Ozée 9:4 - MAWUXÓWÉMA

⁴ Énɛ́ ɔ́, yě sɔ́ ná ba ahan ɖě nú Mawu Mavɔmavɔ ǎ; yě ká sɔ́ ná nɔ́ xwlé vɔ̌sánú ɖěe, bó ná dó nyɔ́ ɖo así tɔn ǎ. É ná cí nǔwamɛ nǔɖuɖu ɖé ɖɔhun nú yě: mɛ e ná ɖu lɛ́ɛ bǐ ná ɖu su. Đó nǔɖuɖu yětɔn ɔ́, yě ɖokpónɔ wɛ ná ɖu. È ná zé byɔ́ Mawu Mavɔmavɔ xwé gbe ǎ.

Ozée 9:4 Iomraidhean Croise

Tíntɔ́n 29:40

Lɛ̌ngbɔ́ví zǎnzǎn tɔn ɔ́, linfín nyinya kilóo atɔn, olívu sín ami lǐtli ɖokpó adaɖé kpódó vɛ̌ɛn lǐtli ɖokpó adaɖé kpó, bɔ a nǎ xwlé mì. A nǎ zě vɛ̌ɛn lǐtli ɖokpó adaɖé, bó ná ba.

Tíntɔ́n 40:23

Bó to wɔ̌xúxú lɛ́ɛ ɖó távo ɔ́ jí, ɖo Mawu Mavɔmavɔ nukɔn, lě e Mawu Mavɔmavɔ kó ɖɔ n'i gbɔn é.

Ezayíi 57:6

Izlayɛ́li, awǐnnya wǔ ɖíɖí e gbɔn tɔdo mɛ tɔdo mɛ lɛ́ɛ wɛ nyí nǔ e hwɛ sɔ́ bó ná nɔ́ sɛn é. Yě jí wɛ a nɔ kɔn vɛ̌ɛn dó; yě wɛ a nɔ ná nǔ. Nǔ énɛ́ lɛ́ɛ má ná nyɔ́ nyɛ Mawu nukún mɛ a?

Ezayíi 66:3

È ja vɔ̌ sá gbé ɔ́, mɛ lɛ́ɛ nɔ hu nyibú; hwenu e yě ɖo nyibú hu wɛ ɔ́, yě nɔ́ lɛ́ hu gbɛtɔ́. Yě nɔ́ lɛ́ hu gbɔ̌; hwenu e yě ɖo gbɔ̌ hu wɛ ɔ́, yě nɔ́ hu cukú. Yě nɔ́ hɛn vɔ̌sánú bó nɔ́ wá xwlé mì; hwenu e yě ɖo vɔ̌sánú xwlé mì wɛ ɔ́, yě nɔ́ lɛ́ ɖo aglǔza kanjɔ kɔn nyi ayǐ wɛ. Yě nɔ́ ɖo zǎlínkpɔ́n dó zo nú mì wɛ; hwenu e yě ɖo zǎlínkpɔ́n dó zo nú mì wɛ ɔ́, yě nɔ́ lɛ́ ɖo vodún xomlá wɛ. Mɛ énɛ́ lɛ́ɛ ɔ́, nǔ e jló yě lɛ́ɛ wa wɛ yě ɖe; nǔ baɖabaɖa énɛ́ lɛ́ɛ wiwa wɛ nɔ́ víví nú yě.

Jelemíi 16:7

Mɛ ɖé ná yi cyɔ yětɔn nu, bó ná yi ɖu nǔ, bó ná dó xo hwihwɛ́ mɛ e nǔ wa lɛ́ɛ e ǎ. Mɛ ɖé ka ná ba ahan nú mɛ e tɔ́ kú ná é, abǐ nɔ kú ná é dó dó gbɔ n'i ǎ.

