Ozée 8:3 - MAWUXÓWÉMA

³ Izlayɛ́linu lɛ́ɛ gbɛ́ wǎn nú nǔ ɖagbe; énɛ́ ɔ́ wú ɔ́, kɛntɔ́ ɔ́ ná jɛ gǔdo yětɔn.

Ozée 8:3 Iomraidhean Croise

Ɖɛhan 36:3

É nɔ́ mɔ ɖɔ émí kó nyɔ́ dín, bó sɔ́ nɔ́ mɔ nǔ e é nɔ́ wa nyi do é, bó ná gbɛ́ wǎn ná ǎ.

Gbɛvíhan 3:66

A nǎ jɛ gǔdo yětɔn kpódó xomɛsin kpó; a nǎ sú kún yětɔn dó sín ayǐkúngban jí.

Gbɛvíhan 4:19

Mɛ e ɖo ya dó nú mǐ wɛ lɛ́ɛ yá afɔ hú gangan ɖo jǐxwé; yě ɖo nyinya mǐ wɛ gbɔn só ta, só ta, yě ɖǒ mɔ nú mǐ ɖo gbětótló mɛ.

Ozée 8:2

Yě ná sú xó bó ɖɔ sɛ́ dó mì ɖɔ: ‘Mawu ce, mǐ mɛ Izlayɛ́linu lɛ́ɛ ɔ́, mǐ tunwun we!’

Ozée 8:4

Yě nɔ́ sɔ́ axɔ́sú nyɛ mɛ vo. Yě nɔ́ sɔ́ gǎn ma kan nǔɖé byɔ́ mì. Yě zé kpatágan yětɔn kpó siká yětɔn kpó dó bló vodún ná. Énɛ́ ɔ́ wú wɛ kún yětɔn ná sú dó.

Levíi ví 26:36

“Mɛ e ná gán ɖo nǔ énɛ́ lɛ́ɛ mɛ ɖo mi mɛ, ɖo kɛntɔ́ mitɔn lɛ́ɛ sín tomɛ lɛ́ɛ ɔ́, un ná bló bɔ yě ná ɖo síja jí; jɔhɔn nyi bónú ama yǎyá ɖɔ nǔ ɔ́, yě ná hɔn. Yě ná hɔn káká bó ná j'ayǐ, ahwan wɛ ɖo yě nya wɛ ɖɔhun. Mɛ ɖé ká ɖo yě nya wɛ ǎ.

Amɔ́si 1:11

Mawu Mavɔmavɔ ɖɔ: “Edɔ́munu lɛ́ɛ ɔ́, nǔ e yě wa nyi do bɔ un jló ná kɛ nu d'é wú nú yě ɔ́ nyí ɖokpó kɛ́ɖɛ́ ǎ, amɔ̌, élɔ́ e yě wa ɔ́ vɛ́ nú mì tawun. Yě nɔ́ nya nɔví yětɔn lɛ́ɛ kpó hwǐ kpó; yě sɔ́ ɖó nǔbláwǔkúnúmɛ ǎ, ɖó xomɛsin yětɔn nɔ ɖo nǔ hɛn gblé wɛ hwebǐnu; adǎn jí jɛ́n yě nɔ́ ɖe hwebǐnu. Nǔ e wú un ma ná lɛ́ kɔ sín gbeta e un ɖe tɔ́n ɔ́ gúdo ǎ é nɛ́.

Sɛ́nflínmɛ 28:25

Mawu Mavɔmavɔ ná jó kɛntɔ́ dó bɔ kɛntɔ́ ná ɖu ɖo mi jí. Nú ali ɖokpó wɛ mi gbɔn bó yi tɔ́n ahwan kɛntɔ́ ɔ́, ali tɛ́nwe wɛ mi ná hɔn gbɔn ɖo nukɔn tɔn, bɔ axɔ́súɖuto e ɖo gbɛ ɔ́ mɛ é ɖěbǔ mɔ nǔ e gbo mi ɔ́, xɛsi ná jɛ jǐ tɔn.

1 Timɔtée 5:12

Énɛ́ ɔ́, yě sɔ́ nɔ nɔ gbejí nú akpá nukɔn tɔn e yě dó nú Klísu ɔ́ ǎ, bɔ è nɔ ɖó hwɛ nú yě.