Ozée 7:1 - MAWUXÓWÉMA

¹ Mawu Mavɔmavɔ ɖɔ: “Hwenu e un jló ná gbɔ azɔn nú togun Izlayɛ́li tɔn ɔ́, hwɛ e akɔta Eflayímu tɔn ɔ́ hu lɛ́ɛ kpódó dǎka e Samalíinu lɛ́ɛ xo ɔ́ kpó wɛ un mɔ. Ajotɔ́ lɛ́ɛ byɔ́ xwé lɛ́ɛ gbe, ajotɔ́ axánsúnxó lɛ́ɛ ɖo ajo gbo mɛ wɛ gbɔn alixo alixo.

Ozée 7:1 Iomraidhean Croise

Ezayíi 28:1

Heelú Samalíi! Ahannumúnɔ Eflayímu to ɔ́ tɔn lɛ́ɛ ɖo afɔ tɛ ayǐ wɛ ɖó toxo énɛ́ ɔ́ wú, toxo ɖuɖéjígbákún ɖɔhun ɔ́ wú. É ɖo só e ɖo tɔdo e nɔ hwán jinukún ɔ́ ta nu é jí, bó nyɔ́ kpɔ́n ganjí. Lo ɔ́, toxo ɔ́ ná cí folówa xúxú ɖɔhun ɖo mɛ énɛ́ lɛ́ɛ e vɛ̌ɛn lú bǐ lɛ́ɛ sín ta.

Ezayíi 59:12

Mawu, hwɛ e mǐ hu dó we lɛ́ɛ sukpɔ́; hwɛ e mǐ hu lɛ́ɛ ɖo hwɛ dó mǐ wɛ, mǐ nɔ́ ɖo gǔ e mǐ fɔ́n é flín wɛ hwebǐnu, mǐ tunwun nǔ e mǐ wa nyi do lɛ́ɛ ganjí.

Ezayíi 59:13

Mǐ se tónú nú we ǎ, mǐ nɔ gbejí nú we ǎ, mǐ gbɛ́ ɖɔ mǐ kún ná xwedó hwi Mawu mǐtɔn ɔ́ ó. Lě e mǐ ná wa gbɔn bó táfú mɛ, bó fɔ́n gǔ é kɛ́ɖɛ́ xó wɛ mǐ nɔ́ ɖɔ. Nǔ e ɖo xo mǐtɔn mɛ ɔ́, adingban wɛ. Nǔ e ɖo ayi mǐtɔn mɛ ɔ́, adingban wɛ.

Ezayíi 59:14

Énɛ́ ɔ́ wú ɔ́, nǔjlɔ́jlɔ́wiwa yi gǔdo; nǔ wa ɖó sɛ́nxwi jí sɔ́ ɖe ǎ, mɛɖé sɔ́ nɔ́ ɖɔ xó nǔgbó ɖo tokplétɛn lɛ́ɛ ǎ; ayijlɔ́jlɔ́nɔ ɖě sɔ́ nɔ́ yi fínɛ́ ǎ.

Jelemíi 51:9

Lo ɔ́, mɛ ɖěvo lɛ́ɛ ɖɔ: “Mǐ lébe nú Babilɔ́nu, azɔn tɔn ka gbɔ ǎ. Mi wá mǐ jó e dó bó ná yi to mǐtɔn mǐtɔn mɛ. Đó tó e ná dɔn n'i wɛ Mawu ɖe ɔ́ d'agba, é yi jǐxwé káká bó byɔ́ akpɔ́kpɔ́ lɛ́ɛ mɛ.

Ezekiyɛ́li 16:46

Dadá towe e nɛ́gbé a jɛ ɔ́ wɛ nyí Samalíi kpó vǐ tɔn nyɔ̌nu lɛ́ɛ kpó ɖo totaligbé. Nɔví towe nyɔ̌nu e jɛ nɛ́gbé towe ɔ́ ka nyí Sodɔ́mu kpó vǐ tɔn nyɔ̌nu lɛ́ɛ kpó ɖo tofɔligbé.

Ezekiyɛ́li 23:4

È nɔ ylɔ́ mɛxó ɔ́ ɖɔ Oxóla, bó nɔ́ ylɔ́ bɔd'é wú ɔ́ ɖɔ Oxoliba. Mɛxó ɔ́ wɛ nyí Samalíi, bɔ bɔd'é wú ɔ́ nyí Jeluzalɛ́mu; yě mɛ we lɛ́ɛ bǐ wɛ un da bɔ yě jǐ vǐ súnnu kpó nyɔ̌nu kpó nú mì.