Jelemíi 6:20

Zǎlínkpɔ́n e è hɛn sín Saba e ba wɛ un ɖe a? Fántín wǎnɖagbenɔ e è hɛn sín to linlin mɛ ɔ́ ba wɛ un ɖe a? Vɔ̌ e yě nɔ́ dó zo nú mì lɛ́ɛ ba wɛ un ɖe ǎ. Vɔ̌ e yě nɔ́ sá nú mì lɛ́ɛ nɔ nyɔ́ nukún ce mɛ ǎ.

Ezekiyɛ́li 24:17

Ya avǐ dó xo mɛ; cyɔ kú mɛ ɔ́, yɛsu e è nɔ fɔ ɔ́, ma fɔ ɖě ó. Lo ɔ́, sɔ́ tablá towe ɖó ta, bó dó afɔkpa towe. Ma sɔ́ nǔ cyɔ́n nukún mɛ ó, ma ka ɖu aluwɛ mɛ nǔɖuɖu ó.”

Ezekiyɛ́li 24:22

Nǔ cí mɔ̌ ɔ́, mi ná wa nǔ nyɛ ɖɔhun. Mi ná sɔ́ nǔ cyɔ́n nukún mɛ ǎ, mi ka ná ɖu aluwɛ mɛ nǔɖuɖu ǎ.

Daniyɛ́li 1:8

Daniyɛ́li ka tunwun dó ayi tɔn mɛ ɖɔ émí kún ná kpɔ́n dó nǔɖuɖu e axɔ́sú ɔ́ nɔ́ ɖu ɔ́, kpó vɛ̌ɛn e é nɔ́ nu ɔ́ kpó wú, bó ná hɛn émíɖée blí ó. Ée é mɔ mɔ̌ ɔ́, é cikpɛ nú gǎn ɔ́ ɖɔ é ní má hɛn émí blí ó.

Ozée 3:4

Đó Izlayɛ́li ví lɛ́ɛ ná nɔ axɔ́sú kpó gǎn kpó má ɖó xɔ xwe gěgé; yě ná gɔn vɔ̌ sá xɔ xwe gěgé, bó ná gɔn awǐnnya e yě sɔ́ dó ɖó vodún ná ɔ́ sɛn xɔ xwe gěgé. Yě ná gɔn nǔ e è nɔ dó kan nǔ byɔ́ Mawu lɛ́ɛ ɖó xɔ xwe gěgé.

Ozée 7:16

Nyɛ Mawu Ajalɔ̌nlɔn ɔ́ gɔ́n wɛ yě lɛ́ kɔ wá ǎ. Yě cí da e má ɖo ganjí ǎ ɖɔhun. Gǎn yětɔn lɛ́ɛ ná cí ahwan, ɖó mɛ ma sí xó e nɔ́ tɔ́n sín nu yětɔn mɛ lɛ́ɛ wú. Nǔ e ná zɔ́n bɔ yě ná nyí nǔkiko ɖo Ejípu é nɛ́.”

Ozée 8:13

Yě nɔ́ hu kanlin dó sá vɔ̌ ɖó lan ná ɖu wú, bɔ é nyí nyɛ sá vɔ̌ ná wɛ yě ɖe. Nǔ énɛ́ lɛ́ɛ wɛ nɔ́ hun xomɛ nú nyɛ Mawu Mavɔmavɔ ɔ́ ǎ. Nyɛ Mawu Mavɔmavɔ ɔ́, un flín hwɛ e yě hu lɛ́ɛ din, bó ná dɔn tó tɔn nú yě: yě ná lɛ́ kɔ yi Ejípu.

Jowɛ́li 1:13

Vɔ̌sánú-xwlémawutɔ́ lɛ́ɛ mi, mi sɔ́ nǔwamɛvɔ dó bó ya avǐ. Mi ji gbɛvíhan. Mi azɔ̌watɔ́ Mawu mǐtɔn tɔn lɛ́ɛ mi, mi wá, nǔwamɛvɔ ní ɖo kɔ mitɔn, ɖó è sɔ́ nɔ hɛn jinukún kpó vɛ̌ɛn kpó wá Mawu mitɔn sín xwé gbe ǎ.

