Ozée 9:1 - MAWUXÓWÉMA

¹ Izlayɛ́linu lɛ́ɛ mi, mi ma xaji ɖu xwe bo j'awǎ togun ɖě lɛ́ɛ ɖɔhun ó, ɖó mi lɛ aga bó ɖo zɔ nú nyɛ Mawu mitɔn ɔ́. Đó mi ɖo akwɛ́ kwíji kwíji gbé mɛ, bó nɔ́ ɖo aga lɛ wɛ gbɔn kɔ́xota kɔ́xota fí e è nɔ só jinukún ɖe lɛ́ɛ bǐ.

Ozée 9:1 Iomraidhean Croise

Ɖɛhan 73:27

Éɖíe! Mɛ e nɔ́ nɔ zɔ nú we lɛ́ɛ ɔ́, dɔn wɛ yě nɔ́ dɔn. Mɛ e ma nɔ nɔ gbejí nú we ǎ lɛ́ɛ ɔ́, a nɔ sɛ́ yě dó maɖɔnǔxwɛ.

Ezayíi 17:11

Gbe e gbe a dǒ jinukún ɔ́ jɛ́n é nɔ́ wú, bó nɔ́ jɛ susu jí bɔ a nɔ mɔ; nǔkún e a dǒ zǎnzǎn ɔ́ nɔ́ gba sɛ́ gbe ɖokpó ɔ́. Lo ɔ́, é jɛ hwenu e è nǎ ya nǔ e è dǒ é ɔ́, è nɔ mɔ jinukún ǎ, azɔn wɛ è nɔ mɔ ɖó tɛn tɔn mɛ, azɔn jɛ ma gbɔ.

Jelemíi 2:19

Nǔ nyanya wiwa towe ná wa nǔ xá we; gbejí ma nɔ towe ná dɔn tó nú we, bɔ a nǎ mɔ ɖɔ nyɛ Mawu Mavɔmavɔ, Mawu towe e a jǒ dó ɔ́, tɛn ce mɛ e a ma tunwun nú mì ǎ ɔ́ ná vlɛ́ nu nú we; é ná nylá nú we ɖésú. Xó e nyɛ Aklúnɔ Mavɔmavɔ Nǔbǐwúkpétɔ́ ɔ́ ɖɔ ɔ́ nɛ́.”

Jelemíi 2:20

Mawu ɖɔ: “Izlayɛ́li, a ɖo gǔ fɔ́n dó jǐ ce wɛ din ɔ́, é kó lín. A dǒ gúdo mì bǐ, lobo nɔ ɖɔ fí e émí nɔ mɛ kannu jɛ ɔ́ kpé, bó ka nɔ jɛ wɛn gbɔn só bǐ jí; a nɔ ɖo wɛn gbɔn atínmú bǐ sá agalɛtɔ́ ɖɔhun.

Jelemíi 44:17

Nǔ e mǐ kó zé nu mǐtɔn dó ɖɔ ɔ́ wɛ mǐ jló ná bló, é wɛ nyí ɖɔ mǐ nǎ xwlé zǎlínkpɔ́n vodún Axɔ́si jǐxwé tɔn ɔ́, mǐ ná ba ahan n'i, lě e mǐ kpó mɛ mǐtɔn lɛ́ɛ, axɔ́sú mǐtɔn lɛ́ɛ, kpódó gǎn mǐtɔn lɛ́ɛ kpó nɔ́ bló gbɔn ɖo Judáa, bó nɔ́ bló gbɔn ɖo Jeluzalɛ́mu li lɛ́ɛ jí ɖ'ayǐ é. Hwenu e mǐ nɔ́ wa nǔ gbɔn mɔ̌ ɔ́, mǐ nɔ́ mɔ nǔ bó nɔ́ ɖu, bó nɔ́ gɔ́ xo, mǐ nɔ́ ɖu gbɛ, adǎn ɖěbǔ nɔ́ gbo mǐ ǎ.

Gbɛvíhan 4:21

Togun Edɔ́mu tɔn, a hɛn ɔ́, a nǎ hun xomɛ bó j'awǎ, hwi mɛ e nɔ nɔ Wúsi é! Amɔ̌, hwi lɔmɔ̌ ná nu xomɛsin Mawu tɔn sín kɔ́fu ɔ́; a nǎ nu mú, bó ná jɛ mɛ̌ jɔgbe.

Ezekiyɛ́li 16:15

“Hwɛ Jeluzalɛ́mu ɔ́, a tunwun ɖɔ émí nyɔ́ ɖɛkpɛ, bɔ nyǐkɔ émítɔn yi jǐ; a kpɔ́n dó énɛ́ wú bó jɛ aga lɛ jí; a lɛ aga xá alitanu bǐ, bó gbɔ bó húzú yětɔn .

Ezekiyɛ́li 16:30

Kóóyi Jeluzalɛ́mu! A nyɔ̌ un gbɛ́ ɖɔ nú súnnu ǎ; a wa nǔ agalɛtɔ́ e gbɛ́ hɛn hú agalɛtɔ́ lɛ́ɛ bǐ é ɖɔhun. Xó e nyɛ Aklúnɔ Mavɔmavɔ ɖɔ ɔ́ nɛ́.