Ezekiyɛ́li 24:13

Jeluzalɛ́mu, nǔ gblégblé e a dǒ sin lɛ́ɛ wɛ hɛn we blí; un jló ná lɛ we bɔ a nǎ mɛ́, a ka lɔn ǎ. Énɛ́ wú ɔ́, a sɔ́ ná mɛ́ gbeɖé káká có nú xomɛsin ce ná jɛ te dó jǐ we ǎ.

Ozée 10:5

Wǔ ná kú Samalíinu lɛ́ɛ ɖó siká nyibúví Bɛti-Awɛni tɔn lɛ́ɛ wú. Togun tɔn ná nɔ aluwɛ mɛ nú vodún ɔ́, bɔ xɛsi ná jɛ vodúnnɔ tɔn lɛ́ɛ jí, ɖó susu tɔn e ná gosín tɛ́ntin yětɔn ɔ́ wú.

Ozée 11:8

“Eflayímu e, nɛ̌ un ná wa nǔ towe gbɔn? Izlayɛ́li e, un ná jó we dó wɛ a? Nǔ e un wa xá Adima toxo ɔ́ wɛ un ná wa xá we a? Lě e un ɖó Sevoyímu toxo ɔ́ nyi ɔ́ wɛ un ná ɖó we nyi a? Ayi ce ɖo hun xo xá mì wɛ. Nǔ towe ɖo wǔ blá nú mì wɛ.

Ozée 12:1

Mawu Mavɔmavɔ ɖɔ: “Togun Eflayímu tɔn nɔ ɖó adingban lɛ́ lɛ̌ dó mì. Akɔta Izlayɛ́li tɔn ɔ́ nɔ́ blɛ́ mɛ lɛ́ lɛ̌ dó mì. Akɔta Judáa tɔn ɔ́ ká kpo ɖo xwixwedó nyɛ Mawu wɛ, bó ɖo gbejí nú nyɛ mɛ e nyí Mǐmɛ́ bǐ ɔ́ é.

Ozée 12:2

Eflayímunu lɛ́ɛ nɔ sa ami nú Ejípunu lɛ́ɛ. Xɔ́ntɔn zun wɛ yě ɖe gbɔn mɔ̌ nɛ́. Xɔ́ntɔn énɛ́ lɛ́ɛ e zun wɛ yě ká ɖe ɔ́, nǔ wa dó jɔhɔn mɛ wɛ yě ɖe. Asilíinu lɛ́ɛ e nu alɛ xá wɛ yě nɔ́ ɖe ɔ́, jɔhɔn e nɔ xú nǔ bǐ ɔ́ wɛ yě nyǐ, bɔ yě ɖo gǔdo yětɔn ayǐhɔ́ngbe ayǐhɔ́ngbe. Yě nɔ́ fɔ́n, bó nɔ ɖo adingban ɖó wɛ, bó nɔ́ ɖo dǎka xo wɛ.”

Ozée 4:17

Eflayímunu lɛ́ɛ ɖó kan dó vodún sinsɛn wú. Mi tin dó yě.

Ozée 4:2

Nu jɛ́n yě nɔ́ dó nɔzo yětɔn, yě nɔ́ ɖó adingban, yě nɔ́ hu mɛ, yě nɔ́ ja ajo, yě nɔ́ lɛ aga. Asú wɛ yě nɔ́ fán mɛ; yě fɔ́n ɔ́, mɛ hu wɛ jɛ́n yě nɔ́ ɖe.

Ozée 5:1

“Vɔ̌sánú-xwlémawutɔ́ lɛ́ɛ mi, mi ɖótó xó élɔ́! Izlayɛ́li sín gǎn lɛ́ɛ mi, mi lɔmɔ̌ ní ɖótó. Mi mɛ e ɖo axɔ́sú ɔ́ sín hɔnmɛ lɛ́ɛ mi, mi lɔmɔ̌ ní ɖótó. Midɛɛ lɛ́ɛ wɛ ɖó ná ɖɔ hwɛ jlɔ́jlɔ́. Lo ɔ́, fɛ́ca wɛ mi nyí nú togun ce ɖo Misipa, bó nyí ɖɔ bɔ è ɖǒ n'i ɖo Tabɔ́ɔ só jí,

Ozée 6:4

Eflayímu e, nɛ̌ un ná wa nǔ towe gbɔn? Judáa e, nɛ̌ un ná wa nǔ towe gbɔn? Sísí e mi ɖó nú mì ɔ́ cí akpɔ́kpɔ́ zǎnzǎn tɔn ɖɔhun. É cí amǔ e sú, bɔ zaanɖé din ɔ́, é ná kɛn ɔ́ ɖɔhun.

Ozée 7:13

Yě ɖo hinhɔn nú mì wɛ, heelú yě! Kún yětɔn ná sú dó ɖó yě fɔ́n gǔ dó jǐ ce. Un ko jló ná hwlɛ́n yě gán, lo ɔ́, adingban wɛ yě nɔ́ ɖó dó nu ce.