Jowɛ́li 1:9

È sɔ́ nɔ hɛn jinukún kpó vɛ̌ɛn kpó wá Mawu Mavɔmavɔ xwé gbe ǎ. Énɛ́ ɔ́ wú wɛ azɔ̌watɔ́ Mawu Mavɔmavɔ tɔn vɔ̌sánú-xwlémawutɔ́ lɛ́ɛ ɖo aluwɛ mɛ.

Jowɛ́li 2:14

Afɔ nyɔ́ ɔ́, é sixú jó nǔ e é kó lin bó ná wa ɖ'ayǐ ɔ́ dó, bó ná nyɔ̌ná mi túnflá. Énɛ́ ɔ́, mi hɛn ɔ́, mi ná hɛn jinukún kpó vɛ̌ɛn kpó wá n'i.

Levíi ví 17:11

Đó hun mɛ wɛ gbɛ ɖe. Nyɛ Mawu Mavɔmavɔ ɔ́, un ná mi bɔ mi ná zán ɖo vɔ̌sákpe jí, bɔ é ná súnsún hwɛ sín kɔ nú mi, bɔ mi ná nɔ gbɛ. Nǔgbó ɔ́, hun wɛ è nɔ dó súnsún hwɛ sín kɔ nú mɛ, ɖó é mɛ wɛ gbɛ ɖe.

Levíi ví 21:17

é ní ɖɔ nú Aalɔ́ɔn ɖɔ: “Mɛ ɖěbǔ ɖo vǐ towe lɛ́ɛ mɛ, bó ɖó blɔ̌ ɖo wǔ ɔ́, mɛ ɔ́ ná sɛkpɔ́ vɔ̌sákpe ɔ́, bó ná xwlé nǔɖuɖu nyɛ Mawu tɔn ǎ.

Levíi ví 21:21

Hǔn mɛ e ɖo vǐ towe lɛ́ɛ mɛ, bó ɖó blɔ̌ ɖo wǔ ɔ́ ɖěbǔ ná sixú sɛkpɔ́ vɔ̌sákpe ɔ́, bó xwlé vɔ̌ e è nɔ dó zo ɔ́ mì ǎ; nǔɖuɖu ce wɛ. Blɔ̌ e ɖo wǔ tɔn ɔ́ ná zɔ́n bɔ é ná wa vɔ̌sánú-xwlémawutɔ́ zɔ́ ǎ.

Levíi ví 21:6

Yě ɖó ná sɔ́ yěɖée ɖó vo nú azɔ̌ ce, bó ná lɔn bɔ nyǐkɔ ce ná xo kɔ́ ǎ. Yě wɛ nɔ́ xwlé vɔ̌ e è dó zo ɔ́ nyɛ Mawu Mavɔmavɔ, Mawu yětɔn; nǔɖuɖu ce wɛ. Énɛ́ wútu wɛ yě ɖó ná sɔ́ yěɖée ɖó vo nú mì.

Levíi ví 21:8

Izlayɛ́li ví ɖokpó ɖokpó ɖó ná tunwun mɛɖeɖóvo Mawu tɔn e vɔ̌sánú-xwlémawutɔ́ lɛ́ɛ nyí ɔ́ sín tɛnmɛ nú yě, ɖó yě wɛ nɔ xwlé nǔɖuɖu e mi nɔ ná nyɛ Mawu mitɔn ɔ́ mì. Mɛ ɖěbǔ ní bó má hɛn mɛ mímɛ́ e yě nyí ɔ́ gblé ó. Nyɛ Mawu Mavɔmavɔ e sɔ́ mi Izlayɛ́li ví lɛ́ɛ, bónú mi ná nyí togun ɖe ɖó vo ɔ́, mǐmɛ́ wɛ un nyí.

