Ozée 7:4 - MAWUXÓWÉMA

⁴ Yě bǐ wɛ dó afɔ gbě. Yě cí myɔkpó e wɔ̌xúxúɖatɔ́ xo zo dó, bɔ é sɛ́ káká bó má sɔ́ byɔ́ ɖɔ é ní xo zo dó sín hwenu e é nya linfín ɔ́ dó káká bɔ é wá fɔ́n ǎ é ɖɔhun.

Ozée 7:4 Iomraidhean Croise

Jelemíi 23:10

“Mɛ e nɔ dó afɔ gbě lɛ́ɛ wɛ gɔ́ to ɔ́. To ɔ́ bǐ ɖo aluwɛ mɛ, ɖó Mawu dó nu to ɔ́. Ayǐkúngban wɛnjɛ e ɖo gbětótló mɛ é bǐ xú; nǔ nyanya wiwa wɛ yě nɔ́ hwlɛ́n dó, nǔ nyanya wiwa kɛ́ɖɛ́ wú jɛ́n yě nɔ́ ván kan dó.”

Jelemíi 9:1

Ényí fí e alitanu lɛ́ɛ nɔ gbɔjɛ́ ɖe ɖo gbětótló mɛ ɔ́ ɖě wɛ un sixú mɔ din ɔ́, un ná jó togun ce dó, bó hɔn yi zɔ n'i bǐ. Đó yě bǐ wɛ dó afɔ gbě; yě bǐ wɛ nyí mɛsaɖutɔ́.

Jelemíi 9:2

Mawu Mavɔmavɔ ɖɔ: “Yě ɖo adingban ɖó wɛ ɔ́, a nǎ ɖɔ gǎ wɛ bó ɖo nu yětɔn mɛ, bɔ yě ɖo dida wɛ. Adingban wɛ kplá hwǐ bɔ é sɛ ayǐ ɖo to ɔ́ mɛ; nǔgbó ɖó acɛ ǎ. Đó yě fɔ́n ɔ́, yě nɔ́ ɖo dǎka xo dó dǎka jí wɛ. Yě tunwun nyɛ Mawu Mavɔmavɔ ɔ́ ǎ.

Ozée 4:10

Yě ná nɔ ɖu nǔ káká, bó ká ná nɔ́ gɔ́ xo ǎ. Yě ná nɔ lɛ aga káká, yě ká ná ji vǐ ǎ. Đó yě jó mì dó, yě jó nyɛ Mawu Mavɔmavɔ ɔ́ dó bó jɛ aga lɛ jí.

Ozée 4:12

Togun ce yi kan nǔ ɖo atín vodún tɔn ɔ́ gɔ́n; é ɖɔ vodún ɔ́ ní ɖɔ xó nú émí. Aga jɔhɔn dɔn yě bú. Yě klán sín nyɛ Mawu yětɔn ɔ́ wú, yě dó afɔ gbě.

Ozée 4:2

Nu jɛ́n yě nɔ́ dó nɔzo yětɔn, yě nɔ́ ɖó adingban, yě nɔ́ hu mɛ, yě nɔ́ ja ajo, yě nɔ́ lɛ aga. Asú wɛ yě nɔ́ fán mɛ; yě fɔ́n ɔ́, mɛ hu wɛ jɛ́n yě nɔ́ ɖe.

1 Kɔlɛ́ntinu 5:6

Go e yí wɛ mi ɖe ɔ́ nyí nǔ ɖagbe ɖé ǎ. Mi tunwun lǒ élɔ́: “Tɔ́n kpɛví ɖé wɛ nɔ fɔ́n linfín e è nya ɔ́ bǐ.”

Jaki 4:4

Nǔ gbejímánɔ-númawutɔ́ élɔ́ lɛ́ɛ! Mi tunwun ɖɔ è zun xɔ́ntɔn xá gbɛ ɔ́, Mawu sín kɛntɔ́ wɛ è nyǐ ǎ cé? Mɛ e jló ná nyí gbɛmɛ fí sín nǔ lɛ́ɛ sín xɔ́ntɔn ɔ́ nɔ sɔ́ éɖée dó húzú Mawu sín kɛntɔ́.