Ozée 7:7 - MAWUXÓWÉMA

⁷ Yě bǐ wɛ hun zo myɔkpó ɖɔhun. Yě nɔ́ vívá gǎn yětɔn lɛ́ɛ sín kún. Axɔ́sú yětɔn lɛ́ɛ bǐ jɛ ayǐ, yě mɛ ɖěbǔ ylɔ̌ mì ǎ.

Ozée 7:7 Iomraidhean Croise

1 Axɔ́sú 15:28

Hwenu e Asa ɖo xwe atɔn bló wɛ ɖo axɔ́súzinkpo Judáa tɔn jí ɔ́ wɛ Baeca hu axɔ́sú Nadabu bo yí zinkpo ɔ́.

1 Axɔ́sú 16:18

Ée Zimuli mɔ ɖɔ è ko yí toxo ɔ́ é ɔ́, é hɔn yi xɔ ɖokpó mɛ ɖo hɔn ɔ́ mɛ, lobo dó xwé ɔ́ zo dó ta nú éɖée, bó kú.

1 Axɔ́sú 16:22

Wǎgbɔ wǎgbɔ ɔ́, mɛ e ɖo Ɔmúli jí lɛ́ɛ ɖu ɖo mɛ e ɖo Tivuni Gináti ví ɔ́ jí lɛ́ɛ jí. Tivuni ɔ́ ká kú, bɔ Ɔmúli ɖu axɔ́sú.

2 Axɔ́sú 10:14

Ée yě ɖɔ mɔ̌ ɔ́, Jehu ɖɔ: “Mi wlí yě gbɛɖe gbɛɖe.” Bɔ mɛ tɔn lɛ́ɛ wlí yě gbɛɖe gbɛɖe, bó gbo gbe yě, bó bɛ́ yě kɔn nyi dotɔ e ɖo Gbɔ̌fúnkpatɛn ɔ́ mɛ. Yě mɛ kanɖé-nukún-we (42) wɛ. Jehu jǒ mɛ ɖěbǔ dó nyi gbɛ ǎ.

2 Axɔ́sú 10:7

Ée yě mɔ wěma ɔ́, yě bɛ́ axɔ́sú ɔ́ sín vǐ kanɖé gban (70) lɛ́ɛ, bó gbo ta yě bǐ, bó bɛ́ ta yětɔn dó xasun mɛ, bo sɛ́ dó Jehu ɖo Izleyɛ́li.

2 Axɔ́sú 15:10

Calúmu Yavɛ́ci ví ɔ́ blá Zakalíi gbé bó hu i ɖo agbawungba, bó jɛ tɛn tɔn mɛ.

2 Axɔ́sú 15:14

Mɛnahɛmu Gadíi ví ɔ́ gosín Tíisa, bó wá Samalíi, lobo hu Calúmu, bó jɛ tɛn tɔn mɛ.

2 Axɔ́sú 15:25

Pekáxi Hlemaliyahu ví ahwangán Pekaxíya tɔn ɔ́ blá gbě tɔn, bó tɔ́n ahwan ɛ ɖo Samalíi ɖo xɔ ɖokpó mɛ, ɖo hɔnmɛ, bó hu i; é hu Aagɔ́vu kpó Aliyé kpó lɔmɔ̌. Galadinu kanɖé wǒ (50) wɛ é kplá dó éɖée jí bó yi fun ahwan ɔ́. Mɔ̌ wɛ é hu Pekaxíya gbɔn, bó ɖu axɔ́sú ɖó tɛn tɔn mɛ.

2 Axɔ́sú 15:30

Ozée Ela ví ɔ́ blá Pekáxi sín gbě bo hu i, bó ɖu axɔ́sú ɖó tɛn tɔn mɛ. Yotámu Oziyási ví ɔ́ ɖo xwe ko bló wɛ ɖo axɔ́súzinkpo Judáa tɔn jí hwenɛ́nu.

2 Axɔ́sú 9:24

Ée Yolámu hɔn bo ɖo yiyi wɛ ɔ́, Jehu sɔ́ gǎ tɔn, bó da ɛ dó abɔ̌ mɛ, bɔ é xo hǔn tɔn zlɛ́, bɔ é yɔ́ cí kɛkɛ́ví tɔn mɛ.

2 Axɔ́sú 9:33

Jehu ɖɔ nú yě ɖɔ: “Mi sɔ́ ɛ nyi gbɔn flɛtɛ́li ɔ́ nu sɛ́ dó mì ɖo do dě.” Ée é ɖɔ mɔ̌ ɔ́, yě sɔ́ ɛ nyi gbɔn flɛtɛ́li ɔ́ nu, bɔ é wá jɛ ayǐ, bɔ hun tɔn zlɔ́n kɔn nyi dǒ ɔ́ kpó sɔ́ lɛ́ɛ kpó wú, bɔ Jehu kun kɛkɛ́ví tɔn gbɔn jǐ tɔn dín.

Jɔ̌bu 36:13

Mɛdídá lɛ́ɛ nɔ ɖo xomɛsin jí. Nú yě wǎ byɔ́ hɔzɔ mɛ lo ɔ́, yě nɔ́ byɔ́ ɖɔ è nǐ wǎ gɔ́ alɔ nú émí ǎ.

Ɖɛhan 14:4

Mawu Mavɔmavɔ ɖɔ: “Mɛ e nɔ wa nǔ nyanya lɛ́ɛ bǐ jɛ́n ɖo manywɛ́ mɛ a? Yě nɔ́ ɖo togun ce wɔ ɖu wɛ; nǔɖuɖu yětɔn nɛ́. Yě nɔ́ sɛn mì ǎ.”

