Ozée 7:2 - MAWUXÓWÉMA

² Yě lɛ̌n gbeɖé ɖɔ un ɖo dǎka e émí xo lɛ́ɛ bǐ flín wɛ ǎ. Din ɔ́, nǔ nyanya e yě wa lɛ́ɛ lɛ́ lɛ̌ dó yě. Un mɔ bǐ.

Ozée 7:2 Iomraidhean Croise

Jɔ̌bu 34:21

Đó Mawu nɔ mɔ lě e zán gbɛ gbɔn wɛ mɛ bǐ ɖe ɔ́, nukún tɔn ɖo afɔ e ɖe wɛ mɛ ɖokpó ɖokpó ɖe ɔ́ wú.

Ɖɛhan 10:11

Mɛdídá nɔ́ ɖɔ dó ayi mɛ ɖɔ: “Mawu nɔ́ wɔn nǔ, é nɔ́ ɖe kɔ dó nǔ e wa wɛ un ɖe lɛ́ɛ, é nɔ́ mɔ nǔɖé gbeɖé ǎ.”

Ɖɛhan 25:7

Ma flín hwɛ e un ko hu ɖo wǐnnyáwínnyá mɛ lɛ́ɛ ó, ma flín gǔ e un fɔ́n lɛ́ɛ ó, kpɔ́n dó nǔbláwǔkúnúmɛ towe wú, bó flín mì, ɖó Mawu Mavɔmavɔ, xomɛnyɔ́tɔ́ wɛ a nyǐ.

Ɖɛhan 50:22

Mi mɛ e nɔ wɔn nyɛ Mawu lɛ́ɛ ɔ́, nǔ e mi ná tunwun é nɛ́, é má nyí mɔ̌ ǎ ɔ́, un ná vúnvún mi, mɛ e ná yí mi sín así ce ɔ́ ná ɖe ǎ.

Ɖɛhan 9:16

Akɔta e ma nɔ sɛn we ǎ lɛ́ɛ jɛ do e yě ɖésúnɔ kun ɔ́ mɛ; yě jɛ mɔ e yě ɖésúnɔ ɖó é mɛ.

Ɖɛhan 90:8

A nɔ ɖe hwɛ e mǐ hu lɛ́ɛ bǐ gba; nǔ e mǐ wa ɖo nǔglɔ́ lɛ́ɛ bǐ wɛ ɖo wěziza nu ɖo nukɔn towe.

Ezayíi 1:3

Nyibú nɔ́ tunwun mɛ e ɖó e é, tócí nɔ́ tunwun mɛ e nɔ ná nǔɖuɖu i é. Lo ɔ́, Izlayɛ́li ví lɛ́ɛ tunwun mì ǎ, togun ce Izlayɛ́li mɔ nǔ jɛ nǔɖé wú ǎ.”

Ezayíi 26:16

Mawu Mavɔmavɔ, adǎn ɖo gbigbo mǐ wɛ ɔ́, hwi wɛ mǐ nɔ́ hɔn wá su; a ɖo tó dɔn nú mǐ wɛ ɔ́, mǐ nɔ́ sa vo nú we dó ayi mɛ.

Ezayíi 44:19

Yě ɖě nɔ́ lin tamɛ kpɔ́n ǎ; ayi yě ɖě tɔn ɖo te ǎ; yě ɖě ká ɖó nǔnywɛ́ bó ná ɖɔ: “Un dó atín e un sɛ́n ɔ́ vlɔ̌ zo, bó ɖa nǔ e un ɖu ɔ́ ɖo akán tɔn jí, un mɛ lan ɖ'é jí bó ɖu. Atín e kpo ɔ́ un sɔ́ dó kpa bǒcyɔ ná, bǒcyɔ suɖunú ná. Atín yǎyá kpowun nukɔn wɛ un nɔ jɛ kpo ɖe din.”

Ezayíi 5:12

Yě nɔ́ nu ahan mú, bó nɔ́ dó hǔn gbe, bó nɔ́ j'awǎ; yě nɔ́ xo kanhún, bó nɔ́ xo gbǎhún, yě nɔ́ kún kpete. Lo ɔ́, yě nɔ́ tunwun ɖɔ Mawu Mavɔmavɔ ɖo azɔ̌ wa wɛ ǎ; yě nɔ́ mɔ azɔ̌ e wa wɛ é ɖe ɔ́ ǎ.

Jelemíi 14:10

Xó e Mawu Mavɔmavɔ ɖɔ dó togun tɔn wú ɔ́ ɖíe, é ɖɔ: “Wezun kán yi dě yi dě wɛ nɔ víví nú yě. Yě nɔ́ sixú hwíhwɛ́ hǔn bó nɔ tɛndo ɖokpó mɛ ǎ.” Mawu Mavɔmavɔ ɖɔ mɔ̌ ɖó nǔ yětɔn nyɔ́ nukún tɔn mɛ ǎ; é wɔn hwɛ e yě hu lɛ́ɛ ǎ; é ná dɔn tó tɔn nú yě.

