Ozée 9:5 - MAWUXÓWÉMA

⁵ Ani wɛ mi ná bló ɖo kplézán ɖaxó ɔ́ gbe? Xwezán Mawu Mavɔmavɔ tɔn ɔ́ gbe ɔ́, ani wɛ mi ná bló?

Ozée 9:5 Iomraidhean Croise

Ezayíi 10:3

Hwenu e Mawu ká ná dɔn tó nú mɛ ɔ́, hwenu e jɔhɔn ná sí te sín zɔ kpó zǐngídi kpó jǎwe ɔ́, nɛ̌ mi nǎ wa nǔ gbɔn? Mɛ̌ xwé mi ná hɔn yi hwlá cí bɔ é ná dó alɔ mi? Fítɛ́ mi ná bɛ́ dɔkun mitɔn lɛ́ɛ ɖó?

Jelemíi 5:31

Gbeyíɖɔ lɛ́ɛ nɔ ɖó adingban, vɔ̌sánú-xwlémawutɔ́ lɛ́ɛ ɔ́, ɖuɖu jɛ́n yě nɔ́ ba ɖo nǔ bǐ mɛ. Bɔ nǔ énɛ́ lɛ́ɛ ká nyɔ́ togun ce nukún mɛ. Mi ka zán gbɛ mɔ̌ káká yi fó ɔ́, nɛ̌ mi ná wa nǔ gbɔn?”

Ozée 2:11

Énɛ́ ɔ́ wú wɛ un ná yí jinukún ce sín así tɔn ɖo nǔkún-yiya hwenu, bó ná yí vɛ̌ɛn ce sín así tɔn vǐwun gbigbɛ hwenu. Un ná ɖe gbɔ̌fúnvɔ ce kpó akwɛ́núvɔ ce kpó sín wǔ tɔn; gbɔ̌fúnvɔ kpó akwɛ́núvɔ kpó e é dó hwlá mɛ̌ é.

Jowɛ́li 1:13

Vɔ̌sánú-xwlémawutɔ́ lɛ́ɛ mi, mi sɔ́ nǔwamɛvɔ dó bó ya avǐ. Mi ji gbɛvíhan. Mi azɔ̌watɔ́ Mawu mǐtɔn tɔn lɛ́ɛ mi, mi wá, nǔwamɛvɔ ní ɖo kɔ mitɔn, ɖó è sɔ́ nɔ hɛn jinukún kpó vɛ̌ɛn kpó wá Mawu mitɔn sín xwé gbe ǎ.