Ozée 9:2 - MAWUXÓWÉMA

² Lo ɔ́, jinukún e só wɛ è ɖe ɖo kɔ́xota é kpódó ami e fyɔ́n wɛ è ɖe ɖo amito mɛ é kpó ná kpé mì ǎ. Mi ɖo vɛ̌ɛn yɔ̌yɔ́ e nɔ te kpɔ́n wɛ mi ɖe ɔ́ ná mɔ nu wɛ ǎ.

Ozée 9:2 Iomraidhean Croise

Bǐbɛ́mɛ 50:10

Ée yě jɛ Golɛnu-Atadi ɖo Judɛ́ɛn tɔ ɔ́ gúdo ɔ́, yě wa cyɔnú ɖo fínɛ́ bɔ é fɛ́ wǔ titewungbe. Énɛ́ ɔ́, Jozɛ́fu nɔ aluwɛ mɛ xɔ azǎn tɛ́nwe nú tɔ́ tɔn.

Ozée 2:11

Énɛ́ ɔ́ wú wɛ un ná yí jinukún ce sín así tɔn ɖo nǔkún-yiya hwenu, bó ná yí vɛ̌ɛn ce sín así tɔn vǐwun gbigbɛ hwenu. Un ná ɖe gbɔ̌fúnvɔ ce kpó akwɛ́núvɔ ce kpó sín wǔ tɔn; gbɔ̌fúnvɔ kpó akwɛ́núvɔ kpó e é dó hwlá mɛ̌ é.

Ozée 2:12

Din ɔ́, un ná ɖe nǔ e hwlá wɛ é ɖe ɔ́ xlɛ́ to, ɖo xɔnnɔ tɔn lɛ́ɛ nukún mɛ, bɔ mɛ ɖěbǔ ná yí i sín alɔ ce mɛ ǎ.

Ozée 2:9

É ná kán wezun jɛ xɔnnɔ tɔn lɛ́ɛ gúdo, é ká ná xwedó yě wú ǎ. É ná ba yě, é ká ná mɔ yě ǎ. Énɛ́ ɔ́ gúdo ɔ́, é ná ɖɔ: “Un ná lɛ́ kɔ yi asú ce xóxó ɔ́ gɔ́n, ɖó hwenu e un ɖo gɔ̌n tɔn ɔ́, nǔ nyɔ́ nú mì hú lě e un ɖe gbɔn égbé din é.”

Amɔ́si 5:11

“Mi nɔ xo mɛ e ma ɖó gǎn ǎ lɛ́ɛ ɖu, bó nɔ yí nǔjɔ ɖo jinukún yětɔn lɛ́ɛ jí; énɛ́ ɔ́ wútu ɔ́, xɔ ɖagbe ɖagbe e mi gbá lɛ́ɛ ɔ́, mi ná ɖu gbɛ yětɔn ǎ; vǐwuntín ɖagbe ɖagbe e mi tun lɛ́ɛ ɔ́, mi ná dó vɛ̌ɛn yětɔn nu ǎ.

Ajée 1:9

Jinukún gěgé ɖó nukún wɛ mi ɖe, mi bo ka kpɔ́n kpɛ e mi ya é! Kpɛ énɛ́ e mi bɛ́ yi xwé gbe ɔ́, un fún funfún dó, bɔ bǐ gba dó. Nyɛ Mawu Mavɔmavɔ Nǔbǐwúkpétɔ́ ɔ́, má lɛ́ kan nǔ ɖokpó byɔ́ mi: Étɛ́wú nǔ ká ɖo mɔ̌ cí wɛ? Nǔ e wú wɛ ɔ́ wɛ nyí ɖɔ xwé ce ɖo gbigba, bɔ mi mɔ bó jó dó, bɔ ɖokpó ɖokpó mitɔn ka ɖo nukún kpé dó étɔn wú wɛ.

Ajée 2:16

étɛ́ wɛ nɔ jɛ dó mi jí? Hwenɛ́nu ɔ́, ényí mɛɖé ɖó jinukún gannú ko ɖo kɔ́zún mɛ, bó xwe jlɛ̌jlɛ́ gbé ɔ́, é má nyí wǒ jɛ́n é nɔ́ yi mɔ ǎ cé? Ényí mɛɖé ɖó vɛ̌ɛn lǐtli kanɖé wǒ (50) ɖo balíi mɛ, bó xwe jlɛ̌jlɛ́ gbé ɔ́, é má nyí lǐtli ko jɛ́n é nɔ́ yi mɔ ǎ cé?