Ozée 8:1 - MAWUXÓWÉMA

¹ Mawu Mavɔmavɔ ɖɔ: “Mi kún lanzo! Kɛntɔ́ kplɔ́ dó Mawu Mavɔmavɔ xwé ɔ́ gangan ɖɔhun, ɖó Izlayɛ́linu lɛ́ɛ gba akɔ e un jɛ xá yě ɔ́, yě gba sɛ́n e un dó nú yě lɛ́ɛ.

Ozée 8:1 Iomraidhean Croise

2 Axɔ́sú 18:27

Ahwangán ɔ́ yí gbe nú yě ɖɔ: “Axɔ́sú mitɔn kpó midɛɛ lɛ́ɛ kpó kɛ́ɖɛ́ wú wɛ gǎn ce ɖɔ xó énɛ́ lɛ́ɛ sɛ́ dó wɛ mi vɛdó a? É má nyí mɛ énɛ́ lɛ́ɛ e ɖo ahohó ɔ́ ta fínɛ́ bɔ zaanɖé din ɔ́, yě ná jɛ mǐ nyɛ bó sɔ́ ɖu jí, bó jɛ aɖɔ̌ ɖɔ́ bó sɔ́ nu jí ɔ́ wɛ gǎn ce ɖɔ xó énɛ́ lɛ́ɛ sɛ́ dó a?”

Ezayíi 18:3

Midɛɛ lɛ́ɛ ɔ́, mi mɛ e ɖo gbɛ ɔ́ mɛ lɛ́ɛ ɔ́, mi mɛ e ɖo ayǐkúngban ɔ́ jí lɛ́ɛ ɔ́, mi kpɔ́n asyá e è nǎ zé tun te ɖó só lɛ́ɛ ta é, lobo ɖo tó ɖó hwenu e lanzo ɔ́ ná ɖɔ nǔ dó é wɛ.

Ezayíi 24:5

Gbɛtɔ́ lɛ́ɛ ɖu su nú ayǐkúngban ɔ́ ɖó yě gba sɛ́n; yě hɛn nǔ e Mawu to lɛ́ɛ gba; yě hɛn akɔ mavɔ mavɔ e Mawu jɛ xá yě ɔ́ gba.

Ezayíi 58:1

Mawu ɖɔ: “Sú xó kpó hlɔ̌nhlɔ́n kpó, ma gɔn xó sú ó. Sú xó nú gbe towe ní yi zɔ lanzo ɖɔhun; sú xó bó ɖɔ nǔ e wa nyi do wɛ togun ce ɖe ɔ́ n'i, ɖɔ hwɛ e hu wɛ Jakɔ́bu ví lɛ́ɛ ɖe é nú yě.

Jelemíi 31:32

É ná cí akɔ e un jɛ xá tɔ́gbó yětɔn lɛ́ɛ, gbe e gbe un hɛn alɔ yětɔn, bó ɖe yě tɔ́n sín Ejípu, lobɔ yě ma nɔ gbejí ná ǎ é ɖɔhun ǎ. Nyi wɛ kpa acɛ nú tɔ́gbó yětɔn lɛ́ɛ có yě ká nɔ gbejí nú akɔ e un jɛ xá yě ɔ́ ǎ.”

Jelemíi 34:18

“Un ná wa nǔ xá yě mɛ e má nyibúví ɖó we, bó gbɔn tɛ́ntin tɔn dó jɛ akɔ ɖo nukɔn ce, bó ma ká nɔ gbejí nú akɔ e yě jɛ é ǎ lɛ́ɛ é.

Jelemíi 4:13

Bɔ togun ɔ́ ná ɖɔ: “Mi kpɔ́n! Kɛntɔ́ ɖíe jǎwe jǐ wɔ̌ ɖɔhun e! Ahwanhún tɔn lɛ́ɛ ɖo zǐngídi jí jǎwe jɔhɔn ɖaxó ɖɔhun! Sɔ́ tɔn lɛ́ɛ kplɔ́ jǎwe gangan xwe nǔ sá gbe ɖɔhun! Heelú! Gbɛ mǐtɔn vɔ lo!”

Jelemíi 4:5

Xó e mi ná ɖɔ gbɔn Judáa yíkúngban jí ɔ́ ɖíe, xó e mi ná jlá ɖo Jeluzalɛ́mu ɔ́ ɖíe, mi ɖɔ: Mi bǐ mi kún lanzo gbɔn to ɔ́ bǐ mɛ! Mi sú xó bó ɖɔ: Mi wá kplé miɖée ɖó toxo e è mɛ ahohó lɛ́ lɛ̌ dó lɛ́ɛ mɛ.

Jelemíi 48:40

Xó e Mawu Mavɔmavɔ ɖɔ é ɖíe: “Kɛntɔ́ zɔn gangan hɔ̌nsúhɔ́nsú ɖɔhun, bó kɛ awa ɖo Mɔwabu ta nu.