Ezekiyɛ́li 20:32

Mi nɔ ɖɔ: Mǐ jló ná cí togun ɖě lɛ́ɛ ɖɔhun, mǐ ná cí akɔta e ɖo to ɖěvo mɛ lɛ́ɛ ɖɔhun, mǐ lɔ ná nɔ́ ɖo atín sɛn wɛ, bó ná nɔ́ ɖo awǐnnya sɛn wɛ; lo ɔ́, nǔ e lin wɛ mi ɖe ɔ́ ná jɛ gbeɖé ǎ.

Ezekiyɛ́li 21:10

Énɛ́ ɔ́, mɛ bǐ ná mɔ nǔ jɛ wú ɖɔ nyɛ Mawu Mavɔmavɔ ɔ́, un ɖe hwǐ ce sín akún mɛ nǔgbó, un ka sɔ́ ná zé d'é mɛ ǎ.

Ozée 10:5

Wǔ ná kú Samalíinu lɛ́ɛ ɖó siká nyibúví Bɛti-Awɛni tɔn lɛ́ɛ wú. Togun tɔn ná nɔ aluwɛ mɛ nú vodún ɔ́, bɔ xɛsi ná jɛ vodúnnɔ tɔn lɛ́ɛ jí, ɖó susu tɔn e ná gosín tɛ́ntin yětɔn ɔ́ wú.

Ozée 2:12

Din ɔ́, un ná ɖe nǔ e hwlá wɛ é ɖe ɔ́ xlɛ́ to, ɖo xɔnnɔ tɔn lɛ́ɛ nukún mɛ, bɔ mɛ ɖěbǔ ná yí i sín alɔ ce mɛ ǎ.

Ozée 4:12

Togun ce yi kan nǔ ɖo atín vodún tɔn ɔ́ gɔ́n; é ɖɔ vodún ɔ́ ní ɖɔ xó nú émí. Aga jɔhɔn dɔn yě bú. Yě klán sín nyɛ Mawu yětɔn ɔ́ wú, yě dó afɔ gbě.

Ozée 5:4

Nǔ e wa wɛ yě ɖe lɛ́ɛ lɔn nǔ nú yě bónú yě ná lɛ́ kɔ wá Mawu yětɔn gɔ́n ǎ, ɖó agayixa ɖo tɛ́ntin yětɔn. Đó yě tunwun Mawu Mavɔmavɔ ǎ.

Ozée 5:7

Yě nɔ gbejí nú Mawu Mavɔmavɔ ǎ, ɖó yě ji agaví. Din ɔ́, sun ɖokpó kó kpé bɔ è nǎ vɔ yě kpó nǔ e yě ɖó lɛ́ɛ bǐ kpó.”

Amɔ́si 3:2

É ɖɔ: Midɛɛ lɛ́ɛ kɛ́ɖɛ́ wɛ un sɔ́ ɖo hɛ̌nnu e ɖo ayǐkúngban jí lɛ́ɛ bǐ mɛ; énɛ́ ɔ́ wú ɔ́, nǔ nyanya e mi wa lɛ́ɛ bǐ sín tó wɛ un ná dɔn nú mi.

Amɔ́si 4:5

Mi nɔ́ zé wɔ̌xúxú e mɛ è dǒ tɔ́n ɔ́ dó sá vɔ̌ nú Mawu dó nɔ́ dó kú n'i bó. Mi sú xó bó jlá nǔníná e mi zé jlǒ mi ɖésúnɔ tɔn dó ná lɛ́ɛ bó! Đó nǔ e mi mɛ Izlayɛ́linu lɛ́ɛ nɔ yí wǎn na é nɛ́.” Xó e Aklúnɔ Mavɔmavɔ ɖɔ ɔ́ nɛ́.

Amɔ́si 6:13

Nǔmaɖinǔ lɛ́ɛ tamɛ wɛ mi nɔ j'awǎ dó. Mi nɔ ɖɔ: “É ma nyí hlɔ̌nhlɔ́n mǐtɔn wɛ zɔ́n bɔ mǐ kpé nǔ bǐ wǔ ǎ cé?

Amɔ́si 8:10

Un ná zé awǎ e jɛ wɛ mi ɖe ɔ́ dó húzú aluwɛ ná, bɔ han e ji wɛ mi ɖe lɛ́ɛ bǐ ná húzú gbɛvíhan. Mɛ bǐ ná sin nǔwamɛvɔ dó alin. È nǎ xwlɛ́ ta nú mɛ bǐ, lě e vǐ ɖokpónɔ kú nú mɛ ɔ́, è nɔ bló gbɔn é. Bɔ nǔ énɛ́ lɛ́ɛ bǐ ná fó wǔvɛ́mimɔ sín azǎn ɖé ɖɔhun.

Jaki 4:16

Amɔ̌ din ɔ́, goyítɔ́ wɛ mi nyí, bó ɖo ajɔ̌ jlá nú miɖée wɛ. Goyíyí ka nyí nǔ ɖagbe ǎ.

Jaki 5:1

Din ɔ́, dɔkunnɔ lɛ́ɛ mi, mi ɖótó mì! Mi ya avǐ, bó só hehe, ɖó nǔ nyanya e ná jɛ dó mi jí lɛ́ɛ wú!