Jelemíi 16:17

Đó nǔ e wa wɛ yě ɖe lɛ́ɛ bǐ mɔ wɛ un ɖe, ɖě ɖo nǔglɔ́ nú mì ǎ; hwɛ e hu wɛ yě ɖe lɛ́ɛ bǐ mɔ wɛ un ɖe.

Jelemíi 17:1

Mawu ɖɔ: “Hwɛ e Judáa togun ɔ́ hu ɔ́ cí nǔwlánwlán e è zě ganswe abǐ diamáaswe dó kun dó nǔ mɛ ɔ́ ɖɔhun. È wlǎn dó ayi yětɔn mɛ; è wlán dó vɔ̌sákpe yětɔn lɛ́ɛ sín zwe lɛ́ɛ mɛ.

Jelemíi 2:19

Nǔ nyanya wiwa towe ná wa nǔ xá we; gbejí ma nɔ towe ná dɔn tó nú we, bɔ a nǎ mɔ ɖɔ nyɛ Mawu Mavɔmavɔ, Mawu towe e a jǒ dó ɔ́, tɛn ce mɛ e a ma tunwun nú mì ǎ ɔ́ ná vlɛ́ nu nú we; é ná nylá nú we ɖésú. Xó e nyɛ Aklúnɔ Mavɔmavɔ Nǔbǐwúkpétɔ́ ɔ́ ɖɔ ɔ́ nɛ́.”

Jelemíi 32:19

Hwi wɛ ɖó tito ɖaxó ɖaxó lɛ́ɛ, bó nɔ́ kpé yě wǔ bó nɔ́ bló. A nɔ kpɔ́n nǔ e wa wɛ mɛ ɖokpó ɖokpó ɖe ɔ́ céɖécéɖé, lobo nɔ́ bló nǔ nú mɛ ɖokpó ɖokpó, bɔ é nɔ́ sɔgbe xá lě e é zán gbɛ tɔn gbɔn é, bó nɔ́ sɔgbe xá nǔ e é bló lɛ́ɛ.

Jelemíi 4:18

Jeluzalɛ́mu, nǔ e a dǒ sin lɛ́ɛ sín le nɛ́! Dǎka e a xo lɛ́ɛ sín le nɛ́! Awě e xo we ɔ́ vɛ́ dín. É hun káká yi ayi towe mɛ.”

Jelemíi 44:21

“Zǎlínkpɔ́n e mi kpó tɔ́gbó mitɔn lɛ́ɛ kpó axɔ́sú mitɔn lɛ́ɛ kpó gǎn mitɔn lɛ́ɛ kpó, kpódó togun ɔ́ bǐ kpó nɔ́ dó zo gbɔn Judáa toxo lɛ́ɛ mɛ, bó nɔ́ dó zo ɖo Jeluzalɛ́mu li lɛ́ɛ jí ɖ'ayǐ ɔ́, mi tunwun ɖɔ Mawu Mavɔmavɔ flín ǎ cé? É wɔn wɛ mi vɛdó a?

Ezekiyɛ́li 21:29

Énɛ́ ɔ́ wú ɔ́, nyɛ Aklúnɔ Mavɔmavɔ ɖo ɖiɖɔ nú yě wɛ ɖɔ: Nǔ e dó sin wɛ mi ɖe lɛ́ɛ nɔ́ flín agɔ e mi jɛ lɛ́ɛ mì hwebǐnu; nǔwiwa mitɔn lɛ́ɛ nɔ́ ɖe hwɛ e mi nɔ hu lɛ́ɛ kpó nǔ e mi nɔ dó sin lɛ́ɛ kpó nyi wěxo. Ée mi ma jló ná jó hwɛhuhu dó ǎ é ɔ́, un ná jó mi nú kɛntɔ́.

Ozée 12:2

Eflayímunu lɛ́ɛ nɔ sa ami nú Ejípunu lɛ́ɛ. Xɔ́ntɔn zun wɛ yě ɖe gbɔn mɔ̌ nɛ́. Xɔ́ntɔn énɛ́ lɛ́ɛ e zun wɛ yě ká ɖe ɔ́, nǔ wa dó jɔhɔn mɛ wɛ yě ɖe. Asilíinu lɛ́ɛ e nu alɛ xá wɛ yě nɔ́ ɖe ɔ́, jɔhɔn e nɔ xú nǔ bǐ ɔ́ wɛ yě nyǐ, bɔ yě ɖo gǔdo yětɔn ayǐhɔ́ngbe ayǐhɔ́ngbe. Yě nɔ́ fɔ́n, bó nɔ ɖo adingban ɖó wɛ, bó nɔ́ ɖo dǎka xo wɛ.”

Ozée 4:9

Amɔ̌, nǔ e gbo togun ɔ́ wɛ ná gbo mɛ e nɔ xwlé vɔ̌sánú mì lɛ́ɛ. Lě e yě zán gbɛ gbɔn ɔ́ sín tó wɛ un ná dɔn nú yě.