Jelemíi 49:22

Kpɔ́n kɛntɔ́ ɔ́! È nǎ ɖɔ gangan hɔ̌nsúhɔ́nsú wɛ zɔn, bó kɛ awa ɖó Bosla ta nu. Gbe nɛ́ gbe ɔ́, ahwanfuntɔ́ syɛ́nsyɛ́n Edɔ́mu tɔn lɛ́ɛ bǐ sín ayi ná fun nyɔ̌nu ɖo ajidonu ɖɔhun.

Jelemíi 51:27

Mawu ɖɔ: “Babilɔ́nu kɛntɔ́ lɛ́ɛ mi, mi kún lanzo ɖo akɔta lɛ́ɛ tɛ́ntin. Mi fɔ́n ahwanfuntɔ́ yětɔn lɛ́ɛ dó Babilɔ́nu jí. Mi fɔ́n axɔ́súɖuto Alaláti tɔn, Mɛni tɔn kpó Acikenázi tɔn kpó dó jǐ tɔn.

Jelemíi 6:1

Mawu ɖɔ: “Bɛnjamɛ́ɛ ví e mi, mi hɔn sín Jeluzalɛ́mu! Mi kún lanzo ɖo Tekowa, bónú mɛ bǐ ní nɔ acéjí. Mi zé ahwansyá dó jǐ ɖo Bɛti-Kɛlɛ́mu. Đó awě ɖé jǎwe, nǔ baɖabaɖa ɖé lɛ́ɛ ja sín totaligbé.

Ezekiyɛ́li 11:4

Énɛ́ ɔ́ wú ɔ́, hwɛ gbɛtɔ́ ɔ́, nǔ e ɖo te kpɔ́n yě bɔ un ɖɔ nú we ɔ́, yi ɖɔ nú yě.”

Ezekiyɛ́li 16:59

“Aklúnɔ Mavɔmavɔ lɛ́ ɖɔ: lě e a wa nǔ gbɔn ɔ́ wɛ nyɛ lɔ ná wa nǔ xá we gbɔn, ɖó hwɛ ɔ́, a nɔ gbejí nú nǔ e a ɖɔ é ǎ, bó gba akɔ e nyi kpó hwi kpó jɛ é.

Ezekiyɛ́li 17:3

A nǎ ɖɔ nú yě ɖɔ nyɛ Aklúnɔ Mavɔmavɔ wɛ dó lǒ ɔ́ nú yě. Lǒ ɔ́ ɖíe: ‘Gangan ɖaxó ɖé tíin; awa tɔn lɛ́ɛ d'agba ɖésú; é kɛ awa ɔ́, é nɔ́ gbló káká; fún tɔn sukpɔ́ káká bó ɖó hwɛkan tɛnmɛ tɛnmɛ. Gangan ɔ́ zɔn bó yi Libáan sókan mɛ, bó yi tɔ́ dó sɛ́dlutín ɖokpó sín ɖavínu wú,

Ezekiyɛ́li 7:14

Mi ná ɖo ahwankpɛn kún wɛ kpowun, bó ɖɔ é yá, ahwan ɔ́ yá; mi ka ná mɔ mɛ ɖokpó tɔ́n bó yi ahwan fun gbé ǎ, ɖó xomɛsin ce ná jɛ te dó togun ɔ́ bǐ jí.”

Ozée 4:6

Togun ce gba, ɖó é tunwun mɛ alɔkpa e un nyí ɔ́ ǎ wú. Amɔ̌, hwi lɔmɔ̌ ɔ́, a ko ba ná tunwun nǔ ɖěbǔ dó wǔ ce ǎ. Énɛ́ ɔ́ wú wɛ un ma sɔ́ ba we ǎ. A sɔ́ ná nɔ xwlé vɔ̌sánú ɖě mì ǎ. Nǔkplɔ́nmɛ ce lɛ́ɛ e a wɔn ɔ́ wú wɛ nyi lɔmɔ̌ ná wɔn vǐ towe lɛ́ɛ.

Ozée 5:8

“Mi kún lanzo ɖo Giveya, mi kún kpɛn ɖo Hlama! Mi sú xó ɖo Bɛti-Awɛni. Akɔta Bɛnjamɛ́ɛ tɔn, kpɔ́n gǔdo towe.

Ozée 6:7

“Yě gba akɔ e un jɛ xá yě ɔ́, gbɛtɔ́ lɛ́ɛ ɖɔhun. Nǔ e yě wa bó dó jɛ do nú mì é nɛ́.

Ozée 9:15

Mawu Mavɔmavɔ ɖɔ: “Adǎnú e yě wa ɔ́ bǐ jɛ wěxo ɖo Gilugalu. Sín fínɛ́ wɛ un jɛ wǎn gbɛ́ nú yě ɖe jí. Hǔn, un ná nya yě sín xwé ce gbe, ɖó nǔ nyanya e yě wa lɛ́ɛ wú. Un sɔ́ ná yí wǎn nú yě ɖě ǎ. Gǎn yětɔn lɛ́ɛ bǐ wɛ nyí gǔfɔ́ntɔ́.