Ezayíi 43:22

Mawu ɖɔ: “Izlayɛ́li, nyɛ wɛ a nɔ ylɔ́ ǎ; Jakɔ́bu togun, kɔ wɛ un ko ci nú we.

Ezayíi 64:4

Mɛ e nɔ xwedó hwɛjijɔ kpó awǎjijɛ kpó lɛ́ɛ ɔ́, mɛ e nɔ́ nɔ ali towe jí bó nɔ́ flín we lɛ́ɛ ɔ́, a nɔ wá yě gɔ́n. A sin xomɛ ɖó nǔwanyido mǐtɔn lɛ́ɛ wú. Lo ɔ́, ali xóxó e a ɖe nú mǐ ɔ́ wɛ mǐ ná mlɛ́ bó ná mɔ hwlɛngán.

Ezayíi 64:6

Mɛ ɖé sɔ́ nɔ́ xomlá we ǎ. Mɛ ɖé sín ayi ka sɔ́ mɔ nǔ bónú é ná wá su we ǎ. Đó a ɖe kɔ dó mǐ, a jǒ mǐ dó nyi hwɛgban mǐtɔn lɛ́ɛ glɔ́.

Ezayíi 64:7

Nǔ ká ɖo mɔ̌ có, Mawu Mavɔmavɔ, hwi wɛ nyí tɔ́ mǐtɔn. Mǐdɛɛ lɛ́ɛ ɔ́, ko wɛ mǐ nyí, hwi wɛ ka nyí zɛ̌nmɛtɔ́ ɔ́; mǐ bǐ wɛ nyí alɔ towe nǔwiwa.

Ezayíi 9:13

Énɛ́ ɔ́ wú wɛ Mawu Mavɔmavɔ zé kéze ɖokpó ɖó te, bó gbo ta Izlayɛ́li, bó sɛ́n sí tɔn; é sɛ́n děma kpó fántín kpó.

Ezekiyɛ́li 22:30

Un ba mɛ e ná sixú yí gbe ɖo yě mɛ bó mɛ ahohó lɛ́ lɛ̌ dó to é, mɛ e ná nɔ te ɖo fí e ahohó ɔ́ mu ɖe é ɖo nukɔn ce é, bó ná jɛ ahwan to ɔ́ jí, bónú un ma gba to ɔ́ ó é. Un ba mɛ mɔ̌hun ɖo yě mɛ, un ka mɔ mɛɖé ǎ.

Daniyɛ́li 9:13

Mawu Mavɔmavɔ, Mawu mǐtɔn, nyladó énɛ́ lɛ́ɛ bǐ jɛ dó mǐ jí lě e è wlǎn dó Mɔyízisɛ́n ɔ́ mɛ gbɔn é, bɔ mǐ ka sa vo nú we, bó fá xomɛ nú we ǎ, mǐ ka lɛ́ kɔ sín hwɛ mǐtɔn lɛ́ɛ gúdo ǎ, mǐ ké ya nú gbeta e a ɖe tɔ́n é ǎ.

Ozée 13:10

Fítɛ́ axɔ́sú mitɔn ɔ́ ká ɖe? É ní bó hwlɛ́n mi gán gbɔn toxo ɖaxó mitɔn lɛ́ɛ bǐ mɛ bó! Tonukún mitɔn lɛ́ɛ e mi nɔ ɖɔ ná ɖɔ yě ní sɔ́ axɔ́sú ɖokpó nǔ émí, bó lɛ́ sɔ́ gǎn nú émí lɛ́ɛ ɔ́, fítɛ́ yě ɖe?

Ozée 5:15

Mawu Mavɔmavɔ ɖɔ: “Un ná yi, un ná yi nɔ xwé ce gbe, káká jɛ hwenu e yě ná tunwun ɖɔ émí wa nǔ nyi do bó ná lɛ́ kɔ wá gɔ̌n ce dó é. Nú adǎn kó jɛ yě gbo jí ɔ́, yě ná ba mì mɔ.”

Ozée 7:10

Go e yí wɛ togun Izlayɛ́li tɔn ɔ́ ɖe ɔ́ kó ɖe nǔ e é nyí ɔ́ xlɛ́. Yě lɛ́ kɔ wá Mawu Mavɔmavɔ, Mawu yětɔn ɔ́ gɔ́n ǎ. Nǔ énɛ́ lɛ́ɛ bǐ jɛ có, yě ɖo biba ɛ wɛ ǎ.

Ozée 7:14

Yě nɔ́ sú xó ylɔ́ mì kpó ayi yětɔn kpó ǎ, bó ká nɔ́ ɖo vo sa wɛ ɖo adɔ̌zan yětɔn lɛ́ɛ jí. Yě nɔ́ já wǔtu bó ná dó mɔ jinukún kpó vɛ̌ɛn yɔ̌yɔ́ kpó. Gǔ fɔ́n dó jǐ ce wɛ yě ká ɖe mɔ̌.

Ozée 8:4

Yě nɔ́ sɔ́ axɔ́sú nyɛ mɛ vo. Yě nɔ́ sɔ́ gǎn ma kan nǔɖé byɔ́ mì. Yě zé kpatágan yětɔn kpó siká yětɔn kpó dó bló vodún ná. Énɛ́ ɔ́ wú wɛ kún yětɔn ná sú dó.

Micée 2:1

Heelú mɛ e nɔ mlɔ́ ayǐ zǎn mɛ bó nɔ gɔn amlɔ dɔ́, bó nɔ ɖo nǔ nyanya e yě ná wa dó nɔzo yětɔn wú wɛ lɛ́ɛ lin wɛ lɛ́ɛ! Yě mɛ e ayǐ hɔ́n lě tlóló ɔ́, yě nɔ́ wa nǔ e yě lin ɔ́, ɖó yě ɖǒ acɛ tɔn.