Ozée 8:2 - MAWUXÓWÉMA

² Yě ná sú xó bó ɖɔ sɛ́ dó mì ɖɔ: ‘Mawu ce, mǐ mɛ Izlayɛ́linu lɛ́ɛ ɔ́, mǐ tunwun we!’

Ozée 8:2 Iomraidhean Croise

2 Axɔ́sú 10:16

bó ɖɔ: “Wǎ mǐ yi kpɔ́n lě do e un yí wǎn nú Mawu Mavɔmavɔ sín azɔ̌ gbɔn é.” Énɛ́ ɔ́, é sɔ́ ɛ dó kɛkɛ́ví tɔn mɛ ɖidó.

2 Axɔ́sú 10:29

Lo ɔ́, é hu hwɛ e Jelobowámu Nɛvati ví ɔ́ hu bó dɔn Izlayɛ́li togun ɔ́ d'é mɛ é. É sɛn sikányibúví e ɖo Betɛ́li lɛ́ɛ kpó ée ɖo Dan lɛ́ɛ kpó Jelobowámu ɖɔhun.

Jelemíi 7:4

Mɛblɛ́blɛ́ sín xó e sú wɛ è nɔ ɖe, bo nɔ ɖɔ: ‘Xwé e gbe Mawu Mavɔmavɔ nɔ nɔ ɔ́ ɖíe ɖo fí e, Mawu Mavɔmavɔ xwé ɔ́ ɖíe, fí e Mawu Mavɔmavɔ xwé ɔ́ ɖe ɔ́ jɛ́n ɖíe’ é ɔ́, mi ma gán jɛ wú ó.

Ozée 5:15

Mawu Mavɔmavɔ ɖɔ: “Un ná yi, un ná yi nɔ xwé ce gbe, káká jɛ hwenu e yě ná tunwun ɖɔ émí wa nǔ nyi do bó ná lɛ́ kɔ wá gɔ̌n ce dó é. Nú adǎn kó jɛ yě gbo jí ɔ́, yě ná ba mì mɔ.”

Ozée 8:3

Izlayɛ́linu lɛ́ɛ gbɛ́ wǎn nú nǔ ɖagbe; énɛ́ ɔ́ wú ɔ́, kɛntɔ́ ɔ́ ná jɛ gǔdo yětɔn.

Micée 3:11

Hwɛɖɔtɔ́ lɛ́ɛ ɔ́, mɛ e dó nǔ nu nú yě ɔ́ sín hwɛ wɛ nɔ jɔ. Vɔ̌sánú-xwlémawutɔ́ lɛ́ɛ nɔ yí akwɛ́ ɖo mɛ sí, cóbó nɔ kplɔ́n Mawusɛ́n lɛ́ɛ mɛ. Gbeyíɖɔ Mawu tɔn lɛ́ɛ nɔ yí akwɛ́ ɖo mɛ sí cóbó nɔ dó Mawu sín wɛn mɛ. Nǔ ɖo mɔ̌ bɔ yě bǐ ká nɔ glá bó nɔ ɖɔ Mawu Mavɔmavɔ tɔn wɛ émí nyí, ɖɔ Mawu Mavɔmavɔ ɖo kpɔ́ xá émí, ɖɔ nǔ nyanya ɖěbǔ kún ná wa émí ó.

Matíe 25:11

Énɛ́ ɔ́ gúdo wɛ ɖyɔ̌vǐ xlonɔ atɔ́ɔ́n lɛ́ɛ lɛ́ kɔ wá, bó nɔ́ ɖɔ: ‘Aklúnɔ, aklúnɔ, hun hɔn nú mǐ!’

Matíe 7:21

“Mɛ e nɔ ɖo ylɔ̌ylɔ́ mì wɛ ɖɔ: ‘Aklúnɔ, Aklúnɔ’ lɛ́ɛ ɔ́, yě bǐ ɖo axɔ́súɖuto sɛ́xwé tɔn mɛ na byɔ́ wɛ ǎ; lo ɔ́, mɛ e nɔ wa jlǒ Tɔ́ ce e ɖo sɛ́xwé ɔ́ tɔn lɛ́ɛ kɛ́ɖɛ́ wɛ na byɔ́ mɛ.

Luki 13:25

“Hwenu e xwétɔ́ ɔ́ ná sí te, bó ná dó gan hɔn tɔn mɛ, bɔ mi ná kpo ɖo hɛnkɛ́n ɔ́, mi ná jɛ hɔn xúxú jí, bó ná ɖɔ: ‘Daá, hun hɔn nú mǐ!’ Bɔ é ná yí gbe nú mi ɖɔ: ‘Un tunwun mi ǎ.’

Titu 1:16

Yě tunwun Mawu bó ɖɔ; lo ɔ́, nǔwiwa yětɔn ɖe xlɛ́ ɖɔ yě kún tunwun Mawu ó. Mɛ e è nǎ gbɛ́ wǎn ná wɛ nú yě; yě nyí gǔfɔ́ntɔ́, bó nyí mɛ e ma sixú kpé nǔ ɖagbe ɖěbǔ wú bó wa ǎ lɛ́ɛ é.

1 Jǎan 2:4

Nú mɛɖé ɖɔ: “Un tunwun i”, bó ka gbɛ́ sɛ́n tɔn lɛ́ɛ nyi hǔn, adingbannɔ wɛ nyí mɛ énɛ́, bɔ nǔgbó ɔ́ ɖo mɛ énɛ́ mɛ ǎ.