Amɔ́si 5:22

Nú mi xwlé vɔ̌sánú e mi nɔ dó zo lɛ́ɛ kpó nǔníná mitɔn lɛ́ɛ kpó mì ɔ́, yě nɔ́ nyɔ́ nukún ce mɛ ǎ. Nyibúví e mi sɔ́ ɖó vo bɔ nǔɖuɖu kpé lɛ́ɛ ɔ́, mi fɔ yě dó sá vɔ̌ ná nú mì, bó dó dó kú nú mì ɔ́, un tlɛ nɔ kpɔ́n jɛ yětɔn jí lɔ ǎ.

Malacíi 2:13

Nǔ e mi nɔ lɛ́ bló ɔ́ ɖíe: mi nɔ ya avǐ, bɔ ɖasin mitɔn nɔ sa gbɔn vɔ̌sákpe Mawu Mavɔmavɔ tɔn jí. Mi nɔ ya avǐ bó nɔ wɛn azɔn, ɖó Mawu Mavɔmavɔ sɔ́ nɔ́ ké ya nú vɔ̌sánú mitɔn lɛ́ɛ ǎ, é ka sɔ́ nɔ yí nǔ e mi nɔ hɛn wá n'i lɛ́ɛ ɖě ǎ.

Kɛ́nsísɔ́ 19:11

Mawu Mavɔmavɔ lɛ́ ɖɔ: “Mɛ e ná ɖó alɔ cyɔ wú ɔ́ ná nyí mɛ blíblí xɔ azǎn tɛ́nwe.

Kɛ́nsísɔ́ 28:2

é ní ɖɔ nú Izlayɛ́li ví lɛ́ɛ ɖɔ: “Mi ná nɔ́ kpé nukún dó nǔníná e nyí nyɛ Mawu Mavɔmavɔ tɔn lɛ́ɛ wú, bó nɔ́ xwlé mì dó hwetɔnnu; nǔɖuɖu ɖé wɛ é nyí, bɔ è nɔ dó zo bɔ wǎn tɔn nɔ́ nyɔ́ se nú mì.

Kɛ́nsísɔ́ 4:7

Távo e jí wɔ̌xúxú e è xwlé Mawu lɛ́ɛ nɔ́ nɔ ɔ́, yě ná tɛ́ avɔ kwlésinnɔ ɖokpó ɖ'é jí, bó ná bɛ́ nǔ élɔ́ lɛ́ɛ ɖ'é jí: gannúgbɛ́jɛ́, kɔ́fu, sinnugannú kpódó goví e mɛ è nǎ nɔ́ wún vɛ̌ɛn dó, bó ná nɔ́ xwlé nyɛ Mawu ɔ́ lɛ́ɛ kpó, kpódó wɔ̌xúxú e è nǎ nɔ́ xwlé mì lɛ́ɛ kpó; wɔ̌xúxú ɖó ná ɖo távo ɔ́ jí tɛgbɛ.

Jǎan 6:51

Nyɛ wɛ nyí nǔɖuɖu gbɛɖe e jɛ te sín jǐxwé é. Mɛ e ná ɖu ɖo nǔɖuɖu élɔ́ mɛ ɔ́ ná nɔ gbɛ káká sɔ́yi. Nǔɖuɖu e un ka ná ná mi ɔ́, agbaza ce e un ná sɔ́ jó dó gbɛtɔ́ lɛ́ɛ tamɛ ɔ́ wɛ.”

Sɛ́nflínmɛ 26:14

Nǔ e nyí towe ɔ́, un zán ɖě hwenu e un ɖo aluwɛ mɛ é ǎ. Un ka ɖe mǎɖówǒ lɛ́ɛ ɖě hwenu e un nyí mɛ blíblí é ǎ. Un ká zán ɖě hwenu e cyɔ kú mì é ǎ. Un se xó e Mawu Mavɔmavɔ, Mawu ce ɖɔ é, un bló lě e a zɔ̌n mì gbɔn é.