɛ́n kpó ná sa ɖo to élɔ́ mɛ ɔ́, xówlíɖɔtɔ́ mɔ̌hunkɔtɔn wɛ jɛ xá togun élɔ́.

Micée 7:4

Mɛ e kpɔ́n te ɖo yě mɛ ɔ́ lɛ́ nylá hú gběhan nyanya. Mɛ e ba ná nyí ayijlɔ́jlɔ́nɔ ɖo yě bǐ mɛ ɔ́ báɖá hú kpɔvɛwunkan sín kpá. Tódɔnnúmɛ e sín xó gbeyíɖɔ Mawu tɔn lɛ́ɛ ɖɔ nú mi ɔ́ sín azǎn ɖíe kó sɛ yá e, bɔ mi ko ɖo adohu adohu jí.

Sofoníi 3:4

Gbeyíɖɔ Mawu tɔn e ɖo toxo ɔ́ mɛ lɛ́ɛ nɔ tɛ afɔ ayǐ. Adingbannɔ wɛ yě nyí. Vɔ̌sánú-xwlémawutɔ́ tɔn lɛ́ɛ nɔ ɖó sísí nú nǔ e è zě xwlé Mawu é ǎ; yě nɔ́ gba Mawu sɛ́n.

Maki 3:21

Ée mɛ tɔn lɛ́ɛ se mɔ̌ ɔ́, yě wá bó ná kplá ɛ, ɖó yě ɖo ɖiɖɔ wɛ ɖɔ ta tɔn mɛ kún sɔ́ sɔgbe ó.

Luki 21:22

Đó hlɔnbiba sín azǎn wɛ azǎn énɛ́ lɛ́ɛ ná nyí, bɔ nǔ e è ko wlán ɖ'ayǐ é bǐ ná jɛ.

2 Kɔlɛ́ntinu 5:13

Ényí tamɛmasɔgbenánɔ wɛ mǐ nyí nǔgbó ɔ́, Mawu wɛ mǐ nyí ná; lo ɔ́, nú tamɛ mǐtɔn ka sɔgbe ɔ́, mi wɛ é sɔgbe ná.

Nǔɖexlɛ́mɛ 16:19

Toxo ɖaxó ɔ́ má ɖó atɔn, bɔ toxo e gbɔn to lɛ́ɛ bǐ mɛ lɛ́ɛ gba hánnyá. Mawu wɔn Babilɔ́nu ɖaxó ɔ́ ǎ; é ná ɛ xomɛsin tɔn ɖaxó ɔ́ sín vɛ̌ɛn e ɖo sinnugannú tɔn mɛ ɔ́, bɔ é nu.