Ozée 8:5

Nyɛ Mawu Mavɔmavɔ gbɛ́ nyibúví Samalíinu lɛ́ɛ tɔn. Un sin xomɛ dó yě ɖésú. Ayǐ ɖé ká ná hɔ́n, bɔ yě ná gɔn hwɛ hu cé?

Ozée 8:9

Đó yě yi Asilíi, tócí gbě tɔn e má nɔ́ nɔ mɛɖé mɛ ǎ é ɖɔhun. Eflayímunu lɛ́ɛ nɔ́ ná nǔ mɛ dó zun xɔ́ntɔn.

Amɔ́si 3:10

Mawu Mavɔmavɔ ɖɔ: “Samalíinu lɛ́ɛ tunwun nǔ e nyí nǔjlɔ́jlɔ́wiwa ɔ́ ɖě ǎ. Nǔ e yě fán asú mɛ bó yí lɛ́ɛ kpó nǔ e yě fin lɛ́ɛ kpó wɛ yě bɛ́ kplé ɖó hɔn yětɔn lɛ́ɛ mɛ.”

Amɔ́si 3:9

Mi zé gbe yi jǐ bó ɖɔ ɖo Acidɔ́di kpó Ejípu kpó sín hɔn lɛ́ɛ mɛ ɖɔ: “Mi sɛ miɖée kplé ɖo Samalíi sín só ɔ́ ta, bó ná kpɔ́n nǔ hannyahannya wiwa e ɖo fínɛ́ lɛ́ɛ kpó dǎnúwiwa e ɖo fínɛ́ lɛ́ɛ kpó.”

Amɔ́si 8:14

Yě nɔ́ xwlé vodún Samalíinu lɛ́ɛ tɔn lɛ́ɛ; yě nɔ́ xwlé nǔ bó nɔ́ ɖɔ: ‘Susu nú vodún towe Dan’, abǐ ‘Susu nú vodúnnú e è nɔ wa ɖo Bɛ̌-Ceva é.’ Yě mɛ énɛ́ lɛ́ɛ ná jɛ ayǐ, bó sɔ́ ná fɔ́n gbeɖé ǎ.”

Micée 6:16

Jujɔ nyanya e axɔ́sú Ɔmúli zán bɔ vǐ tɔn Akábu kpó hɛ̌nnu tɔn kpó zán ɔ́ xwedó wɛ a ɖe. A nɔ se gbe nú yě. Énɛ́ ɔ́ wú wɛ un ná ɖɔ bɔ è nǎ gba to towe, un ná ɖɔ bɔ gbɛtɔ́ lɛ́ɛ ná nɔ ko mi mɛ e ɖ'é mɛ lɛ́ɛ. Mi na ɖu winnyá e togun ce ɖó ná ɖu é.

Matíe 23:37

“Jeluzalɛ́munu e mi, Jeluzalɛ́munu e mi, mi mɛ e nɔ hu gbeyíɖɔ Mawu tɔn lɛ́ɛ, bo nɔ nyi awǐnnyaglo dó hu mɛ e Mawu nɔ sɛ́ dó mi lɛ́ɛ é! Azɔn mɔ̌kpán wɛ un ko jló ná kplé mi dó awa ce lɛ́ɛ glɔ́, lě e kokló nɔ kplé vǐ tɔn lɛ́ɛ dó awa tɔn lɛ́ɛ glɔ́ ɔ́ ɖɔhun. Lo ɔ́, mi jló ǎ.

Luki 13:34

“Jeluzalɛ́munu e mi, Jeluzalɛ́munu e mi, mi mɛ e nɔ hu gbeyíɖɔ Mawu tɔn lɛ́ɛ, bó nɔ́ nyi awǐnnyaglo dó hu mɛ e Mawu nɔ́ sɛ́ dó mi lɛ́ɛ é! Azɔn mɔ̌kpán wɛ un ko jló ná kplé mi dó awa ce lɛ́ɛ glɔ́, lě e kokló nɔ́ kplé vǐ tɔn lɛ́ɛ dó awa tɔn lɛ́ɛ glɔ́ gbɔn é, lo ɔ́, mi jló ǎ.

Luki 19:42

bó ɖɔ: “Ké, Jeluzalɛ́munu lɛ́ɛ mi! Égbé din ɔ́, ényí ɖɔ nǔ e ná hɛn fífá wá nú mi ɔ́ wú wɛ mi ko mɔ nukúnnú jɛ vɔ́vɔ́ ɔ́, nyɔ̌ wɛ é lo ko nyɔ́. Lo ɔ́, éɖíe é búdo dó mi e.