Jowɛ́li 2:1

Mi kún kpɛn ɖo Sinyɔ́ɔ. Mi kún kpɛn lélé ɖo só mímɛ́ ce jí. Mi mɛ e ɖo to ɔ́ mɛ lɛ́ɛ bǐ ní sísɔ́, ɖó Mawu Mavɔmavɔ zán ɔ́ ja; é kó sɛkpɔ́.

Jowɛ́li 2:15

Mi kún kpɛn ɖo Sinyɔ́ɔ. Mi jlá ɖɔ è nǐ blá nu. Mi ylɔ́ mɛ bǐ kplé.

Amɔ́si 3:6

Ahwankpɛn nɔ jɛ gbe ɖo toxo ɖé mɛ, bɔ ado nɔ gɔn mɛ e ɖo toxo ɔ́ mɛ lɛ́ɛ hu a? Awě nɔ́ xo toxo ɖé Mawu Mavɔmavɔ mɛ vo a?

Amɔ́si 8:3

Gbe énɛ́ ɔ́ gbe ɔ́, hansinɔ e ɖo sinsɛnxɔ mɛ lɛ́ɛ ɔ́, gbɛvíhan wɛ yě ná dó. Cyɔ ná ɖo kpɔ́ gégé, bɔ è ná bɛ́ yě kɔn nyi gbě gbɔn fí bǐ; ahwi ná xo to ɔ́ bǐ.”

Amɔ́si 9:1

Un mɔ Aklúnɔ ɖo te ɖo vɔ̌sákpe ɔ́ jí, bɔ é ɖo ɖiɖɔ wɛ ɖɔ: “Hɔ̌ azakpo lɛ́ɛ bónú dotín lɛ́ɛ ní mu. Zě azakpo lɛ́ɛ dó vó ta nú yě bǐ. Zě hwǐ dó hu mɛ e kpo lɛ́ɛ ná. Yě mɛ ɖěbǔ sixú hɔn bó gán ǎ. Yě mɛ ɖěbǔ ná hɔn yi ǎ.

Xabakúku 1:8

Sɔ́ tɔn lɛ́ɛ yá afɔ hú kpɔ. Yě bí hú hla e ɖo gbadagbé nya wɛ é. Sɔ́xátɔ́ tɔn lɛ́ɛ jǎwe kpódó goyíyí kpó, yě jǎwe sín zɔ. Yě kpɔ́ ja gangan ɖo nǔ ná sá wɛ ɖɔhun.

Sofoníi 1:16

Gbe énɛ́ gbe ɔ́, sɔ́ja lɛ́ɛ ná kún lanzo, bó ná ɖo acéjí bó ná tɔ́n ahwan toxo e è mɛ ahohó lɛ́ lɛ̌ dó lɛ́ɛ, bó ná tɔ́n ahwan mɛcɔ́tɔ́xɔ lɛ́ɛ.

Zakalíi 11:1

Libáan e, hun hɔn towe lɛ́ɛ kɛ́, bónú myɔ ní fyɔ́ sɛ́dlutín towe lɛ́ɛ.

Zakalíi 9:14

Mawu Mavɔmavɔ ná tɔ́n ɖo togun tɔn sín ta nu. Gǎ e é ná da ɔ́ ná yi jǐkɛwun ɖɔhun. Aklúnɔ Mavɔmavɔ ná kún kpɛn. É ná zɔn jǐ ɖaxó ɖé mɛ wá; jǐ ɔ́ ná ɖo jija wɛ kpó jɔhɔn kpó.

Matíe 24:28

Fí e nǔkúkú ɖe ɔ́, fínɛ́ wɛ aklasú lɛ́ɛ nɔ kplé ɖe.

1 Kɔlɛ́ntinu 15:52

ɖo cɛ́jú mɛ, ɖo nukún xwixwe ɖokpó mɛ, hwenu e kpɛn gǔdo gúdo tɔn ɔ́ ná ɖɔ nǔ é; ɖó hwenu e kpɛn ɔ́ ná ɖɔ nǔ ɔ́, mɛ e kú lɛ́ɛ ná fɔ́n, bó ná nyí mɛ e ma sɔ́ ɖó ná kú ǎ é, bɔ è nǎ húzú mǐ bǐ.

Sɛ́nflínmɛ 28:49

Mawu Mavɔmavɔ ná sɛ́ akɔta ɖokpó dó mi sín zɔ vóéé, sín fí e gbɛ ɔ́ kponu ɖó é, bɔ mi ná se gbe e é nɔ́ dó ɔ́ ǎ; akɔta ɔ́ ná kplɔ́ bó wá zɔn mi jí lě e gangan nɔ sá nǔ gbɔn ɔ́.