Ozée 6:2

É ná sɔ́ azǎn we ɖó te, bó ná dó vɔ́ gbɛ ná mǐ, bɔ azǎn atɔngɔ́ ɔ́ gbe ɔ́, é ná zé mǐ sí te, bɔ mǐ ná nɔ gbɛ ɖo gɔ̌n tɔn.

Ozée 8:13

Yě nɔ́ hu kanlin dó sá vɔ̌ ɖó lan ná ɖu wú, bɔ é nyí nyɛ sá vɔ̌ ná wɛ yě ɖe. Nǔ énɛ́ lɛ́ɛ wɛ nɔ́ hun xomɛ nú nyɛ Mawu Mavɔmavɔ ɔ́ ǎ. Nyɛ Mawu Mavɔmavɔ ɔ́, un flín hwɛ e yě hu lɛ́ɛ din, bó ná dɔn tó tɔn nú yě: yě ná lɛ́ kɔ yi Ejípu.

Ozée 9:15

Mawu Mavɔmavɔ ɖɔ: “Adǎnú e yě wa ɔ́ bǐ jɛ wěxo ɖo Gilugalu. Sín fínɛ́ wɛ un jɛ wǎn gbɛ́ nú yě ɖe jí. Hǔn, un ná nya yě sín xwé ce gbe, ɖó nǔ nyanya e yě wa lɛ́ɛ wú. Un sɔ́ ná yí wǎn nú yě ɖě ǎ. Gǎn yětɔn lɛ́ɛ bǐ wɛ nyí gǔfɔ́ntɔ́.

Ozée 9:9

Yě kpo nú nǔ kwíji kwíji wiwa kɛ́ɖɛ́ lě e yě bló gbɔn ɖo Giveya ɖ'ayǐ xóxó ɔ́ ɖɔhun. Mawu Mavɔmavɔ ná flín nǔ e yě wa nyi do ɔ́. É ná dɔn hwɛ e yě hu ɔ́ sín tó nú yě.

Amɔ́si 8:7

Mawu Mavɔmavɔ xwlé nǔ bó ɖɔ: “Un xwlé to e wú Izlayɛ́li ví lɛ́ɛ ɖo afɔ tɛ ayǐ wɛ sɔ mɔ̌ ɔ́, ɖɔ un kún ná wɔn lě e mi nɔ wa nǔ gbɔn lɛ́ɛ gbeɖé ó.”

Jonási 1:2

“Jonási, yi toxo ɖaxó e è nɔ ylɔ́ ɖɔ Ninívu ɔ́ mɛ din tlóló, bó ɖó hwɛ n'i, ɖó agbɔ̌n kpé mì dó dǎka e xo wɛ to ɔ́ mɛ nu lɛ́ɛ ɖe ɔ́ wú.”

Kɛ́nsísɔ́ 32:23

Lo ɔ́, ényí mi ma wa nǔ gbɔn mɔ̌ ǎ ɔ́, mi hu hwɛ dó Mawu Mavɔmavɔ. Mi ka ná tunwun ɖɔ hwɛ e mi hu ɔ́ ji nǔɖé ɔ́, mi ná kpan.

Luki 12:2

Nǔɖé ɖo nǔglɔ́, bó ná gɔn wěxo ma jɛ ǎ; nǔɖé ka ɖo wi mɛ bɔ è nǎ gɔn nukúnnú ma mɔ jɛ wú ǎ.

1 Kɔlɛ́ntinu 4:5

Énɛ́ ɔ́ wú ɔ́, mi ma ɖɔ hwɛ dó mɛ ɖěbǔ cóbónú hwenu e Mawu ɖó ɔ́ ná su ó; mi nɔ te nú Aklúnɔ ní wá: é ná ɖe nǔ e ɖo hwlǎhwlá ɖo zǐnflú mɛ ɔ́ nyi wěxo, bɔ linlin e ɖo ayixa mɛ nú gbɛtɔ́, bɔ è ma mɔ nukúnnú jɛ wú ǎ lɛ́ɛ ɔ́, é ná ɖe xlɛ́; énɛ́ ɔ́, Mawu ná kpa mɛ ɖokpó ɖokpó lě e é jɛ xá gbɔn é.

Sɛ́nflínmɛ 32:29

Nǔnywɛ́ kpɛɖé jɛ́n hwedó yě, bɔ yě ná tunwun fí e nǔ e wa wɛ yě ɖe ɔ́ kplá yě xwe é.

Eblée 4:13

Nǔ ɖěbǔ tíin bɔ è sixú sɔ́ hwlá dó Mawu ǎ. Nǔ e Mawu bló lɛ́ɛ ɖěbǔ ɖo hwlǎhwlá n'i ǎ; nǔ lɛ́ɛ bǐ wɛ é nɔ mɔ ɖo mɛ̌, bó nɔ mɔ yě ɖo wěxo; é wɛ mǐ bǐ ɖó ná ɖó gbe ná.