Biblia Todo Logo
Bìoball air-loidhne

- Sanasan -




Ozée 7:8 - MAWUXÓWÉMA

8 Akɔta Eflayímu tɔn ɔ́ cáká dó togun lɛ́ɛ mɛ. Akɔta Eflayímu tɔn ɔ́ cí atá e è ma húzú ǎ é ɖɔhun.

Faic an caibideil Dèan lethbhreac




Ozée 7:8
15 Iomraidhean Croise  

Ée yě kplé ɔ́, Elíi sɛkpɔ́ yě, bó ɖɔ: “Hwetɛ́nu wɛ mi ka ná sɛn nǔ we yi jɛ? Mi sɔ́ ɖokpó bó sɛn. Ényí Mawu Mavɔmavɔ wɛ ɖó acɛ nǔgbó hǔn, mi bo sɛn ɛ. É ká nyí vodún Baalu wɛ ɖó acɛ nǔgbó hǔn, mi bo sɛn ɛ!” Ée é ɖɔ mɔ̌ ɔ́, mɛɖé kɛ nu ɖo yě mɛ ǎ.


Ée nǔ énɛ́ lɛ́ɛ jɛ gúdo ɔ́, togun ɔ́ sín gǎn ɖé lɛ́ɛ wá ɖɔ nú mì ɖɔ: “Mɛ kpaa lɛ́ɛ kpó vɔ̌sánú-xwlémawutɔ́ lɛ́ɛ kpó, kpódó Levíi ví lɛ́ɛ kpó ɖě nɔ zɔ nú to ɔ́ mɛ nu lɛ́ɛ ǎ. Yě nɔ́ zán walɔ nyanya e Kanáanu lɛ́ɛ, Hitíti lɛ́ɛ, Pɛliziti lɛ́ɛ, Jebuzinu lɛ́ɛ, Amumɔ́ɔ ví lɛ́ɛ, Mɔwabunu lɛ́ɛ, Ejípunu lɛ́ɛ, kpódó Amɔliti lɛ́ɛ kpó nɔ zán é.


Mi bo ma ná vǐ mitɔn mɛ énɛ́ lɛ́ɛ e ma nyí Jwifu nyɔ̌nu ǎ lɛ́ɛ sín vǐ nú yě da ó; mi ma ka da asi nú vǐ súnnu mi ɖésúnɔ tɔn lɛ́ɛ ɖo yě mɛ ó. Akɔta énɛ́ lɛ́ɛ e ma nɔ sɛn Mawu ǎ lɛ́ɛ ɔ́, ɖagbe yětɔn abǐ nyanya yětɔn ɖě ní má myá nukún nú mi gbeɖé ó. Mɔ̌ wɛ mi ná wa nǔ gbɔn, bó ná nyí togun hlɔ̌nhlɔ́nnɔ, lobo ná ɖu nǔ ɖagbe e ɖo to ɔ́ mɛ lɛ́ɛ sín gbɛ, bó ná jó dó nú vǐ mitɔn lɛ́ɛ, bɔ yě ná ɖu gǔ tɔn káká sɔ́yi.’


Yě dǒ xɔ́ntɔn akɔta énɛ́ lɛ́ɛ, yě jɛ walɔ yětɔn lɛ́ɛ xwedó jí.


Akɔta Eflayímu tɔn ɔ́ mɔ azɔn e jɛ wɛ é ɖe ɔ́. Akɔta Judáa tɔn ɔ́ mɔ akpa e ɖo wǔ tɔn ɔ́. Énɛ́ ɔ́, Eflayímu yi Asilíi bó ɖɔ xó nú Axɔ́sú Đaxó ɔ́; lo ɔ́, axɔ́sú énɛ́ ɔ́ sixú gbɔ azɔn nú mi ǎ, é ká sixú mɔ nǔɖé dó hu akpa mitɔn lɛ́ɛ ná ǎ.


Yě nɔ gbejí nú Mawu Mavɔmavɔ ǎ, ɖó yě ji agaví. Din ɔ́, sun ɖokpó kó kpé bɔ è nǎ vɔ yě kpó nǔ e yě ɖó lɛ́ɛ bǐ kpó.”


Jǒnɔ lɛ́ɛ ɖo da vɔ́ n'i wɛ, é ká tunwun ǎ. É ɖo kpikpo wɛ, bó ká tunwun ǎ.


Eflayímunu lɛ́ɛ ná sixú nɔ Mawu Mavɔmavɔ sín to ɔ́ mɛ ǎ, yě ɖǒ ná lɛ́ kɔ yi Ejípu, abǐ Asilíi, bó ná yi ɖu nǔ e vɛ́ yě lɛ́ɛ.


Un ná sú mɛ e nɔ xá xɔ ta, bo nɔ sɛn sun kpó hwe kpó lɛ́ɛ sín kún dó. Mɛ e nɔ ɖɔ émí ná nɔ gbejí nú nyɛ Mawu Mavɔmavɔ, bɔ é ká lɛ́ yá ɔ́, yě nɔ́ ɖɔ émí ná nɔ gbejí nú vodún Mɔlɛ́ki lɛ́ɛ ɔ́, un ná sú mɛ énɛ́ lɛ́ɛ bǐ sín kún dó.


Judáa mɛ lɛ́ɛ ɖe akpá e yě dó ɔ́ ǎ. Yě wa nǔdábaɖa lɛ́ɛ ɖo Jeluzalɛ́mu kpódó Izlayɛ́li to ɔ́ bǐ kpó mɛ. Nǔgbó ɔ́, yě ké ya nú tɛn mímɛ́ e xɔ akwɛ́ ɖo Mawu Mavɔmavɔ nukún mɛ ɔ́ ǎ, bó da nyɔ̌nu e nɔ sɛn vodún lɛ́ɛ.


“Mɛ ɖé sixú sɛn gǎn we ǎ; ɖó é ná gbɛ́ wǎn nú mɛ ɖě, bo na yí wǎn nú mɛ ɖě; abǐ é ná se tónú nú mɛ ɖě, bo na vɛ́ tóli nú mɛ ɖě. Mi sixú sɛn Mawu bo lɛ́ sɛn dɔkun ǎ.”


Lean sinn:

Sanasan


Sanasan